4-ايدىڭ 25-كۇنى، شينجياڭ وقۋشىلارعا قارجىلاي كومەك بەرۋ قىزمەتى دامۋىنىڭ 10 جىلدىعىن ەسكە الۋ جانە 2017-جلعى سيلىق تاراتۋ سالتىنان قۋانىشتى حاباردى ەستىدىك. تولىق بولماعان ساناققا نەگىزدەلگەندە، 10 جىلدان بەرى، وقۋشىلارعا قارجىلاي كومەكتەسۋ قارجىسى 49 ميلليارد 900 ميلليون يۋانعا جەتكەن، تۇتاس رايونىمىزدا 15 ميلليون بالالار مەن وقۋشىلار وقۋ-اعارتۋ قارجىسىنان يگىلىكتەنگەن، «ءبىر بالانى سۇيەمەلدەپ، ءبىر وتباسىنا جەتەكشىلىك ەتۋ، تۇتاس قوعامعا ىقپال جاساۋدى» جۇزەگە اسىرعان.
كوزالدا، رايونىمىز وقۋ الدىنداعى تاربيە، مىندەتتى وقۋ-اعارتۋ، ادەتتەگى ورتا مەكتەپ وقۋ-اعارتۋى، ورتا دارەجەلى كاسىپتىك وقۋ-اعارتۋ، جوعارى دارەجەلى وقۋ-اعارتۋ قارتارلى ۇقساماعان باسقىشتاعى وقۋشىلارعا قارجىلاي كومەك بەرۋ جۇيەسىن قۇرىپ، بىرتىندەپ كەڭەيتىپ، قارجىلاي كومەك بەرۋ سانىن ۇزدىكسىز ارتتىردى. سونىمەن بىرگە، اۆتونوميالى رايوننان ايماق (وبلىس، قالا)، اۋدان (قالا، رايون) جانە مەكتەپ ءتورت دارەجەلى وقۋشىلارعا قارجىلاي كومەك بەرۋ جۇيەسىن قۇرىپ، وقۋشىلارعا قارجىلاي كومەك بەرۋ قىزمەتىنىڭ دەڭگەيىن ۇزدىكسىز جوعارىلاتتى.
قارجىلاي كومەك بەرىپ ادام تاربيەلەۋدىڭ جاڭا جاعدايىن قالىپتاستىردى
5-ايدىڭ 14-كۇنى، ءتىلشىنىڭ اۆتونوميالى رايوندىق وقۋشىلارعا قارجىلاي كومەك بەرۋ باسقارۋ ورتالىعىنان ۇعىسۋىنشا، تولىق بولماعان ساناققا نەگىزدەلگەندە، 2007-جىلى تۇتاس رايونىمىز وقۋشىلارعا قارجىلاي كومەك بەرۋ قارجىسى 1 ميلليارد 241 ميلليون يۋان، 2017-جىلعا بارعاندا 9 ميلليارد 334 ميلليون يۋان بولىپ، 7 ەسەسىندەي ارتقان.
شينجياڭ وقۋشىلارعا قارجىلاي كومەك بەرۋ قىزمەتىندەگى ءبىرىنشى 10 جىلعا كوز جىبەرسەك، ناتيجەسى ايتارلىقتاي جاقسى، تۇتاس شينجياڭداعى وقۋ-اعارتۋدى دامىتۋدا كورنەكتى رول اتقاردى.
اۆتونوميالى رايوندىق وقۋ-اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى قايسار شابەنباي ۇلى بىلاي دەدى : «وقۋشىلارعا قارجىلاي كومەك بەرۋ قىزمەتى حالىق تۇرمىسىن قامتاماسىزداندىراتىن، جۇرت جۇرەگىن جىلىتاتىن قىزمەت، كەدەيلىكتەن قۇتىلدىرۋدان قامال الۋ مەن قوعامدىق ادىلدىككە سايادى. ۇزدىكسىز قۇلشىنۋ ارقىلى 10 جىلدان بەرى، اۆتونوميالى رايون ‹سيلاۋ، قارىز الۋ، كومەكتەسۋ، تولىقتىرۋ، قۇلشىنۋ، كەشىرىم ەتۋ، اقىسىز› جانە ‹كەدەرگىسىز جول› قاتارلى قارجىلاي كومەك بەرۋ ساياساتىن قۇرىپ جانە كەمەلدەندىرىپ، ۇكىمەت سيلاۋ، بانكە قارىز بەرۋ، قوعامدىق قارجى، مەكتەپ تولىقتىرما قاراجات بەرۋ، وقۋشىلار وزدەرى قارجى ءبولىسىپ قارجىلاي كومەك بەرىپ ادام تاربيەلەۋدىڭ جاڭا جاعدايىن قالىپتاستىردى، وتباسىنىڭ ەكونوميكالىق قيىنشىلىعى سەبەبىنەن وقۋدان قول ۇزەتىن بىردە-ءبىر وقۋشى قالماۋدى جۇزەگە اسىردى. كوزالدا، قىزمەت ءتۇيىنى — ەكونوميكالىق قيىنشىلىعى بار وتباسىنىڭ بالالارىنىڭ وقۋعا ءتۇسۋىن بار كۇشپەن قامتاماسىزداندىرۋ، كەدەيلىكتىڭ تامىرىنا بالتا شابۋ»،-دەدى.
بالالاردىڭ ارمانىن جۇزەگە اسىرۋىنا كومەكتەسۋ
2013-جىلى ورتالىق قازىنا اۋىل - قىستاقتارداعى مىندەتتى وقۋ-اعارتۋ قاراجاتىن قامتاماسىزداندىرۋ مەحانيزمى بويىنشا، 2016-جىلعا بارعاندا تۇتاس رايونىمىزدا 33 ميلليارد 918 ميلليون ادام رەت وقۋ الدىنداعى اقىسىز وقۋ-اعارتۋ قارجىسىنان يگىلىكتەنگەن. 2009-جىلدان باستاپ، اۆتونوميالى رايونىمىز باستاۋىش مەكتەپ پەن ورتالاۋ مەكتەپ ساتىسىنداعى قالا، اۋىل وقۋشىلارىنىڭ قوسالقى قاراجاتىن كەشىرىم ەتتى، بارلىق اۋىل-قىستاق بالالارى مەن قالاداعى ەڭ تومەنگى تۇرمىسى قامتاماسىزداندىرىلاتىن وتباسى بالالارىن وقۋلىقپەن اقىسىز قامداپ، وتباسىندا ەكونوميكالىق قيىنشىلىعى بار مەكتەپ جاتاعىنا جاتىپ وقيتىن بالالارعا تۇرمىستىق قوسىمشا قاراجات بەردى، اۋىل-قىستاق مىندەتتى وقۋ-اعارتۋى قورەكتىك جوسپارىنا وزگەرىس ەنگىزىپ كەمەلدەندىردى.
2016-جىلدان باستاپ، اۆتونوميالى رايوندىق وقۋشىلارعا قارجىلاي كومەك بەرۋ باسقارۋ ورتالىعى اۆتونوميالى رايوندىق كەدەيلەردى سۇيەمەلدەۋ كەڭسەسى بەرگەن 608 مىڭ ارحيۆ تۇرعىزىلىپ، كارتچكالانعان وتباسى وقۋشىلارىنىڭ ەسىمدىگىنە، ساتىلارعا ءبولىپ، مەكتەپپەن بىرلەسىپ، وتباسىندا ەكونوميكالىق قيىنشىلىعى بار وقۋشىلاردى دالمە-ءدال قارجىلاي سۇيەمەلدەۋدى شىنايى قامتاماسىز ەتتى. بۇل قىزمەتتە اۆتونوميالى رايوندىق كەدەيلەردى سۇيەمەلدەۋ كەڭسەسىمەن تىعىز سايكەسىپ، جىلجىمالى باسقارىپ، جاڭادان قوسىلعان ەكونوميالىق قيىنشىلىعى بار وتباسىنىڭ بالالارىنا دەركەزىندە قارجىلاي كومەك بەردى.
ستۋدەنتتەردىڭ وقۋىن ءساتتى اياقتاۋىنا كومەكتەستى
10 جىلدىڭ الدىندا، «وقۋ سەبەبىنەن كەدەيلەسۋ» دەگەن ءسوز بار بولاتىن، بۇل بالاسى داشۋە وقىعاندىقتان وتباسىندا ەكونوميكالىق قيىنشىلىق تۋىلدى دەگەندى بىلدىرەدى؛ بۇگىن ونىڭ ورنىن «كەدەرگىسىز جول» باسىپ، تاريحقا اينالدى، وقۋ قاراجاتىن تاپسىرا المايتىن ستۋدەنتتەر «كەدەرگىسىز جول» ارقىلى وقۋعا تۇسۋىنە بولادى.
شينجياڭ داشۋە 10 جىلدا 1583 وقۋشىنى «كەدەرگىسىز جولمەن» قامداعان ءارى وتباسىندا قيىنشىلىعى وتە اۋىر وقۋشىلارعا توسەك بۇيىمدارى مەن مەكتەپ كيىمىن، اسكەري جاتتىعۋ كيىمىن اقىسىز تاراتىپ، ساۋدا قامسىزداندىرۋىنا اقىسىز قاتىناستىرعان، سونداي-اق، «ءتورت جىل كومەك بەرۋ» ءوتىنىشىن بەرىپ، قوعامدىق كومەك قاراجاتىن بەرگەن.
10 جىلدان بەرى، مەملەكەت پەن اۆتونوميالى رايون قۇرعان وقۋشىلارعا سيلىق اقشا بەرۋ نىسانىنان سىرت، شينجياڭ داشۋە مەكتەپتەستەردى، قوعامدىق كۇشتەردى اتتانىسقا كەلتىرىپ 40 تان استام سيلىق، كومەك قاراجات نىسانىن قۇردى.
