سەرىك يمانقان ۇلى حابارلايدى. شار تاراپتى كوكتەمنىڭ جانعا جايلى شۋاعى بولەپ، وي مەن قىردا تىرشىلىك تىنسى باستالعان ساتتە، بۋرىلتوعاي اۋدانىنىڭ ورىنباسار شۋجيى، اۋدان اكىمى سەرىك قابىكەن ۇلى، اۋداندىق پارتكومىنىڭ تۇراقتى جوراسى، ۇگىت ءبولىمىنىڭ باستىعى باقىتگۇل ۋاحاپ قىزى قاتارلى اۋدان باسشىلارى اۋدانىمىزدىڭ الس وتارىنداعى مالشىلارعا امانداسا بارىپ، قىزمەتتى كوزدەن كەشىردى.
سەرىك قابىكەن ۇلى قاتارلىلار ەڭ اۋدەلى جەتارال قالاشىعىنىڭ ساۋىر وتارىن، شىعانجيدە اۋىلى، قاراماعاي قالاشعىنىڭ الىس وتارلارىنا ىركەس - تىركەس ات باسىن بۇرىپ، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ورىستەتىلۋ احۋالى جانە پارتيا 19 - قۇرىلتايى، ەكى ءماجىلس رۋحىن ۇيرەنۋ جاعدايى سونداي - اق مالشىلاردىڭ ءوندىرىس تىرشىلىگى، ءتولدىڭ قاتارعا قوسىلۋى، ىندەتتىڭ الدىن الۋ جۇمسى، كوشى - قون، جايىلىم سياقتى ءبىرقىدىرۋ شارۋالارعا كوڭىل ءبولىپ نازار سالدى.
سەرىك اكىم ءار وتباسىنا بارعاندا مالشىلارمەن ەمەن - جارقىن اڭگىمە تيەگىن اعىتىپ، وي مەن قىرداعى تىڭ تىرلىكتەرىنىڭ جاعدايىن سۇرادى. «ۇلتتار ىنتىماعىنىڭ بەرەكەلى شاڭىراعى» بويىنشا ءجۇرىلىپ جاتقان جۇمىستاردىڭ ناتيجەسىن، پارتيا 19 - قۇرىلتايىنىڭ رۋحى مەن كەزەكتەگى ەكى ءماجىلىستىڭ ۇيرەنۋ، تياناقتانۋ بارىستارىن قاداعالاپ سۇراپ ۇعىستى، سونىمەن بىرگە وتارداعى مالشىلارعا ءوندىرىس حاۋىپسىزدىگىنە ءمان بەرىپ، كومىر گازىنەن ۋلانۋدان قالۋدان، مال شارۋاشىلىق ءوندىرىسى بارىسىنداعى كەزدەيسوق حاۋىپ - قاتەرلەردەن ساقتانىپ، مال مەن جاننىڭ حاۋىپسىزدىگىنە كەپىلدىك ەتۋدى ەرەكشە ەسكەرتتى. « ‹ۇلتتار ىنتىماعىنىڭ بەرەكەلى شاڭىراعى› قيمىلى بۇقارالىق قىزمەتتى ويداعىداي ىستەۋدىڭ العى شارتى جانە قوعام ورنىقتىلعى مەن باياندى تىنىشتىقتى ساقتاۋدىڭ ءونىمدى ءادىسى، ءبىز ءسوز جوق تانىمدى جوعارىلاتىپ، بىردە ءبىر وتباسىن، ادام سانىن قالتىرماي، پارتيانىڭ شاپاعات ءۇنىن ەڭ سوڭعى ءبىر شاقىرىمعا، ەڭ الىس وتباسىنا دەيىن جەتكىزۋىمىز كەرەك»،- دەپ ايتا كەلىپ مىنانى اتاپ كورسەتتى : پارتيا 19- قۇرىلتايى، ەكى ءماجىلس رۋحىن ۇيرەنۋ، دايەكتىلەندىرۋدىڭ ماڭىزى زور، ءماجىلىس مازمۇنىندا كوپتەگەن حالىق تۇرمىسىنا قاتىستى يگى جۇمىستار بار، «ءبىز ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ بارىسىندا ءسوزجوق پارتيا 19- قۇرىلتايى مەن ەكى ءماجىلىس رۋحىن ۇگىتتەۋ تەبىنىن كۇشەيتىپ، بارلىق ەگىنشى - مالشىلارعا قۇرىلتاي رۋحىن جان - جاقتىلى جەتكىزىپ ءتۇسىندىرۋىمىز كەرەك، مۇنان تىس ءارقايسى اۋىل - قالاشىق مال - شارۋاشىلىق قىزمەتىنە باسا نازار اۋدارىپ، مالشىلاردىڭ مۇڭ - مۇقتاجىن ەسكەرىپ، اۋا رايى وزگەرىسىنە كوڭىل ءبولىپ، كوشى - قون قىزمەتىن جاقسى ىستەۋىمىز كەرەك.
ءتىلشىنىڭ قىزمەت ورنى : بۋرىلتوعاي اۋداندىق ورگان ىستەرىن باسقارۋ مەكەمەسى
