گازەتىمىزدىڭ جيناق حابارى. 6 - كەزەكتى جۇڭگو − ازيا - ەۆروپا كورمەسى وتكىزىلۋ الدىندا تۇر، اۆتونوميالى رايونىمىزدىڭ جەر - جەرى وسكەلەڭ ءمان بەرىپ، كورمەگە قاتىناسۋ سياقتى دايىندىق قىزمەتتەردى ۇقىپتىلىقپەن ۇيىمداستىردى.
ىلە قازاق اۆتونوميالى وبلىسىنا توتە قاراستى ورىندار وسى كەزەكتى كورمەدە 3 «قارجى قوسۋ، سەلبەستىك جاساۋ وبراز كورمە ورنىن» دايىنداپ، وبلىسقا توتە قاراستى 8 اۋدان، 3 قالا، قورعاس ەكونوميكالىق اشۋ رايونى، كۇيتۇن - مايتاۋ ەكونوميكالىق اشۋ رايونى جونىندە جان - جاقتى كورسەتىلىم جاساپ، ەرەكشەلىكتى كورنەكتىلەندىرۋگە، جارقىن تۇيىندەردى سومداۋعا بەل بۋىپ وتىر. كەدەيلەردى دالمە - ءدال سۇيەمەلدەۋ جەتىستىكتەرى كورمە رايونىندا، ىلە قازاق اۆتونوميالى وبلىسىنا توتە قاراستى ورىنداردىڭ جالپى 12 كورمە ورنى بار، قازىر ءتۇرلى دايىندىق جۇمىستارى ءساتتى جۇرگىزىلۋدە. كورمە كەزىندە، قورعاس ەكونوميكالىق اشۋ رايونى باسقارۋ كوميتەتى تاعى «<ءبىر بەلدەۋ، ءبىر جول> سەلبەستىك باستاماسىنىڭ ولشەمى مەن ونەگەسىن قۇرىپ، <ەكى پورت، ەكى رايون، ءبىر ورتالىق> قالىپتاستىرۋ» بويىنشا ساۋداگەر شاقىرۋ، تانىستىرۋ ءماجىلىسىن وتكىزەدى.
اقسۋ ايماعى ساتىپ الۋ ورتالىق وبراز كورمە ورنىنان 160 شارشى مەتر جەر ساتىپ الدى، قازىر جوبالاۋ جانە نەگىزگى اشەكەي بۇيىمدارىن جاساۋ اياقتالدى، ءار اۋدان (قالا) ەرەكشەلىك ورناتۋ، ايگىلى ماركا شىعارۋ تالابى بويىنشا، ءتۇرلى ونىمدەردى، بايلىقتار مەن نىسانداردى بەلسەنە جينادى. بۇل ايماق كەدەيلەردى دالمە - ءدال سۇيەمەلدەۋ جەتىستىكتەرى كورمەسىنەن 13 ورىن الدى، قازىر كورمەگە قويىلاتىن زاتتاردى دايىنداۋدا جانە كورمە ورنىن جالپى بەتتىك جوبالاۋدا.
بۇراتالا موڭعۇل اۆتونوميالى وبلىسى كورمەنى ۇقىپتىلىقپەن ورنالاستىردى. «كوك اسپان، ءمولدىر سۋ، جاسىل جايلاۋ» كورمە جوباسىندا، جاڭا دامۋ ۇستانىمىنىڭ جەتەكشىلىگىندە، بۇراتالا وبلىسىنىڭ ەكونوميكالىق، قوعامدىق دامۋىندا قول جەتكەن جاڭا جەتىستىكتەر، حۋبەيدىڭ بۇراتالاعا باعىتتامالى كومەكتەسۋ قىزمەتىندە قول جەتكەن جاڭا جەتىستىكتەر، اۋدان - قالالار مەن «ءبىر رايون، ءۇش باقشا» قۇرىلىسىندا قول جەتكەن جاڭا جەتىستىكتەر شوعىرلى تۇردە كورسەتىلەدى. كورمە كەزىندە، بۇراتالا وبلىستىق ءان - ءبي ۇيىرمەسى ءان - بيدەن كونسەرت بەرىپ، تارتىمدىلىقتى، قاتىناسۋ دەڭگەيىن جانە ءوزارا ىقپالداستىق دەڭگەيىن ارتتىرادى. بۇراتالا وبلىسى جەرگىلىكتى تانىمال كاسىپورىندار مەن تانىمال، ەرەكشە، جاڭا ونىمدەردى ءتۇيىندى تۇردە كورسەتەدى، 37 كورمە ورنىنىڭ اراسىندا، اۋىل شارۋاشىلىق ونىمدەرى مەن جىنتىكتەپ جاسالعان ازىق - تۇلىكتەر كورمە ورنى 15كە، ساياحات شارۋاشىلىعى كورمە ورنى 8گە جەتتى. كەدەيلەردى دالمە - ءدال سۇيەمەلدەۋ كورمە رايونىنداعى بۇراتالا وبلىسىنىڭ 5 كورمە ورنىندا، ناقتى زات، جازۋ، سۋرەت، بەينە جازبا، ت.ب تاسىلدەر ارقىلى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنىڭ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋ بارىسىندا قول جەتكەن تابىستارى شوعىرلى تۇردە كورسەتىلەدى.
بايىنعولين وبلىستىق ۋاكىلدەر ۇيىرمەسى ولشەمدى كورمە ورنىنان 13ىن تۇراقتاندىردى. بايىنعولين وبلىسىنىڭ وبراز ايگىلەۋ سارايىن جوبالاۋ ۇستانىمىندا «قاراپايىم، جارقىن، قولدانبالى بولۋ» پرينسيبى بەينەلەنگەن، تۇتاس بەينەسىنىڭ سىزىقتارى ەركىن، جاندى، بايىنعولين وبلىسىنىڭ قارجى قوسۋ ورتاسى مەن جالپىلىق قۋاتى، بايلىق شارت - جاعدايى مەن دامۋ بولاشاعى تولىق كورسەتىلگەن. كورمە ورنالاستىرۋدا اشىق، تۇرلەنگەن تۇستەر كوبىرەك قولدانىلىپ، بايىنعولين وبلىسىنىڭ اشىق، العا باسقان، جاراسىمدى، ورنىقتى تاماشا وبرازى، بايىنعولين وبلىسىنداعى ءار ۇلت حالقىنىڭ ىنتىماقتاسا كۇرەس جۇرگىزگەن رۋحاني كەلبەتى ايگىلەندى.
(گازەتىمىزدىڭ اقسۋداعى تىلشىلەر پۋنكتىنەن رىن حۇڭفاڭ، بايىنعولين وبلىسىنداعى تىلشىلەر پۋنكتىنەن ياڭ شياۋدۇڭ، ەرىكتى تىلشىلەر ۋ چيۇڭ، ۋاڭ ياپيڭ)
