ءتاڭىرتاۋ تورابى   ›   جاڭالىقتار   ›   شينجياڭ حابارلارى

رايونىمىز شينجياڭنىڭ ساياحاتىنا قارجى قوسقان كاسىپورىنداردىڭ اڭگىمە ءماجىلىسىن اشتى

  تۇعىر ورناتىپ، شينجياڭنىڭ ساياحات كاسىبىنىڭ تەز، اقاۋسىز دامۋىنا جەتەكشىلىك ەتەيىك

  ءتىلشىمىز شى شين 9 - ايدىڭ 13 - كۇنى ۇرىمجىدەن حابارلايدى. اۆتونوميالى رايوننىڭ ساياحاتتى دامىتۋ جونىندەگى جينالىسى رۋحىن دايەكتىلەندىرۋ، تياناقتاندىرۋ، تۇعىر ورناتىپ، شينجياڭنىڭ ساياحات ىستەرىنىڭ تەز، اقاۋسىز دامۋىنا جەتەكشىلىك ەتۋ ماقساتىندا 9 - ايدىڭ 13 - كۇنى اۆتونوميالى رايون «كاپيتال ارقىلى شينجياڭعا كومەكتەسۋ، ساياحات ارقىلى شينجياڭدى گۇلدەندىرۋ» تاقىرىبىندا شينجياڭنىڭ ساياحات كاسىبىنە قارجى قوساتىن كاسىپورىنداردىڭ اڭگىمە ءماجىلىسىن اشتى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: ورنىقتىلىقتىڭ يگىلىگىنىڭ ۇزدىكسىز ىسكە اسۋىنا بايلانىستى شينجياڭنىڭ ساياحات كاسىبىندە تەز ارتۋ جاعدايى جارىققا شىقتى. اۆتونوميالى رايوندىق پارتكوم مەن ۇكىمەت باسا ءمان بەرىپ، ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن اتقارىپ، ىلگەرىندى - كەيىندى ءبىرسىپىرا قۇندى ساياساتتاردى شىعارىپ، ساياحات كاسىبىنىڭ ءارى جاقسى، ءارى تەز دامۋىن ىلگەرىلەتتى، شينجياڭنىڭ، ساياحاتىنا قارجى قوسۋدىڭ بولاشاق ورايى جاقسى، بايلىعى جاقسى، اۋقىمى جاقسى، كومەسكى كۇشى جاقسى، ساياحاتقا قارجى قوساتىن كاسىپورىنداردىڭ وسى كەزدى تاڭداپ، شينجياڭعا كەلىپ قارجى قوسۋ ورايىن قاراستىرۋى ءدال ساتىندە بولعان.

  ءماجىلىس مىنالاردى تالاپ ەتتى: اۆتونوميالى رايوندىق ساياحات دامىتۋ كوميتەتى كاسىپورىندار مەن ءار دارەجەلى پارتكومداردىڭ، ۇكىمەتتەردىڭ، شينجياڭ سىرتىنداعى كاسىپورىندار مەن شينجياڭ ىشىندەگى كاسىپورىنداردىڭ ۇشتاسۋىنا قىزمەت كورسەتۋ قىزمەتىن ويداعىداي ىستەپ، زاڭدى تيجارات جۇرگىزەتىن بازار سۋبيەكتىلەرىنە قارسى الۋ، سەلبەستىك جاساسۋ، تەڭ يگىلىككە كەنەلۋ شىن نيەتىن اڭعارتۋى كەرەك. ءار دارەجەلى تاراۋلار ساياسي دەڭگەيدى ءوسىرىپ، جاۋاپكەرلىك تانىمىن كۇشەيتىپ، قىزمەت شارالارىن كەمەلدەندىرىپ، اۆتونوميالى رايوندىق پارتكومنىڭ ساياحات قىزمەتى جونىندەگى شەشىمدەرىن، ورنالاستىرۋلارىن ويداعىداي تياناقتاندىرىپ، ورنىقتىلىقتىڭ يگىلىگى نەگىزىندە وعان ساياساتتىڭ يگىلىگىن قوسىپ، قاباتتاسۋ اسەرىن قالىپتاستىرۋى كەرەك. قارجى قوسۋشىلاردىڭ سەنىمىنە ىقپال تيگىزەتىن تۇزىمدىك كەدەرگىلەردى بار كۇشپەن تالقانداپ، ساياحات كاسىبىنىڭ اقاۋسىز دامۋىنا ءتيىمسىز اكىمشىلىك كىناراتتاردى باتىل الاستاپ، شينجياڭنىڭ ساياحات كاسىبىنىڭ ءار تۇردەگى كاپيتالدىڭ توپتالاتىن «قارجى قوساتىن وڭىرىنە» شىن مانىندە اينالۋىنا مۇمكىندىك جاساۋ كەرەك.

  ماجىلىستە اۆتونوميالى رايوندىق ساياحات دامىتۋ كوميتەتى رايونىمىزدىڭ ءتۇيىندى قارجى قوسۋ نىساندارىن تانىستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى