ەرىكتى ءتىلشى دۇڭ چىڭجۇڭ
اقسۋ قالاسى قۇمباش اۋىلى اياباق قىستاعىنداعى 11 جاسقا كەلگەن حانقىز توحنياز 8 - ايدىڭ 12 - كۇنگى كۇندەلىگىنە: «بۇگىن اكەم ءبىزدى تاۋعا الىپ شىقتى، ءسىڭلىمنىڭ كولىكتە باسى اينالىپ ەدى، اكەم ونى قۇشاعىنا الىپ وتىردى، مەنى قۇشاقتاعان جوق، بۇعان قاتتى كوڭىلسىزدەندىم!» دەپ جازىپتى.
حانقىزدىڭ كۇندەلىگىندە اكەم دەپ وتىرعانى اقسۋ ايماقتىق ساۋدا ىستەرى مەكەمەسىنىڭ كادرى شۇي گوتاۋ بولاتىن. 2017 - جىلى 11 - ايدا شۇي گوتاۋ وتباسىلارىن ارالاپ جاعداي ۇعىسۋ بارىسىندا، حانقىزدى قىزىم دەپ تانيدى ءارى وعان شۇي زىيۋان دەپ ات قويادى.
تۋىستاسۋ بارىسىن تىلگە العاندا، شۇي گوتاۋ: سول كۇنى كىشكەنتاي قىز تۋىستاسۋعا كەلگەن كادرلارىمىزعا ەرىپ وتباسىلارىن ارالادى، ونىڭ سونداي سۇيكىمدى بەينەسىنە قاراپ سىناپ كورۋ ويىمەن مەنى «اكە» دەشى دەپ ەدىم، ول دەرەۋ اكە دەپ داۋىستادى. مەنىڭ ۇلىم بار، بيىل 16 جاسقا كەلدى، ءبىر قىزىم بولساشى دەپ جۇرەتىنمىن، سونىمەن وسى كىشكەنتاي قىزدى قىزىم دەپ تانىسام دەگەن وي كەلدى. تۋىستاسقاننان بەرى، ءبىز ۇنەمى بىرگە تاماقتانامىز، بىرگە تۇرامىز، بەينە ءبىر ءۇيلى جان سياقتىمىز، مىنە بۇل بۇيرىق، - دەدى.
حانقىزدىڭ اكە - شەشەسى ەگىنشى، وتباسىندا 4 جان بار، جىلدىق كىرىستەرى 10 مىڭ يۋانعا جەتپەيدى. شۇي گوتاۋ حانقىزدى قىزىم دەپ تانيىن دەپ وتىنگەندە، حانقىزدىڭ اكە - شەشەسى قۋانا قۇپتادى. حانقىزدىڭ ءتىپتى دە تاماشا ۇيرەنۋ ورتاسى بولۋى ءۇشىن، بيىل 3 - ايدا شۇي گوتاۋ حانقىزدى اقسۋ قالاسىنداعى باستاۋىش مەكتەپكە اكەلىپ وقىتتى ءارى ونىڭ مەملەكەتتە ءبىر تۇتاس قولدانىلاتىن ءتىل - جازۋ ورەسىنە نەگىزدەلىپ، وعان ۇيرەنۋ جوسپارىن جاساپ بەردى، تاپسىرماسىن ورىنداپ بولۋى نەگىزىندە، كۇنىنە ءبىر پارشا كۇندەلىك جازدىرىپ وتىردى.
5 - ايدىڭ 7 - كۇنى شۇي گوتاۋ اياباق قىستاعىنا تاعى دا كەلگەن كەزدە، كەدەي وتباسى وسىمان ءماتنيازدىڭ 10 جاستاعى قىزى گۇلگينا وسىمان شۇي گوتاۋدىڭ ءوز قىستاقتارىنان بىرەۋدى قىزىم دەپ تانىعاندىعىن ەستىپ، شۇي گوتاۋدى اكە دەپ تانۋ ويىنا كەلگەن ەدى.
«اعاي، بۇدان بىلاي مەن دە ءسىزدى اكە دەپ اتاسام بولا ما؟» - دەپ سۇرايدى گۇلگينا شۇي گوتاۋدان.
− بولادى، وندا سەن حانقىزعا سەرىك بولار ەدىڭ، - دەگەن شۇي گوتاۋ كىشكەنتاي قىزدىڭ ءوتىنىشىن قابىل الادى. ول ۇيىمدە ءبىر قىزىم بار، ەندى ءبىر قىزىم بولسا، ولاردىڭ بىرگە ۇيرەنۋىنە قولايلى بولار ەدى دەپ ويلايدى، گۇلگينانىڭ اكە - شەشەسىنىڭ ماقۇلدىعىن العان سوڭ، شۇي گوتاۋ گۇلگينانى دا ۇيىنە الىپ كەلەدى.
ەكى قىزدى بولعان سوڭ، شۇي گوتاۋ ولارعا ۇيرەنۋ قۇرالدارىن ساتىپ اپەرەدى، مەرەكە - مەيرامداردىڭ بارىندە ولاردى بازارعا ەرتىپ اپارىپ، كيىم - كەشەك جانە تۇرمىس بۇيىمدارىن ساتىپ اپەرەدى.
حانقىزدىڭ اكەسى توحنياز سىمايىل: بۇل بالا حانزۋ اكەسىمەن تانىسقاننان بەرى اقىلدى بولىپ كەتتى، ۇيرەنۋى جاقسارىپ عانا قالماستان، ادامعا كوڭىل ءبولۋدى، قامقورلىق جاساۋدى ۇيرەندى، ءۇي جۇمىستارىن دا ىستەي الاتىن بولىپتى، - دەيدى كۇلە سويلەپ.
گۇلگينانىڭ شەشەسى بۇنيازحان زوردۇن: ۇلتتار ىنتىماعى ءبىزدى ءبىر وتباسىنىڭ ادامدارىنا اينالدىردى، شۇي اكەسى بالامىزعا ۇلكەن قامقورلىق تانىتىپ وتىر، ولاردىڭ وتباسىنا ايرىقشا العىس ايتامىز، - دەدى.
شۇي گوتاۋدىڭ كورشىسى مۇسا اسەن: شۇي گوتاۋ كەدەي وتباسىنان كەلگەن وسى ەكى بالاعا ءوز بالاسىنداي قامقور بولىپ، ەكەۋىن دە ۇيىنە اكەلىپ الدى. ول وتە كەرەمەت ەكەن، وعان ەرەكشە ءتانتىمىن، - دەدى.
اقسۋ ايماقتىق ساۋدا ىستەرى مەكەمەسىنىڭ اقسۋ قالاسى قۇمباشى اۋىلى اياباق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، قىستاقتىڭ ءبىرىنشى شۋجيى تايىر مامەت: ءبىز شۇي گوتاۋدىڭ ىزگى ءىسىن ەرەكشە قولدايمىز، ول كەدەي وتباسىلاردىڭ اۋىرتپالىعىن جەڭىلدەتىپ عانا قالماستان، بالالاردى تالانتتى ەتىپ تاربيەلەۋگە اناعۇرلىم تاماشا شارت - جاعداي جاراتىپ بەردى، ونىڭ ارەكەتى ۇلتتار ىنتىماعىنىڭ وڭ ەنەرگياسىن تاراتۋدا! - دەيدى.
