ەلىمىز «قىلمىستى ىستەر زاڭىنىڭ» 18-تارماعىندا: «رۋحاني اۋرۋى بارلار ءوز ارەكەتىن پارىقتاي الماعان نەمەسە ءوزىن مەڭگەرە الماعان جاعدايدا زيان تۋدىرعاننان كەيىن، قاتىستى بەلگىلەمەگە نەگىزدەلىپ ساراپتاۋ جانە تۇراقتاندىرۋ جۇرگىزسە، قىلمىستىق ىستەر جاۋاپكەرشىلىگى قۇزاستىرىلمايدى. الايدا، قامقورشىسى جاقسى قاراۋى كەرەك. قاجەت بولسا ۇيىمدىق جاقتان زولىقتى تۇردە ەمدەتىلەدى. ارا-تۇرا ۇستايتىن رۋحاني اۋرۋى بارلار قالىپتى جاعدايدا قىلمىس وتكىزسە، قىلمىستىق ىستەر جاۋاپكەرشىلىگى قۇزاستىرىلادى. ارەكەتىن پارىقتاي الاتىن نەمەسە ءوزىن تەجەۋ قابىلەتىنەن بۇكىلدەي ايىرىلماعاندار قىلمىس وتكىزسە، قىلمىستىق ىستەر جاۋاپكەرشىلىگى قۇزاستىرىلادى. الايدا، جەڭىل نەمەسە جەڭىلدەتىلىپ ءبىر جاقتى ەتۋگە بولادى»،-دەپ بەلگىلەنگەن.
رۋحاني اۋرۋى بارلاردىڭ اۋرۋى قوزعالىپ باسقالاردى زاقىمداپ، زاڭدىق جاۋاپكەرشىلىگى قۇزاستىرىلماعان جاعدايدا، زيانكەستىككە ۇشىراۋشى ءوزىنىڭ زاڭدىق ۇقىق-مۇددەسىن قورعاۋى قاجەت. ەلىمىز «ۇقىققا سۇعاناقتىق جاساۋ زاڭىنىڭ» 32-تارماعىندا: «ازاماتتىق ىستەر ارەكەتتىك قابىلەتى شەكتەمەگە ۇشىراعان نەمەسە رۋحاني اۋرۋعا شالدىققان ادامدار باسقالارعا زيان سالسا، زيان تۋدىرۋشىنىڭ قامقورشىسى قاتىستى جاۋاپكەرلىكتى ارقالايدى، ەگەر قامقورشىسى قامقورلىق جاۋاپكەرلىگىن تولىق وتەگەن بولسا، زيان تۋدىرۋشىنىڭ زاڭدىق جاۋاپكەرشىلىگى جەڭىلدەتەدى»،-دەپ بەلگىلەنگەن. دەمەك، رۋحاني اۋرۋى بارلار باسقالاردى زاقىمداسا، زيان تۋدىرعان كەزەڭدەگى پسيحولوگيالىق، رۋحاني جاعدايىنا نەگىزدەلىپ قاتىستى جاۋاپكەرشىلىگى تۇراقتاندىرىلادى، رۋحاني اۋرۋى بارلار قىلمىستىق جاۋاپكەرشىلىك ارقالاماعان جاعدايدا، قامقورشىسى قاتىستى جاۋاپكەرشىلىكتى ۇستىنە الادى.
