ءتىلشى يۋان لەي
7 - ايدىڭ 21 - كۇنى قاشقار قالاسى داۋلەتباق اۋىلى چاۋياڭ شاعىن رايونىندا الگىندە عانا الەۋمەتتىك اۋماقتىڭ «بۇقارانىڭ ۇلكەن ساحناسى» قيمىلىنا قاتىناسقان تۇرعىندار قاشقار قالاسى افانتي قوعامدىق قىزمەت كورسەتۋ ورتالىعىنىڭ مەڭگەرۋشىسى لۇڭ جيجۇندى ورتاعا الىپ، بۇرىنعى كەزدەرىنە قايتا قايتقانداي سەزىنگەندەرىن، كورشى - قولاڭ ەتەنە - تاتۋ وتەتىندىكتەرىن ايتىپ جاتتى. لۇڭ جيجۇن: مەنىڭشە، كورشى - قولاڭدار وسىنداي بولۋعا ءتيىس، كورشىلەردىڭ اتىنا قانىقپىن، ۇيدەن شىعىپ جول بويى ولارعا سالەمدەسىپ، ەسەندىك سۇرايمىن، - دەدى.
بيىل 33 جاستاعى لۇڭ جيجۇن شىنجىننان شينجياڭعا كومەككە كەلگەن كادر، 2015 - جىلى شينجياڭعا كومەكتەسۋگە قىزمەت كورسەتۋ مەرزىمى تولعاننان كەيىن، قاشقاردا قالۋدى تاڭداپ، قاشقار قالاسى افانتي قوعامدىق قىزمەت كورسەتۋ ورتالىعىن قۇردى. «قوعامدىق قىزمەت دەگەنىمىز ادامداردىڭ قيىنشىلىقتان قۇتىلۋىنا كومەكتەسىپ، قوعامدىق ماسەلەلەردى شەشەتىن كاسىپتىك قىزمەت كورسەتۋ قىزمەتى، مىسالى، الەۋمەتتىك اۋماقتا قارتتار كوپ، ولاردىڭ ۇيىنە بارىپ قىزمەت كورسەتۋگە تۋرا كەلەدى؛ ارتىق ەڭبەككۇش كوپ، جۇمىستانۋداعى تەحنيكا ونەرى كەمشىل؛ كورشىلەردىڭ ءبىر - بىرىمەن بايلانىسى از، كوللەكتيۆ قيمىلدارعا قاتىناسۋدى اڭسايدى... وسىنداي ناقتى - ناقتى ۇساق ىستەر − تۇرعىنداردىڭ قاجەتى. مۇنداي ىستەردى ۇكىمەت باسقارعىسى كەلگەنىمەن، ءبىراق وتە ۇساق بولعاندىقتان، ءبارى - ءبارىن بىردەي باسقارىپ كەتە المايدى؛ الەۋمەتتىك اۋماق باسقارعىسى كەلگەنىمەن، ءبىراق ادام كۇشى جەتىسپەيدى، ارمانىنا دارمەنى جەتپەيدى. ءدال وسىندايدا ءبىزدىڭ كاسىپتىك قوعامدىق قىزمەتتى قىزمەت كورسەتۋ ءتاسىلى ەتىپ، بۇقارانىڭ سۇرانىسىنا جاۋاپ قايتارۋىمىز قاجەت بولادى»، - دەدى لۇڭ جيجۇن.
3 جىلدىق دامۋ ارقىلى افانتي قوعامدىق قىزمەت كورسەتۋ ورتالىعى قازىر 40 نەشە كاسىپتىك كۇشپەن تولىقتى، قىزمەت كورسەتۋ كولەمى ءادىليا، جاپپاي وڭاۋ، سونداي - اق جۇمىسشى ۇيىمى، جاستار وداعى، ايەلدەر بىرلەستىگى سياقتى بۇقارالىق ۇيىمدارعا كەڭەيدى، حالىق تۇرمىسىن قامتاماسىز ەتۋ، قوعامدىق جونگە سالۋدا جاڭالىق اشۋ جاقتارىندا بەلسەندى رول اتقارىپ، «وزگەگە كومەكتەسكەنىڭ وزىڭە كومەكتەسكەنىڭ» دەيتىن ۇستانىم ارقىلى مەيىر - شاپاعات جەتكىزدى. بۇل بارىستا لۇڭ جيجۇندى «جاقسى كورشىم بار» اتتى الەۋمەتتىك اۋماق قىزمەت كورسەتۋ نىسانى ەڭ مول تابىس سەزىمىنە بولەدى: قوعامدىق قىزمەت كورسەتۋ ورتالىعى تۇرعىندار قاجەتىنە مەرزىم سايىن تەكسەرۋ جۇرگىزىپ، ءۇي باققان قارتتار، بالالار، قيىنشىلىعى بار جۇمىسكەرلەر جانە ولاردىڭ پەرزەنتتەرى، مۇگەدەكتەر سياقتىلاردى قىزمەت كورسەتۋ ءتۇيىنى ەتىپ، تۇرعىندار قاجەتىنە ۇيلەسەتىن قوعامدىق قىزمەت كورسەتۋ نىسانىن اشىپ، جوبالاپ، «قوعامدىق قىزمەت كورسەتۋ + بورىشتى ەڭبەك» ۇلگىسىن قولدانىپ، الەۋمەتتىك اۋماق ىشىنەن تۇرلىشە ونەرى مەن قىزمەت كورسەتۋ ىڭعايى بار ەرىكتىلەردى قابىلداپ، كومەككە ءزارۋ تۇرعىندارعا قىزمەت كورسەتتى.
چاۋياڭ شاعىن رايونىن مىسال ەتىپ، الەۋمەتتىك اۋماق «جاقسى كورشىم بار» اتتى قىزمەت كورسەتۋ نىسانىن ەنگىزگەننەن كەيىن، قوعامدىق قىزمەت كورسەتۋ قىزمەتكەرلەرى تۇرعىنداردىڭ ەرەكشەلىگىنە ساي، قاتىستى ورىندارمەن بايلانىس جاساپ، تۇرعىنداردىڭ جۇمىستانۋىنا جەتەكشىلىك ەتۋ، شەبەرلىككە تاربيەلەۋ، كاسىپ جوباسى، قىزمەتكەر قابىلداۋ شاعىن جينالىسى سياقتى قىزمەت كورسەتۋلەرمەن مەرزىم بويىنشا قامدادى. سونىمەن بىرگە، اپتاسىنا ءبىر رەت «بۇقارانىڭ ۇلكەن ساحناسى» قيمىلىن ۇيىمداستىرىپ، تۇرعىنداردىڭ مادەني تۇرمىسىن بايىتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەدى.
«چاۋياڭ شاعىن رايونىنا العاش كەلگەن كەزىمدە، سۇرەڭسىز سەزىنۋشى ەدىم. ال قازىر وسىنشاما كوپ قيمىلدارمەن بۇكىل شاعىن رايون دىر - دۋمانعا بولەندى»، - دەدى افانتي قوعامدىق قىزمەت كورسەتۋ ورتالىعىنىڭ ەرىكتىسى ءرايلا تاۋاككۇل. قازىرگە دەيىن «جاقسى كورشىم بار» اتتى الەۋمەتتىك اۋماق قىزمەت كورسەتۋ نىسانى ۇكىمەتتىڭ الەۋمەتتىك قىزمەت كورسەتۋدى ساتىپ الۋى تاسىلىمەن قاشقار قالاسىنداعى 40 شاعىن رايونىنا ەنگىزىلىپ، ءتۇرلى قيمىلدار 3000 رەت ورىستەتىلىپ، 450 مىڭ ادام - رەتتەن استام قىزمەت كورسەتىلىپ، ۇكىمەت باسقارۋىنىڭ جاقسى كومەكشىسىنە اينالدى.
قازىر افانتي قوعامدىق قىزمەت كورسەتۋ ورتالىعىنىڭ قىزمەتكەرلەرى كاسىپتىك ارتىقشىلىقتارىن تولىق ساۋلەلەندىرۋدە، ولار قوعامدىق جىلۋ اتاۋ سياقتى ادىستەر ارقىلى «<ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن كادرلاردىڭ پەرزەنتتەرى ءۇشىن جىلى باسپانا قۇرايىق»، «بالالاردىڭ تىنىش ساباقحاناسى»، «ي - لىيۋان. بالالارعا قىزمەت كورسەتۋ ايالداماسى» سياقتى نىسانداردى ورىستەتىپ، قوعامدىق ۇيىمداردى ۇزدىكسىز كۇشەيتۋمەن بىرگە، ۇكىمەتتىڭ باسقارۋىنا اناعۇرلىم ءونىمدى كومەك ازىرلەدى.
لۇڭ جيجۇن: قوعامدىق قىزمەت جۇڭگونىڭ كورشى - قولاڭ تاتۋ - ءتاتتى وتەتىن، ءوزارا كومەكتەسەتىن داستۇرىنە ۇيلەسەتىن الەۋمەتتىك يگىلىك ىستەرى، سونداي - اق وسى زامانعى قوعامدىق اينالىستىڭ ءتول قاجەتى. مەن وڭتۇستىك شينجياڭعا تامىر تارتىپ، وسى ءبىر ماعىنالى ءىستى ارى قاراي جالعاستىرا بەرمەكپىن، - دەدى.
