ءتىلشىمىز چاۋ جين
5 - ايدىڭ 29 - كۇنى تاڭەرتەڭ. قاشقار قالالىق 2 - دەنساۋلىق تەكسەرۋ ورتالىعىندا قالا تۇرعىنى ايپاشا مامەت ازاماتتىق كۋالىگى ارقىلى دەنساۋلىق تەكسەرتۋ سىلتەمە قاعازىن العاننان كەيىن، قىزمەتكەردىڭ كومەگىندە 40 مينۋت ىشىندە - اق جالپى حالىقتىڭ دەنساۋلىق تەكسەرۋ نىسانىنا ساياتىن قاتىستى تەكسەرۋلەردى قابىلداپ بولعاننان كەيىن، تەكسەرۋلەردىڭ قولايلى بولعانىنا ايرىقشا رازى بولدى.
كوكىرەك ءبولىمىن X ساۋلەسى ارقىلى تەكسەرۋ سىندى بيىلعى دەنساۋلىق تەكسەرتۋدەگى جاڭا ءتۇر ايپاشانى بارىنشا قۋانتتى. دەنساۋلىعىن 3 - رەت تەگىن تەكسەرتكەن ايپاشا: قازىر بارلىعىندا دارالىق ەرەكشەلىك دارىپتەلەدى، مىنە دەنساۋلىقتى تەگىن تەكسەرتۋدىڭ وزىندە پارتيا مەن ۇكىمەت ءبىزدى دارالىق ەرەكشەلىككە يە تۇرلەرمەن قامداپ وتىر، - دەپ اۋىز جاپپاي ماقتادى.
باس شۋجي شي جينپيڭ «جالپى حالىقتىڭ دەنساۋلىعى اقاۋسىز بولمايىنشا، جاپپاي دوڭگەلەك داۋلەتتى قوعام ورناتۋدان اۋىز اشۋ قيىنعا سوعادى» دەپ باسا دارىپتەگەن بولاتىن.
اۆتونوميالى رايوندىق پارتكوم مەن ۇكىمەت ءىس جۇزىندىك ارەكەتتەرى ارقىلى بۇل جونىندە تولىمدى جاۋاپ قايتاردى: 2016 - جىلى 9 - ايدىڭ اياق شەنىندە اۆتونوميالى رايون جالپى حالىقتىڭ دەنساۋلىق تەكسەرتۋ ينجەنەرياسىن اتقارىپ شينجياڭ نوپوسىنداعى قالا مەن اۋىل تۇرعىندارىنىڭ دەنساۋلىعىن جىلىنا ءبىر رەت تەگىن تەكسەردى. ءار دارەجەلى پارتكوم جانە ۇكىمەت ەمدەۋ، دەنساۋلىق ساقتاۋ بايلىعىن بەلسەندىلىكپەن ءبىر تۇتاس جوسپارلاپ، دەنساۋلىق تەكسەرۋ قاراجاتىن، قىزمەتكەرلەردى جانە جابدىقتاردى تياناقتاندىرىپ، شوعىرلى دەنساۋلىق تەكسەرۋ مەن وتباسىلارىنا بارىپ دەنساۋلىق تەكسەرۋدى ۇشتاستىرۋ شاراسى ارقىلى، ەمدەۋ - دەنساۋلىق ساقتاۋ ارقىلى حالىققا تيىمدىلىك جاساۋ كەلەلى ساياساتىن تياناقتاندىرىپ، جاپپاي قامتۋعا كەپىلدىك ەتتى. تاجىريبە - ساباقتاردى ۇزدىكسىز قورىتىندىلاۋ، بارىستى ساپالىلاندىرۋ نەگىزىندە رايونىمىز تىنباي شوقتىقتى جوبا جاساپ، اماليات بارىسىندا قىزمەت جوباسىن ءتىپتى دە كەمەلدەندىرىپ، جالپى حالىقتىڭ دەنساۋلىعىن تەكسەرۋ قىزمەتىن جەبەدى.
2 جىلدان بەرى، ەڭ سوڭعى ءبىر شاقىرىمدى، ەڭ شالعايداعى وتباسىلارىن تۇگەلدەي قامتۋدان باستاپ دەنساۋلىق تەكسەرۋدى ۇدايىلاندىرۋعا، ونان بيىل حالىق بۇقاراسىنىڭ ارمان - تىلەگىن دالمە - ءدال تياناقتاندىرعانعا دەيىن، دەنساۋلىق تەكسەرۋ نىساندارى دارالىق ءتۇس الىپ، ءار ۇلت بۇقاراسى ناۋقاستانعاندا دەر كەزىندە ەمدەلىپ، دەنساۋلىق جونىندەگى وزىندىك تانىمدارى جوعارىلاپ، جالپى حالىقتىق دەنساۋلىق تەكسەرۋ سىندى حالىققا تيىمدىلىك جاساۋ شاراسى «سالامات جۇڭگو» ستراتەگياسىن كوزبەن كورىپ، قولمەن ۇستاي الاتىنداي ەتتى.
«بارىنشا قۇلشىنىس جاساپ، حالىققا تيىمدىلىك جاساۋداعى وسى كەلەلى ينجەنەريانى ويداعداي اتقارىپ، تياناقتاندىرىپ، ءار ۇلت بۇقاراسىن، اسىرەسە، ەڭ نەگىزگى ساتىداعى، قيىنشىلىعى ەڭ اۋىر حالىق بۇقاراسىن پارتيا مەن ۇكىمەتتىڭ مەيىر - شاپاعاتىنا بولەۋىمىز كەرەك»، - دەدى اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ ورىنباسار شۋجيى پىڭ يۇي، ول بۇل جونىندە بىلايشا تۇسىنىك جاسادى: 2017 - جىلدىڭ سوڭىنا دەيىن، 2 رەت دەنساۋلىق تەكسەرۋ قىزمەتى ورىستەتىلدى، 2 جىلدا جالپى 36 ميلليون 340 مىڭ ادام - رەت يگىلىككە كەنەلدى. بيىلعى 3 - رەتكى دەنساۋلىق تەكسەرۋ قىزمەتى جەر - جەردە 5 - ايدىڭ سوڭىنان باستاپ ىركەس - تىركەس اتقارىلىپ، 10 - ايدىڭ اياق شەنىندە اياقتايدى.
اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ بىلاي دەپ تانىستىردى: «شينجياڭ بۇكىل ەلىمىزدە وكپە تۋبەركۋلەزى ەڭ كوپ تارالاتىن ولكەلەردىڭ ءبىرى ءارى رايونىمىزدا، اسىرەسە، وڭتۇستىك شينجياڭ وڭىرىندە ەگىنشى - مالشىلاردىڭ اۋرۋ سەبەبىنەن كەدەيلەسۋىن، اۋرۋ سەبەبىنەن قايتالاي كەدەيلەسۋىن كەلتىرىپ شىعاراتىن ماڭىزدى سەبەپتەردىڭ ءبىرى. سوندىقتان بيىلعى دەنساۋلىق تەكسەرۋدە 15 جاستان جوعارعى ادامداردىڭ وكپە تۋبەركۋلەز اۋرۋى تەكسەرۋ نىسانىنا ەنگىزىلدى». بيىلعى دەنساۋلىق تەكسەرۋ نىسانىن اتقارۋدا بۇرىنعىداي «بار ادامدى ءبىر شىبىقپەن ايداۋعا» جول قويىلمايدى، سۇراپ تەكسەرۋ بۋىنىندا سوزىلمالى، سالماقتى، جۇقپالى اۋرۋ بەلگىلەرى بار دەپ كۇمان تاعىلعان ادامدارعا جەكە - دارا مامىلە جاسالىپ، دارالاپ تەكسەرۋ بارىسى اتقارىلادى.
ينفورماتسيالاندىرۋعا نەگىزدەلىپ، رايونىمىزدا جالپى حالىقتىڭ دەنساۋلىعىن تەكسەرۋ قىزمەتىندە تەكسەرۋ - ەستەلىككە الۋ قاتار جۇرگىزىلۋدە ءارى تۇرعىنداردىڭ ەلەكتروندى دەنساۋلىق ارحيۆى مەن ءار دارەجەلى ەمدەۋ قۇرىلىمدارىنىڭ كلينيكالىق كاسىپ ينفورماتسيا جۇيەسى اراسىندا جول اشىلدى. تۇرعىنداردىڭ دەنساۋلىعىن تەكسەرتۋ بارىسىندا ناۋقاسقا شالدىققاندىعى بايقالسا، ەمدەۋ قامسىزداندىرۋ كارتچكاسىمەن جوعارى دارەجەلى شيپاحانالارعا بارىپ ناۋقاسىن تىكە ەمدەتۋىنە بولادى، مۇندا قايتالاي تەكسەرۋ قاراجاتى ۇنەمدەلىپ قالماستان، ۋاقىتتان دا ۇتۋعا بولادى.
گو ۋيجياڭ بىلاي دەدى: بيىل دەنساۋلىق تەكسەرۋ بارىسىندا بايقالعان سالماقتى ناۋقاسى بار ادامداردى باسقا شيپاحانالارعا جىبەرىپ دياگنوز قويۋ قىزمەتى ويداعىداي وتەلەدى، دەنساۋلىق تەكسەرگەن شيپاگەرلەر تىڭداپ تەكسەرۋ، سۇراپ تەكسەرۋ، دەنەنى تەكسەرۋ قاتارلى بۋىندارعا نەگىزدەلىپ، تۋما كەمىستىك اۋرۋ، كوزدى شەل باسۋ، جۇرەك اۋرۋ سياقتى ناۋقاس بەلگىلەرى بار ادامدارعا قاتىستى ەمدەۋ قۇرىلىمدارىنا بارىپ تەكسەرىلىپ، دياگنوزىن تۇراقتاندىرۋدى ايتادى ءارى ولاردى سول ورىندارعا جىبەرەدى، دياگنوزى تۇراقتاندىرىلعان ناۋقاستار الدىمەن الەۋمەتتىك يگىلىك قور نىسانى، «ساۋلە ارەكەتى» قۇتقارۋ - ەمدەۋ قۇرىلىمدارىنا اپارىلىپ تەگىن ەمدەلەدى.
نەگىزگى ساتىدا دەنساۋلىق تەكسەرۋ قۇرىلىمدارىندا قىزمەتكەر تاپشى، جابدىق كەمشىل جانە قابىلەت جەتەرسىز بولۋ سياقتى «ولقىلىقتارعا» قاراتا، شينجياڭعا باعىتتامالى كومەكتەسەتىن ولكە، قالالار شينجياڭعا كومەكتەسۋدەگى قارجىدان، نىسانداردان جانە ەمدەۋ اترەتىنىڭ رولىنان تولىق پايدالانىپ، دەنساۋلىق تەكسەرۋ قۇرىلىمدارىنداعى قىزمەتكەرلەردى تاربيەلەۋدى جانە تەحنيكالىق جاقتان جەتەكشىلىك ەتۋدى سايكەستىرە جۇرگىزىپ، جالپى حالىقتىڭ دەنساۋلىعىن تەكسەرۋ قىزمەتىنىڭ ويداعىداي اتقارىلۋىن، ويداعىداي تياناقتانۋىن ىلگەرىلەتتى.
تۇرپان قالاسىنداعى ءارقايسى اۋىل - قالاشىقتارداعى شيپاحانالاردا، الەۋمەتتىك اۋماق دەنساۋلىق ساقتاۋعا قىزمەت كورسەتۋ ورتالىقتارىنداعى كاسىپتىك قىزمەتكەرلەردە B تيپتەگى اسىرە دىبىس تولقىنى اسپابى، ەلەكتروكارديوگرامماسى كەمشىل بولۋداي جاعدايىنا قاراتا، حۋناننىڭ شينجياڭعا باعىتتامالى كومەكتەسەتىن ەمدەۋ ماماندارى شوعىرلى، كۇشەيتپەلى كۋرس اشىپ، اۋىل - قالاشىق شيپاحانالارىنداعى قاتىستى قىزمەتكەرلەردى مەرزىمگە، توپقا ءبولىپ تاربيەلەپ، نەگىزگى ساتىداعى دەنساۋلىق تەكسەرۋگە قىزمەت كورسەتۋ قابىلەتىن جوعارىلاتتى.
پىڭ يۇڭ بىلاي دەدى: «جالپى حالىقتىڭ دەنساۋلىعىن تەكسەرۋدەگى ماقسات − دەنساۋلىقتى تەكسەرۋ، اۋرۋدىڭ الدىن الۋ، جۇرتشىلىققا مەيىر باعىشتاۋ». پارتيا 19 - قۇرىلتايىنىڭ بايانداماسىندا سالامات جۇڭگو ستراتەگياسىن جۇزەگە اسىرۋ ورتاعا قويىلدى، بۇل جاڭا داۋىردەگى دەنساۋلىق ساقتاۋ قىزمەتىنڭ باعدارناماسى. ءبىز قىزمەت مەحانيزمىن ۇزدىكسىز كەمەلدەندىرىپ، قامتاماسىز ەتۋ شاراسىن كۇشەيتىپ، ءار جەردىڭ دەنساۋلىق تەكسەرۋ قىزمەتىن ويداعىداي ىستەۋىنە جەتەكشىلىك ەتىپ، «اۋرۋدىڭ الدىن ەرتە الۋ، ەرتە بايقاۋ، ەرتە ەمدەۋدەي» دەنساۋلىق ساقتاۋ ۇستانىمىن جۇرت جۇرەگىنە ۇيالاتىپ، ءار ۇلت بۇقاراسىنىڭ تابىس سەزىمى مەن باقىت سەزىمىن ۇزدىكسىز كۇشەيتۋىمىز كەرەك.
