ءتاڭىرتاۋ تورابى   ›   زاڭ تارازى   ›   زاڭنان كەڭەس

پارتيانى باسقارۋدىڭ، پارتيانى جونگە سالۋدىڭ سۋبيەكتتىك جاۋاپكەرشىلىگىن جانە باقىلاۋ جاۋاپكەرشىلىگىن پارمەندى تياناقتاندىرماعانداردى جاۋاپقا تارتتى

  ورتالىق ءتارتىپ تەكسەرۋ كوميتەتى 7 تيپتىك دەلونى اشىق جاريالادى

  شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى (ءتىلشى جۋ جيچاي).جۋىردا ورتالىق ءتارتىپ تەكسەرۋ كوميتەتى پارتيانى باسقارۋدىڭ، پارتيانى جونگە سالۋدىڭ سۋبيەكتتىك جاۋاپكەرشىلىگىن جانە باقىلاۋ جاۋاپكەرشىلىگىن پارمەندى تياناقتاندىرماعانداردى جاۋاپقا تارتقان 7 تيپتىك دەلونى اشىق جاريالادى. بۇل 7 تيپتىك دەلو مىنالار:

  حۋبەي ولكەلىك جوعارى حالىق سوتى مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى چين ۋىنپيڭ جاۋاپتى بولعان ورىن مەن تاراۋدىڭ ورتالىقتىڭ «8 ءتۇرلى بەلگىلەمەسىنىڭ» رۋحىنا كوپ رەت قايشىلىق جاساۋى سياقتى ماسەلەلەر سەبەبىنەن جاۋاپقا تارتىلدى. 2013 - جىلى 8 - ايدان 2014 - جىلى 11 - ايعا دەيىن، چين ۋىنپيڭ جاۋاپتى بولعان حۋبەي ولكەلىك سۋديالاردىڭ ءبىلىم اسىرۋ شۋەيۋانىنان، ولكەلىك حالىق سوتى مەكەمەسىنىڭ نەگىزگى ساتى قۇرىلىسى كەڭسەسىنەن ىلگەرىندى - كەيىندى 4 توپتا 22 ادام قىزمەت تەكسەرۋدى جەلەۋ ەتىپ ۇكىمەت اقشاسىمەن ساياحاتتاعان، چين ۋىنپيڭ قاتىستى ادامدار قىزمەت تەكسەرۋ جونىندە نۇسقاۋ سۇراعاندا قىزمەت تەكسەرۋ جوباسىن تاپسىرۋ تالابىن قويماعان ءارى ماسەلە تۋىلعاننان كەيىن تۇزەتپەي، قاتىستى قاراجاتتاردى ەسەپتەن كوتەرۋگە قوسىلىپ قول قويعان. 2016 - جىلى 4 - ايدا ولكەلىك حالىق سوتى مەكەمەسىنىڭ اسحاناسىندا بەلگىلەمەگە قايشى تۇردە قالالاس قوناقتاردى كۇتىپ الۋ ماسەلەسى تۋىلىپ، چين ۋىنپيڭ رەتتەۋ - وزگەرتۋ شارالارىن اقىلداسۋ جيىنىن باسقارىپ اشقان كەزدە قالالاس قوناقتاردى كۇتىپ العانداعى تالونداردى قالالاس ەمەس قوناقتاردى كۇتىپ الۋ تالونىنا وزگەرتىپ، بەكىتۋ ءراسمياتىن قايتادان ىستەۋگە قوسىلعان. مۇنان سىرت، چين ۋىنپيڭ جاۋاپتى بولعان ازاماتتىق ىستەر 1 - سوتى، ورگان قىزمەت كورسەتۋ ورتالىعى سياقتى تاراۋلاردا باسشى كادرلار بەلگىلەمەگە قايشى تۇردە قوناق ۇيلەردىڭ تۇتىنۋ كارتچكاسىن قابىلداۋ، جەكە قاتىستى ىستەرىن شىنايى مالىمدەمەۋ سياقتى ماسەلەلەر ساقتالعان، ونىڭ وزىندە دە بەلگىلەمەگە قايشى تۇردە يگىلىك سيپاتتى ءۇي ساياساتىنان قايتالاي يگىلىكتەنۋ ماسەلەسى بار. 2017 - جىلى 9 - ايدا سۋبيەكتتىك جاۋاپكەرشىلىگىن پارمەندى تياناقتاندىرماۋ سياقتى ماسەلەلەر سەبەبىنەن چين ۋىنپيڭگە پارتيا ىشىندە قاتاڭ ەسكەرتۋ جازاسى بەرىلدى.

  گۋاڭدۇڭ ولكەسى جانجياڭ قالاسى چىكان رايوندىق پارتكومنىڭ بۇرىنعى شۋجيى لۇڭ شياۋ - اي قاتارلى ادامدار قىستاق دارەجەلى كەزەك اۋىستىرىپ سايلاۋدا پارا الىپ سايلاۋ سەبەبىنەن جاۋاپقا تارتىلدى. 2017 - جىلى 5 - ايدا چىكان رايونى بەيچياۋ ءمالىسى ۋىنجاڭ قىستاق كوميتەتى كەزەك اۋىستىرىپ سايلاۋ جۇرگىزگەن كەزدە، قىستاق پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتى مەڭگەرۋشىسى باس بولعان ەكى جاقتىڭ ادامدارى جەكە - جەكە قوناقاسى بەرۋ، تارتۋ - تارالعى ۇسىنۋ جانە ناق اقشا بەرۋ سياقتى فورمالار ارقىلى ۇيىمدى تۇردە بەلەت جيناپ، سايلاۋدا پارا الىپ، ناشار قوعامدىق ىقپال تۋدىردى، قاتىستى تاراۋلار بەلگىلەمە بويىنشا وسى رەتكى سايلاۋدى كۇشكە يە ەمەس دەپ جاريالادى. چىكان رايوندىق ءتارتىپ تەكسەرۋ كوميتەتى بۇقارا اڭىس ەتكەن پارا الىپ سايلاۋ ماسەلەسىن تەكسەرگەندە تەك ءبىر ءبولىم ماسەلەلەردى عانا تەكسەرىپ، ىسكە قاتىستى ادامدارعا تەك ءناسيحات ايتىپ، ولارمەن اڭگىمەلەسىپ قانا قويىپ، بۇقارانىڭ دارەجە اتتاپ جوعارىعا ارىز ايتۋىنا سەبەپشى بولعان. چىكان رايوندىق پارتكوم، رايوندىق ۇكىمەت، بەيچياۋ ءمالىسى پارتيا قىزمەتى كوميتەتى، ءىس باسقارماسى جانە رايوندىق پارتكوم ۇيىمداستىرۋ ءبولىمى سياقتى قاتىستى تاراۋلار قىزمەت ستيلىندە شىنايى بولماي، اۋىر فورماشىلدىق ىستەپ، كەزەك اۋىستىرۋدا حاۋىپ - قاتەردەن ساقتانۋدى جانە ونى تىزگىندەۋدى جاقسى ىستەمەگەن، قىزمەتكە قۋزاۋ - جەتەكشىلىك ەتۋدە تەك سايلاۋ ءتارتىبى، مىندەتتى ورىنداۋ ۋاقىت شەگى سياقتى جاقتارمەن عانا شەكتەلىپ، كەزەك اۋىستىرعاننان كەيىن ماسەلەنى دەر كەزىندە بايقاماعان، ماسەلەنى بايقاعاننان كەيىن دە دەر كەزىندە ءونىمدى شارا قولدانباي، ماسەلەنىڭ ونان ارى ۋشىعۋىنا مۇرىندىق بولعان. 2018 - جىلى 1 - ايدا سۋبيەكتتىك جاۋاپكەرشىلىگىن پارمەندى تياناقتاندىرماۋ سەبەبىنەن لۇڭ شياۋ - ايعا جانە رايوندىق پارتكومنىڭ ورىنباسار شۋجيى، رايون باستىعى لو حۋاچيڭگە ءناسيحات ايتىلىپ اڭگىمەلەسىلدى؛ رايوندىق ءتارتىپ تەكسەرۋ كوميتەتىنىڭ شۋجيى حۋاڭ لۇڭ، ورىنباسار شۋجيى حان رۇڭ تەكسەرۋ وبيەكتىسىنىڭ قوناقاسىندا بولعانى ءارى تارتۋ - تارالعى العاندىعى، سونداي - اق باقىلاۋ جاۋاپكەرشىلىگىن تياناقتاندىرۋدا پارمەندى بولماعاندىعى سياقتى ماسەلەلەر سەبەبىنەن ولارعا پارتيا ىشىندەگى مىندەتىنەن قالدىرۋ، اكىمشىلىك مىندەتىنەن قالدىرۋ جازاسى بەرىلدى ءارى ءتارتىپ تەكسەرۋ، باقىلاۋ - تەكسەرۋ ورگاندارىنان باسقا ورىنعا اۋىستىرىلدى؛ رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى چىن جياڭعا رايوندىق پارتكومنىڭ ۋىنجاڭ قىستاعىنىڭ كەزەك اۋىستىرىپ سايلاۋعا