تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

توقىماشىلىق، كيىم - كەشەك كاسىبى رايونىمىزدىڭ جۇمىسقا ورنالاسۋعا تارتاتىن «كۇشتى ماگنيت ورىسىنە» اينالدى

الدىڭعى 3 توقساندا توقىماشىلىق، كيىم - كەشەك كاسىبىندە تىڭنان 97 مىڭ 100 ادام جۇمىسقا ورنالاستى

  ءتىلشىمىز لي ياڭ 11 - ايدىڭ 25 - كۇنى ۇرىمجىدەن حابارلايدى. 11 - ايدىڭ 20 - كۇنى تۇستەن كەيىن، اقسۋ توقىماشىلىق ونەركاسىپ ورتالىعى (اشۋ رايونى) الىشيڭ ىلمە توقىماشىلىق شەكتى سەرىكتەستىگىنىڭ ءوندىرىس سەحىندا، 23 جاستاعى قالام نيسا ماشينانى جەتىك مەڭگەرىپ، جۇمىس جۇرگىزىپ جاتىپتى. قالام نيسا بۇرىن اۋات اۋدانى بەسارىق قالاشىعى ۇستىڭگى بەسارىق قىستاعىنىڭ كەدەي تۇرعىنى ەدى، قالا، اۋىلداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ جوسپارىنىڭ ارقاسىندا، كۇيەۋى تۇرسىن ابدىرەيىم ەكەۋى الىشيڭ ىلمە توقىما شەكتى سەرىكتەستىگىندە ونەركاسىپ جۇمىسشىسىنا اينالدى. «قازىر ەكەۋىمىزدىڭ ايلىق كىرىسىمىز 7000 يۋانعا تايايدى، بۇل جەردە جۇمىسقا تۇردىق، تاماق، جاتىن ورىن بۇكىلدەي تەگىن، ارتىق - اۋىس اقشا جۇمساپ جاتقان جوقپىز. ءبىز اقشا جيىپ، وسى جەردەن ءۇي ساتىپ الىپ، اكە - شەشەمىز بەن بالالارىمىزدى الىپ كەلەيىك دەپ وتىرمىز»، - دەدى قالام نيسا قۋانا.

  اقسۋ ايماعى كاسىپ سالاسىن دامىتۋ مەن جۇمىسقا ورنالاستىرۋدى بىرلەستىرىپ جۇرگىزۋ مەحانيزمىن ۇزدىكسىز كەمەلدەندىرىپ، توقىماشىلىق، كيىم - كەشەك كاسىپ سالاسى ارقىلى جۇمىسقا ورنالاسۋدى جەبەدى. بيىل جىل باسىنان بەرى، اقسۋ ايماعى 41 مىڭ 100 ادامدى باسقا سالاعا ويىستىرىپ، جۇمىسقا ورنالاستىردى، مۇنىڭ ىشىندە توقىماشىلىق، كيىم - كەشەك كاسىبىنە 20 مىڭ 800 ادام جۇمىسقا ورنالاستى؛ ارحيۆ تۇرعىزىلىپ، كارتچكا بەرىلگەن كەدەي وتباسىلاردان 4979 ادام باسقا سالاعا ويىسىپ، جۇمىسقا ورنالاستى، مۇنىڭ ىشىندە، توقىماشىلىق، كيىم - كەشەك كاسىپورىندارىنا 2997 ادام جۇمىسقا ورنالاستى.

  بۇل اۆتونوميالى رايونىمىزدىڭ توقىماشىلىق، كيىم - كەشەك كاسىبىن زور كۇشپەن دامىتىپ، جۇمىسقا ورنالاسۋدى جەتەكتەۋىنىڭ شاعىن كورىنىسى. بيىل جىل باسىنان بەرى، اۆتونوميالى رايونىمىز «جۇمىسقا ورنالاسۋدى ءبىرىنشى ورىنعا قويۋعا، وڭتۇستىك شينجياڭدى الدىمەن ويلاستىرۋعا» تاباندى بولىپ، توقىماشىلىق، كيىم - كەشەك كاسىبىن دامىتىپ، ميلليون ادامدى جۇمىسقا ورنالاسۋعا جەتەكتەۋ قىزمەتىن ۇزدىكسىز بار كۇشپەن ىلگەرىلەتتى، قالام نيسا سياقتى اناعۇرلىم كوپ جاس شارۋا وسى زامانعى ونەركاسىپ جۇمىسشىلارىنا اينالىپ، ومىرلەرىنىڭ تاماشا بۇرىلىسىن جۇزەگە اسىردى.

  ۇعىسۋىمىزشا، الدىڭعى 3 توقساندا، بۇكىل رايوندا نەگىزگى تيجارات كىرىسى 3 ميلليون يۋاننان اساتىن توقىماشىلىق كاسىپورىندار 7 ميلليارد 304 ميلليون يۋاندىق ارتقان قۇندى ورىنداپ، بىلتىرعى سول تۇستاعىدان %11.1 ارتتىرىپ، بۇكىل رايونداعى 39 ونەركاسىپ كاسىبىنىڭ ارتۋ قارقىنىندا الدىڭعى قاتاردان ورىن الدى. بۇكىل رايوننىڭ توقىماشىلىق، كيىم - كەشەك كاسىبىنە تىڭنان 97 مىڭ 100 ادام (بيڭتۋاندى قامتيدى) جۇمىسقا ورنالاستى، مۇنىڭ ىشىندە وڭتۇستىك شينجياڭداعى 4 ايماق - وبلىستا 80 مىڭ 800 ادام تىڭنان جۇمىسقا ورنالاستى. بۇكىل رايون بويىنشا (بيڭتۋاندى قامتيدى) توقىماشىلىق، كيىم - كەشەك كاسىپورىندارىنان تىڭنان 204ى كوبەيدى، مۇنىڭ ىشىندە وڭتۇستىك شينجياڭداعى 4 ايماق - وبلىستا تىڭنان 169 كاسىپورىن كوبەيدى. وڭتۇستىك شينجياڭداعى 4 ايماق - وبلىسقا دالمە - ءدال شارا اتقارىلۋ ارقىلى، وسىنداعى توقىماشىلىق، كيىم - كەشەك سەرىك زاۆودتارى مەن ءوندىرىس سەحتارىنان 537سىنىڭ قۇرىلۋىنا قولداۋ كورسەتىلدى.

  اۆتونوميالى رايونىمىز باستان - اياق وڭتۇستىك شينجياڭداعى 4 ايماق - وبلىستى توقىماشىلىق، كيىم - كەشەك كاسىبىن دامىتۋدىڭ ءتۇيىنى ەتىپ، توقىماشىلىق، كيىم - كەشەك كاسىبىن وڭتۇستىك شينجياڭنىڭ جۇمىسقا ورنالاسۋدى جەبەيتىن، كەدەيلىكتەن ارىلۋعا جەتەكتەيتىن ماڭىزدى كاسىبى ەتىپ قالىپتاستىردى. ءبىر جاعىنان، كاسىپ سالاسى ساياساتىن وڭتۇستىك شينجياڭعا بەيىمدەۋگە تاباندى بولىپ، قازىرگى ساياساتتاردىڭ تۇراقتىلىعىن ساقتاۋ نەگىزىندە، كيىم - كەشەك، ءۇي توقىما بۇيىمدارى، ىلمە توقىمالارى سياقتى تەرمينالدىق كاسىپتەردىڭ دامۋىنا قولداۋ كورسەتتى، اسىرەسە، وڭتۇستىك شينجياڭدا بۇكىل كاسىپ تىزبەگىندىك قولداۋ ساياساتتارىن اتقارۋدى كۇشەيتتى؛ ەندى ءبىر جاعىنان، قازىرگى مەملەكەتتىڭ شينجياڭنىڭ توقىماشىلىق، كيىم - كەشەك كاسىبىنە قولداۋ كورسەتۋ ساياساتتارىن وڭتۇستىك شينجياڭداعى 4 ايماق - وبلىستا قارجى قوسىلعان ەلەكتروندىق ونىمدەرىن قۇراستىرۋ - وڭدەۋ، اياق كيىم جانە باس كيىم، ويىنشىق، جاساندى شاش سياقتى ەڭبەككۇش شوعىرلانعان كاسىپتەرگە دەيىن كەڭەيتىپ، ەل ىشىندەگى ەڭبەككۇش شوعىرلانعان ءبىر توپ كاسىپورىندى كەلىپ قارجى قوسۋعا تارتىپ، وڭتۇستىك شينجياڭداعى ءار ۇلت بۇقاراسىنىڭ جۇمىسقا ورنالاسۋ ارناسىن مۇمكىندىگىنشە كەڭەيتىپ، وڭتۇستىك شينجياڭ وڭىرىندەگى كەدەيلىكتەن ارىلتۋدان قامال الۋعا دەم بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى