بۇقارا سەنىم ارتقان مەيىرىمدى جاندار

　　− سانجى وبلىستىق پارتكوم ۇگىت بولىمىنەن موري دانانگۋ وزبەك ۇلتتىق اۋىلىنىڭ نانگۋ قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى تۋرالى

　　ءتىلشى جاڭ تيڭ

　　ولار − نانگۋ قىستاعىنىڭ تۇرعىندارىنا ەڭ تانىس جاندار، قىستاق تۇرعىندارى ەڭ سەنەتىن جاندار دا.

　　قىستاق تۇرعىندارىمەن قاتىستى حالىققا تيىمدىلىك جاساۋ ساياساتتارىنىڭ بارلىعىن ولار ءۇي - ءۇيدى ارالاپ ەگجەي - تەگجەيلى تۇسىندىرەدى؛ قىستاقتاعى ءىرى - ۇساق ىستەردىڭ ولار قاشاندا قاسىنان تابىلادى... ولار سانجى حۇيزۋ اۆتونوميالى وبلىستىق پارتكوم ۇگىت بولىمىنەن موري قازاق اۆتونوميالى اۋدانى دانانگۋ وزبەك ۇلتتىق اۋىلىنىڭ نانگۋ قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى.

　　«بۇقارانىڭ ىسىندە ۇساق ءىس بولمايدى. تەك ءاربىر ءىستى قىزمەت جاۋاپكەرشىلىگىن تولىق ادا ەتە وتىرىپ ويداعىداي ىستەپ، بۇقارا ءۇشىن ناقتى، جاقسى ىستەر ىستەگەندە عانا، بۇقارانىڭ كۇتكەن ءۇمىتىن اقتاۋعا بولادى». 7 - ايدىڭ 29 - كۇنى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي شىن جۇڭچۋان بىلاي دەدى: قىستاقتا تۇرعاننان بەرى، قىزمەت اترەتى بۇقارالىق قىزمەتتى جاقسى ىستەۋدى ءونىمدى تۇتقا ەتىپ، ءاربىر ءىستى شىن كوڭىلمەن، بار كۇشپەن جاقسى ىستەپ، شىنايى پەيىلدەرىمەن قىستاق تۇرعىندارىنىڭ سەنىمىنە يە بولىپ، ىسكەرلىكتەرىمەن قىستاق تۇرعىندارىنان قولداۋ تاپتى.

　　قىستاق تۇرعىندارىنىڭ تالاپ - تىلەگىن جاۋاپسىز قالدىرمادى

　　«مادەنيەت اۋلاسىندا شاتتىق كوپ، سەن ءان شىرقاساڭ، مەن ءبي بيلەيىن؛ حالىققا تيىمدىلىك جاساۋ ساياساتتارىن جىرلاپ، جاراسىمدى، وركەنيەتتى جاڭا نانگۋ ...». 7 - ايدىڭ 29 - كۇنى نانگۋ قىستاعى مادەنيەت اۋلاسىنان شات كۇلكى ەستى، قىستاق تۇرعىنى مەيرامبەك اكباربەك ۇلىنىڭ اقىندار ايتىسىنا كوپشىلىك ءالسىن - ءالى شاپالاق سوقتى.

　　بۇگىنگى كۇندە، بۇنداي ويىن - ساۋىق نانگۋ قىستاعىندا اپتا سايىن وتەدى، ەگىس جۇمىسىنىڭ قاربالاستىعىنان قولى بوساعان قىستاق تۇرعىندارى وسىندا مۋزيكا شالىپ، ءان ايتىپ، ءبي بيلەيدى.

　　بيىل قىستاق تۇرعىندارى ورتاعا قويعان مادەني قيمىل ورنى كەمشىل بولۋ ماسەلەسىنە سايكەس، قىزمەت اترەتى 100 مىڭ يۋان قاراجات سايكەستىرىپ، جۇمساق، قاتتى بولشەكتەر جاعىنان قىستاق دارەجەلى مادەنيەت الاڭىن بار كۇشپەن سالدى. سونىمەن بىرگە، قىستاقتىڭ مالشىلار ءان - ءبي اترەتى، «اقىن» ايتىس اترەتى، جاستۇلەك ءبي اترەتى جانە قىزىل ءان حور اترەتى سياقتى 4 مالشىلار ادەبيەت - كوركەمونەر اترەتىن قۇرۋىنا كومەكتەسىپ، بۇقارانىڭ رۋحاني مادەنيەت قاجەتىن ايتارلىقتاي قاناعاتتاندىردى.

　　قىستاق تۇرعىندارى ورتاعا قويعان ماسەلەگە باعىتتاي وتىرىپ، قىزمەت اترەتى ءارقاشان «بارلىعىنا جاۋاپ قايتارىپ، ءار ءىستى تياناقتاندىرىپ» وتىردى. قازىرگە دەيىن، قىزمەت اترەتى قىستاق «ەكى كوميتەتىنىڭ» القاسىمەن سايكەسىپ، بۇقارانىڭ تالاپ - تىلەگىنەن 130 نەشەسىن شەشتى.

　　اۋلا شارۋاشىلىعىن دامىتىپ،كىرىستى ارتتىردى

　　7 - ايداعى نانگۋ قىستاعى جاسىل جەلەك جامىلىپ، شارۋا اۋلالارىنداعى كوكونىستەر مەن جەمىس اعاشتارى جاپ - جاسىل بولىپ تۇر. نانگۋ قىستاعى − مال شارۋاشىلىعىن نەگىز ەتكەن، ەگىن، مال شارۋاشىلىقتارىن ۇشتاستىرعان مالشىلار وتىرىقتانعان جاڭا قىستاق، بيىل قىزمەت اترەتى اۋلا شارۋاشىلىعىن دامىتۋدى قىستاق تۇرعىندارىنىڭ كىرىسىن ارتتىرۋداعى كۇش سالۋ ءتۇيىنى ەتتى.

　　كوكتەم ماۋسىمىندا، قىزمەت اترەتى 15 مىڭ يۋاننان كوبىرەك قاراجات شىعارىپ، 12 مىڭ ءتۇپ كوكونىس مايساسىن ساتىپ الىپ، قىستاق تۇرعىندارىنا تەگىن تاراتىپ بەردى ءارى كوكونىس وسىرۋدەن جۇمىس باسى كورمە ءماجىلىسىن اشىپ، مالشىلاردى كوكونىس ەگىمشىلىك تەحنيكاسىنا شوعىرلى تۇردە تاربيەلەدى.

　　«كوكونىس، جەمىس اعاشىن ەكسەك، اۋلانى كورىكتەندىرىپ قالماستان، ءبىزدىڭ كىرىسىمىزدى دە ارتتىرادى ەكەن»، - دەدى قىستاق تۇرعىنى پەريزات دۇيسەنباي قىزى جۇزىنە كۇلكى ءۇيىرىلىپ.

　　قورشاعان ورتانى كورىكتەندىرۋ، قىستاق تۇرعىندارىن سالاماتتى ومىرگە جەتەكتەۋمەن قاتار، قىزمەت اترەتى «ون جۇلدىز دارەجەلى» وركەنيەتتى وتباسىن قۇرۋدى تۇتقا ەتىپ، «ون جۇلدىز دارەجەلى» وركەنيەتتى وتباسىن قۇرۋ، باعالاۋ قيمىلىن ورىستەتىپ، بۇكىل قىستاقتىڭ سالت - سانانى وزگەرتۋ قىزمەتىن بار كۇشپەن ىلگەرىلەتىپ، جاڭا سالت، دۇرىس بەينەنى بەلسەندىلىكپەن ساۋلەلەندىردى.