تۇيىندە تۇرىپ جاۋاپتى بولۋعا جىبەرگەن قىزمەتكەرى رەتىندە پارتيا ىشىندە قاتاڭ ەسكەرتۋ جازاسى بەرىلدى ءارى مىندەتىنەن قالدىرىلىپ، ۇيىمداستىرۋ تاراۋىنان باسقا ورىنعا اۋىستىرىلدى؛ رايوندىق پارتكوم ساياسي - زاڭ كوميتەتىنىڭ ۇنەمىلىك ىستەرگە جاۋاپتى ورىنباسار شۋجيى، قىستاقتا تۇرعان كەزەك اۋىستىرىپ سايلاۋ قىزمەتى گرۋپپاسىنىڭ ورىنباسار باستىعى وۋ يعا، رايوندىق حالىق ىستەرى مەكەمەسىنىڭ باستىعى ۋ ديجۇڭعا پارتيا ىشىندە قاتاڭ ەسكەرتۋ جازاسى بەرىلدى؛ بەيچياۋ ءمالىسى پارتيا قىزمەتى كوميتەتىنىڭ شۋجيى ۋ شياۋچيڭگە (تارتۋ - تارالعى الۋ ماسەلەسى دە بار)، ءمالى پارتيا قىزمەتى كوميتەتىنىڭ ورىنباسار شۋجيى، ءمالى كەڭسەسىنىڭ مەڭگەرۋشىسى، قىستاقتا تۇرعان كەزەك اۋىستىرىپ سايلاۋ قىزمەتى گرۋپپاسىنىڭ باستىعى دۋ ۋيچۋعا پارتيا ىشىندەگى مىندەتىنەن قالدىرۋ، اكىمشىلىك مىندەتىنەن قالدىرۋ جازاسى بەرىلدى، ءمالى پارتيا قىزمەتى كوميتەتىنىڭ مۇشەسى، پارتيا، ۇكىمەت كەڭسەسىنىڭ مەڭگەرۋشىسى، قىستاقتا تۇرعان كەزەك اۋىستىرىپ سايلاۋ قىزمەتى گرۋپپاسىنىڭ ورىنباسار باستىعى جىڭ جيانليگە پارتيا ىشىندە قاتاڭ ەسكەرتۋ جازاسى بەرىلدى.

  جياڭسۋ ولكەسى ۋشي قالاسى حۇيشان رايوندىق پارتكومنىڭ تۇراقتى مۇشەسى، حۇيشان ەكونوميكالىق اشۋ رايونى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى ياڭ جيانپيڭ، اشۋ رايوندىق ءتارتىپ تەكسەرۋ قىزمەتى كوميتەتىنىڭ شۋجيى حۋ ۋىنجۇن قاتارلىلار اشۋ رايونى ەكونوميكانى دامىتۋ مەكەمەسى باسشىلىق القاسىنداعىلاردىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسى سەبەپتى جاۋاپقا تارتىلدى. 2017 - جىلى 6 - ايدا حۇيشان ەكونوميكالىق اشۋ رايونى ەكونوميكانى دامىتۋ مەكەمەسىنىڭ بۇرىنعى ورىنباسار باستىعى، ورتانى قورعاۋ بولىمشە مەكەمەسىنىڭ باستىعى پۋ يانيۇڭعا ورتالىقتىڭ «8 ءتۇرلى بەلگىلەمەسىنىڭ» رۋحىنا اۋىر دارەجەدە قايشىلىق جاساپ، قىزمەت كەزىندە جۇمىس ورنىنان ءوز بەتىمەن كەتىپ، قۇمار ويناۋ قيمىلىنا قاتىناسۋ، قىزمەتتەگى قولايلىلىعىنان پايدالانىپ، باسقالارعا پايدا جەتكىزۋ ءارى مال - مۇلىك الۋ سياقتى ماسەلەلەرى سەبەپتى پارتيادان شىعارۋ جازاسى بەرىلدى ءارى ءادىليا ورگاندارىنا زاڭ بويىنشا ءبىر جايلى ەتۋگە وتكىزىپ بەرىلدى. بۇل دەلو اشۋ رايونى ەكونوميكانى دامىتۋ مەكەمەسىنىڭ جانە ورتانى قورعاۋ بولىمشە مەكەمەسىنىڭ باسقا كوپتەگەن قىزمەتكەرلەرىنە دە سايدى. ەكونوميكانى دامىتۋ، ورتانى قورعاۋ سياقتى قىزمەتتەرگە جاۋاپتى اشۋ رايونىن باسقارۋ كوميتەتىنىڭ ورىنباسار مەڭگەرۋشىسى شىن ۋيلياڭ پۋ يانيۇڭنىڭ ۇنەمى قىزمەت ورنىندا بولماۋ، ماجياڭ ويناۋعا قۇمارتۋ، سونداي - اق كاسىپورىنداردى ورتانى قورعاۋ جۇمىسىمەن شۇعىلدانۋعا تانىستىرۋ سياقتى جاعدايلارى جونىندەگى اڭىستى ەستىگەننەن كەيىن، جاعدايدى ىشكەرىلەي ۇعىسپاعان جانە تۇزەتپەگەن. ەكونوميكانى دامىتۋ مەكەمەسىنىڭ باستىعى شين حاۋجۇننىڭ پۋ يانيۇڭدى جانە باسقا دا كوپتەگەن قىزمەتكەرلەردى ءونىمدى باسقارۋى جانە باقىلاۋى جەتەرسىز بولعاندىقتان، تارتىپكە، زاڭعا قايشىلىق جاساۋ ماسەلەلەرى كوپ تۋىلعان. حۋ ۋىنجۇن پۋ يانيۇڭنىڭ باسقارۋ جانە قىزمەت كورسەتۋ وبيەكتىلەرىمەن قالىپسىز بارىس - كەلىس جاساسۋ ماسەلەسى جونىندەگى اڭىستى ەستىگەننەن كەيىن، تەك وعان قۇلاق قاعىس ەتىپ، اڭگىمەلەسكەن، ىشكەرىلەي شارا قولدانىپ، تەكسەرىپ انىقتاماعان. 2017 - جىلى 8 -، 9 - ايلاردا، سۋبيەكتتىك جاۋاپكەرشىلىگىن جانە باقىلاۋ جاۋاپكەرشىلىگىن پارمەندى تياناقتاندىرماعاندىقتان، اشۋ رايونىنىڭ كۇندەلىكتى قىزمەتىن باسقاراتىن ياڭ جيانپيڭگە كەڭەس بەرىلىپ اڭگىمەلەسىلدى، شىن ۋيلياڭ، شين حاۋجۇن، حۋ ۋىنجۇندەرگە جەكە - جەكە پارتيا ىشىندە ەسكەرتۋ جازاسى بەرىلدى.

  فۋجيان ولكەسى لۇڭيان قالاسى شاڭحاڭ اۋدانى پانجيڭ اۋىلدىق پارتكومنىڭ بۇرىنعى شۋجيى لي يىڭرۇڭ، ءتارتىپ تەكسەرۋ كوميتەتىنىڭ بۇرىنعى شۋجيى جۇڭ دۇڭرۇڭ وسى اۋىلدا بۇقارانىڭ مۇددەسىنە زيان جەتكىزۋدەي بۇرىس ستيل جانە ءىرىپ - ءشىرۋ ماسەلەسى كوپ تۋىلعاندىعى سەبەپتى جاۋاپقا تارتىلدى. 2017 - جىلى 3 - ايدان بەرى پانجيڭ اۋىلىندا بۇرىن - سوڭدى جيىنى 14 اۋىل، قىستاق كادرى تارتىپكە، زاڭعا قايشىلىق جاساۋ ماسەلەسى سەبەپتى تەكسەرىلىپ ءبىر جاقتى ەتىلدى، جۇيەدەن، باسشىلىق القاسىنىڭ سول كەزدەگى اۋىل باستىعىن قامتىعان 2 مۇشەسى جانە قاراستىلىعىنداعى قىستاق «ەكى كوميتەتىنىڭ» 12 كادرى قۇرىلىس قارجىسىن الداپ الۋ، جەپ قويۋ، ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساۋ، قىستاق كوللەكتيۆىنىڭ قارجىسىن بەيبەرەكەت شاشىپ ىسىراپ ەتۋ سياقتى ماسەلەلەرگە شاتىلعان. مۇندا پانجيڭ اۋىلى ۋشى قىستاعى «ەكى كوميتەتىنىڭ» القاسىنداعى 6 مۇشە كورىكتى اۋىل - قىستاق قۇرىلىسىنا قاتىستى قارجىلاردى تالاي رەت قىمقىرىپ الىپ، جەكە بولىسكە سالعاندىقتان، ءادىليا ورگاندارى جاعىنان دەلو تۇرعىزىلىپ تەكسەرىلدى. پانجيڭ اۋىلدىق پارتكوم، ءتارتىپ تەكسەرۋ كوميتەتى كادرلاردى تاربيەلەۋگە، باسقارۋعا جانە باقىلاۋعا سەلقوس قاراپ، تارتىپكە، زاڭعا قايشىلىق جاساۋ ارەكەتتەرىن دەر كەزىندە بايقاماي جانە تەكسەرىپ، ءبىر جايلى ەتپەي، ناشار ىقپال تۋدىرعان. 2017 - جىلى 9 - ايدا، سۋبيەكتتىك جاۋاپكەرشىلىگىن جانە باقىلاۋ جاۋاپكەرشىلىگىن پارمەندى تياناقتاندىرماعاندىقتان، لي يىڭرۇڭ، جۇڭ دۇڭرۇڭدارعا جەكە - جەكە پارتيا ىشىندە ەسكەرتۋ جازاسى بەرىلدى.

