ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ءبىرىنشى شۋجيدىڭ ەسەپ داپتەرى

ءتىلشىمىز جىن شىشين

  كەدەي وتباسى مۋسا ۇشىردىڭ كىرىسى: ءبيدايعا بەرىلگەن قوسىمشا قاراجات 500 يۋان؛ جاڭعاقتان كىرگەن كىرىس 4000 يۋان؛ ەڭبەك ىستەپ تاپقان اقشا 3000 يۋان؛ 4 جاننىڭ جان باسىندىق كىرىسى 1875 يۋان.

  ءپاتيما امەر اۋداندىق توقىما فابريكاسىندا جۇمىس ىستەيدى، ايلىعى 2500 يۋان، جىلدىق كىرىسى 30 مىڭ يۋان؛ 5 جاننىڭ جان باسىندىق ارتقان كىرىسى 6000 يۋان بولىپ، كەدەيلىكتەن قۇتىلدى.

  3 - ايدىڭ 24 - كۇنى ءتىلشى شينجياڭ ىلە وزەنى اڭعارىن اشۋ، قۇرۋدى باسقارۋ مەكەمەسىنىڭ ياركەن اۋدانى كاچۇن اۋىلى تاقتاكوپىر قىستاعىنا تۇسكەن كادرى، قىستاقتىڭ ءبىرىنشى شۋجيى جاڭ جيڭنىڭ ەسەپ داپتەرىنەن جوعارىداعى ساندى مالىمەتتەردى كوردى.

  بيىل 2 - ايدان باستاپ قىستاقتا تۇرعان جاڭ جيڭنىڭ قولىنان وسى داپتەر تۇسكەن ەمەس. قىستاق تۇرعىندارىنىڭ ۇيىنە بارسا دا، اتىزدا جۇرسە دە قىستاق تۇرعىندارىنا ەسەپ جاساپ بەرەتىن. ۋاقىت ۇزارا كەلە داپتەردىڭ ءىشى ساندى مالىمەتتەرگە تولدى.

  تاقتاكوپىر قىستاعى تاۋلى وڭىرگە ورنالاسقاندىقتان، جان باسىندىق ەگىستىك جەر 0.6 مۋ قانا بولاتىن. جاڭعاق، ءبيداي ەگۋدى نەگىز ەتكەندىكتەن، كىرىس قاينارى ءبىرشاما تاپشى. بۇكىل قىستاقتاعى 511 وتباسىنىڭ 230ى كەدەي وتباسى بولاتىن. كادرلار جيىن اشقان كەزدە، كەدەيلىكتەن قۇتىلدىرۋدىڭ ەڭ ءونىمدى شاراسى سىرتقا شىعىپ جۇمىس ىستەۋ دەيتىن. الايدا جاڭ جيڭ قىستاقتاعى 337 ارتىق ەڭبەككۇشتىڭ سىرتقا شىعىپ جۇمىس ىستەيتىنى شامالى ەكەنىن بايقايدى.

  جاڭ جيڭ وتباسىلارىن ارالاپ قىزمەت ىستەيدى، قىستاق تۇرعىنى ءپاتيما اۋداندىق توقىما فابريكاسىندا جۇمىس ىستەپ مول اقشا تاپقانىن ەستىگەن سوڭ، جۇمىس ىستەۋگە تىزىمدەلگەندەردىڭ سانى كۇن سايىن مولايىپ، 3 - ايدىڭ سوڭىنا دەيىن 34 ادام جاقىن ماڭداعى زاۆودتا جۇمىس ىستەدى.

  وتباسىلارىن ارالاپ جاعداي ۇعىسقان كەزدە، جاڭ جيڭ قىستاق تۇرعىندارىنىڭ ەسەپ جاسامايتىن ادەتىن بايقايدى. اپتا سايىن نان مەن كوكونىس الۋعا 40دا 50 يۋان جۇمسايدى ەكەن، ەگەر وزدەرى نان جاۋىپ، كوكونىس ەكسە جىلىنا 2500 يۋان ۇنەمدەۋگە بولاتىنىن اڭعارادى دا قىستاق تۇرعىندارىنا اۋلا ەكونوميكاسىن دامىتۋدىڭ پايداسىن ايتىپ، ەسەبىن شىعارىپ بەرەدى.

  وسى ەسەپكە جۇيرىكتىگىنىڭ ارقاسىندا، جاڭ جيڭ قىستاق تۇرعىندارىمەن ەتەنە ارالاسىپ كەتەدى. جاڭا كەلگەندە ول قىستاق تۇرعىندارىن ىزدەپ ءجۇرىپ ەسەپ جاساپ بەرەتىن، ال قازىر ونى قىستاق تۇرعىندارى وزدىكتەرىنەن ىزدەيتىن بولدى.

  «بيىل 3 مۋ جەردەگى جاڭعاق اعاشىنىڭ اراسىنا قاربىز ەكتىم. جاڭ شۋجيگە ەسەپتەتىپ كورىپ ەدىم، ءبيداي ەكسەم مۋ باسىنان كوپ بولعاندا 400 يۋان كىرىس كىرەدى ەكەن، ال قاربىزدان 1000 يۋاننان كىرەدى ەكەن»، - دەدى كەدەي شارۋا ءداۋىت ايسا.

    قىستاقتىڭ ءبىرىنشى شۋجيلىك مىندەتىن ارقالاعان 2 ايدان بەرى، جاڭ جيڭ 4 داپتەردى ەسەپكە تولتىرىپ بولىپتى، ول داپتەرلەرىن پاراقتاي وتىرىپ: وتباسىلارىنا بارىپ جاعداي ۇعىسقاندارعا ەگجەي - تەگجەيلى ەسەپ جاساپ بەردىم. مەن ەسەپ جاساۋ ارقىلى ولاردىڭ كەدەيلەسۋ سەبەبىن وزدەرىنە ءتۇسىندىرىپ، كەدەيلىكتەن قۇتىلۋعا جىگەرلەندىرەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اپات مەيىرىمسىز بولسا دا ادام مەيىرىمدى
  • جارالى تاۋ ەشكىنىڭ لاعى حاۋىپسىز ورىنعا جوتكەلدى
  • كادر ساقشىلار كورىكتى جاڭاشا اۋىل - قىستاق قۇرۋ سەنىمدەرىن ايگىلەي ءتۇستى
  • جالپىلىق مەملەكەت حاۋىپسىزدىگى كۇنىن اتاپ ءوتتى
  • مال ىندەتىنىڭ الدىن الۋ قىزمەتىن مۇقيات ورىستەتتى
بىزبەن بايلانىس جارناما قىزمەتى لەبىز قالدىرۋ ءبىز تۋرالى