ءتىلشىمىز جاۋ شييا 7 - ايدىڭ 28 - كۇنى ۇرىمجىدەن حابارلايدى. اۆتونوميالى رايوننىڭ مىندەتتى وقۋ - اعارتۋدىڭ تەپە - تەڭ دامۋىنان تۇبەگەيلى قامال الۋدى ىلگەرىلەتۋ ماجىلىسىنەن ۇعىسۋعا قاراعاندا، 2017 - جىلدىڭ اياعىنا دەيىن بۇكىل اۆتونوميالى رايونىمىزدا 68 اۋداننىڭ (قالا، رايون) مىندەتتى وقۋ - اعارتۋ ساتىسىنداعى مەكتەپتەرىنىڭ ولشەمدەنۋ قۇرىلىسى اۆتونوميالى رايوننىڭ تۇراقتاندىرۋىنان وتكەن، 56 اۋدان (قالا، رايون) مەملەكەتتىڭ مىندەتتى وقۋ - اعارتۋدىڭ تەپە - تەڭ دامۋى بويىنشا باعالاپ تۇراقتاندىرۋىنان وتكەن.
ۇعىسۋىمىزشا، بيىل جوبا بويىنشا اتقارعان 13 اۋدان (قالا، رايون) اۆتونوميالى رايوننىڭ جەتەكشىلىك ەتىپ باعالاپ تەكسەرۋىنەن وتكەن، تاياۋدا مەملەكەتتىڭ قۋزاۋ - جەتەكشىلىك ەتۋ گرۋپپاسىنىڭ باعالاپ تۇراقتاندىرۋىن قابىلدايدى. قازىر اۆتونوميالى رايونىمىزدا ءالى 42 اۋدان (قالا، رايون) 2018 - جىلدان 2020 - جىلعا دەيىنگى مەزگىلدە مەملەكەتتىڭ باعالاپ تۇراقتاندىرۋىن قابىلداۋى كەرەك، مۇنىڭ ىشىندە وڭتۇستىك شينجياڭداعى 3 ايماق، ءبىر وبلىستا 26سى بار، بۇل %61.9تى ۇستايدى؛ وڭتۇستىك شينجياڭداعى 3 ايماق، ءبىر وبلىستاعى 22 اۋىر كەدەي اۋداننىڭ اراسىندا 19ى بار، بۇل %86.4تى ۇستايدى.
ءماجىلىس بىلاي دەپ باسا دارىپتەدى: جەر - جەر، تاراۋلار ساياسي تۇرعىنى شىن مانىندە جوعارىلاتىپ، ءار دارەجەلى ۇكىمەتتەردىڭ مەكتەپ باسقارۋداعى سۋبيەكتتىك جاۋاپكەرشىلىگىن تولىق تياناقتاندىرىپ، ءبىر تۇتاس جوسپارلاۋ تەبىنىن ارتتىرۋى كەرەك. اۆتونوميالى رايوندىق وقۋ - اعارتۋ مەڭگەرمەسى 22 اۋىر كەدەي اۋداننىڭ مىندەتتى وقۋ - اعارتۋىنىڭ تەپە - تەڭ دامۋىنا بايلانىس ورناتىپ جەتەكشىلىك ەتۋ قىزمەت مەحانيزمىن قۇرۋى؛ اۆتونوميالى رايوندىق وقۋ - اعارتۋعا جەتەكشىلىك ەتۋ كەڭسەسى 29 اۋدان - قالاعا الدىن الا 1 − 2 جىل بۇرىن قۋزاۋ - جەتەكشىلىك ەتۋى؛ ايماقتار (وبلىس، قالا) مىندەتتى وقۋ - اعارتۋدىڭ تەپە - تەڭ دامۋىنا ءبىر تۇتاس جەتەكشىلىك ەتۋ جانە باسقارۋ جاۋاپكەرشىلىگىن اتقارۋى؛ اۋداندار (قالا، رايون) بولىكتەر بويىنشا مىندەتىنە الۋ ءتۇزىمىن ورناتىپ، كورسەتكىشتەردى مەكتەپتەر بويىنشا تياناقتاندىرىپ، دارەجەلەر بويىنشا قىسىم ءتۇسىرىپ، جاۋاپكەرشىلىكتى ادامعا تياناقتاندىرىپ، اۋداننىڭ مىندەتتى وقۋ - اعارتۋىنىڭ مەزگىلىندە ولشەمگە جەتۋىن قامتاماسىز ەتۋى كەرەك. سونىمەن قاتار وقۋ - اعارتۋعا ۇسىنىلىم قوسۋ تەبىنىن كۇشەيتۋ، مەكتەپتەردىڭ ورنالاسۋى مەن كولەمىن ساپالىلاندىرۋ، وقىتۋشىلار قوسىنى قۇرىلىسىن مىقتى يگەرۋ سياقتى تاسىلدەر ارقىلى مىندەتتى وقۋ - اعارتۋداعى مەكتەپ باسقارۋ شارت - جاعدايىن جاقسارتىپ، وقۋ - اعارتۋ ساپاسىن ءوسىرۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار ۋاقىت كۇتىپ تۇرمايدى دەيتىن كوكەي تەستىلىك سەزىممەن شىنايى يگەرىپ، ناقتى ىستەپ، قامال الىپ قيىندىقتاردى جەڭىپ، 2020 - جىلى اۆتونوميالى رايوننىڭ مىندەتتى وقۋ - اعارتۋدىڭ تەپە - تەڭ دامۋى جوبا نىساناسىنىڭ جاپپاي جۇزەگە اسۋىنا شىنايى كەپىلدىك ەتىپ، حالىق رازى بولعان وقۋ - اعارتۋدى ويداعىداي جۇرگىزىپ، اۆتونوميالى رايوننىڭ قوعام ورنىقتىلىعى مەن باياندى تىنىشتىعىنا مىعىم نەگىز قالاۋى كەرەك.
