بەيجيڭ ۋاقىتى 10-ايدىڭ 29-كۇنى ساعات 8 دەن 43 مينۋت وتكەندە، جۇڭگونىڭ جيۋچۋان جاساندى سەرىك ۇشىرۋ ورتالىعى چاڭجىڭ 2-ءنومىرلى C تاسىمال راكەتاسىمەن جۇڭگو مەن فرانسيا سەلبەسىپ زەرتتەپ جاساعان تۇڭعىش جاساندى سەرىك — «جۇڭگو-فرانسيا تەڭىز-مۇحيت جاساندى سەرىگىن» ءساتتى ۇشىردى. جۇڭگو-فرانسيا تەڭىز-مۇحيت جاساندى سەرىگىن ەكى ەل 13 جىل سەلبەسىپ زەرتتەگەن، جاساندى سەرىكتىڭ ساندىق مالىمەتىن ەكى جاق تەڭ ىستەتەتىن بولىپ، دۇنيە جۇزىندە تۇڭعىش رەت تەڭىز جەلى مەن تەڭىز تولقىنىن تەڭ قادامدا باقىلاۋدى جۇزەگە اسىرادى. بۇل جولعى ۇشىرۋ مىندەتى «ءبىر راكەتادا سەگىز جاساندى سەرىك ۇشىرۋ» ءادىسىن قولدانىپ، جۇڭگو-فرانسيا تەڭىز-مۇحيت جاساندى سەرىگىنەن سىرت، تاعى ءبىر بەلورۋسسيا مەملەكەتتىك داشۋەسى زەرتتەپ جاساعان عىلىم-تەحنيكا جانە وقۋ-اعارتۋ جاساندى سەرىگى جانە جۇڭگونىڭ قاتىستى ورىندارى زەرتتەپ جاساعان 6 عىلمي تاجىريبە مەن تەحنيكالىق سىناق جاساندى سەرىگى بار.
