ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

تۋىستارمەن بىرگە بولعان باقىتتى ساتتەر

  − اۆتونوميالى رايوندىق ساياسي كەڭەس ورگانىنىڭ 2018 - جىلعى 2 - رەتكى ۇلتتار ىنتىماعى بويىنشا «تۋىستاسۋ اپتالىعى» قيمىلى جونىندە

  مايدا قوڭىر سامال ەسىپ، سۇيىسپەنشىلىك گۇلى قاۋاشاق جارعان تاعى ءبىر كوكتەم.

  4 - ايدىڭ 10 - كۇنىنەن 28 - كۇنىنە دەيىن اۆتونوميالى رايوندىق ساياسي كەڭەس ورگانىنداعى كادرلار مەن جۇمىسشى - قىزمەتشىلەر 5 توپقا ءبولىنىپ مارالباسى اۋدانى داۋلەتباق اۋىلىنداعى 8 قىستاققا بارىپ، 2018 - جىلعى 2 - رەتكى ۇلتتار ىنتىماعى بويىنشا «تۋىستاسۋ اپتالىعى» قيمىلىن ورىستەتىپ، جۇپ قۇراعان تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنىپ، بۇقاراعا «زاڭ، ساياسات، سۇيىسپەنشىلىك، مادەنيەت جەتكىزىپ»، بۇقارانىڭ پىكىرىن بەتپە - بەت تىڭداپ، ولاردىڭ قيىنشىلىعى مەن ماسەلەلەرىن شەشۋگە كومەكتەستى.

  كوكتەمگى ەگىس جۇمىستارىن بىرگە ىستەپ، قيىن ىستەردى بىرگە شەشتى

  4 - ايدا مارالباسىدا كۇن نۇرى كوزى جىلىنىپ، كوكتەمگى ەگىس قاۋىرت باستالدى، تۋىستارىنىڭ ءوندىرىس جاعدايىن ەسكەرگەن اۆتونوميالى رايوندىق ساياسي كەڭەس ورگانىنداعى كادرلار مەن جۇمىسشى - قىزمەتشىلەر جۇك - پۇكتەرىن قويا سالىپ، تىزگىن ۇشىمەن اتىز باسىنا باردى. ماقتا كوشەتىنە جارعاق جابۋ، ارام ءشوپ وتاۋ، قاۋىن اتىزىنا تۇقىم سەبۋ، توپىراق بەرۋ... كۇنى بويى باس الماي جۇمىس ىستەگەن كادرلار مەن ولاردىڭ تۋىستارى قارا تەرگە مالشىندى.

  «اعاي، مەن كەلدىم»، «جاقسى بولعانىن قاراشى، قاۋىن ەگۋگە ۇلگىرىپ كەلىپسىڭ، ەندى ەشتەڭەدەن قام جەمەيتىن بولدىم!». 4 - ايدىڭ 23 - كۇنى تۇستەن بۇرىن اۆتونوميالى رايوندىق ساياسي كەڭەس ورگانى پارتيا باسشىلىق گرۋپپاسىنىڭ مۇشەسى، اۆتونوميالى رايوندىق ءتارتىپ تەكسەرۋ كوميتەتىنىڭ ساياسي كەڭەس ورگانىندا تۇراتىن ءتارتىپ تەكسەرۋ گرۋپپاسىنىڭ باستىعى ۋاڭ يۋەجياڭ 61 جاسقا كەلگەن تۋىسى راحمان عوپۇرمەن قۇشاقتاسىپ امانداستى. راحماننىڭ جۇرەك اۋرۋى بار، بالالارى سىرت جەرلەرگە جۇمىس ىستەگەلى كەتكەن، وتباسىنىڭ ەگىس جۇمىستارى كوپ. جۇپ قۇراپ، تۋىس بولعاننان بەرى، ۋاڭ يۋەجياڭ راحماننىڭ ۇيىنە ءار رەت كەلگەندە قاراپ تۇرماي، نە جۇمىس بولسادا كىرىسىپ كەتەدى، راحمان: پارتيا مەنىڭ وتباسىما جاقسى تۋىس جىبەردى، - دەپ القادى.

