تيانشان تورابى   ›   جاڭالىقتار   ›   شينجياڭ حابارلارى

باقىتقا كۇرەسپەن عانا قول جەتەدى

   ءتىلشىمىز مايگۇل ايتقازى قىزى

  مەملەكەتتىك 13 - كەزەكتى قىسقى وليمپياداسىنىڭ جارىس بەلگىسى، شينجياڭ تەاترحاناسىنىڭ بەلگى ورنەگى سياقتىلار جۇرتقا ابدەن تانىس. بۇلاردىڭ بارلىعى لينسىن ماركا جوبالاۋ ۇجىمىنىڭ تۋىندىلارى.

  3 - ايدىڭ 12 - كۇنى لينسىن ماركا جوبالاۋ ۇجىمىنىڭ جاسامپازدىق باس باقىلاۋشىسى، ماركا اقىلشىسى ياڭ لينسىنگە تىلشىلىك ىستەدىم.

  «لينسىن جوبالارى شينجياڭدا» دەگەن ۇراندى، نىسانانى ياڭ لينسىن ورتاعا قويعان.

  ياڭ لينسىن بىلاي دەدى: وسىنداي ءۇن ارقىلى شينجياڭدىقتاردىڭ مادەنيەت سەنىمىن بەكەمدەگىمىز كەلەدى. بۇرىن ىشكەرىدەگى جەرلەرگە بارىپ اۋىس - كۇيىس جاساعاندا كوپتەگەن ادامدار مەنى شينجياڭدىق دەپ ەسەپتەمەيتىن، ويتكەنى ول اراداعى ادامداردىڭ كوبى شينجياڭدا مادەنيەتتەگى جاسامپازدىق كەمشىل، ماركا جوبالاۋ كەنجە دەپ ويلايدى. ءىس جۇزىندە، مەنىڭشە شينجياڭ سىندى شۇرايلى وڭىردە ءتىپتى دە كوپ تاماشا تۋىندىلار جاساۋعا بولادى، ويتكەنى مۇندا باي مادەنيەت مايەگى بار.

  وسى بىرنەشە جىلدا شينجياڭ ەكونوميكاسىنىڭ تەز دامۋى وسى ماركا جوبالاۋ سەرىكتەستىگىنە زور دامۋ ورايىن الا كەلىپ، سەرىكتەستىكتىڭ جۇمىسى كۇن سايىن جانداندى. ياڭ لينسىن ماقتانىشپەن: قازىر شينجياڭداعى ماركا جوبالاۋعا دەگەن سۇرانىس ەرەكشە جوعارى. اسىرەسە، شينجياڭداعى اۋىل شارۋاشىلىق ونىمدەرى كاسىپورىندارىنىڭ ماركا جوبالاۋ جاعىنداعى سۇرانىسى تەز ارتتى. بۇرىن اۋىل شارۋاشىلىق ونىمدەرىمەن اينالىسقاندا ەلدەر ماركالىق قوراپتاۋدىڭ قاجەتى جوق دەپ ويلايتىن، ال قازىر كاسىپورىنداردىڭ وسى زامانعى كاسىپورىن ۇلگىسىندە دامۋىمەن قوسا بۇل جاعىنداعى سۇرانىس كۇشەيىپ، ءبىزدىڭ جوبامىز ارقىلى ءوزىنىڭ ماركالىق قۋاتىن جوعارىلاتۋدى كوكسەيتىن بولدى، - دەدى.

  وسى بىرنەشە جىلدا، لينسىن ماركا جوبالاۋ ورگانى دا تۇتاس كاسىپتىڭ قوعامداعى ىقپالىن جوعارىلاتۋ جاعىندا كوپ جۇمىستار ىستەدى. 2016 - جىلى 8 - ايدا «جىبەك جولى وسى زامانعى جوبا كورمەسىنىڭ» 4 - كەزەكتى جىبەك جولى شينجياڭ مادەنيەت جاسامپازدىق كاسىبى كورگىزبەسىنىڭ مادەنيەت جاسامپازدىعىن توعىستىرۋ سارايى اشىلىپ، 3 كورمە بولەگىنە ءبولىندى، ولار جەكە - جەكە لينسىن جوباسى شينجياڭنىڭ جوبا جەتىستىكتەرى كورمەسى، چييۇن جۇڭگو − 2016 جارناما جوبالاۋ ۇسىنىستىق كورمەسى جانە فاڭجىڭ سيلىعى بويىنشا ءارىپ ۇلگىسىن جوبالاۋدان سيلىققا يە بولعان تۋىندىلار كورمەسى بولىپ اشىلىپ، كوپتەگەن تاماشالاۋشىلاردى وزىنە باۋرادى.

  «ءبىزدىڭ جوبالاۋشىعا قوياتىن تالابىمىز وتە جوعارى. سەرىكتەستىگىمىزدىڭ جوبالاۋشىلار قوسىنى 2 توپتان قۇرالادى، ءبىرىنشىسى ەرتەرەكتە شينجياڭنان بەيجيڭ، شاڭحاي، گۋاڭجوۋلارعا بارعان جوبالاۋشىلار. ولار بۇل قالالاردا كوپ جىلدىق ۇيرەنۋدەن كەيىن شينجياڭعا قايتىپ كەلگەن، ويتكەنى ولار شينجياڭنىڭ تەز قارقىندى دامۋىن كورىپ، مۇنداعى بازاردىڭ كومەسكى كۇشىن بايقاي ءبىلدى؛ ەكىنشى توپتاعى جوبالاۋشى كۇشتەردىڭ باسىم ساندىسى شينجياڭداعى ءارقايسى مەكتەپتەردەن كەلگەن، مەنىڭ ءوزىم دە شينجياڭ شىحىزى ۋنيۆەرسيتەتىنىڭ ۇسىنىس ەتكەن پروفەسسورىمىن، مەن ساباق ءوتۋ مىندەتىن ارقالاۋمەن بىرگە ۋنيۆەرسيتەتتەن دارىندىلاردى قاراستىرامىن. سەرىكتەستىگىمىز شينجياڭداعى ۋنيۆەرسيتەتتەردىڭ وقۋشىلارىنا ارناپ بەلگىلى مولشەردە ورىن اشىپ، ولاردىڭ مەكتەپتەردەن كاسىپتىك جوبالاۋ جۇمىسىنا قاتىناسۋىنا مۇمكىندىك تۋدىرىپ وتىر»، - دەدى ياڭ لينسىن.

     ول ءسوزىن ساباقتاپ بىلاي دەدى: بارلىق تابىس ساتسىزدىككە ۇشىراۋدان كەيىن تۋىندايدى، تەك قاجىماي جالعاستىرعاندا عانا ناتيجەگە قول جەتكىزۋگە بولادى، تىنباي كۇرەسكەن ادام عانا باقىتتى ادام ەسەپتەلەدى!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى