اۋا الماستىرىپ، جەل قاقتىرۋ جىلىجايداعى كوكونىستىڭ وسۋىنە پايدالى. بۇل جىلىجاي تەمپەراتۋراسىن، دىمقىلدىعىن، كومىرتەگى قوس توتىعى قويۋلىعىن جانە زياندى گازدى شىعارۋىن رەتتەيدى. اۋا الماستىرعاندا، كوكونىس جەتىلدىرۋىنە جاسايتىن ىقپالىن ازايتۋ ءتيىس.
1. تەمپەراتۋرا تالابى. جىلىجايدا ەگىلگەن كوكونىستىڭ ءوسىپ-جەتىلۋدەگى ءارقايسى كەزەڭىنىڭ تەمپەراتۋراعا بولعان تالابىنا نەگىزدەلىپ، جىلىجاي تەمپەراتۋراسى ۇيلەسىمدى تەمپەراتۋرادان جوعارى بولعاندا اۋا الماستىرىپ، ۇسىككە شالدىعۋدان ساقتانۋ قاجەت.
2. اۋا الماستىرۋ تالابى. مۇندا جەلدىڭ ىعىنا قاراي جىلىجاي اۋاسىن الماستىرۋ، جىلجايدىڭ تەمپەراتۋرا پارقىن رەتتەگەندە، جوعارى تەمپەراتۋرادا اۋانى ەرتە الماستىرىپ، جەل اعىسىن كۇشەيتۋ؛ تومەن تەمپەراتۋرادا اۋانى كەش الماستىرىپ، جەل اعىسىن باياۋلاتۋ قاجەت. سونىمەن ءبىر ۋاقىتتا، سۋىق جەلدىڭ كوكونىس تامىرىن تىكە سوعىپ، كوكونىس جاپىراعى مەن بالاۋسا جەمىستىڭ ۇسىك اپاتىنا ۇشىراۋىنان ساقتانۋ. جەل ءوتىن بەكىتكەندە ۇلكەننەن كىشىگە، كوپتەن ازعا قاراي بىرتىندەپ جۇرگىزۋ ءتيىس.
3. ۋاقىت تالابى. جەل قاقتىرىپ، اۋا الماستىرۋداعى ماقسات: تەمپەراتۋرانى تومەندەتىپ، ىلعالدىقتى ىعىستىرۋ جانە كومىرتەگى قوس توتىعىن تولىقتاۋ. مۇندا جىلىجاي تەمپەراتۋراسى جوعارى، ىلعالدىق دارەجەسى ۇلكەن، كوكونىستىڭ فوتوسينتەزدىك رولى تەزدەگەندە ۋاقىتتى مىقتى يگەرۋ ءتيىس. ادەتتە اۋا اشىق كۇنى تۇستەن بۇرىن سۋلياۋ جارعاقتى الىپ تاستاعاننان كەيىن، 1~2 ساعات جەل قاقتىرۋ قاجەت. مۇنان تىس، سۋارۋ تىڭايتقىشىن نەمەسە بۇركپەلى ەگىستىك ءدارىسىن قولدانعاندا، قىسقا ۋاقىت جەل قاقتىرۋ؛ بۇلتتى، جاڭبىرلى كۇنى، جىلىجاي ىلعالدىعى ارتۋ، كومىرتەگى قوس توتىعى جەتىسپەۋ جانە زالالدى گاز جيىلۋ جاعدايلارى تۋىلادى، وسىنداي كەزدە قىسقا ۋاقىت جەل قاقتىرۋ؛ ۇزاق ۋاقىت كۇن بۇلتتى بولىپ قايتا اشىلعاندا، جىلىجاي سىرتىنا «كۇننەن قورعانۋ» قالقاسىن بۇركەۋمەن بىرگە، ازىراق جەل قاقتىرۋ ءتيىس.
اۋدارعان: باعجان مۇرات قىزى (پراكتيكانت)
