تيانشان تورابى   ›   جاڭالىقتار   ›   ەل ءىشى حابارى

ەلىمىزدىڭ ايدى بارلاۋ ينجەنەرياسى چاڭى − 4 بارلاۋ اسپابى ءساتتى ۇشىرىلدى

  ادامزاتتىڭ ايدىڭ ارعى بەتىنە جەڭىل قونۋ، بارلاۋ جۇرگىزۋ تۇڭعىش ساپارىن باستادى

  شينحۋا اگەنتتىگىنىڭ 12 - ايدىڭ 8 - كۇنى شيچاڭنان بەرگەن حابارى (تىلشىلەر حۋ جى، شيە جياۋ). «... 3، 2، 1، وتالدىر!» زىمىراننىڭ زور گۇرىلىمەن، ميلليارد جۇڭحۋا پەرزەنتىنىڭ ايدى بارلاۋ، اسپانعا ۇشۋ ارمانىن ارقالاپ، 12 - ايدىڭ 8 - كۇنى ساعات 2دەن 23 مينۋت وتكەندە، ەلىمىز شيچاڭ جاساندى سەرىك ۇشىرۋ ورتالىعىندا ۇزاق جورىق 3 − B تاسىمال زىمىرانى چاڭى − 4 بارلاۋ اسپابىن ءساتتى ۇشىرىپ، ايدى بارلاۋدىڭ جاڭا ساپارىن باستادى.

  چاڭى − 4 بارلاۋ اسپابى كەيىن جەر شارى وربيتاسىنان اي شارى وربيتاسىنا اۋىسۋدى، ايعا جاقىنداپ، قوزعالىسىن تەجەۋدى، ايدى اينالىپ ۇشۋدى باستان كەشىرىپ، سوڭىندا ادامزاتتىڭ ايدىڭ ارعى بەتىنە تۇڭعىش رەت جەڭىل قونۋىن جۇزەگە اسىرىپ، ايدىڭ ارعى بەتىندە ورىندا تۇرىپ بارلاۋ جانە شارلاۋ جۇرگىزەدى، سونداي - اق بورىش وربيتاسىندا جۇرگەن «چۋەچياۋ» ۇلاستىرۋشى جاساندى سەرىگى ارقىلى ايدىڭ ارعى بەتى مەن جەر اراسىنداعى ۇلاسپالى حابارلاسۋدى جۇزەگە اسىرادى.

  چاڭى − 4 مىندەتىنىڭ ينجەنەريالىق نىساناسى: بىرىنشىدەن، ايدىڭ ۇلاسپالى حابارلاسۋ جاساندى سەرىگىن زەرتتەپ جاساپ، ۇشىرىپ، حالىقارادا تۇڭعىش رەت جەر مەن ايدىڭ لاگرانج L2 نۇكتەسىندە باقىلاۋ - مەڭگەرۋدى جانە ۇلاسپالى حابارلاسۋدى جۇزەگە اسىرۋ؛ ەكىنشىدەن، ايعا قونۋ اسپابى مەن شارلاۋشى اسپاپتى زەرتتەپ جاساپ، ۇشىرىپ، حالىقارادا تۇڭعىش رەت ايدىڭ ارعى بەتىنە جەڭىل قونۋدى جانە شارلاۋ جۇرگىزىپ بارلاۋدى جۇزەگە اسىرۋ.

  چاڭى − 4تىڭ عىلمي مىندەتتەرى باستىسى مىنالار: ايدىڭ ارعى بەتىندە تومەن جيىلىكتە راديو تولقىنىن تاراتىپ، استرونوميالىق باقىلاۋ جانە زەرتتەۋ جۇرگىزۋ؛ ايدىڭ ارعى بەتىندەگى شارلاۋ اۋماعىنىڭ ءپىشىن - كەلبەتىن، مينەرال قۇرامىن جانە ايدىڭ بەتىندەگى تاياز قاباتتىڭ قۇرىلىمىن بارلاۋ جانە زەرتتەۋ؛ سىناق رەتىندە ايدىڭ ارعى بەتىندە نەيتروندىق ساۋلە شىعارۋ مولشەرى، بەيتاراپ اتوم سياقتى ايدىڭ قورشاعان ورتاسىنا بارلاۋ - تەكسەرۋ جۇرگىزۋ.

  حالىقارالىق اۋىس - ءتۇيىس پەن سەلبەستىكتى ىلگەرىلەتىپ، ەسىك اشۋدى، بىرگە يگىلىكتەنۋدى كەڭەيتۋ ءۇشىن، چاڭى − 4 مىندەتىندە، نيدەرلاندپەن، گەرمانيامەن، شۆەتسيامەن، ساۋد ارابياسىمەن 4 عىلمي جۇكتەمە جاعىندا حالىقارالىق سەلبەستىك ورىستەتىلىپ، حاربين ونەركاسىپ داشۋەسى، جۇڭشان داشۋەسى، چۇڭچيڭ داشۋەسى سياقتى ەل ىشىندەگى جوعارى مەكتەپتەر زەرتتەپ جاساعان عىلىم - تەحنيكالىق 3 سىناق نىسانى جۇكتەلدى.

  چاڭى − 4 مىندەتى 2016 - جىلى 1 - ايدا مەملەكەتتىك كەڭەستىڭ بەكىتۋىمەن رەسمي اتقارىلىپ، وعان ۇلاستىرۋشى جاساندى سەرىك جانە بارلاۋشى اسپاپ سىندى 2 رەتكى مىندەت قامتىلدى. «چۋەچياۋ» ۇلاستىرۋشى جاساندى سەرىگى 2018 - جىلى 5 - ايدىڭ 21 - كۇنى شيچاڭ جاساندى سەرىك ۇشىرۋ ورتالىعىندا ۇزاق جورىق − 4 C - ياۋ - 27 تاسىمال زىمىرانىمەن ءساتتى ۇشىرىلىپ، جەر مەن ايدى اينالۋ لاگرانج L2 نۇكتەسىندەگى بورىش وربيتاسىنا كىردى، قازىر ونىڭ كۇيى قالىپتى.

    ايدى بارلاۋ ينجەنەرياسىنىڭ ماڭىزدى ارنايى نىسانىن مەملەكەت قورعانىس عىلىم - تەحنيكاسى جانە ونەركاسىبى مەكەمەسى باس بولىپ ۇيىمداستىرىپ، اتقاردى. چاڭى − 4 مىندەتى ينجەنەريا جالپى تۇلعاسى جانە بارلاۋشى اسپاپ، تاسىمال زىمىرانى، ۇشىرۋ الاڭى، بارلاۋ - مەڭگەرۋ، جەر بەتىندەگى قولدانبا سىندى 5 ۇلكەن جۇيەدەن قۇرالعان. مۇنىڭ ىشىندە، ينجەنەريا جالپى تۇلعاسىن مەملەكەت قورعانىس عىلىم - تەحنيكاسى جانە ونەركاسىبى مەكەمەسى ايدى بارلاۋ جانە عارىش ينجەنەرياسى ورتالىعى ۇستىنە السا؛ ۇلاستىرۋشى جاساندى سەرىكتى، بارلاۋشى اسپاپتى، تاسىمال زىمىرانىن جەكە - جەكە جۇڭگو عارىش عىلىم - تەحنيكاسى توبى شەكتى سەرىكتەستىگى جۇڭگو كەڭىستىك تەحنيكاسىن زەرتتەۋ مەكەمەسى، جۇڭگو تاسىمال زىمىرانى تەحنيكاسىن زەرتتەۋ مەكەمەسى، شاڭحاي عارىش تەحنيكاسىن زەرتتەۋ مەكەمەسى زەرتتەپ، جاسادى؛ ۇشىرۋ جانە بارلاۋ - مەڭگەرۋ مىندەتىنە جۇڭگو جاساندى جەر سەرىگىن ۇشىرۋ، بارلاۋ - مەڭگەرۋ جۇيەسى ءبولىمى جاۋاپتى بولدى؛ جەر بەتىندەگى قولدانبا جۇيەسىن جۇڭگو عىلىم اكادەمياسى مەملەكەتتىك استرونوميا ستانسياسى ۇستىنە الدى، ءونىمدى جۇكتەمەنى جۇڭگو عىلىم اكادەمياسىنىڭ جانە جۇڭگو عارىش عىلىم - تەحنيكاسى توبى شەكتى سەرىكتەستىگىنىڭ قاتىستى ورىندارى زەرتتەپ جاسادى. وسى رەتكى ۇشىرۋ مىندەتى ۇزاق جورىق جەلىلەس تاسىمال زىمىراندارىنىڭ 294 - رەتكى ۇشىرىلۋى بولىپ تابىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى