تىلشىلەرىمىز دۇڭ لياڭ، جاڭ تيڭ 9 - ايدىڭ 20 - كۇنى قۇلجادان حابارلايدى. از ۇلتتاردىڭ اۆتونوميالى رايوندىق 9 - كەزەكتى ءداستۇرلى دەنە تاربيە - سپورت جينالىسى ءتۇرلى مىندەتتەردى تابىسپەن ورىنداپ، 9 - ايدىڭ 20 - كۇن تۇستەن كەيىن قۇلجا قالالىق دەنە تاربيە سارايىندا جابىلدى.
اۆتونوميالى رايوننىڭ ورىنباسار ءتوراعاسى جاروللا يسامدين جابىلۋ ءسوزىن سويلەدى ءارى سپورت جينالىسىنىڭ جابىلعاندىعىن جاريالادى.
وسى كەزەكتى سپورت جينالىسى «سالتاناتتى، تارتىمدى، ىنتىماقتى، جاراسىمدى، حاۋىپسىز، ۇنەمشىل» سىندى جارىس وتكىزۋ باعىتىنا تاباندى بولىپ، «دەنە تاربيەنى دامىتۋ، ىنتىماقتى نىعايتۋ، حالىق تىلەگىن توعىستىرۋ، ورنىقتىلىقتى جەبەۋ» پرينسيبىنە ساي، 16 ۇلكەن جارىس ءتۇرىن، 130 شاعىن جارىس ءتۇرىن، 8 ويىن كورسەتۋ ءتۇرىن ورنالاستىردى، ءارقايسى ايماق، وبلىس، قالالاردان جانە شينجياڭ ءوندىرىس - قۇرىلىس بيڭتۋانىنىڭ 4 - شىسىنان كەلگەن 16 ۋاكىلدەر ۇيىرمەسىندەگى 2023 ءار ۇلت سپورتشىسى، جاتتىقتىرۋشىسى جانە تورەشى قاتىناستى.
جارىسقا قاتىناسقان سپورتشىلار ستيلدى، دەڭگەيدى، دوستىقتى ايگىلەپ، ۇزدىك ناتيجەلەر جاراتتى. سونىمەن بىرگە، سپورتشىلار ەرەجەگە، تارتىپكە بويسۇنىپ، باسقارۋعا قۇلاق اسىپ، جارىسقا مادەنيەتتى قاتىناسىپ، اناعۇرلىم جوعارى دەنە تاربيە ءمورالىن ايگىلەدى.
سپورت جينالىسىنىڭ وتكىزىلۋى بۇكىل رايونىمىز بويىنشا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن دەن قويا دايەكتىلەندىرۋىنىڭ سۇبەلى ناتيجەسىن جاپپاي ساراپتادى، بۇكىل رايونىمىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرۋىنىڭ، تياناقتاندىرۋىنىڭ قىزمەت ناتيجەسىن جاپپاي ساراپتادى، بۇكىل رايونىمىزداعى ءار ۇلت بۇقاراسىنىڭ ءوزارا قولداۋ كورسەتىپ، كومەك بەرگەن، قايراتتانا ۇمتىلعان، ىنتىماقتاسا ءىس تىندىرعان رۋحاني بەينەسىن ايگىلەدى، ءار ۇلت بۇقاراسى ءوزارا ۇيرەنۋ، ءبىر - ءبىرىنىڭ ارتىقشىلىعىن كورە ءبىلۋ، ءبىرىن - ءبىرى ۇلگى ەتۋ، باسەكە بارىسىندا ارالاسۋدى، ىشتەسۋدى، توعىسۋدى جەبەۋمەن بىرگە، جۇڭحۋا ۇلتى ورتاق تۇلعا تانىمىن اناعۇرلىم بەكەمدەدى.
