ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىزمەت اترەتى قىستاق تۇرعىندارىنىڭ كىرىستەرىن ارتتىرۋ جولىن قاراستىردى

  دۇڭ يەبو حابارلايدى. 3 - ايدىڭ 31 - كۇنى بۇراتالا قالاسى ۇتىبۇلاق قالاشىعى كوكعوتعور قىستاعى تۇرعىندار كوميتەتى اۋلاسى ادامدارعا لىق تولدى، بۇراتالا قالالىق پارتكوم ۇيىمداستىرۋ ءبولىمىنىڭ «ۇعىسۋ، تيىمدىلىك جاساۋ، توعىستىرۋ» بويىنشا ۇتىبۇلاق قالاشىعى كوكعوتعور قىستاعىندا تۇرعان قىزمەت اترەتىنىڭ مۇشەلەرى قىستاق تۇرعىندارىنا الما اعاشى قالامشاسىن تاراتۋمەن ابىگەر، اۋلا ەرەكشە دۋمانعا بولەندى.

  كوكعوتعور قىستاعىنىڭ تۇرعىنى ياسىنجان مامەتالي بىلاي دەدى: «بيىل قىزمەت اترەتى اۋلامىزدى جوندەپ بەرۋمەن بىرگە، بىزگە كومەكتەسىپ اۋدارعان جەرىمىزگە الما اعاشى قالامشاسىن وتىرعىزىپ، كوكونىس مايساسىن ەگىپ بەردى، ونىڭ ۇستىنە جەمىس اعاشى قالامشاسىن، كوكونىس مايساسىن تەگىن الىپ بەردى. بۇدان بىلاي ءبىز سىرتتان كوكونىس ساتىپ اكەلمەيمىز، وعان جۇمسايتىن اقشامىز قالتامىزدا قالاتىن بولدى، مەن وتباسىمنىڭ شاعىن اۋلاسىن جاقسىلاپ رەتتەپ قويماقشىمىن».

  ياسىنجانمەن بىرگە 20 ءتۇپ الما اعاشى قالامشاسىن وتىرعىزعان تاعى 30 تۇرعىن بار، وسىدان بۇرىن 30 تۇرعىن قىزمەت اترەتىنىڭ اكەلگەن كوكونىس مايساسىن، شوجەلەرىن تاپسىرىپ العان بولاتىن، قىزمەت اترەتى ولاردىڭ جەمىس اعاشىن ەگۋ، كوكونىس سالۋ، ءۇي جانۋارلارىن باعۋ سياقتى اۋلا شارۋاشىلىعىمەن شۇعىلدانىپ، كىرىستەرىن ارتتىرۋ جولىن قاراستىرۋىنا كومەكتەستى.

  كوكعوتعور قىستاعىندا 227 وتباسى، 840 جان سانى بار، 48 وتباسى ارحيۆ تۇرعىزىلىپ كارتچكا تاراتىلعان كەدەي وتباسى. بىلتىر قىستاقتا تۇرعان قىزمەت اترەتى وتباسىلاردى ارالاۋ بارىسىندا كوپتەگەن قىستاق تۇرعىندارىنىڭ، اسىرەسە، كەدەي وتباسىلاردىڭ ۇيلەرىنىڭ الدى - ارتىنداعى جەردىڭ بوس قالعانىن، اۋلالارىن پايدالانۋ تانىمدارىنىڭ كەمشىل ەكەنىن، اۋلا شارۋاشىلىعىن دامىتۋدى ويلاستىرماعانىن بايقايدى. شاعىن اۋلاداعى بوس جەرلەردەن پايدالانىپ، قايتكەندە كىرىستەرىن ارتتىرۋعا بولادى؟

  قىزمەت اترەتى قىستاق «ەكى كوميتەتىمەن» اقىلداسىپ، جەر يەلەمەيتىن، جۇمسالىم از كەتەتىن، ءونىمى تەز باعىمشىلىق، ەگىمشىلىك ارقىلى ولاردىڭ كىرىستەرىن ارتتىرىپ، كەدەيلىكتەن قۇتىلدىرۋدىڭ جاقسى ءادىسىن تاۋىپ شىقتى.

  بۇل قىزمەتكە بەلسەنە كىرىسۋ ءۇشىن، قىزمەت اترەتى تۇرعىنداردىڭ اۋلالارىن رەتتەۋدى وراي ەتىپ، اۋلا شارۋاشىلىعىن دامىتۋ ارقىلى تۇرعىنداردىڭ كىرىسىن ارتتىرۋ جونىندەگى قىزمەت وي جەلىسىن بەلگىلەدى.

  قىزمەت اترەتى 30 قىستاق تۇرعىنىن بۇراتالا قالاسى بىلىنحارمودون اۋىلى جوكىن قىستاعىنا بارىپ، كوكونىس ەگىمشىلىك تەحنيكاسىن ۇيرەنۋگە ۇيىمداستىردى، جوكىن قىستاعىنداعى ەگىمشىلىك ءىرى وتباسىلارى توپىراقتى قۇنارلاندىرۋ، كوكونىس مايساسىن تاڭداۋ، دەرت - دەربەزدەن ارىلتۋ سياقتى جاقتاردا ولارعا ارناۋلى تەحنيكا ۇيرەتتى. قىستاق تۇرعىندارى اۋلا شارۋاشىلىعىن دامىتىپ، كىرىستەرىن ارتتىرۋ تاجىريبەلەرىن ۇيرەنگەندىكتەن، اۋقاتتانۋعا بەلدەرىن بەكەم بايلادى.

  قىستاق تۇرعىنى اكبار تەبىرەنە بىلاي دەدى: «جىلىجايداعى كوكونىستەردى كورىپ، ءبىرتالاي تاجىريبەلەرگە يە بولدىق، ءبىزدىڭ قازىرگى ءوندىرىس ءتاسىلىمىز ءبىرشاما جالاڭ ەكەن، جۇگەرى سياقتى داقىلداردى ەگۋدەن سىرت، اۋلا شارۋاشىلىعىن دامىتا الماپپىز، الداعى جەردە سىرتقا كوبىرەك شىعىپ، كوبىرەك نارسە ۇيرەنگەنىمىز ءجون سياقتى».

  بۇراتالا قالالىق پارتكوم ۇيىمداستىرۋ ءبولىمىنىڭ «ۇعىسۋ، تيىمدىلىك جاساۋ، توعىستىرۋ» بويىنشا ۇتىبۇلاق قالاشىعى كوكعوتعور قىستاعىندا تۇرعان قىزمەت اترەتىنىڭ باستىعى، قىستاقتىڭ ءبىرىنشى شۋجيى شيۇڭ گوفىڭ: اۋلا شارۋاشىلىعىن جالپىلاستىرۋ قىزمەتى بارىسىندا قىستاقتا تۇرعان كادرلار ەگىنشى وتباسىلارىن ۇنەمى ارالاپ، ولارمەن پىكىر اۋىستىرىپ، جاعدايلارىن يەلەپ، پارتيانىڭ ەگىن شارۋاشىلىعىنا ءتيىمدى ساياساتتارىن بەلسەنە ۇگىتتەدى، ەڭ الدىمەن پارتيا مۇشەلەرىن، باعىمشىلىق وتباسىلارىن يكەمدى تاسىلدەر ارقىلى اۋلا شارۋاشىلىعىن بەلسەنە دامىتىپ، ۇلگى كورسەتىپ، تۇتاس قىستاقتاعى تۇرعىنداردىڭ كىرىسىن ارتتىرىپ، اۋقاتتانۋعا باستاۋعا شابىتتاندىردى، - دەدى.

