ءتاڭىرتاۋ تورابى   ›   زاڭ تارازى   ›   زاڭنان كەڭەس

جالدانۋشى جۇمىس ۇستىندە جارالانسا، جاۋاپكەرشىلىكتى كىم ۇستىنە ارقالايدى؟

  گۇلنۇر ماناس قىزى

  2017-جىلى 3-ايدىڭ 8-كۇنى، «دامۋ» سەرىكتەستىگى ءوزىنىڭ وندىرگەن زاتتارىنىڭ قوراپتالۋىن، جوتكەلۋىن، تۇتىنۋشىلارعا ورناتۋىن مۇرات ەسىمدى جىگىتكە كوتەرمەلەپ بەرەدى. دانەكەردىڭ تانىستىرۋىمەن قايرات «دامۋ» سەرىكتەستىگىنىڭ قىزمەتكەرى بولىپ ورنالاسادى. 2017-جىلى 3-ايدىڭ 12-كۇنى، قايرات توۆاردى ورناتۋ بارىسىندا جىعىلىپ ءتۇسىپ، اياعى مەرتىگىپ شيپاحانادا داۋالانىپ 15000 يۋان قاراجات جۇمسالادى. قايرات كوپ رەت ‹دامۋ› سەرىكتەستىگىنە قاتىستى داۋالانۋ قاراجاتىن تولەۋدى تالاپ ەتىپ ناتيجە بولماعان سوڭ، سوت مەكەمەسىنە ازاماتتىق ىستەر ارىز-تالابىن ورتاعا قويادى.

  دەلونى قاراپ شىعۋ بارىسندا، «دامۋ» سەرىكتەستىگى ءوزىنىڭ كوزقاراسىن ءبىلدىرىپ، دەلو تۋىلۋدان بۇرىن «دامۋ» سەرىكتەستىگى مۇراتپەن كوتەرمەلەۋ توقتامىن ءتۇزىپ، توقتامنىڭ اتقارىلۋ بارىسىندا مۇرات كوتەرمەلەۋ قىزمەتىندەگى قىزمەتكەرلەردىڭ اماندىق حاۋىپسىزدىگى مەن قاتىستى قامتاماسىزداندىرۋ قىزمەتىنە جاۋاپتى دەلىنگەن. باسقالاردىڭ دانەكەر بولۋىمەن قايراتتىڭ «دامۋ» سەرىكتەستىگىندە قىزمەت وتەۋىن مۇرات ورنالاستىرعان. سوندىقتان، «دامۋ» سەرىكتەستىگى مەن قايراتتىڭ ورتاسىندا ەڭبەك قاتىناسى ءومىر سۇرمەيدى. قايراتتىڭ تولەمىن مۇرات ۇستىنە الۋ كەرەك دەپ قارايدى.

  دەلو سوت مەكەمەسىنىڭ زاڭ بويىنشا سوت اشىپ قاتىستى دالەل-ىسپاتتاردىڭ سوتتاپ بەتتەستىرىپ وتكەن سوڭ، سوت مەكەمەسى بىلاي دەپ قارايدى: «دامۋ» سەرىكتەستىگى ءبىر ءبولىم قىزمەت مازمۇنىن مۇرات ەسىمدى جىگىتكە كوتەرمەلەپ بەرگەن، كوتەرمەلەۋشى مۇرات قىزمەتكەردى جالداپ الاتىن سالاۋاتى كەمشىل بولىپ، كوتەرمەلەۋشىنىڭ جۇمىس ۇستىندە ىستەتكەن ادامى «دامۋ» سەرىكتەستىگىنىڭ قىزمەتكەرى بولىپ، «دامۋ» سەرىكتەستىگى مەن قىزمەت وتەۋشى اراسىندا (قايرات) ەڭبەك قاتىناسى قالىپتاسادى. كوتەرمەلەۋشى مۇرات تەك «دامۋ» سەرىكتەستىگىنە ۋاكىلدىك رەتىندە قىزمەتكەرلەردىڭ قىزمەت وتەۋ بارىسىنداعى باسقارۋ، ايلىق سوماسىن انىقتاۋ، ايلىق سوماسىن بەرۋ قاتارلى قىزمەتكە جاۋاپتى. سوندىقتان، قايرات پەن «دامۋ» سەرىكتەستىگى اراسىندا ەڭبەك قاتىناسى قالىپتاسىپ، قايراتتىڭ قىزمەت وتەۋ بارىسىنداعى داۋالانۋ اقىسى مەن قاتىستى قاراجاتتاردى ‹دامۋ› سەرىكتەستىگى ۇستىنە الادى دەپ ۇكىم شىعارعان. 

(ادام اتتارى وزگەرتىلىپ الىندى)

  اۆتوردىڭ قىزمەت ورنى: ءۇرىمجى اۋداندىق حالىق سوت مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حالىقتىڭ مۇڭىنا ورتاق بولىپ، قيىنشىلىعىن شەشىم ەتتى
  • مادەنيەت قيمىلدارى ارقىلى قوس مەرەكەنى قۇتتىقتادى
  • زاڭ كادرلارى ورتا جايلاۋدا
  • ەلەكتر حاۋىپسىزدىگى بىلىمدەرىن ۇگىتتەدى
  • قابا اۋدانى سارتام اۋىلدىعى مال ۆاننالاۋ قىزمەتىن مىقتى ۇستادى
بىزبەن بايلانىس جارناما قىزمەتى لەبىز قالدىرۋ ءبىز تۋرالى