9-ايدىڭ 22-كۇنى، تولى اۋداندىق حالىق شيپاحاناسىنىڭ تولى قالاشىعى مادەنيەت كوشەسى الەۋمەتتىك اۋماعىندا تۇراتىن قىزمەت اترەتىنىڭ باستىعى گۇلنۇر ايىمقان قىزى «جۇڭچيۋ مەرەكەسىن بىرگە وتكىزۋ» ۋادەسىندە تۇرۋ ءۇشىن، تۇستە ۇيگە قايتپاي، قىزمەت اترەتىن باستاپ، ۇستەمە قىزمەت ىستەپ، تۇستەن كەيىن ساعات 6 دا قولىنداعى جۇمىسىن بىتىرەدى. ءبىر توپ ادام دايىنداپ قويعان يۋەبيڭ مەن جەمىس-جيدەك، بالىق الىپ، الەۋمەتتىك اۋماقتاعى لۋ شياڭ وتباسىنا كەلدى.
لۋ شياڭ وتباسى مادەنيەت كوشەسى الەۋمەتتىك اۋماعىنداعى ەڭ تومەنگى تۇرمىسى قامتاماسىزداندىرىلاتىن وتباسى ءارى گۇلنۇر ايىمقاننىڭ ءسىڭىلىسى. لۋ شياڭنىڭ تاباندىلىعى گۇلنۇردى اسەرلەندىردى. لۋ شياڭنىڭ جولداسى دۇنيەدەن قايتقاننان كەيىن ەكى بالاسىمەن بىرگە تۇرمىس كەشىردى، بالالارىنا جاپا تارتقىزبادى، قاربالاس بولسا دا وتباسىنا قاراۋدى ۇمىتپادى، ەكى بالانى امان-ەسەن ەرجەتكىزدى، لۋ شياڭنىڭ جۇرەگى العىسقا تولى. ءتيىمدى ساياسات، جاقسى ادامدار مەن جاقسى ىستەر، كومەك قولىن سوزعان جاندار، اسىرەسە گۇلنۇر اپەكەسىنىڭ سەرىك بولۋى لۋ شياڭ سىندى جالعىز باستى انانىڭ تىرەگى ەدى.
لۋ شياڭ: «وسىنداي اپەكەمنىڭ بولۋى مەنىڭ باعىم، ول ماعان كومەكتەسىپ قانا قويماي، ماعان سەرىك بولدى، بالالارمەن بىرگە كاۋاپ جەيدى، بالالارعا مەرەكەلىك اقشا بەرەدى، وقۋ باستالعاندا بالالارعا ۇيرەنۋ قۇرالدارىن ساتىپ اپەرەدى، بۇل ونىڭ نازارىندا كىشكەنتاي ءىس بولعانىمەن مەنىڭ ەسىمنەن ماڭگى كەتپەيدى، مەن ادەتتە اقشا جۇمساۋعا قيمايمىن، گۇلنۇر اپەكەم ماعان مىنا كويلەكتى ارناۋلى ساتىپ اپەردى»،-دەدى كوزىنە جاس الىپ.
گۇلنۇر لۋ شياڭنىڭ قيىنشىلىعىن تۇسىنەدى. «مەنىڭ دە ەكى بالام بار، ەكى بالا باعۋدىڭ ازابىن بىلەمىن، مەن وعان سەرىك بولسام، جاقسى اپەكەلى-سىڭىلىلەردەن بولساق دەيمىن»،-دەدى گۇلنۇر.