　　قىستاق تۇرعىندارىنىڭ اۋقاتتانۋ جولىن كەڭەيتتى

　　7 - ايدىڭ 29 - كۇنى قامقور قولونەر بۇيىمدارى سەلبەستىك كووپەراتيۆىندە بىرنەشە ايەل قۇرت، سارى ماي، ت.ب الىپ وتىر.

　　«قازىر ءبىز قۇرت، سارى ماي، قايماق سياقتى 5 − 6 ءتۇرلى ءسۇت ءونىمىن شىعارامىز، ءبىر ءبولىمىن ساياحات كورىنىس تۇيىندەرىنە ساتامىز، كەيبىرەۋىن ماڭايداعى اۋدان - قالالارعا ساتامىز، وتكەن جىلى كووپەراتيۆتىڭ كىرىسى 450 مىڭ يۋان بولدى»، - دەدى كووپەراتيۆتىڭ جاۋاپتىسى ومارجان.

　　ومارجان بۇرىن ءسۇت ونىمدەرىن وندىرۋمەن شاعىن كولەمدە اينالىسىپتى، ءارقاشان ءوندىرىس كولەمىن كەڭەيتۋدى ارمانداعانىمەن، قاراجات پەن بازار قول بايلاۋ بولىپ كەلگەن ەكەن. وتكەن جىلى، قىزمەت اترەتى وعان 100 مىڭ يۋان دامۋ قاراجاتىن الىپ بەرىپ، سەلبەستىك كووپەراتيۆىن قۇرىپ، قىستاقتاعى تومەن كىرىستى 10 وتباسىن قابىلداپتى. بيىل قىزمەت اترەتى وعان ءوندىرىس ورنىن سايكەستىرىپ بەرىپتى، ول تاعى دا جابدىقتار ساتىپ الىپ، ءوندىرىس كولەمىن كەڭەيتۋگە دايىندالۋدا.

　　قىستاق تۇرعىنى ءابىلقازىر قاتي مەن ايەلى ەكەۋى كووپەراتيۆكە جۇمىسقا تۇرىپتى. ءابىلقازىر بىلاي دەدى: ايەلىم ءسۇت ونىمدەرىن جاسايدى، مەن سيىر باعۋعا جاۋاپتىمىن، ەكەۋىمىز ايىنا 4000 يۋان اقشا تابامىز، بۇدان كەيىن مەن ۇزدىكسىز قۇلشىنا جۇمىس ىستەيمىن.

　　بۇگىنگى كۇنى، قىزمەت اترەتى جىلقى شارۋاشىلىعى، ءسۇت ونىمدەرى، كەستەشىلىك، مالشىلار شاتتىعى، ناۋبايشىلىق سياقتى كوپتەگەن سەلبەستىك كووپەراتيۆىن قۇرىپ، قاراجات قۇراۋ ارقىلى ءارقايسى سەلبەستىك كووپەراتيۆتەردىڭ دامۋىن سۇيەمەلدەدى. قىستاق «ەكى كوميتەتى» سەلبەستىك كووپەراتيۆتەرىمەن سەلبەستىك كەلىسىمىنە قول قويىپ، تومەن كىرىستى ادامداردى كووپەراتيۆكە جۇمىسقا قابىلدادى، قازىر تومەن كىرىستى 20 ادام كووپەراتيۆكە قابىلداندى. سونىمەن قاتار، قىزمەت اترەتى «سەن جۇمىس ىستەسەڭ، مەن سيلايمىن» دەگەن سيلاۋ، تولىقتاۋ شارالارىن اتقارىپ، ماۋسىم سايىن سىرتقا شىعىپ جۇمىس ىستەگەندەردەن ۇزدىكتەر باعالاپ، سيلاپ، تومەن كىرىستى ادامداردى ۇيدەن شىعىپ، جۇمىس ىستەپ، كىرىستەرىن ارتتىرۋعا ىنتالاندىردى.