  قىزمەت اترەتى مۇقيات تەكسەرىپ - زەرتتەۋ جۇرگىزۋ نەگىزىندە، شارۋالاردىڭ ءوز تىلەگى بويىنشا اۋلالارىن جاقسى جوبالاپ، «ءبىر وتباسىن بىردەن سۇيەمەلدەۋ» جوباسىن بەلگىلەپ، ءۇي جانۋارلارىن باعۋ، كوكونىس سالۋ، اعاش ەگۋ ويىنىڭ بار - جوقتىعى جونىندەگى 10 مازمۇندى قامتىعان جوبا جاسادى. قىزمەت اترەتىنىڭ مۇشەلەرى وسى جوباعا نەگىزدەلىپ، وتباسىلاردى ارالاپ جاعداي يەلەپ، قىستاق تۇرعىندارىنىڭ شوجە باعۋ، جەمىس اعاشى قالامشاسىن وتىرعىزۋ، كوكونىس مايساسىن ەگۋ تالابىنىڭ بار - جوقتىعىن انىقتادى. بۇراتالا موڭعۇل اۆتونوميالى وبلىسىنىڭ جانە بۇراتالا قالاسى ەگىن شارۋاشىلىعى تاراۋلارىنىڭ قاتىستى تەحنيكتەرىنىڭ قىستاققا كەلىپ باعىمشىلىق، ەگىمشىلىك تەحنيكاسى جونىندە لەكسيا سويلەپ، ەگىنشى وتباسىلارىنا بارىپ تەحنيكاعا جەتەكشىلىك ەتۋىنە، قىستاق تۇرعىندارىن اۋلا شارۋاشىلىعى جاقسى دامىعان ەگىنشى وتباسىلارىنا بارىپ ەكسكۋرسيالاۋعا ۇيىمداستىرۋىنا، ەگىمشىلىكتىڭ ماڭىزدى تۇيىندەرى مەن اۋلا شارۋاشىلىعىن دامىتۋدىڭ ارتىقشىلىقتارىن ۇگىتتەۋىنە، قىستاق تۇرعىندارىن ۇيلەرىنىڭ الدى - ارتىنداعى بوس جەردەن تولىق پايدالانىپ، كوكونىس ەگىپ، ءۇي جانۋارلارىن باعۋىنا شابىت بەرۋىنە سايكەستى.

  كەدەي وتباسى ابدۇكەرىم مامەت اۋلاسىنا قىزمەت اترەتى تاراتقان الما اعاشى قالامشاسىن ەكتى، شاعىن جىلىجاي سالىپ، وعان قىزىل بۇرىش، پاميدور سياقتى كوكونىستەردى ەكتى، ارتقى اۋلاسىنا تاۋىق قورا سالدى. شيۇڭ گوفىڭ ونى شابىتتاندىرىپ: سەن قازىرگى بايلىق قاينارىنان تولىق پايدالانۋىڭ كەرەك، قىزمەت اترەتى مەن قىستاق تۇرعىندار كوميتەتى دە اۋلا شارۋاشىلىعىن دامىتۋىڭا كومەكتەسەدى جانە ونى قولدايدى، سەن باستاماشىلدىق رولىڭدى جاقسى ساۋلەلەندىرىپ، ماڭايىڭداعى كەدەي وتباسىلارىن بىرگە اۋقاتتانۋعا باستاۋىڭدى ءۇمىت ەتەمىن، - دەدى.

    قازىرگە دەيىن قىزمەت اترەتى قىستاق تۇرعىندارىنا 3000 ءتۇپ كوكونىس مايساسىن، 1000 شوجە، 1000 ءتۇپ جەمىس اعاشى قالامشاسىن تاراتىپ بەردى، تۇتاس قىستاقتاعى تۇرعىنداردىڭ بيىلعى جان باسىندىق ورتاشا كىرىسىن 1000 يۋاننان اسىرۋعا قۇلشىنىپ، كەدەي وتباسىلارىن كەدەيلىكتەن بۇكىلدەي قۇتىلدىرۋعا كەپىلدىك ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اپات مەيىرىمسىز بولسا دا ادام مەيىرىمدى
  • جارالى تاۋ ەشكىنىڭ لاعى حاۋىپسىز ورىنعا جوتكەلدى
  • كادر ساقشىلار كورىكتى جاڭاشا اۋىل - قىستاق قۇرۋ سەنىمدەرىن ايگىلەي ءتۇستى
  • جالپىلىق مەملەكەت حاۋىپسىزدىگى كۇنىن اتاپ ءوتتى
  • مال ىندەتىنىڭ الدىن الۋ قىزمەتىن مۇقيات ورىستەتتى
بىزبەن بايلانىس جارناما قىزمەتى لەبىز قالدىرۋ ءبىز تۋرالى