ءتىلشىمىز حان لياڭ
7 - ايدىڭ 16 - كۇنى بۇراتالا قالاسى بىلىنحارمودون اۋىلى شارلجىن قىستاعىنداعى ۇيىنە قايتىپ كەلگەن ستۋدەنت گۇلناي سەرىك قىزى وسى قىستاقتاعى شياۋحى ساياجايىنداعى «شەشەسى» ۋاڭ يانليڭعا امانداسا باردى. بۇرىنعى جىلدارى گۇلناي جازدىق - قىستىق كانيكۋلدا وسى ساياجايدا جۇمىس ىستەيتىن. 2 جىلدان بەرى، گۇلنايدىڭ تۇرمىس قاراجاتى مەن وقۋ قاراجاتىن ۋاڭ يانليڭ بەرىپ كەلە جاتىپتى.
2002 - جىلى 31 جاستاعى ۋاڭ يانليڭ بۇراتالا موڭعۇل اۆتونوميالى وبلىسى گولين ساۋدا يمپورت - ەكسپورت شەكتى جاۋاپكەرشىلىك سەرىكتەستىگىنەن جۇمىستان بوساعان سوڭ، قىستاقتاعى ءبىر بالىق كولشىگىن كوتەرمەگە الىپ، سۋ ونىمدەرى باعىمشىلىعىمەن اينالىسادى. ول: سول كەزدە جالىنداپ تۇرعان جاس كەزىم بولاتىن، ءبىر كاسىپتىڭ بۇيداسىن ۇستاۋىم كەرەك دەگەن ويعا كەلدىم، - دەيدى.
بىرنەشە جىلعى ىزدەنۋدىڭ، ۇيرەنۋدىڭ ناتيجەسىندە، 2006 - جىلى ۋاڭ يانليڭ سۋ ونىمدەرى باعىمشىلىعىنان ءبىرشاما مول پايدا تابادى. سونىمەن بىرگە، ول ىشكى ولكەلەردەن شامگۇل اكەلىپ، بالىق كولشىگىندە سىناق رەتىندە جەتىلدىرە باستايدى، 2008 - جىلى ول اقىرى جەرگىلىكتى ورىننىڭ كليماتىنا ۇيلەسەتىن شامگۇل سورتىن جەتىلدىرىپ شىعادى. ول ونىمەن قويماي بالىق كولشىگىن كۇرىش اتىزىنا وزگەرتىپ، كۇرىش اتىزىنا قىسقىش باعىپ، توعىسپالى باعىمشىلىقتى جۇزەگە اسىرادى. بيىل ول جيلين ولكەسى يۇيشۋ قالاسىنان جياڭتاڭ كۇرىشى، قارا كۇرىش، ايداعار كۇرىشى سياقتى 7 ورگانيكالى كۇرىشتىڭ جاڭا سورتىن ەن
گىزىپ، بۇلاردى ءوزىنىڭ 60 مۋلىق كۇرىش اتىزىندا سىناق رەتىندە جەتىلدىردى. ەڭبەكشىلدىگىمەن بايىعان ۋاڭ يانليڭ توڭىرەگىندەگى جۇزدەگەن ەگىنشى - مالشىنى كاسىپتەندىرۋمەن بىرگە، وتباسىندا قيىنشىلىعى بار ستۋدەنتتەردى كانيكۋل مەزگىلىندە جۇمىسپەن قامتاماسىز ەتىپ، قيىنشىلىعى بار وتباسىلارىنىڭ ەكونوميكالىق اۋىرتپالىعىن جەڭىلدەتتى. 2010 - جىلدان بەرى، ۋاڭ يانليڭ جۇمىسپەن قامتاماسىز ەتۋ، تۇرمىستىق قاراجات بەرۋ، كيىم - كەشەك جانە مەكتەپكە قايتاتىن پويەز بەلەتىن الىپ بەرۋ سياقتى تاسىلدەرمەن وتباسىندا قيىنشىلىعى بار 20 نەشە ءار ۇلت وقۋشىسىنا كومەك قولىن سوزىپ، جاردەم بەرەدى، بۇل كۇندەرى، ولار ۋاڭ يانليڭدى شىن ىقىلاسپەن «ۋاڭ شەشەي» دەپ اتايدى ەكەن.
