سوڭعى كۇندەردە، ءۇرىمجى نانحۋ حالىق الاڭى مەن حۇڭشان باقشاسىندا تاڭعى جاتتىعۋ جاساپ جۇرگەن قالا تۇرعىندارى الاڭداعى جاساندى كول مەن باقشاداعى نانحۋ كولىنەن جابايى ۇيرەكتىڭ بالاپاندارىن ەرتىپ ءجۇزىپ جۇرگەنىن كوردى.
5-ايدىڭ 17-كۇنى تۇستەن بۇرىن، نانحۋ حالىق الاڭىنداعى جاساندى كولدە جابايى ۇيرەك جۇزۋدە.
5-ايدىڭ 17-كۇنى، ءتىلشى حۇڭشان باقشاسىنداعى كولدەن 13 جابايى ۇيرەك بالاپاندارىن ەرتىپ جۇزگەنىن كورگەن. حۇڭشان باقشاسىنىڭ مەڭگەرۋشىسىنىڭ كومەكشىسى جاڭ لەي: «بۇل ءبىر توپ ۇيرەك 4-ايدىڭ 20-كۇنىنىڭ اينالاسىندا كەلگەن. 5 جىلدىڭ الدىندا، باقشاعا جابايى ۇيرەك، شاعالا سىندى جابايى قۇستار كەلگەن بولاتىن. 2017-جىلى تۇڭعىش رەت جابايى قۇستار بالاپان باسۋدا، جيىنى 8 بالاپان باسىلدى»،-دەدى.
سول كۇنى ساعات 9 دا، نانحۋ حالىق الاڭىنداعى كولدەن فوتوسۋرەت اۋەسكەرى 12 جابايى ۇيرەكتى سۋرەتكە تۇسىرگەن.
ۇعىسۋشا، قۇستار سەزىمتال بولىپ تابيعات ورتاسى جاقسى جەردە كوبەيەدى، ورتاسى ناشار بولسا باسقا جەرگە اۋىپ كەتەدى. جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىنىڭ زەرتتەۋشىسى، شينجياڭ حايۋاناتتار قوعامىنىڭ باسالقاسى ما مين: «ەكى جەردەگىسى دە كوكمويىن ۇيرەك ەكەن، جۇڭگوداعى قورعالاتىن قۇس ءتۇرى، جابايى قۇس ءتۇرى قالا ورتالىعىندا بالاپان باسۋى ءساتتى بولدى، ءبىر رەتتە 10 نان ارتىق بالاپان باستى، بۇل سيرەك كەزدەسەتىن جاعداي».
ءتىلشىنىڭ شينجياڭ حايۋاناتتار قوعامىنان ۇعىسۋىنشا، 10 جىلدان ارتىق ۋاقىتتان بەرى ۇرىمجىدەگى جابايى قۇس ءتۇرى 160 تان 280 گە كوبەيگەن.
