گود سكانەرلەپ، «شىققان تەگىن» بىلۋگە بولادى
ءتىلشىمىز گاۋۋا 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 17 - كۇنى تۇتىنۋشى ليۋ يان شينجياڭ حايحۇڭ حالىقارالىق ازىق - تۇلىك زات اينالىمى ورنىندا ازىق - تۇلىك ساتىپ العان سوڭ، ساتىپ الۋ تالونىنداعى ەكى ولشەمدى گودتى سكانەرلەپ، ازىق - تۇلىكتى ساۋدالاۋشى مەن شىعارعان زاۆودتىڭ بىلىكتىلىگىن تەكسەردى. ساتىپ الۋ تالونىنداعى ەكى ولشەمدى گود سكانەرلەپ، ازىق - تۇلىكتى «ءتۇپ تۇقيانىنان» قۋزاستىرۋعا بولادى، بۇل ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) قولدانىسقا ەنگىزگەن ەكىلىك گود ارقىلى قۋزاستىرۋ جۇيەسى، ول ازىق - تۇلىكتى باقىلاۋ - باسقارۋ ينفورماتسياسىن ەكى ولشەمدى گودقا سيدىرىپ، عىلىم - تەحنيكالىق تاسىلمەن ازىق - تۇلىك حاۋىپسىزدىگىن ينفورماتسيالاندىرىپ باقىلاۋ - باسقارۋ دەڭگەيىن جوعارىلاتادى.
ۇعىسۋىمىزشا، ەكى ولشەمدى گودتاعى ينفورماتسياعا ساۋدا جۇرگىزۋشىنىڭ اتى - ءجونى، دۇكەن ورنىنىڭ ءنومىرى، تۇرعان بازارى، حابارلاسۋ تەلەفونى، كۋالىك ءنومىرى، ساۋدا جۇرگىزۋ ورنىنىڭ ادرەسى سياقتىلار قامتىلعان. ساۋدا جۇرگىزۋشىنىڭ اتى - ءجونىن ءتۇرتىپ اشۋ ارقىلى شارۋاشىلىق جۇرگىزۋ رۇقسات كۋالىگى، زات كىرگىزۋ ەستەلىگى، ازىق - تۇلىك تەكسەرۋ مالىمەتى سياقتى ينفورماتسيالاردى قاراپ شىعۋعا بولادى. ەكى ولشەمدى گود ارقىلى قۋزاستىرۋ جۇيەسىندە ازىق - تۇلىك، ءدارى - دارمەك باقىلاۋ - باسقارۋ تاراۋىنىڭ باقىلاۋ - باسقارۋ تەرمينالى، بازار اشقان تاراپتىڭ باقىلاۋ - باسقارۋ تەرمينالى، ساۋدا جۇرگىزۋشى سۋبيەكتىلەرىنىڭ تەرمينالى، ءوندىرۋشى - وڭدەۋشى كاسىپورىنداردىڭ تەرمينالى، اس - سۋ كاسىبىمەن شۇعىلدانۋشىلاردىڭ تەرمينالى سىندى 5 تەرمينال بار. ازىق - تۇلىك باقىلاۋ - باسقارۋ تاراۋىنىڭ باقىلاۋ - باسقارۋ تەرمينالىندا، باقىلاۋ - باسقارۋ قىزمەتكەرلەرى قاراستى اۋماقتاعى ازىق - تۇلىككە پايدالانىلاتىن اۋىل شارۋاشىلىعى ونىمدەرىنىڭ تولىمدىلىق ينفورماتسياسىن جانە اينالىم جاعدايىن ناقتى ۋاقىتتا ءبىلىپ وتىرا الادى، سونداي - اق بازارداعى ساۋدا جۇرگىزۋشىلەردىڭ سانىنا، كۋالىكتەرىنە، ساتىپ الۋ - زات ەنگىزۋ ەستەلىگىنە، كۇندەلىكتى جەدەل تەكسەرۋ ەستەلىگىنە ساناق جۇرگىزىپ، بازارعا قاتىستى بارلىق ينفورماتسيالاردى وڭتايلى، جوعارى ءونىمدى يگەرە الادى. اس - سۋ كاسىبىمەن شۇعىلدانۋشىلار تەرمينالىندا، تۇعىر ءاربىر اس - سۋ كاسىپورنى ءۇشىن ەكى ولشەمدى كود جاريا بەلگىسىن اۆتوماتتى تۇردە جاساپ بەرەدى، تۇتىنۋشى اسحانادا تاماقتانعان كەزدە، ەكى ولشەمدى گودتى سكانەرلەۋ ارقىلى اس - سۋ كاسىپورنى سۋبيەكت ينفورماتسياسى، كۋالىك ينفورماتسيالارى، قىزمەتشىلەردىڭ دەنساۋلىق ينفورماتسيالارى، ساتىپ الۋ - ەنگىزۋ ەستەلىگى جانە ءونىمدى تەكسەرۋ مالىمەتى سياقتى قاتىستى قۋزاستىرۋ ينفورماتسيالارىن بىلە الادى.
ءتىلشى شينجياڭ حايحۇڭ حالىقارالىق ازىق - تۇلىك زات اينالىم ورنىنان ساتىپ الۋ تالونىندا ەكى ولشەمدى گود بولۋدان سىرت، ءار ساۋدا دۇكەنىنە دە ەكى ولشەمدى گود جاپسىرىلعانىن، تۇتىنۋشىلاردىڭ ەكى ولشەمدى گودتى سكانەرلەۋ ارقىلى تاۋار ينفورماتسياسىن بىلە الاتىنىن كوردى. «ەكى ولشەمدى گود ارقىلى قۋزاستىرۋ جۇيەسى ءوندىرۋشى زاۆودتىڭ ەستەلىككە الدىرعان ينفورماتسياسى، شيكىزات ساتىپ الۋ - ەنگىزۋ ەستەلىگى سياقتى كوپتەگەن ينفورماتسيالاردى تەكسەرە الادى. ءبىز بىلىكتىلىگى تولىق، زاڭدى، سەنىمدى زاۆودتاردى تاڭداپ زات ەنگىزىپ، تۇتىنۋشىلارعا الاڭسىز ازىق - تۇلىك ۇسىنا الامىز»، - دەيدى شينجياڭ حايحۇڭ حالىقارالىق ازىق - تۇلىك زات اينالىم ورنىنداعى ساۋدا جۇرگىزۋشى تان جيادي تىلشىگە.
قازىر اتالعان جۇيە حايحۇڭ حالىقارالىق ازىق - تۇلىك زات اينالىم ورنىندا سىناق ەتىلىپ، 600دەن استام ساۋدا دۇكەنى تۇگەلدەي ءبىر تۇتاس باسقارۋعا قامتىلعان. جۇيە جالپى 23 مىڭنان استام ينفورماتسيا جيناپ، 8000نان استام ازىق - تۇلىككە باقىلاۋ - باسقارۋ جۇرگىزۋدە.
ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) بازار باقىلاۋ - باسقارۋ مەكەمەسى ازىق - تۇلىك ءبولىمىنىڭ قىزمەتكەرى حان چىن بىلاي دەدى: «كەلەسى قادامدا، ءبىز ەكى ولشەمدى گود ارقىلى قۋزاستىرۋ جۇيەسىنىڭ باقىلاۋ - باسقارۋ كولەمىن كەڭەيتىپ، اس - سۋ بۋىنىنداعى ەلەكتروندىق قۋزاستىرۋ جۇيەسى مەن جوعارعى تىزبەك بۋىنىن ۇشتاستىرۋ مەحانيزمىن اقاۋسىزداندىرىپ جانە كەمەلدەندىرىپ، قۋزاستىرۋ ساندى مالىمەتتەرىنىڭ ساپاسىن جوعارىلاتىپ، ازىق - تۇلىكتىڭ حاۋىپسىز شيكىزات ساتىپ الۋ بۋىنىن بىرگە مىقتى يگەرىپ، كەلۋ تەگىن تەكسەرۋگە، بارار جەرىن سۇراستىرۋعا، جاۋاپكەرشىلىگىن قۋزاستىرۋعا بولاتىن قۋزاستىرۋ تىزبەگىن قالىپتاستىرامىز».
