تىلشىلەرىمىز ۋاڭ يۇڭفي، جاۋ جىيۇن، ەرىكتى تىلشىلەر جيا چاۋ، ۋاڭ ىرلي
«قاتتى قۋاندىم! قىزمەت اترەتىندەگى اعايلارعا راقىمەت». 8 - ايدىڭ 21 - كۇنى چاڭچۇن جاراتىلىستىق عىلىمدار داشۋەسىنىڭ حيميا ينجەنەرياسى جانە تەحنولوگيا كاسىبىنە بيىل قابىلدانعان اتيگۇل اشىم كوڭىلدى تۇردە بىلاي دەدى: «مەن مەكتەپتەگى ۋاقىتتارىمدى قاستەرلەپ، قۇلشىنا ۇيرەنىپ، كوپشىلىكتىڭ قامقورلىعىنا ۇزدىك ناتيجەمەن قارىمجى قايتارامىن». قۇربان ايت كەزىندە، اتيگۇل قىستاقتا تۇراتىن قىزمەت اترەتىنىڭ 3000 يۋان وقۋ سيلىق اقشاسىن تاپسىرىپ الدى.
سول كۇنى اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ اقتاۋ اۋدانىنىڭ پىلال اۋىلى پىلال قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قۇربان ايتتى تويلاۋ جانە وقۋ جاردەماقىسىن، وقۋ سيلىق اقشاسىن تاراتۋ سالتى بىرلەسكەن دوستىق قيمىلىن وتكىزدى، قىزمەت اترەتى مەن قىستاق «ەكى كوميتەتى» قىستاقتاعى 32 كەدەي بۇقاراعا ۇن، ازىقتىق ماي سياقتى حال سۇراۋ بۇيىمدارىن تاراتىپ، بيىل داشۋەگە جانە رايونىمىزدا اشىلعان ورتالاۋ مەكتەپ كلاستارىنا، ىشكى ولكەلەردە اشىلعان ورتا مەكتەپ كلاستارىنا قابىلدانعان 37 وقۋشىعا جانە كەدەي وتباسىلارىنداعى 14 بالاعا جالپى 100 مىڭ يۋاننان استام وقۋ سيلىق اقشاسى مەن وقۋ جاردەماقىسىن تاراتتى.
− بۇرىندارى قىستاقتا وتباسىندا قيىنشىلىعى بار وقۋشىلارعا عانا وقۋ جاردەماقىسى بەرىلەتىن، بيىل قىستاعىمىزدا 18 بالا تولىق كۋرسقا، 8 بالا جوعارى تەحنيكۋمعا قابىلداندى. بالالاردى جاقسى وقۋعا ىنتالاندىرۋ ءۇشىن ءبىز بيىل داشۋەگە وتكەن وقۋشىلارعا وقۋ سيلىق اقشاسىن تاراتۋدى، ياعني تولىق كۋرسقا قابىلدانعانداردىڭ اربىرىنە 3000 يۋان، جوعارى تەحنيكۋمعا قابىلدانعانداردىڭ اربىرىنە 1500 يۋان تاراتۋدى ۇيعاردىق. ءبىز وسى رەتكى قيمىل ارقىلى قىستاقتا وقۋ - اعارتۋعا ءمان بەرەتىن، بىلىمگە قۇرمەت ەتەتىن، ۇيرەنۋدى ارداقتايتىن تاماشا بەينە قالىپتاستىرۋدى ءۇمىت ەتەمىز. ءبىز الداعى جەردە بالالاردىڭ ۇيرەنۋ جانە تۇرمىس جاعدايىنا ۇزدىكسىز نازار اۋدارامىز ءارى تۇزىمدەنگەن، ۇدايىلانعان وقۋ سيلىق اقشاسى، وقۋ جاردەماقىسى مەحانيزمىن ورناتىپ، ءاربىر بالانىڭ ءوزىنىڭ وقۋ ارمانىن ءساتتى جۇزەگە اسىرۋىنا مۇمكىندىك جاسايمىز، - دەدى قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي جوۋ فىڭ.
قۇربان ايت كەزىندە، جۇڭگو حالىق بانكەسى ءۇرىمجى ورتالىق بولىمشەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى نيا اۋدانى روقيا اۋىلى لاۋگۋاڭ قىستاعىنداعى وقۋشىلارعا وقۋ سيلىق اقشاسىن جانە وقۋ جاردەماقىسىن تاراتتى ءارى 7 - ايدا بەيجيڭدە كۋرسقا قاتىناسىپ اۋىلىنا ورالعان وقىتۋشىلارمەن اڭگىمە وتكىزدى.
جۇڭگو حالىق بانكەسى ءۇرىمجى ورتالىق بولىمشەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى بالالار تاربيەسى ماسەلەسىنە باستان - اياق وسكەلەڭ ءمان بەرىپ، وقۋ - اعارتۋدى يگەرۋدى اۋىل - قىستاق بەت - بەينەسىن وزگەرتۋدەگى تۇبىرىنەن جونگە سالۋ شاراسى رەتىندە ىلگەرىلەتتى. بيىل قىزمەت اترەتى روقيا اۋىلىنىڭ لاۋگۋاڭ قىستاعىندا وقۋ سيلىق اقشاسىن، وقۋ جاردەماقىسىن تاراتۋ قيمىلىن باستادى. ايگىلى مەكتەپتەرگە، تولىق كۋرسقا جانە شينجياڭدا اشىلعان ورتالاۋ مەكتەپ كلاستارعا، ىشكى ولكەلەردە اشىلعان ورتا مەكتەپ كلاستارىنا قابىلدانعان وقۋشىلارعا تۇرلىشە دەڭگەيدە سيلىق بەرەدى، ەرەكشە قيىنشىلىعى بار وقۋشىلارعا جانە جاي قيىنشىلىعى بار وقۋشىلارعا تۇرلىشە دەڭگەيدە قارجىلاي كومەك كورسەتەدى. بۇل رەت لاۋگۋاڭ قىستاعىنداعى 25 ستۋدەنتكە جانە كەدەي وقۋشىعا جالپى 23 مىڭ 500 يۋاندىق وقۋ سيلىق اقشاسىن جانە وقۋ جاردەماقىسىن تاراتتى. قىزمەت اترەتىنىڭ باس جەتەكشىسى ۋاڭ جىحۇڭ بىلاي دەدى: وقۋ سيلىق اقشاسىن، وقۋ جاردەماقىسىن تاراتۋ قيمىلىن ۇيىمداستىرۋداعى ماقساتىمىز وقۋ - اعارتۋعا باسا ءمان بەرەتىن، ءبىلىمدى قۇرمەتتەيتىن، ۇيرەنۋدى قاستەرلەيتىن قويۋ رايدى ساۋلەلەندىرىپ، وقۋشىلاردى قاجىرلىلىقپەن ۇيرەنۋگە، كىتاپ وقۋ ارقىلى تاعدىرىن وزگەرتۋگە ىنتالاندىرىپ، قىستاقتا سالىستىرۋ، ۇيرەنۋ، جارىسۋ، باسىپ وزۋ سىندى تاماشا سالتتى قالىپتاستىرۋ.
8 - ايدىڭ 23 - كۇنى روقيا اۋىلىنىڭ لاۋگۋاڭ قىستاعىنداعى باستاۋىش مەكتەپ كلاسى شات مەرەيگە شومدى. حالىق بانكەسى ءۇرىمجى ورتالىق بولىمشەسىنىڭ باستىعى گو جيانۋي روقيا اۋىلىنداعى 20 از ۇلت تىرەكتى وقىتۋشىلارىمەن اڭگىمەلەسىپ جاتقان ەدى. روقيا اۋىلىنداعى سەنترلى باستاۋىش مەكتەپتىڭ باستىعى وتكۇرجان دولقىن بىلاي دەدى: مەن تۇڭعىش رەت بەيجيڭدە جوعارى دەڭگەيلى كۋرسقا قاتىناستىم، كۋرسقا قاتىناسۋ ارقىلى وقىتۋ ۇستانىمى، وقىتۋ نازارياسى جانە وقىتۋ ءادىسى جاقتارىنان كوپتەگەن ءبىلىم الدىم. الداعى جەردە، مەن ۇيرەنگەن ءبىلىمىمدى وقىتۋ بارىسىندا قولدانامىن ءارى باسقا وقىتۋشىلارعا ۇيرەتىپ، مەكتەپتىڭ وقىتۋ دەڭگەيىن بىرلىكتە كوتەرەمىن.
بيىل 7 - ايدا قىزمەت اترەتى روقيا اۋىلىنداعى سەنترلى باستاۋىش مەكتەپتىڭ، لاۋگۋاڭ قىستاعىنداعى باستاۋىش مەكتەپتىڭ، ءۇمىت باستاۋىش مەكتەبىنىڭ تىرەكتى وقىتۋشىلارىن «جۇڭگو حالىق بانكەسى اداقتاۋ باس ورتالىعىنىڭ باتىس بولىكتەگى شەكارا - شالعاي وڭىرلەردەگى باستاۋىش مەكتەپتەردىڭ تىرەكتى وقىتۋشىلارىن باعىتتامالى تاربيەلەۋ جوسپارىنا» ەنگىزىپ، تولىق قارجىلاي كومەكپەن 20 تىرەكتى وقىتۋشىنى بەيجيڭدە 11 كۇندىك ارناۋلى كۋرسقا قاتىناستىردى، بۇعان جۇمسالعان قارجىلاي كومەك 400 مىڭ يۋانعا جەتتى.
ۇعىسۋعا قاراعاندا، اۆتونوميالى رايون «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ورىستەتكەننەن بەرى، جۇڭگو حالىق بانكەسىنىڭ ءۇرىمجى ورتالىق بولىمشەسى قىستاقتا تۇرىپ، وقۋ - اعارتۋ ارقىلى سۇيەمەلدەۋ قىزمەتىنە وسكەلەڭ ءمان بەرىپ، روقيا اۋىلىنىڭ لاۋگۋاڭ قىستاعىنداعى باستاۋىش مەكتەپكە، ءۇمىت باستاۋىش مەكتەبىنە ءبىر ميلليون 100 مىڭ يۋاندىق قارجىلاي جىلۋ اتاپ، ەلەكتر جىلىتقى قابىرعاسىن ورناتقان، 100 مىڭ يۋاندىق جىلۋ اقشاسىن سايكەستىرىپ، «ۇزدىكتەردى سيلاۋ، قيىنشىلىعى بارلارعا كومەكتەسۋ» وقۋ جاردەماقىسى سياقتىلارعا ىستەتكەن.
