«ىلھام اعا. ۇيدەگىلەر جاقسى ما، دەنساۋلىقتارىڭىز قانداي، سەنى قاتتى ساعىندىم، كەزدەسپەگەنىمىزگە ءبىر جىلدان اسىپتى». 9-ايدىڭ 11-كۇنى، 49 جاستاعى تيان شياۋىن اعاسى ىلھام روزبەن تەلەفوندا تىلدەستى. تەلەفوننىڭ ارى جاعى گانسۋ ولكەسى تيانشۇي قالاسى جينجي قالاشىعى شۇيچيڭ قىستاعى بولسا بەرى جاعى كورلا قالاسى سايباق ءمالىسى فۋلى الەۋمەتتىك اۋماعى ەدى.
2013-جىلى 11-ايدىڭ 9-كۇنى، كورلا قالاسىنداعى ءبىر سەرىكتەستىكتە جۇمىس ىستەيتىن ىلھام 5 مەتر بيىكتىكتەن قۇلاپ، بەلى جاراقاتتانادى،شيپاحانادا تيان شياۋىنمەن ءبىر بولمەدە جاتادى.
تيان شياۋىن سول كەزدە، قۇرىلىس ورنىندا جۇمىس ىستەپ جۇرگەندە بيىكتەن قۇلاپ بەل ومىرتقاسى جارالانىپ، شيپاحاناعا جاتقانىنا ۇزاق بولماعان ەدى.
ۇقساس كەشىرمە ەكەۋىنىڭ اراسىن جاقىنداتا ءتۇستى. ءاركۇنى، ىلھامنىڭ وتباسىنداعىلار شيپاحاناعا قوي ەتى سورپاسىن اكەلەدى. ول تيان شياۋىننىڭ تۇسكى تاماعى سۋعا پىسىرىلعان كەسپە ەكەنىن بايقايدى.
«سەن دە ءبىر شىنى ءىش، بەل ومىرتقا جارالانسا جاقسىراق كۇتىنۋ كەرەك». ىلھام اكەلگەن سورپانى قولىنا العان تيان شياۋىننىڭ جانارىنا جاس ىركىلدى.
ىلھام شيپاحاناعا جاتقان 19 كۇندە، تيان شياۋىن كۇندە سورپا ءىشىپ تۇردى، سول ءبىر ءدام تاڭدايىنان كەتەر ەمەس.
تيان شياۋىننىڭ بەل ومىرتقاسىنىڭ كوپ جەرىنەن سۇيەگى ۇگىلىپ سىنىپ، تەك جاتۋعا تۋرا كەلەدى، سول كەزدە ول قاتتى جابىرقايدى. ىلھام تيان شياۋىندى جىگەرلەندىردى، بۇل ولاردىڭ اراسىن ءتىپتى دە جاقىنداتتى.
ىلھام تيان شياۋىننەن ءبىر اي بۇرىن شيپاحانادان شىقتى، قوشتاساردا ەكەۋى شيپاگەردىڭ ءسوزىن تىڭداپ، ءار كۇنى قالپىنا كەلۋ جاتتىعۋىن جاساۋعا ۋادەلەستى. ءۇش ايدان كەيىن، تيان شياۋىن گانسۋ چيڭشۇيگە قايتىپ كۇتىنەدى. وسى مەزگىلدە ەكەۋى تەلەفون ارقىلى ءبىر-ءبىرىن شابىتتاندىرىپ تۇردى.
وسىدان كەيىنگى بىرنەشە جىلدا، ءار اپتادا اعاسىمەن تەلەفوندا سويلەسۋ وعان ادەت بولىپ قالدى.
2017-جىلى 6-ايدىڭ 26-كۇنى، ورازا ايت مەرەكەسىندە ىلھام كورلادان چيڭشۇي اۋدانى جينجي قالاشىعى شۇيچيڭ قىستاعىنا كەلىپ، تيان شياۋىننىڭ وتباسىنداعىلارمەن بىرگە مەرەكەنى تويلايدى. اعالى-ءىنىلى ەكەۋىنىڭ كەزدەسۋ ارمانى اقىرى جۇزەگە استى. تيان شياۋىننىڭ كورشى-قولاڭدارى الىستان كەلگەن قوناققا امانداسا كەلدى.
كەزدەسپەگەنىنە بىرنەشە جىل بولعان ەكى ازاماتتىڭ كوزىنىڭ جاسى كول بولدى.
ىلھام تيان شياۋىنگە ءوز قولىمەن قوي ەتى سورپاسىن جاساپ بەردى، اعالى-ءىنىلى ەكەۋى سورپانى ىشە وتىرىپ ارقا-جارقا اڭگىمەلەستى.
تيان شاۋىننىڭ وتباسىندا 7 ادام بار، جارالانباي تۇرعاندا ول وتباسىنىڭ تىرەگى ەدى، ناۋقاستانعان وسى بىرنەشە جىلدا ول قاتتى تورىقتى.
«جۇرە الماسام دا ءومىر جولىندا مەن سەنىمەن بىرگەمىن». وسى بىرنەشە جىلدا، ىلھامنىڭ جۇباتۋى مەن جىگەرلەندىرۋى تيان شياۋىننىڭ جىگەرىن جاني ءتۇستى.
بيىل 5-ايدا، تيان شياۋىن جەرگە اقىرىن-اقىرىن جۇرە الاتىن بولدى، ىلھام دا تاياقتى تاستادى، اعالى-ءىنىلى ەكەۋى كۇندەردىڭ كۇنىندە قالىپتى ادامدارداي جۇرە الاتىندىعىنا باستان اقىر سەنىمدى بولدى.
ىلھامنىڭ تاعى ءبىر ارمانى ايەلى مەن قىزىن الىپ، ىنىسىنە تاعى ءبىر رەت امانداسا بارۋ.
قازىر، تيان شياۋىننىڭ تيان شاۋىننىڭ ءۇش بالاسىنىڭ ەكەۋى داشۋە وقيدى، ۇلكەن قىزى تيان تيان توي جاساپ ەكى بالالى بولدى، ونىمەن ىلھامنىڭ قىزى زۇلپيا ۇنەمى حابارلاسىپ تۇرادى، ولار اكەلەرىنىڭ سۇيىسپەنشىلىكتەرىن جالعاي تۇسپەكشى.