  وڭتۇستىك شينجياڭدا كوكتەم ەرتە كەلەدى، 4 - ايدا كۇندىزگى تەمپەراتۋرا 20 سەلتسي گرادۋستان جوعارى بولادى. شۋاقتى كوكتەم، اتىز باسى، ساياسي كەڭەس ورگانىنداعى كادرلار مەن جۇمىسشى - قىزمەتشىلەر قاۋىرت جۇمىس ىستەۋدە. اۆتونوميالى رايوندىق ساياسي كەڭەستىڭ ورىنباسار باس حاتشىسى جاڭ شۇي تۋىستاسقان كادرلاردى باستاپ تاڭەرتەڭنەن كەشكە دەيىن قاربالاس جۇمىس ىستەپ، ابدۋايىت كەرىم وتباسىنىڭ 6 مۋ ماقتا اتىزىنداعى ارام شوپتەردى وتادى؛ ساياسي كەڭەس كەڭسەسىنىڭ ورىنباسار شارلاۋشىسى لي يۋە مەن تۋىستاسقان بىرنەشە كادىر پاميدور، لازى كوشەتىن ءالي ايسانىڭ وتباسى جاڭادان سالعان كوكونىس جىلىجايىنا ءبىر - بىرلەپ كوشىردى... «مەملەكەت اۋىل - قىستاقتاردى كوركەيتۋ ستراتەگياسىن اتقاردى، ءبىز بىرگە قۇلشىنا كۇرەسىپ، قاجىرلىلىقپەن اۋقاتتانىپ، قىستاقتى اناعۇرلىم كورىكتى ەتىپ قۇرىپ شىعۋىمىز كەرەك!»، «جەردى 2 - رەت كوتەرمەگە بەرۋ مەرزىمى تولعاننان كەيىن تاعى 30 جىل ۇزارتاتىن بولدى، جاقسى كۇندەرىمىز ءالى الدا، كوپشىلىك قايراتتانا ىستەيىك!». تۋىستارىنا كەلگەن كادرلار جۇمىس ىستەي ءجۇرىپ، پارتيا 19 - قۇرىلتايىنىڭ رۋحىن ۇگىتتەدى.

  4 - ايدىڭ باس شەنى، مارالباسى اۋدانىندا اۋىلدار مەن قىستاقتارداعى توزىعى جەتكەن حاۋىپتى ۇيلەردى شاعۋ جۇمىسى جاپپاي باستالدى. تۋىسشىلاپ كەلگەن كادرلار قاربالاس ەگىس جۇمىسىنان كەلە سالىپ، تۋىستارىنىڭ كونە ءۇيىن شاعۋىنا كومەكتەسەدى، كەرپىشتەردى رەتتەپ جينادى، «ءۇستىمدى شاڭ - توپىراق باستى، ارىپ - شارشادىم» دەگەن پەندە بولمادى.

  «تۋىستاسۋ سەنى مەن مەن دەگەندى ەكەۋىمىز دەگەنگە وزگەرتتى؛ سەنىڭ وتباسىڭ مەن مەنىڭ وتباسىم دەگەندى ەكەۋىمىزدىڭ وتباسىمىز دەگەنگە وزگەرتتى»، بۇل كادرلار مەن ولاردىڭ تۋىستارىنىڭ سەزىمى.

  تۋىستارمەن بىرگە تاماقتانىپ، بىرگە تۇردى، كوڭىلدەرىن توعىستىردى، مادەنيەت جەتكىزدى

  تۋىستاسقان كادرلار گرۋپپالارعا ءبولىنىپ، جۇپ قۇراعان تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنۋدە بولدى. كۇندەر وتە كەلە انانىڭ تۋىسى مىنانىڭ تۋىسىنا، مىنانىڭ تۋىسى انانىڭ تۋىسىنا اينالىپ، كوپشىلىكتىڭ جۇرەگى جالعاسىپ كەتتى.

  بۇرىندارى تۋىستىڭ ۇيىنە بارعاندا تۋىستارى جۇپ قۇراعان كادرلارعا اس ازىرلەپ ابىگەرگە تۇسەتىن، كوكتەمگى ەگىستىڭ قاربالاس كەزىندە كادرلاردىڭ تۋىستارىنا تاماق جاساپ بەرۋى تالاپ ەتىلدى. كوپشىلىك جۇمىس ءبولىسى بويىنشا ءوزارا سەلبەسىپ، بىرەۋلەرى تۋىستارىمەن بىرگە اتىزعا بارىپ ەڭبەك ىستەسە، ەندى بىرەۋلەرى كوكونىس ساتىپ اكەلىپ تاماق جاسادى. تۋىستاسقان كادر ليۋ جۇن تاماق ىستەۋدىڭ شەبەرى، ول تۋىستار مەن كادرلارعا تاماق جاساۋدى ءوز مىندەتىنە الىپ، ءتۇرلى - ءتۇستى تاماق جاساپ تاڭ قالدىردى، سول كۇنى ول 3 كيلوگرام ۇن يلەپ، 20 جۇمىرتقا قۋىرىپ، 60 − 70 وراما سامسا جاسادى. قىستاق تۇرعىنى ءالي ايسانىڭ شەشەسى اۋىز جاپپاي ماقتاپ: وراما سامسانىڭ ءدامى ءتىل ۇيىرەدى ەكەن، - دەدى.

  ساياسي كەڭەس ورگانىنىڭ كادرى جاساردىڭ جۇپ قۇراعان تۋىسى تۇردى ايۇپتىڭ ءۇيىنىڭ الدىندا شاعىن دۇكەن اشۋ ويى بولعانىمەن، قولىنداعى اقشاسى جەتىڭكىرەمەيتىن ەدى، «مەندە اقشا بار» دەپ جاسار جانە بىرگە بارعان جيا بيڭ جارىسا ءۇن قاتتى، ەكەۋى تۇردىعا قاجەتتى اقشانى قۇراپ بەرگەننەن كەيىن، شاعىن دۇكەنگە «بەرەكەلى شاڭىراق، توعىسقان جۇرەك» دەگەن ات قويدى.

  جۇپ قۇراعان تۋىستارىمەن بىرگە تۇرمىس كەشىرۋ وسى زامانعى وركەنيەتتى تۇرمىس تانىمىن جەتكىزۋدىڭ تاماشا ورايى ەدى، تۋىستاسقان كادرلار ءتىس شوتكى، ىدىس - اياق جۋۋ سۇيىقتىعى، اسحاناعا قاجەتتى بۇيىمداردى ساتىپ اكەلىپ، قىستاق تۇرعىندارىنىڭ اقاۋسىز تازالىق ادەتىن قالىپتاستىرۋىنا جەتەكشىلىك ىستەدى.

  بىرگە ۇيرەنىپ، جاڭا بەينە قالىپتاستىرىپ، سۇيىسپەنشىلىكتى نىعايتتى

  «تۋىستاسۋ اپتالىعى» كەزىندە، كادرلار مەن تۋىستارى بىرگە ۇيرەنىپ، بىرگە العا باستى. نەگىزگى ساتى بۇقاراسىنىڭ پارتيانىڭ مەيىر - شاپاعاتىنا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمدەرى اناعۇرلىم بەكەمدەلىپ، كەدەيلىكتەن قۇتىلىپ اۋقاتتانۋ تەبىندەرى ارتتى.

  جۇپ قۇراپ، تۋىستاسقاننان بەرى، كادرلار مەن تۋىستارى ءوزارا ءتىل ۇيرەنىپ، بۇگىنگى كۇندە ەمىن - ەركىن سويلەسە الاتىن بولدى، «قوزعال، قۇل بولعىسى كەلمەيتىن جاندار...». ءبىر كۇنى تاڭەرتەڭ تۋىستاسقان كادر ۋاڭ حۇڭنىڭ تۋىسى اينيسا مامۇت پەن جيەن قىزى ەكەۋى «مەملەكەت ءانىن» ايتتى، ولاردىڭ سوزدەرى انىق، داۋىستارى اسقاق شىقتى. «وتە تاماشا!». قۋانعان ۋاڭ حۇڭ شاپالاق سوعىپ ولارعا دەم بەردى. 2016 - جىلى 11 - ايدا ەندى عانا تۋىستاسقان كەزدە اينيسا ورتاق تىلدە سويلەي المايتىن، ۋاڭ حۇڭ وعان قىستاقتاعى كەشكى مەكتەپكە بارىپ وقۋدى ءناسيحاتتايدى. بۇگىنگى تاڭدا اينيسا ورتاق تىلدە قاراپايىم سوزدەردى سويلەي الۋمەن بىرگە، «مەملەكەت ءانى» قاتارلى بىرنەشە ءاندى شىرقاي الاتىن دارەجەگە جەتتى. «ءسىڭلىم، تۇتاس وتباسىمىز بولىپ ورتاق ءتىلدى جاقسى ۇيرەنۋىمىز كەرەك، بالام سىرتقا شىعىپ جۇمىس ىستەۋى، نەمەرەم سىرت جەرلەرگە بارىپ جوعارى مەكتەپ وقىپ، بولاشاقتا سەن سياقتى ۇكىمەت كادرى بولۋى كەرەك»، - دەدى اينيسا ۋاڭ حۇڭعا.

  تۋىستاسقان كادرلار تۋىستارىنىڭ ورتاق تىلدە سويلەۋ قابىلەتىنىڭ جاپپاي جوعارىلاعاندىعىن، سونداي - اق ۇيلەرىندە زور وزگەرىستەر تۋىلعاندىعىن بايقادى. اۆتونوميالى رايوندىق ساياسي كەڭەستىڭ ورىنباسار باس حاتشىسى شياۋ پي - اننىڭ تۋىسى سامەت احاتتىڭ ۇيىنە ەلەكتروندى سۋ جىلىتقىش ورناتىلعان، ۆايفاي جالعاپ العان ولار وتباسىنداعىلارمەن ءۇنحات ارقىلى ۇنەمى تىلدەسىپ تۇرادى ەكەن؛ كادر سۇڭ يۇڭلەيدىڭ تۋىسى ەركىن قۇربان سۋلياۋ جارعاق زاۆودىندا ىستەيدى، قازىر ونىڭ اۋىلىندا بەيقۇت ءۇي جانە جاڭا قورا - قالتقى سالىنعان... «سىزدەردىڭ كومەكتەسىپ، قولداۋلارىڭىزدا كۇنىمىز كۇننەن - كۇنگە جاقساردى». تۋىستاردىڭ سوزىنەن باقىت لەبى ەسەدى.

  «تۋىستاسۋ اپتالىعى» قيمىلىندا تۋىستاسقان ءاربىر كادر بەينە ءبىر - ءبىر وت ۇشقىنى سياقتى ماڭايىنا ساۋلە شاشىپ، تۋىستارىنا جىلۋلىق باعىشتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 3-كەزەكتى «ەرتەگى قالا، بۋىرشىن ءدامى» اتىنداعى ءدامدى تاعامدار مەرەكەسىنىڭ شىمىلدىعى اشىلدى
  • نارات كورىنىستىك اۋماعى ساياحاتتىڭ قاۋىرت ماۋسىمىنا ءوتتى
  • [شينجياڭ جاقسى جەر] ۇلۋجان كورىنىس رايونىندا ساياحاتشىلاردىڭ اياعى ۇزىلمەدى
  • كوركەم شينجياڭدا كوڭىلدى ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى