قىستاق كوركىن قورعاۋ اترەتى قۇرىلىپ، قىستاق تۇرعىندارى ءۇيىنىڭ ماڭىنان كاسىپتەندى

　　گۇلباش قىستاعىنىڭ قىستاق كوركىن قورعاۋ اترەتى

　　5-ايدا شىرت ۇيقىدا جاتقان قىستاق تۇرعىندارى ەندى ويانا باستاعاندا، قاشقار ايماعى ءپايزاۋات اۋدانى قىزىلسۋ اۋىلى گۇلباش قىستاعىنىڭ قىستاق كوركىن قورعاۋ اترەتىنىڭ قىزمەتكەرى بيلقىز ابدىريىم الدەقاشان كۇندەلىكتى قىزمەتىن باستاپ كەتكەن ەدى.

　　5-ايدىڭ 23-كۇنى، بيلقىز ابدىريىم بۇرىنعى ادەتى بويىنشا تازالىق ىستەيتىن قۇرالدارىن الىپ، قىستاقتىڭ جولدارىن سىپرا باستادى، سىبىرتكىنىڭ داۋىسى تاڭعى تىنشتىقتى بۇزعانداي.

　　بيلقىز ابدىريىم گۇلباش قىستاعىنىڭ تۇرعىنى، ول «قىستاق كوركىن قورعاۋ اترەتىن قۇرادى»،-دەگەندى ەستىپ الدىمەن تىزىمدەلگەن ەدى، بۇل ونىڭ تۇڭعىش رەتكى تۇراقتى قىزمەتى ەسەپتەلەدى.

　　«ءبىزدىڭ ءۇيدىڭ 3 مۋ جەرى بار، نەگىزىنەن ماقتا جانە جۇگەرى ەگەتىنبىز، ونىڭ ۇستىنە، سىرتقا شىعىپ ماقتا تەرەتىنبىز، ءبىر جىلدىق كىرىسىمىز تۇرمىسىمىزعا ازەر جەتەتىن، وسى ايدا قىزمەت اترەتىندەگىلەردىڭ كومەگىندە، مەنىڭ تۇراقتى قىزمەتىم بولدى،ءار ايدا 1000 يۋاننان ارتىق ەڭبەكاقى الامىن، قامسىزداندىرۋ دا بار، قىزمەتىم ءۇيىمنىڭ جانىندا بولعاندىقتان، ۇيگە، بالالارعا قارايلاسۋىما وتە قولايلى بولدى»،-دەيدى ول جاڭا قىزمەتتىن تانىستىرا قۋانىشپەن.

　　بيلقىز ابدىريىمگە ۇقساس تۇراقتى قىزمەتكە يە بولعان تۇرسىنگۇل ۇلاي بىلاي دەيدى: «مەن بۇرىن ءار كۇنى ەرتە تۇرىپ، كەش قايتاتىن ۋاقىتتىق قىزمەتىمنەن دە ايىنا 1000 يۋان ەڭبەكاقى الا المايتىنمىن، ورتا تازالىق قىزمەتكەرى بولعاننان كەيىن مەكەنىمدى گۇلدەندىرۋدەن سىرت، ءۇيىمنىڭ جانىنان كاسىپتەندىم، قىزمەتىم دە تۇراقتى بولدى. مەن قوس قولىممەن كەدەيىلىكتەن ەرتە ارىلۋعا تىرىسامىن».

　　گۇلباش قىستاعى پارتيا ياچەيكاسىنىڭ شۋجيى ءدىلبار ءماجيت بىلاي دەدى: «قازىر ءبىزدىڭ قىستاق بارعان سايىن كورىكتەنىپ كەلەدى، قىستاق كوركىن قورعاۋ اترەتىندەگى قىزمەتكەرلەر ءار كۇنى قىستاقتى ايناداي ەتىپ تازالايدى. قىستاق تۇرعىندارى دا ءۇيىنىڭ ماڭىنان كاسىپتەندى»،-دەدى.

　　ءتىلشىنىڭ ۇعىسۋىنشا، قىستاق كەلبەتىن جاقسارتۋ، جۇرتشىلىقتىڭ باقىتتى تۇرمىس كورسەتكىشىن جوعارىلاتۋ ءۇشىن، اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاققا تۇسكەن قىزمەت اترەتىندەگىلەر مەن قىستاق «ەكى كوميتەت» كورىكتى اۋىل - قىستاق قۇرىلىسىنا بەلسەنە ات سالىسىپ، اۋىل - قىستاق ورتاسىنا رەتتەۋ جۇرگىزىپ، بيىل 5-ايدا 10 قوقىر - قوقىس تازالاۋ باتەريالى كولىگىن، 180 ورتانى قورعاۋ قوقىس ساندىعى قاتارلىلاردى ساتىپ الىپ، قىستاق كوركىن قورعاۋ اترەتىن قۇردى.

　　اۆتونوميالى رايوندىق تۇرعىن ءۇي جانە قالا -اۋىل قۇرىلىسى مەڭگەرمەسىنىڭ قاشقار ايماعىءپايزاۋات اۋدانى گۇلباش قىستاقتاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى حۋ گۋاڭحۇي بىلاي دەدى: «قىستاق كوركىن قورعاۋ اترەتىن قۇرۋ — ءبىزدىڭ قىستاق تۇرعىندارىن كاسىپتەندىرۋگە قاراتقان امالىمىز، ورتانى قورعاۋ اترەتىنىڭ مۇشەلەرى نەگىزىنەن 10 كەدەي وتباسى مۇشەسىنەن قۇرالعان، الدا، ءبىز ءۇرتىس ىشكەرىلەي كەدەيلەردى سۇيەمەلدەۋ قىزمەتىن ورىستەتىپ، سۇيەمەلدەۋمەن بىرگە ‹ون مىڭ كاسىپورىن ون مىڭ قىستاق وتباسىنا كومەكتەسۋ› ،‹تۋىستاسىپ، ءوزارا سۇيەمەلدەۋ› سياقتى قيمىلداردى الىپ بارىپ، كومەكتەسۋ ارقىلى كەدەي وتباسىلارىنىڭ ءۇيىنىڭ ماڭىنان كاسىپتەنۋ ماسەلەسىن شەشىم ەتەمىز».