  حىنان ولكەسى شۇيچاڭ قالاسى شياڭچىڭ اۋداندىق قازىنا مەكەمەسى پارتيا باسشىلىق گرۋپپاسىنىڭ بۇرىنعى شۋجيى يىن يۇڭچياڭ، ءتارتىپ تەكسەرۋ گرۋپپاسىنىڭ بۇرىنعى باستىعى لۋ ليڭ تارتىپكە قايشىلىق جاساعان پارتيا مۇشەلەرىنە بەرىلگەن ءتارتىپ جازاسىن قاتاڭ تياناقتاندىرماعاندىقتان، جاۋاپقا تارتىلدى. 2014 - جىلى 12 - ايدا شياڭچىڭ اۋدانى جانبەي اۋىلدىق قازىنا - سالىق بولىمشەسىنىڭ بۇرىنعى ورىنباسار باستىعى كۇڭ xxتىڭ قىزمەت ۇقىعىنان بەتالدى پايدالانۋ قىلمىسىنا زاڭ بويىنشا قىلمىستىق ىستەر جازاسىن كەشىرىم ەتۋ ۇكىمى شىعارىلعان. شياڭچىڭ اۋداندىق ءتارتىپ تەكسەرۋ كوميتەتى كۇڭ xxكە پارتيادا قالدىرىپ ءبىر جىل بايقاپ كورۋ جازاسىن بەرگەن، اۋداندىق قازىنا مەكەمەسى ونىڭ جانبەي اۋىلدىق قازىنا - سالىق بولىمشەسىنىڭ ورىنباسار باستىعى مىندەتىنەن الىپ تاستاعانىمەن، كۇڭ xx بۇرىنعىسىنداي كۇندەلىكتى قىزمەتكە جاۋاپتى بولا بەرگەن جانە ناشار ىقپال تۋدىرعان. 2017 - جىلى 12 - ايدا مۇنى شارلاۋشىلار بايقاعان، 2018 - جىلى 1 - ايدا سۋبيەكتتىك جاۋاپكەرشىلىگى مەن باقىلاۋ جاۋاپكەرشىلىگىن پارمەندى تياناقتاندىرماعاندىقتان، يىن يۇڭچياڭ، لۋ ليڭدەرگە پارتيا ىشىندە ەسكەرتۋ جازاسى بەرىلدى.

  چيڭحاي ولكەسى يۇيشۋ وبلىسى چۇيمالاي اۋداندىق وقۋ - اعارتۋ مەكەمەسى پارتكومىنىڭ بۇرىنعى شۋجيى، مەكەمە باستىعى گى باۋلين، ءتارتىپ تەكسەرۋ گرۋپپاسىنىڭ باستىعى دا چيۋ اۋداندىق وقۋ - اعارتۋ مەكەمەسىنىڭ بەلگىلەمەگە قايشىلىق جاساپ ادام تاڭداۋ، ادام ىستەتۋ سياقتى ماسەلەسىنە سايكەس جاۋاپقا تارتىلدى. 2013 - جىلدان 2017 - جىلعا دەيىن چۇيمالاي اۋداندىق وقۋ - اعارتۋ مەكەمەسى بۇكىل اۋدانداعى ءار دارەجەلى ورتا، باستاۋىش مەكتەپتەردىڭ ورتا جىك باسشى كادرلارىنان جانە بالاباقشالارىنىڭ باستىقتارىنان 19 ادامدى )رەت( تارتىپكە قايشىلىق جاساپ، تاڭداپ ءوسىرىپ ىستەتكەن، وسى بارىستا قىزمەت ءتارتىبى بويىنشا اۋداندىق ۇكىمەتتەن نۇسقاۋ سۇراماعان، ۇيىمدىق ءتارتىپ بويىنشا وسىرىلەتىن كادرلارعا تەكسەرۋ جۇرگىزبەگەن جانە ولاردى اشىق جاريالاماعان؛ وقىتۋشى - قىزمەتكەرلەردىڭ قىزمەت ورنىن 28 ادام )رەت( تارتىپكە قايشىلىق جاساپ اۋىستىرعان، قاتىستى ءراسمياتتارىن بىتىرمەگەن؛ تۇتاس اۋدانداعى ءار دارەجەلى مەكتەپتەردە جيىنى 7 وقىتۋشى - قىزمەتكەر ۇزاق ۋاقىت شتات يەلەپ، قىزمەتكە شىقپاعان، ىقپالى وتە ناشار بولعان. 2017 - جىلى 12 - ايدا سۋبيەكتتىك جاۋاپكەرشىلىگىن جانە باقىلاۋ جاۋاپكەرشىلىگىن پارمەندى تياناقتاندىرماعاندىقتان، گى باۋلينعا پارتيا ىشىندە قاتاڭ ەسكەرتۋ جازاسى، دا چيۋعا پارتيا ىشىندە ەسكەرتۋ جازاسى بەرىلدى.

  سىچۋان ولكەسى باجۇڭ قالاسى ىنياڭ رايونى گۋانگۇڭ قالاشىق پارتكومنىڭ شۋجيى يىن چۋياڭ، ءتارتىپ تەكسەرۋ كوميتەتىنىڭ بۇرىنعى شۋجيى دۇڭ دالي ارىز - ارمان اشكەرەلەۋىن تەكسەرۋدە، ءبىر جاقتى ەتۋدە دارمەنسىزدىك ىستەگەندىكتەن، جاۋاپقا تارتىلدى. 2016 - جىلى 12 - ايدا ىنياڭ رايوندىق ءتارتىپ تەكسەرۋ كوميتەتى بۇقارا اڭىس ەتكەن گۋانگۇڭ قالاشىعى تيانحۋاشان قىستاق پارتيا ياچەيكاسىنىڭ شۋجيى لي xxتىڭ تارتىپكە قايشىلىق جاساعانى جونىندەگى ارىز - ارمان اشكەرەلەۋىن وسى قالاشىقتىڭ ءتارتىپ تەكسەرۋ كوميتەتىنىڭ تەكسەرۋىنە وتكىزەدى. تەكسەرۋ ارقىلى لي xx قاتارلىلاردىڭ استىق تىكەلەي قوسىمشا قاراجاتىن الداپ الۋ، قىستاقتىڭ كوللەكتيۆ مەنشىگىندەگى كەڭسە ۇيلەرىن ءوز بىلگەنىنشە ساتۋ، ۇل - قىزدارىنىڭ وقۋعا اتتانۋ تويىن تارتىپكە قايشىلىق جاساپ وتكىزۋ سياقتى تارتىپكە قايشىلىق جاساعان ماسەلەلەرىن بايقايدى. 2017 - جىلى 1 - ايدا دۇڭ دالي يىن چۋياڭعا تەكسەرۋ جاعدايىنان اۋىزشا مالىمەت بەرگەن كەزدە، ءاسىلى دەلو تۇرعىزىپ تەكسەرۋ ۇسىنىسىن بەرۋى كەرەك ەدى، الايدا، لي xx وسى قىستاقتىڭ پارتيا ياچەيكا شۋجيىن اۋىستىرىلاتىن ادامدار تىزىمدىگىندە جوق دەگەن سىلتاۋلاردى ايتىپ، قالاشىق پارتكومىنىڭ ارىز - ارماندى اياقتاتۋى جونىندە ۇسىنىس بەرەدى. يىن چۋياڭ قالاشىق ءتارتىپ تەكسەرۋ كوميتەتىن دەلو تۇرعىزىپ تەكسەرۋگە قۋزامايدى، قايتا دەلونى اياقتاتۋعا قوسىلادى، بۇل اشكەرەلەۋشىنىڭ كوپ رەت اشكەرەلەۋىنە اپارىپ سوعىپ، ناشار ىقپال تۋدىرادى. وسىدان بۇرىن، دۇڭ دالي لي xxتىڭ قاتىستى ماسەلەلەرىن حات ارقىلى سۇراستىرعاندا اشكەرەلەۋ ماتەريالدارىنىڭ قىسقاشا ەستەلىگىن لي xxكە كوبەيتىپ بەرەدى، اشكەرەلەۋشىنىڭ سالاۋاتىن جانە اشكەرەلەۋ مازمۇنىن جانامالاي شاشادى. 2017 - جىلى 11 - ايدا سۋبيەكتتىك جاۋاپكەرشىلىگىن جانە باقىلاۋ جاۋاپكەرشىلىگىن پارمەندى تياناقتاندىرماعاندىقتان، يىن چۋياڭعا پارتيا ىشىندە ەسكەرتۋ جازاسى بەرىلدى، دۇڭ داليعا پارتيا ىشىندە قاتاڭ ەسكەرتۋ جازاسى بەرىلدى ءارى ونى ءتارتىپ تەكسەرۋ كوميتەتىنىڭ شۋجيى مىندەتىنەن الىپ تاستادى.

  جوعارىدا ايتىلعان جاۋاپقا تارتۋ جونىندەگى 7 دەلو كەزەكتە ءىشىنارا جەرلەردە، تاراۋلاردا جانە ورىنداردا پارتيانى باسقارۋ، پارتيانى جونگە سالۋ جاۋاپكەرشىلىگىنىڭ ءالى دە دارمەنسىزدىگى، ەمەۋرىننىڭ كوپتىگى، تياناقتاندىرۋدىڭ ناشارلىعى، قىسىمنىڭ تياناقتى جەتكىزىلمەۋى سياقتى ماسەلەلەردى ايپاراداي اشتى، پارتيانى جاپپاي قاتاڭ جونگە سالۋ مىندەتىنىڭ ءالى دە اۋىر، جولىنىڭ ءالى دە ۇزاق ەكەنىن، ءسوز جوق، تاباندىلىقپەن جالعاستىرۋ، استە اۋىتقىماۋ كەرەكتىگىن ءتۇسىندىردى. ءار دارەجەلى پارتكومدار (پارتيا باسشىلىق گرۋپپاسى) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن، سونداي - اق ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسىنىڭ ورنالاستىرۋىن دايەكتىلەندىرىپ، تياناقتاندىرىپ، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋدىڭ ماڭىزدى تاجىريبەلەرىن تەرەڭ يگەرىپ، ۇقىق جۇرگىزۋ مەن جاۋاپكەرشىلىكتى ارقالاۋدىڭ بىرلىگىنە تاباندى بولىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن شىن مانىندە ەڭ ءتۇبىرلى ساياسي جاۋاپكەرشىلىك ەتىپ، جاۋاپكەرشىلىكتى مىقتاپ يگەرىپ، جاۋاپقا تارتۋ سىندى ۇرىمتال تۇستى مىقتى يگەرىپ، پارتكومنىڭ (پارتيا باسشىلىق گرۋپپاسى) سۋبيەكتتىك جاۋاپكەرشىلىگىن، پارتكوم (پارتيا باسشىلىق گرۋپپاسى) شۋجيى ءبىرىنشى جاۋاپتى ادام سىندى «مۇرىندىقتى» مىقتى ۇستاپ، باسشىلىق القا قۇرامىنداعىلاردىڭ «ءبىر قىزمەت ورنىندا قوس جاۋاپكەرشىلىك ارقالاۋ» سىندى ساياسي سانالىلىعىن كۇشەيتىپ، قۇدىرەتتى بىرىككەن كۇش قالىپتاستىرىپ، پارتيانى باسقارۋ، پارتيانى جونگە سالۋ جاۋاپكەرشىلىگىنىڭ جاپپاي قامتۋىن، ساتىلار بويىنشا جەتكىزىلۋىن ىلگەرىلەتۋ كەرەك.

  ورتالىق ءتارتىپ تەكسەرۋ كوميتەتىنىڭ قاتىستى جاۋاپتىسى بىلاي دەپ باسا دارىپتەدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى «ءتورت تانىمدى» مىقتاپ ورناتىپ، «ەكىنى قورعاۋدى» ءتۇبىرلى ساياسي مىندەت ەتىپ، پارتيانىڭ ساياسي ءتارتىبى مەن ساياسي قاعيداسىن قورعاۋداعى جاۋاپكەرسىزدىك ماسەلەلەرى بويىنشا جاۋاپقا تارتۋدى كۇشەيتىپ، باس شۋجي شي جينپيڭنىڭ ۇيتقىلىق ورنىن، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋى؛ پارتكومعا سايكەسىپ پارتيانى جاپپاي قاتاڭ جونگە سالۋدى ىلگەرىلەتۋ جاۋاپكەرشىلىگىن مۇقيات وتەپ، قاراستى رايون مەن تاراۋداعى پارتيا ۇيىمىنىڭ پارتيانى باسقارۋ، پارتيانى جونگە سالۋ جاعدايىن باقىلاۋ - تەكسەرۋدى شىن مانىندە كۇشەيتىپ، جاۋاپقا تارتۋدىڭ وتكىر قارۋىنان جاقسى پايدالانىپ، سۋبيەكتتىك جاۋاپكەرشىلىكتىڭ، باقىلاۋ جاۋاپكەرشىلىگىنىڭ ءونىمدى تۇردە تياناقتانۋىن ىلگەرىلەتۋى؛ پارتيانى باسقارۋداعى، پارتيانى جونگە سالۋداعى كەڭ، بوس، جۇمساق بولۋ ماسەلەلەرىن باتىل تۇزەتىپ، ورتالىقتىڭ «8 ءتۇرلى بەلگىلەمەسىنىڭ» تياناقتاندىرىلماۋى، ورتالىقتىڭ كەدەيلىكتەن قۇتىلدىرۋدان قامال الۋ شەشىم - ورنالاستىرۋلارىنىڭ باتىل، تياناقتى دايەكتىلەندىرىلمەۋى، لاستانۋدان ساقتانۋدان جانە ونى جونگە سالۋدان قامال الۋ شايقاسىنداعى قىزمەتتىڭ پارمەندى ىلگەرىلەتىلمەۋى سياقتى كورنەكتى ماسەلەلەردى كوزدەپ، جاۋاپقا تارتۋ سەرپىنىن ارتتىرۋى كەرەك. دالمە - ءدال ويلاۋدى كۇشەيتىپ، جاۋاپقا تارتۋ ەرەجەسى مەن باقىلاۋ - تەكسەرۋ زاڭىن نەگىزگى ولشەم ەتىپ، شىندىقتى ءىس جۇزىنەن ىزدەۋدەن جازباي، دالمە - ءدال جاۋاپقا تارتۋدى ءتارتىپ، زاڭ بويىنشا اتقارىپ، جاۋاپقا تارتۋ قىزمەتىنىڭ ارناعا ءتۇسۋ، زاڭمەن جونگە سالىنۋ دەڭگەيىن جوعارىلاتۋ كەرەك. قاتاڭ باسقارۋ مەن سۇيىسپەنشىلىكتى ۇشتاستىرۋعا، شابىتتاندىرۋ مەن تەجەۋگە بىردەي ءمان بەرۋگە تاباندى بولىپ، جاۋاپقا تارتىلعان كادرلارمەن قايتا سۇحباتتاسۋدى جانە سىرلاسىپ اڭگىمەلەسۋدى كۇشەيتىپ، ءتارتىپ پەن زاڭنىڭ تەجەۋىنىڭ قاتاڭدىعىن، سىن مەن تاربيەنىڭ سەرپىنىن، ۇيىمنىڭ قامقورلىعىنىڭ جىلۋىن جۇزەگە اسىرۋ كەرەك. ءوزىن ورتاعا جايىپ سالۋعا تاباندى بولىپ، ءتارتىپ اتقارۋدا تارتىپكە قايشىلىق جاساعانداردى، زاڭ اتقارۋدا زاڭعا قايشىلىق جاساعانداردى باتىل تەكسەرىپ ءبىر جاقتى ەتىپ، ءتارتىپ تەكسەرۋ، باقىلاۋ - تەكسەرۋ كادرلارىنىڭ مىندەتىن وتەمەۋ، جاۋاپكەرسىزدىك ىستەۋ ىستەرىن قاتاڭ جاۋاپقا تارتىپ، «شامنىڭ ءتۇبى قاراڭعىلىقتان» باتىل ساقتانىپ، ادال، تاباندى، جاۋاپكەرشىلىگىن باتىل ارقالايتىن، تارتىپكە، زاڭعا بويسۇناتىن، پاك، كىرشىكسىز ءتارتىپ تەكسەرۋ، باقىلاۋ - تەكسەرۋ قوسىنىن قۇرىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋدى جۇزەگە اسىرۋىن ىلگەرىلەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى