تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۇلتتار ىنتىماعى جىرىن بىرگە جازدى

  تىلشىلەرىمىز جاڭ تيڭ، دۇڭ لياڭ

  9 - ايدىڭ 19 - كۇنى، از ۇلتتاردىڭ اۆتونوميالى رايوندىق 9 - كەزەكتى ءداستۇرلى دەنە تاربيە - سپورت جينالىسىنىڭ بارلىق جارىس تۇرلەرى مەن ونەر كورسەتۋ تۇرلەرى اياقتادى، 20 - كۇنى جينالىس شىمىلدىعى جابىلادى.

  6 كۇن ءبىر الاڭدا بەلدەسىپ، 6 كۇن دوستىق مەرەيمەن باس قوسىپ، 6 كۇن ىشتەسىپ، توعىستى، مەيىرلى كۇلكى، مەيىربان قۇشاق، سابىرمەن كۇتۋ، ىقىلاستى شابىت... سپورت الاڭىن جىلۋعا بولەدى، بۇلاردىڭ بارلىعى اۆتونوميالى رايونىمىزداعى ءار ۇلت سپورتشىلارىنىڭ ورتاق، تاماشا ەستەمەسىنە اينالدى.

«جەڭىلىس - جەڭىس ماڭىزدى ەمەس، باس قوسۋ ماڭىزدى»

  9 - ايدىڭ 17 - كۇنى، اعاش اياقپەن ەر - ايەل ارالاسىپ 100×4 مەترگە كۇش جالعاپ جۇگىرۋدىڭ شەشۋشى جارىسىندا، تۇرپان ۋاكىلدەر قۇراماسىنداعى كەرىمحان ابدۋ باستاپ جۇگىرۋدە قاتەلەسىپ، توپتىڭ ناتيجەسىنە ىقپال جاسادى. «ءبارى مەنەن بولدى، مەنىڭ سەبەبىمنەن سەرىكتەرىمنىڭ الا جازدايعى قۇلشىنىسى سەلگە كەتتى»، - دەپ ءوزىن جازعىرىپ، كوز جاسىنا ىرىق بەرە، بەتىن باسىپ جىلاپ جىبەردى.

  ونىڭ سەرىكتەرى مەن سول گرۋپپاداعى ىلە قازاق اۆتونوميالى وبلىستىق ۋاكىلدەر قۇراماسىنىڭ سپورتشىلارى ونى اينالا قورشاپ، جۇباتۋمەن بولدى. ىلە وبلىستىق قۇراماسىنداعى رۋحياگۇل وسمان ونى قۇشاعىنا قىسىپ تۇرىپ: ءوزىڭدى جازعىرا بەرمە، جارىستا جەڭىس - جەڭىلىس ماڭىزدى ەمەس، ءبىزدىڭ ءبىر ارادا باس قوسۋىمىز ەڭ ماڭىزدى، - دەدى.

  جارىس جولاعىندا جارىس كۇتىپ تۇرعان ءۇرىمجى قالالىق ۋاكىلدەر قۇراماسىنىڭ سپورتشىسى شۇي مىڭياۋ دا كۇلىمسىرەپ كەرىمحاندى شابىتتاندىردى. جارىستان سوڭ، شۇي مىڭياۋ تىلشىگە: ۋاقىت ءبىر اپتاعا جەتەر - جەتپەس بولعانىمەن، كوپشىلىك بىرگە تۇرىپ، بىرگە تاماقتانىپ، بىرگە جاتتىعىپ، جارىستا دا بىرگە بولدىق، بارلىعىمىز جاقسى دوس بولىپ كەتتىك، - دەدى.

  وسى رەتكى ۇلتتار دەنە تاربيە - سپورت جينالىسىندا، مۇنداي مەيىرلى ساتتەر ءجيى كورىنىس بەردى. ۇلتقا، جاسقا بولىنبەي، كوپشىلىك ىنتىماقتاسىپ، ءوزارا كومەكتەسىپ، بىرگە العا باستى.

  ساداق اتۋ جارىسىندا جاس شامالارى قارايلاس، ءبىراق، مىنەزدەرى ۇقسامايتىن «اپەكەلى - سىڭلىلەر» بولدى، وسىناۋ ءبىر قۇراماداعى «جاۋىنگەر سەرىكتەر» تۇرلىشە ۇلتتان قۇرالعان. ولار ىلە وبلىستىق ۋاكىلدەر قۇراماسىنداعى با حۇڭليڭ مەن لي شينشين ەدى.

  2014 - جىلى كوكتەمدە، نە بارى 15 جاستاعى حانزۋ قىز لي شينشين العاش رەت اتا - اناسىنىڭ جانىنان الىستاپ، سانجى حۇيزۋ اۆتونوميالى وبلىسىنان ىلە وبلىسىنا كەلىپ، اۆتونوميالى رايوندىق ساداق اتۋ قۇراماسىنىڭ توپتىق جاتتىعۋىنا قاتىناستى. وسى ارادا، ول وزىنەن 4 جاس ۇلكەن سىبە اپەكەسى با حۇڭليڭمەن تانىستى، وسىدان سوڭ ەكەۋى جۇبى جازىلماس جاقسى دوستارعا اينالدى. بىرگە جاتتىعىپ، بىرگە تاماقتانىپ، ءومىر تۋرالى، ارمان تۋرالى اڭگىمە شەرتىستى.

  لي شينشين جاسى كىشى بولعانىمەن، ناتيجەسى تەز ورلەدى. اقىلدى ول تۇرمىستا با حۇڭليڭگە ۇنەمى كومەكتەسىپ قانا قويماي، وسى رەتكى ۇلتتار دەنە تاربيە - سپورت جينالىسىندا، با حۇڭليڭمەن ىرىقتى تۇردە ءوز تاجىريبەسىن ءبولىستى، بۇل با حۇڭليڭدى ەرەكشە اسەرلەندىردى.

  «اپەكەسى رەتىندە، مەن ونىڭ ساداق اتۋ جولىندا بارعان سايىن بيىكتەپ، مەملەكەتتىك قۇراماعا كىرۋىن، ءوز ارمانىن جۇزەگە اسىرۋىن ءۇمىت ەتەمىن»، - دەدى با حۇڭليڭ.

  «ءوزارا ۇيرەنۋ − ءبىزدىڭ اناعۇرلىم جاقسى دامۋىمىزعا پايدالى»

  «بۇل ءبىر تاپتىرماس باس قوسۋ بولدى، ناقتى جارىس ارقىلى اناعۇرلىم جاقسى ۇيرەنۋگە، ناتيجەنى جوعارىلاتۋعا بولادى، ونىڭ ۇستىنە كوپتەگەن جاقسى دوس تابادى ەكەنسىڭ، مەن ەرەكشە قۋانىشتىمىن»، - دەدى ءۇرىمجى قالاسى اتىنان حالىقارالىق شاحمات جارىسىنا قاتىناسقان 17 جاستاعى سپورتشى قادىريا ءومار 9 - ايدىڭ 17 - كۇنى.

  شينجياڭ ءوندىرىس - قۇرىلىس بيڭتۋانىنان كەلگەن ۇلتتىق كۇرەس سپورتشىسى پارحات مامەت بىلاي دەدى: «ۇلتتار دەنە تاربيە - سپورت جينالىسىنداعى ۇلتتىق كۇرەس تۇرىندە 7 ۇلتتىڭ كۇرەسى قامتىلدى، ءار كۇرەس ءتۇرىنىڭ ءوز ەرەكشەلىكتەرى جانە شەبەرلىكتەرى بار. ءبىز وسىندا ءوزارا ءبولىسىپ جانە ءبىر - بىرىمىزدەن ۇلگى الىپ، وزگەنىڭ ارتىقشىلىعى ارقىلى ءوز جەتەرسىزدىكتەرىمىزدى تولىقتاپ، كوپشىلىك بىرگە العا باستىق».

  جاياۋ تارتىس زاڭزۋلاردىڭ حالىقتىق ءداستۇرلى سپورت تۇرىنەن باستاۋ العان. وسى رەتكى ۇلتتار دەنە تاربيە - سپورت جينالىسىنا كەلگەن التاي ۋاكىلدەر قۇراماسىنداعى داۋلەت ەركىن ۇلى: جاياۋ تارتىس كۇش پەن شىدامدىلىقتى سىنايتىن جارىس. ۇيرەنۋگە، ۇيىمداستىرۋعا وڭاي، ورىن، اسپاپ تۋرالى تالابى جوعارى ەمەس، سوندىقتان شينجياڭداعى ءار ۇلت جۇرتشىلىعىنىڭ كەڭ كولەمدە قارسى الۋىنا بولەنگەن. باسقا ايماق - وبلىستاردىڭ جاياۋ تارتىس سپورتشىلارىمەن بەلدەسۋ بارىسىندا، ءبىز كوپتەگەن جاڭا تەحنيكا، جاڭا تاكتيكا ۇيرەندىك، بۇل ءبىزدىڭ اناعۇرلىم جاقسى دامۋىمىزعا پايدالى، - دەدى.

  ءوز ۇلتىنىڭ مادەنيەت، دەنە تاربيە قيمىلىنىڭ باۋراعىشتىعىن ايگىلەۋمەن بىرگە، جينالىسقا قاتىناسقان كوپتەگەن سپورتشى تۋىسقان ۇلتتارمەن اۋىس - كۇيىس جاساعاندىعىن، ءوزارا ۇيرەنگەندىگىن ەڭ باعالى دەپ ەسەپتەدى.

  بۇرىنعى كەزەكتەردەگى از ۇلتتاردىڭ ءداستۇرلى دەنە تاربيە - سپورت جينالىستارىنا قاتىناسقان كوپتەگەن سپورتشى وسى جولعى ۇلتتار ءداستۇرلى دەنە تاربيە - سپورت جينالىسىندا كونە دوستارىمەن باس قوسىپ، جاڭا دوستارمەن تانىستى، كوپشىلىك ارالاسۋ، ىشتەسۋ، توعىسۋ بارىسىندا بەرەكەلى، تاتۋ - ءتاتتى ءوتىپ، ۇلتتار ىنتىماعىنىڭ جاڭا داستانىن بىرگە جازدى.

  «كەلەسى جولعى باس قوسۋدى اسىعا كۇتەمىن»

  وسى كەزەكتى ۇلتتار ءداستۇرلى دەنە تاربيە - سپورت جينالىسىندا، ونەر سپورت نىساندارىنان تىس، ونەر، كوركەمونەر، ۇلتتىق سالت - سانا، كوڭىل اشۋ، ويىن قويۋ ءبىر تۇلعالانعان ويىن قويۋ تۇرىندەگى نىساندار قالىڭ كورەرمەندى باۋراۋمەن بىرگە، وسى كەزەكتى ۇلتتار ءداستۇرلى دەنە تاربيە - سپورت جينالىسىنا قاتىناسقان ءار ۇلت سپورتشىلارىن دا باۋرادى. ساحنادا ءار ۇلت سپورتشىلارى ءوز ۇلتىنىڭ دارالىق ەرەكشەلىككە يە ۇلتتىق سالت - ساناسىن ويىن كورسەتۋ فورماسىندا كورەرمەندەرگە ايگىلەپ، دەنە تاربيە جونىندەگى تانىمدى كەڭەيتۋمەن بىرگە، سپورت جارىسىن ءار ۇلتتىڭ مادەنيەتىن ايگىلەيتىن ساحناعا جانە ءار ۇلتتىڭ كەڭ كولەمدى ويىن - ساۋىعىنا اينالدىردى.

  ۇيعۇر بويجەتكەن ايگۇل تۇران مەن ونىڭ سەرىكتەرى وسى كەزەكتى ۇلتتار دەنە تاربيە - سپورت جينالىسىندا تارتىمدى «سارعايدي» ويىنىن وينادى، ۇلتتار ءداستۇرلى دەنە تاربيە - سپورت جينالىسىنا تۇڭعىش قاتىناسىپ وتىرعان ول ءوز ۇلتىنىڭ ءداستۇرلى كوركەمونەرىن ايگىلەگەنىن ماقتانىش ەتۋمەن بىرگە، باسقا ۇلتتاردان جاڭا دوس تاپقانىنا ايرىقشا قۋاندى.

  قازاق ۇلتىنىڭ ات ويىن سپورتشىسى قايسار نۇرزات ۇلى ءوزىنىڭ جارىسىنا قاتىناسىپ بولعان سوڭ، باسقا جارىس تۇرلەرىن دەن قويا قاداعالاي كوردى. ول قول تەلەفونىمەن ءار ۇلتتىڭ ونەر سپورتىن، ويىن نومىرلەرىن ورىنداعان كەزدەگى بەينەلەرىن سۋرەتكە الىپ، 4 جىلدا ءبىر بولاتىن باس قوسۋدىڭ تاماشا، باعالى ساتتەرىن فوتوسۋرەتتەر ارقىلى ەستەلىككە الدى.

  بايىنعولين موڭعۇل اۆتونوميالى وبلىسىنان كەلگەن 25 جاستاعى موڭعۇل سپورتشى بۇرىمبەك تىلشىگە بىلاي دەدى: «قايتىپ بارعان سوڭ، مەن ۇلتتار ءداستۇرلى دەنە تاربيە - سپورت جينالىسىندا كورگەن قىزىقتى نومىرلەردى اۋىلداعى تۋىس - تۋعان، دوس - جاراندارىما ايتىپ بەرەمىن».

  ءار ۇلت سپورتشىلارى ءبىر اۋىزدان: ۇلتتار ءداستۇرلى دەنە تاربيە - سپورت جينالىسى ءار ۇلتتىڭ ەرەكشەلىگىن ايگىلەيتىن، اۋىس - كۇيىس جاسايتىن، ىقپالداساتىن، توعىساتىن كەڭ ساحىنا، كەلەسى جولعى باس قوسۋدى اسىعا كۇتەمىز، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى