ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

نەشە مىڭ شاقىرىم اتتاعان «قانداستىق قاتىناس»

  شينجياڭدىق جىگىت حىناندىق اق قان اۋرۋىنا شالدىققان بالاعا قان جاساۋشى تەك كلەتكاسىن اتادى

(سۋرەت شينجياڭ تاڭ گازەتىنەن الىندى)

  ءتىلشىمىز چاۋ جين 6 - ايدىڭ 12 - كۇنى ۇرىمجىدەن حابارلايدى. 6 - ايدىڭ 12 - كۇنى تۇستەن بۇرىن، اۆتونوميالى رايوندىق حالىق شيپاحاناسىنىڭ قان جاساۋشى تەك كلەتكا الۋ ۇيىندە بولات الىستاعى تانىمايتىن «ىنىسىنە» قان جاساۋشى تەك كلەتكاسىن اتادى. وسىنداي تەرەڭ سۇيىسپەنشىلىك حىنان ولكەسى جىڭجوۋ قالاسىنداعى اق قان اۋرۋىنا شالدىققان 16 جاستاعى بالانىڭ جالعاستى ءومىر سۇرۋىنە ءۇمىت سيلادى.

  2011 - جىلى 12 - ايدا، ءۇرىمجى اۋدانى سارداۋان اۋىلىنداعى قازاق جىگىت بولات ءۇشىنشى رەت تەگىن قان اتاعاننان كەيىن، جۇڭحۋا جىلىك مايى قامباسى ەرىكتىلەر ەسىمدىگىنە قولىن قويادى. «قان جاساۋشى تەك كلەتكا ەرىكتىسى بولىپ تىزىمدەلدىم، مۇمكىن ءبىر جانعا اراشاشى بولارمىن، بۇل ءبىر قۋانارلىق جايت قوي؟»، - دەدى بولات.

  2018 - جىلى 2 - ايدا، بولات ءۇرىمجى قالالىق قىزىل كرەست قوعامىنىڭ: ءسىزدىڭ قان جاساۋشى تەك كلەتكاڭىز حىنان ولكەسىندەگى 16 جاستاعى بالامەن سايكەس كەلدى، ءسىز كلەتكا اتاۋعا قوسىلاسىز با؟ - دەگەن تەلەفونىن قابىلدايدى. 38 جاستاعى بولاتتىڭ وقۋ وقيتىن بالاسى، جاسى ۇلعايعان اتا - اناسى بار بولعاندىقتان ول تەرەڭ تولعانادى. اسىرەسە، ايەلى كۇيەۋىنىڭ 60 كيلوگرامعا دا تولمايتىن دەنە تۇرقىنا قاراپ قاتتى الاڭدايدى. ولار شيپاگەر دوستارىنا بايلانىس جاساپ، قان جاساۋشى تەك كلەتكانى اتاۋدىڭ جالپى بارىسىن تۇسىنەدى، ايەلى دە ماقۇلدىق بەرەدى.

  2 - ايدىڭ 26 - كۇنى، ءۇرىمجى اۋداندىق قىزىل كرەست قوعامىنىڭ قىزمەتكەرى بولاتتان قان الىپ، ونى سانشي قان ورتالىعىنا ىشكەرىلەي حيمالىق تەكسەرۋ جۇرگىزۋگە جونەلتەدى. ءبىر ايدان كەيىن، بولات اۆتونوميالى رايوندىق حالىق شيپاحاناسىنىڭ دەنساۋلىق تەكسەرۋ ورتالىعىنا كەلىپ دەنساۋلىعىن جان - جاقتىلى تەكسەرتەدى، تيپىنىڭ سايكەسەتىنى تۇراقتانىپ، بارلىعى ورنالاستىرىلادى.

  6 - ايدىڭ 12 - كۇنى، ساعات 7دەن 58 مينۋت وتكەندە، قان جاساۋشى تەك كلەتكا رەسمي الىنادى. «ادام دەنەسىندەگى كلەتكالاردىڭ ءومىر ءسۇرۋ پەريوتى 7 كۇن، 7 كۇننەن كەيىن جاڭا كلەتكالار قالىپتاسادى. كلەتكا اتاعاننان كەيىن دەمالىسقا، قورەكتىككە كوڭىل بولسە دەنساۋلىققا ەشقانداي اسەر تۋدىرمايدى». بولات قان جاساۋشى تەك كلەتكانى الۋ ۇيىندە ەشقانداي ابىرجىمادى، قايتا بەينە ءبىر شيپاگەر سياقتى ايەلىنە جاعدايدى ءتۇسىندىرىپ، ايەلىنىڭ كوڭىلىن جۇباتتى.

  ساعات 13تەن 58 مينۋت وتكەندە، كلەتكا الىنىپ بولدى. ساعات 16دان 50 مينۋت وتكەندە، 163 ميلليگرام قان جاساۋشى تەك كلەتكا سۇيىقتىعى جىڭجوۋعا باراتىن ۇشاقپەن اق قان اۋرۋىنا شالدىققان 16 جاستاعى بالاعا قاراي جونەلتىلدى.

  «اق قان اۋرۋىنا شالدىعۋشىلاردىڭ تۋىس - تۋعاندارىنىڭ وزىنەن سايكەس كەلەتىن تيپ وتە از كەزىگەدى، مەن شينجياڭدامىن، ول ىشكەرىدە بولا تۇرسا دا تيپىمىز سايكەس كەلدى، بۇنىڭ ءوزى ءبىزدىڭ جاقىن تۋىس ەكەندىگىمىزدى بىلدىرەدى»، - دەگەن بولات بەيتانىس بالانىڭ جاس ءومىرىنىڭ جارقىن بولۋىن شىن جۇرەكتەن ءۇمىت ەتتى.

  «بولاتتىڭ قيمىلى ۇلتتار ىنتىماعىنىڭ بەرەكەلى شاڭىراعىنىڭ ەڭ جاقسى تۇسىندىرمەسى». ءۇرىمجى قالالىق قىزىل كرەست قوعامىنىڭ ورىنباسار باستىعى يۇلتۇز سىمايىل بىلاي دەدى: جاقىنعى جىلداردان بەرى اۋىل شارۋاشىلىعىنىڭ سايابىر مەزگىلدەرىندە، ءار ۇلت ەگىنشى - مالشىلارى تەگىن قان اتاۋ قوسىنىنا كەلىپ قوسىلادى، ولاردىڭ ىشىندە بولات سياقتى الەۋمەتتىك يگىلىك قيمىلدارىنا پەيىلدى، جۇڭحۋا جىلىك مايى قامباسىنا بەلسەنە قاتىناسقان ەرىكتىلەر دە بار، ولار قان اۋرۋىنا شالدىققاندارعا تىڭ ءۇمىت الا كەلدى.

  ءتىلشىنىڭ جۇڭحۋا جىلىك مايى قامباسى شينجياڭ بولىمشە قامباسىنان ۇعىسۋىنشا، وسى قامبادا كەزەكتە 27 مىڭ 857 ەرىكتىنىڭ ماتەريالى بار، بولات شينجياڭ بويىنشا 72 - بولىپ، ەرىكتى قان جاساۋشى تەك كلەتكانى اتاۋشى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭنىڭ ساياحات كاسىبى قاۋىرت ارتتى
  • كەشكى شاپاق استىنداعى شينجياڭ ماناس سازدىعى
  • اسەم التاي
  • گۇيجوۋ سۇڭتاۋ: قىزىل تاس كورىنىسى ساياحاتشىلاردى قارسى الدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى