«قىزمەت اترەتى مەن الەۋمەتتىك اۋماقتىڭ كومەگى بولماسا ەكى قىزىمنىڭ بىرەۋى داشۋە وقي الماي قالاتىن ەدى»،-دەدى 9-ايدىڭ 4-كۇنى، ءۇرىمجى قالاسى سايماچاڭ اۋماعى داۋان وڭتۇستىك الەۋمەتتىك اۋماعىنداعى 45 جاستاعى تۇنيساگۇل ۇبۇل تەبىرەنە.
تۇنيساگۇلدىڭ ەكى قىزىنىڭ داشۋەگە تۇسۋىنە كومەكتەسكەن ءۇرىمجى قالالىق ورتا دارەجەلى حالىق سوتى مەكەمەسىنىڭ داۋان وڭتۇستىك الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى ەدى.
8-ايدىڭ 26-كۇنى، داۋان وڭتۇستىك الەۋمەتتىك اۋماعىنىڭ ءبىرىنشى شۋجيى، قىزمەت اترەتىنىڭ باستىعى ما شينحۇي كۇندەگىسىندەي تۇنيساگۇلدىڭ ۇيىنە امانداسا كەلگەندە، ونىڭ ەكى قىزى ىلگەرىندى-كەيىندى شينجياڭ مەدەتسينا داشۋەسى مەن جۇڭگو ساياسي زاڭ داشۋەسىنە قابىلدانعاندىعىن بىلەدى.
تۇنيساگۇلدىڭ ايلىق كىرىسى 1500 يۋان شاماسىندا عانا، تۇرمىس قاراجاتىن شىعارىپ تاستاعاندا ماندىمدى ەشتەڭە قالمايدى.
«مەنىڭ ەكى بىردەي قىزىمدى وقىتۋعا شامام كەلمەيدى، ەكى قىزىمنىڭ وقۋ قاراجاتى، جاتاق قاراجاتى قاتارلىلار بار، بىرەۋىنە 5000 يۋاننان جوعارى، بىرەۋىنە 4000 يۋان شاماسىندا اقشا قاجەت،ءتىپتى بولماسا ۇلكەن قىزىمدى وقىتپاي بىرگە جۇمىس ىستەپ، كىشى قىزىمدى وقىتامىن»،-دەدى تۇنيساگۇل.
ما شينحۇي ونى جۇباتىپ: «وقۋشىلار — وتاننىڭ بولاشاسى، قيىنشىلىققا بولا ونى وقىتپاساق بولمايدى، قىزمەت اترەتى ءبىر امالىن تابادى»،-دەدى.
ىلە-شالا، ما شينحۇي قىزمەتتەستەرىمەن بىرگە ۇندەۋ حات جازىپ، قيىنشىلىعى بار اناعا كومەكتەسۋدى ءۇمىت ەتتى. الەۋمەتتىك اۋماق كادرلارى، قىزمەت اترەتى كادرلارى ارت-ارتىنان ىرىقتىلىقپەن جىلۋ اتادى، قىزمەت اترەتى كادرلارى قاراستى اۋماقتاعى قوراجاي سەرىكتەستىگىنە حابارلاستى، قارسى جاق دەرەۋ 10000 يۋان جىلۋ اتادى. قاراستى اۋماقتاعى جەكە كاسىپكەر ابلاحات ياقۇپ تا كومەك كورسەتتى. اقىرى، كوپشىلىكتەن تۇنيساگۇلگە جيىنى 13490 يۋان جينالدى.
