شينحۋا اگەنتتىگىنىڭ تىلشىلەرى ياۋ يۇيجيە، جوۋ رۇي
جۇڭگونىڭ ەسىك اشۋ وشاعى بولعان شاڭحايدا جۇڭگو حالىقارالىق يمپورت كورمەسىنىڭ باستالۋى 30 كۇندىك شەگەرىپ ساناۋعا ءوتتى.
«جۇڭگونىڭ ايقارا اشىلعان ەسىگى جابىلمايدى، تەك بارعان سايىن كەڭەيەدى»، «يمپورت كورمەسى جۇڭگونىڭ جەكە ءانى ەمەس، قايتا ءار ەلدىڭ توپتىق حورى»... الەمدەگى يمپورتتى نەگىزگى تاقىرىپ ەتكەن تۇڭعىش كورمە − جۇڭگونىڭ جاڭا كەزەكتى جوعارى دەڭگەيلى سىرتقا ەسىك اشۋىن ىلگەرىلەتۋ «ۇتىلامالى جارىسىنىڭ» كۋاسى.
كەلەسى ايالداما، شاڭحاي!
جۇڭگو - افريكا سەلبەستىك تالقى مىنبەرىنىڭ بەيجيڭدەگى باس قوسۋىنان كەيىن، جۇڭگو حالىقارالىق يمپورت كورمەسى جۇڭگونىڭ ىرىقتىلىقپەن ەسىك اشۋ «ۇتىلامالى تاياقشاسىن» قولعا الدى. وتكىزۋشى جەر شاڭحاي تۇتاس قالا بولىپ اتتانىسقا كەلىپ، «يمپورت كورمەسى ۋاقىتىنا» اياق باستى.
10 - ايدىڭ 4 - كۇنى تۇستەن بۇرىن، يمپورت كورمەسى وتكىزىلەتىن ورىن − حالىقارالىق ءماجىلىس - كورمە ورتالىعىندا (شاڭحاي) جالپى فاكتور بىرىكتىرىلگەن جاتتىعۋ وتكىزىلىپ، الداعى يمپورت كورمەسىنە جان - جاقتى دايىندالدى.
كورمە زالىندا ءورت اپاتى تۋىلسا قايتۋ كەرەك؟ تالىپ جىعىلعاندارعا، ەستەن تانعاندارعا قايتكەندە ەڭ تەز قۇتقارۋ جۇرگىزۋگە بولادى؟ الدىڭعى كەزەڭدىك 10 رەتكە جۋىق ءىرى تيپتى ارناۋلى جاتتىعۋ جانە 60 نەشە رەتكى شاعىن تۇرلەر بويىنشا جاتتىعۋ نەگىزىندە، جالپى فاكتور بىرىكتىرىلگەن جاتتىعۋ الاڭعا كىرۋ جاتتىعۋ گرۋپپاسى، تالقى مىنبەرى جاتتىعۋ گرۋپپاسى، توسىن تۋىلعان شۇعىل جاعدايعا توتەپ بەرۋ جاتتىعۋ گرۋپپاسى سياقتى 8 گرۋپپانى قامتىپ، 15 جاقتان جالپىلىق جاتتىعۋ جۇرگىزدى.
ۋاقىتتى اشالاپ ورنالاستىرۋ، كارتا ءىلىپ شايقاس جۇرگىزۋ، جاي - جاپسارعا ءمان بەرۋ، كەمەلدەندىرە ءتۇسۋ، جاۋاپكەرشىلىكتى ناقتىلاندىرۋ... كورمە سارايدىڭ ءىشى - سىرتىندا كەلەلى نىسان قۇرىلىستارى جاپپاي ىلگەرىلەتىلىپ، قاتىناس ۇيىمداستىرۋى جاپپاي ساپالىلاندىرىلىپ، قالانىڭ قىزمەت وتەۋ دەڭگەيى جاپپاي كوتەرىلدى، ءتۇرلى قامتاماسىزداندىرۋ قىزمەتى سايىسقا دايىندالۋ، ناقتى سايىسۋ كەزەڭىنە ءوتتى.
مەملەكەتتىك ءماجىلىس - كورمە ورتالىعىنىڭ (شاڭحاي) توڭىرەگىندەگى 15 سايكەستى جول قۇرىلىسى تامامدالدى، مەڭگەرۋ جۇيەسى قۇرىلىسىن وزگەرتىپ سالۋ جانە شوعىرلاندىرۋ قىزمەتى نەگىزىنەن تامامدالدى، ءتۇيىندى سايكەستى نىسان حۇڭچياۋ ساۋدا ءوڭىرىنىڭ ەكىنشى قاباتىنداعى جاياۋلار كاريدورىن شىعىسقا سوزۋ جانە 5 - ءنومىرلى اۆتوتۇراق قۇرىلىسى اياقتادى؛ ءماجىلىس - كورمە ورتالىعىنىڭ توڭىرەگىندەگى قاتىناس ءبىر تۇلعالانعان جەتەگىنىڭ ساپاسى جاقسارتىلىپ، قاتىناس باعىتتاۋىش APP اشىلىپ، جەر بەتى الەۋمەتتىك قاتىناسىنا 8 تارماقتى قىسقا ارالىقتى قاتىناس جەلىسى تىڭنان قوسىلىپ، ءار كۇنى 100 شۇعىل قاجەتتى الەۋمەتتىك قاتىناس كولىگى ورنالاستىرىلىپ، قاتىناستىڭ «كىرە الۋىنا، شىعا الۋىنا، ىركىلىسسىز قاتىناۋىنا» كەپىلدىك ەتىلدى... شاڭحاي ءاربىر ءتۇيىننىڭ بارلىعىنا بارىنشا كۇش سالدى.
حۋاڭپۋجياڭ وزەنىنىڭ 20 كيلومەترلىك جاعالاۋ كورىنىستىك بەلدەۋىنىڭ جارىقتاندىرۋى جالپى بەتتىك كۇشەيتىلىپ، وزەننەن وتەتىن 4 كوپىر شىراقتارمەن سامالاداي جارقىراپ، وزگەشە تۇسكە ەندى؛ سانسىزداعان تۇبەك گۇلمەن بەزەندىرىلگەن شاڭحايدىڭ بۇكىل قالاسىندا جۇپار ءيىس اڭقىدى؛ 25 مىڭ تازالىقشى جۇمىسكەر كوشە جولداردى جۋىپ، قالتارىستاردى تازالاپ، كوشەنى «جەرگە وتىرا سالاتىنداي» دەڭگەيگە جەتكىزدى... شاڭحاي ەڭ نازىك گۇل كەستەلەۋ رۋحىمەن «كوركى كوز سۇرىندىرەرلىك» بەزەنىپ، «يمپورت كورمەسىمەن كەزدەسۋگە» جول الدى.
قوناق سارايلارىنىڭ، توردا كەلىسكەن تاكسيلەردىڭ، جاقىن ماڭداعى اۆتوتۇراقتاردىڭ اۋقىمعا ىلەسە «باعاسىن جوعارىلاتپاۋىنا» كەپىلدىك ەتىلدى؛ 5000 ەرىكتىنى يكەمدى جۇمىسقا قابىلداپ، تاربيەلەپ، «جاس شاڭحاي» قالا وركەنيەتى ەرىكتى قىزمەت وتەۋ پۋنكتىنەن 100ىن جانە ەرىكتى قىزمەت وتەۋ اترەتىنەن 100ىن ۇيىمداستىرادى، شاعىن ءتىل ءتۇرى بويىنشا ەرىكتى قىزمەت وتەۋشىلەر قاي - قاشان دا قاسىڭىزدان تابىلادى... شاڭحاي ەڭ ىستىق ىقىلاسىمەن قوناقتاردى شىنايى كۇتىپ الۋعا دايىندالدى.
«شاڭحاي كۇشتى جاۋاپكەرشىلىك سەزىممەن جانە بورىشتىلىق سەزىممەن ءتۇرلى ۇيىمداستىرۋ، دايىندالۋ، قامتاماسىزداندىرۋ قىزمەتىن كۇش سالا جاقسى ىستەپ، ورتالىقتىڭ شاڭحايعا دەگەن سەنىمى مەن ماڭىزدى تاپسىرماسىن اقتايدى»، - دەدى شاڭحاي قالالىق پارتكومنىڭ شۋجيى لي چياڭ.
يمپورت كورمەسىنىڭ قىزۋ ورلەۋى كوتەرىلدى
10 - ايدىڭ 4 - كۇنى تۇستەن بۇرىن، جۇڭگو حالىقارالىق يمپورت كورمەسىنىڭ تۇڭعىش يمپورت ۇلەستىرمەلى جۇك قورابى شاڭحاي ۋسۇڭ كەدەنىنە قاراستى وڭىرگە ءساتتى جەتكىزىلدى. بۇل جۇك قورابىندا 15 بەلەتتى ۇلەستىرۋ تالونى بار، وعان فيليپپيننىڭ كورمەگە قاتىناساتىن 15 كاسىپورنىنىڭ كەپتىرىلگەن ماڭگو، شوكىلات، اراق - شاراپ جانە ءتۇرلى جەمىس كانسەرۆاسى سياقتى 234 ازىق - تۇلىك تيەلگەن. يمپورت كورمەسىنىڭ «جالپى بارىستىق جاسىل ارناسى» ارقىلى كەمەدەن جۇك تۇسىرۋدەن قامباعا جەتكىزۋگە دەيىن جالپى اينالىم ءتارتىبى قالىپتى جۇمىس ۋاقىتىنان 2 كۇنگە تاياۋ قىسقاردى.
كەزەكتە ءتۇرلى كورمە ونىمدەرى باتىس ەۆروپادان، وڭتۇستىك تىنىق مۇحيتتان، ورتا امەريكا قۇرلىعىنان، وڭتۇستىك افريكادان مۇحيت اسىپ، تەڭىز كەشىپ، كۇندى تۇنگە جالعاپ جول باسىپ، جۇڭگونىڭ شاڭحايىنا كەلە جاتىر.
ساۋدا ۇيىرمەلەرىنىڭ ۇشتاسۋى دا تەبىندەي ءتۇستى، يمپورت كورمەسىنىڭ «تاسۋ اسەرى» بۇكىل ەلىمىزگە جەتتى. ورتالىق كاسىپورىندارىنىڭ ساۋدا ۇيىرمەسى، جەر - جەردەگى ساۋدا ۇيىرمەلەرى، اۋەلى، شەتەلدىك ساۋداگەرلەر سياقتىلار «الاقاندارىن ىسقىلاپ» كورمە كاسىپورىندارىمەن الدىن الا ۇشتاستى. سۋنيڭ جارناسى تىزگىندەۋلى توبى پارتكومىنىڭ شۋجيى ۋاڭ جى بىلاي دەدى: «يمپورت كورمەسى ارقىلى، ەڭ از بولعاندا، ەل ءىشى بازارىندا قازىرگە دەيىن ساتىلماعان 1000 تۇردەن استام يمپورت ونىمدەرى جانە قىزمەت وتەۋدى ەنگىزەمىز، الداعى 3 جىلدا الەمدىك ساتىپ الۋعا 10 ميلليارد ەۆرو جۇمسايمىز».
اۆتوماتتى قامبا، اۆتوماتتى جۇرگىزۋ، اداممەن سايكەسە الاتىن قۇل تەمىر، «بارلىق زاتتاردى بايلانىستىراتىن» زەردەلى زاۆود، كورىنەتىن نۇر حابارلاسۋ تەحنيكاسى، زەردەلى ستانوك... تۇڭعىش كەزەكتى يمپورت كورمەسى الەمدەگى ەڭ جاڭا «قارا عىلىم - تەحنيكا» باسەكەسى الاڭىنا اينالماق.
وسى رەتكى كورمەدەگى ەڭ ۇلكەن كورمە ونىمدەرىنىڭ ءبىرى گەرمانيادان كەلگەن «شوقجۇلدىز بويلاي ۇڭگۋىش ستانوگى» بوران - شاشىنعا قاراماي شاڭحايعا جول الىپ، ءوزىنىڭ «ازياداعى تۇڭعىش سالتاناتىن» ورىنداماقشى. زەردەلى جانە جوعارى دەڭگەيلى جابدىق كورمە رايونىنان كورمە ورنىن العانداردىڭ ءبىرى، جۇڭگو ستانوك باس سەرىكتەستىگىنىڭ باس جوراسى لياڭ فىڭ بىلاي دەپ تانىستىردى: الەمدەگى ستانوك كاسىبىمەن شۇعىلداناتىن 8 باستاماشى كاسىپورىن جۇڭگودا، ءتىپتى، دۇنيە جۇزىندە تۇڭعىش رەت جاريالانعان 10نان استام ستانوك جابدىقتارى ونىمدەرىن كورمەگە قويادى. تولىقسىز ساناققا قاراعاندا، كورمەدە 100 نەشە ءتۇرلى جاڭا ءونىم جانە جاڭا تەحنيكا تۇڭعىش رەت جاريالانادى.
GE ەمدەۋ، چياڭشىڭ ەمدەۋ، لوشى، مەيدۇنلي سياقتى ءبىر توپ الەمدىك ەمدەۋ الىپتارى تۇتاس تىزە بۋىنىن اۋىستىرۋ جۇيەسى، تەڭگە ۇلكەندىگىندەگى پاتسەماكەر (جۇرەك قوزعالتقىش)، بالالارعا ارنالعان ارناۋلى يادرو ماگنيتتىك رەزونانس سياقتى ءبىر قىدىرۋ وزىق دەڭگەيلى ەمدەۋ اسپاپتارى مەن دياگنوز قويۋ، ەمدەۋ جوباسىن كورمەگە قويادى.
«جۇڭگو ءنومىرلى جۇردەك پويەز» دۇنيە جۇزىنە جاڭا وراي اكەلەدى
ەسىكتى ايقارا اشۋ بەكىمىن امالياتتا ايگىلەگەن «جۇڭگو ءنومىرلى جۇردەك پويەز» دۇنيە ءجۇزىنىڭ جاڭا ورايىنا اينالۋدا.
جۇڭگو حالىقارالىق يمپورت كورمە مەكەمەسىنىڭ ساندى مالىمەتىنە نەگىزدەلگەندە، يمپورت كورمەسىنە قاتىناساتىن 2800دەن استام كاسىپورىن ىشىندە 20 ەل توبىنىڭ بارلىق مۇشەلەرىنەن سىرت، «ءبىر بەلدەۋ، ءبىر جول» بويىنداعى 50دەن استام مەملەكەت پەن ءوڭىر دە قامتىلعان، دۇنيە جۇزىندەگى دامۋى ەڭ كەنجە 44 مەملەكەتتىڭ 30ى يمپورت كورمەسىنە قاتىناسادى، ولاردان كورمەگە قاتىناسۋعا كەلىسىم بەرگەن كاسىپورىن 150دەن اسادى.
دەربەس قيمىلداۋ تەز، كوپپەن بىرگە قيمىلداۋدىڭ بولاشاعى بار. جۇڭگو الەمگە قۇشاعىن اشىپ، وزگە ەلدەردىڭ جۇڭگونىڭ دامۋ «جۇردەك پويەزىنە»، «قولايلى پويەزىنە» وتىرۋىن قارسى الادى. كانادا - جۇڭگو ساۋدا القاسىنىڭ باستىعى شاڭ سى: جۇڭگودا سانسىزداعان وراي بار، تاماشا بولاشاققا يە بولا الامىز، يمپورت كورمەسى جۇڭگو بازارىنىڭ بارعان سايىن اشىلعاندىعىن دالەلدەدى، كانادا كاسىپورىندارى بولاشاقتا، ءسوز جوق، بەلسەندى تۇردە «شىعىسقا بەت الادى، ازياعا بەت الادى، جۇڭگوعا بەت الادى»، - دەدى.
جۇڭگونىڭ سەنىمى، جۇڭگونىڭ جاۋاپكەرشىلىگى. جۇڭگو - افريكا سەلبەستىك تالقى مىنبەرىنىڭ بەيجيڭدەگى باس قوسۋى ورلەۋىنىڭ جالعاسى بولعان تۇڭعىش كەزەكتى يمپورت كورمەسى جۇڭگو - افريكا دوستىعى سيمفونياسىن ۇزدىكسىز جازادى. كەزەكتە يمپورت كورمەسىنە 43 افريكا ەلىنىڭ، 190 نەشە كاسىپورىننىڭ قاتىناساتىندىعى تۇراقتاندى، ەگيپەتتىڭ قۇرماسى، ەفيوفيانىڭ كوفەسى، وڭتۇستىك افريكانىڭ ءپىل شارابى سياقتىلار ءتىپتى دە كوپ جۇڭگو وتباسىلارىنا ەنەتىن بولادى.
«كورمە اشىق ەكونوميكانى دامىتىپ، ادامزاتتىڭ تاعدىرلاس ورتاق تۇلعاسىن ورناتۋدى جاڭاشىل حالىقارالىق الەۋمەتتىك ونىمدەرمەن قامدايدى». جۇڭگو حالىقارالىق يمپورت كورمەسى مەكەمەسىنىڭ ورىنباسار باستىعى، مەملەكەتتىك ءماجىلىس - كورمە ورتالىعىنىڭ باس جوراسى سۇن چىڭحاي بىلاي دەدى: «قايتكەندە دامۋى ەڭ كەنجە قالعان ەلدەردى يمپورت كورمەسىنە قاتىناستىرىپ، جۇڭگونىڭ تولىسۋىنان بىرگە يگىلىكتەندىرۋگە بولادى، بۇل وسى رەتكى كورمە قىزمەتىنىڭ ماڭىزدى تۇيىندەرىنىڭ ءبىرى»، كورمە ءاربىر كورمەگە قاتىناسقان دامۋى ەڭ كەنجە ەلدەردى 2 ولشەمدى كورمە ورنىمەن تەگىن قامدايدى، بۇعان دامۋى ەڭ كەنجە ەلدەر بەلسەندى اڭىس ءبىلدىردى.
اۋەلگى ماقساتتى ۇمىتپاي، الەممەن بىرگە جولعا شىعىپ، الەمدىك ساۋدا قورعامپازدىعىنىڭ بۇلتى تاراماعان كۇردەلى جاعدايدا، يمپورت كورمەسى بۇكىل دۇنيە جۇزىنە جۇڭگونىڭ ەسىك اشۋدى تاباندىلىقپەن كەڭەيتەتىندىگىن، كوپ جاقتى ساۋدا ءتۇزىلىسىن تاباندىلىقپەن قورعايتىندىعىن، الەمدىك جونگە سالۋ جۇيەسى وزگەرىسىن تاباندىلىقپەن ىلگەرىلەتەتىن بەكىمى مەن سەنىمىن تولىق ايگىلەيدى.
«يمپورت كورمەسى جۇڭگونىڭ ساۋدا ستراتەگياسىنداعى بۇرىلىسىن بەينەلەپ، جۇڭگونىڭ ءىرى ەل جاۋاپكەرشىلىگىن باتىلدىقپەن ارقالاپ، دۇنيە جۇزىندەگى ءارقايسى ەلدەرمەن ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ بەكىمىن ايگىلەپ، جۇڭگونىڭ دۇنيە جۇزىنە قوس باعىتتا ەسىك اشۋ ۇستانىمىن پايىمداپ، بىرگە اقىلداسۋ، بىرگە قۇرۋ، تەڭ يگىلىكتەنۋدەي حالىقارالىق سەلبەستىك مەحانيزمىن ورناتۋعا تۇعىر ازىرلەۋدى دارىپتەيدى»، - دەدى شاڭحاي قوعامدىق عىلىم اكادەمياسى الەمدىك ەكونوميكانى زەرتتەۋ ورنىنىڭ ورىنباسار باستىعى جاۋ بەيۋىن.
ەندى عانا وتكەن 9 - ايدا ا ق ش - تىق مايكول تۇڭعىش توپتا A جارناسى جەكەلىك اكتسيا ەسەپ ءنومىرىن اشقان شەتەلدىك قارجى قوسۋشىلاردىڭ بىرىنە اينالدى؛ رۇيبو كاسىپتىك تەحنيكاعا باۋلۋ (شاڭحاي) شەكتى سەرىكتەستىگىنىڭ باس مەڭگەرۋشىسى جۇڭ كى شاڭحاي ەركىن ساۋدا رايونىنىڭ فينانستىق اعارتۋ سالاسىنداعى تۇڭعىش شەتەل قارجىلاندىرعان باۋلۋ ورگانىنىڭ تيجارات كۋالىگىن الدى. جۇڭگونىڭ جاڭا كەزەكتى جوعارى دەڭگەيلى سىرتقا ەسىك اشۋ ۇندەۋىندە، ءتىپتى دە كوپ ەسىك اشۋ شارالارى مەن تۇزىمدە جاڭالىق اشۋ توعىسىپ، ەسىك اشۋدىڭ سيمفونياسىن بىرگە اسقاقتاتاتىن بولادى.
(شينحۋا اگەنتتىگىنىڭ 10 - ايدىڭ 6 - كۇنى شاڭحايدان بەرگەن حابارى)
