ەرىكتى تىلشىلەر گۇڭ شيجيە، ساي شۋ، ۋي شياۋحۇڭ
«رەفورما جاساعاننان، ەسىك اشقاننان كەيىن، مەكتەپ اۋلامىزدا زور وزگەرىستەر جارىققا شىقتى. توڭكەرىس رۋحىن ساۋلەلەندىرىپ، قىزىل گەندى جالعاستىرۋ ەشقاشان وزگەرگەن جوق»، - دەدى 12 - ايدىڭ 10 - كۇنى كۇشار اۋداندىق لين جيلۋ باستاۋىش مەكتەبىنىڭ پەنسياعا شىققان وقىتۋشىسى ياڭ چۇنمەي.
ياڭ چۇنمەي 1978 - جىلى لين جيلۋ باستاۋىش مەكتەبىنە جوتكەلىپ كەلگەننەن باستاپ پەنسياعا شىققانعا دەيىن وسى مەكتەپتە قىزمەت ىستەدى، ونى وسى مەكتەپتىڭ دامۋىنىڭ كۋاگەرى دەۋگە بولادى. ياڭ چۇنمەيدىڭ ايتۋىنشا، كەزىندە لين جيلۋ باستاۋىش مەكتەبى جوتاعا ورنالاسقان ەكەن، ءبىر جاعى بيىك، ءبىر جاعى الاسا بولعاندىقتان، جاۋىن جاۋعان كۇندەرى مەكتەپ اۋلاسىنىڭ باتىس جاعى كولشىككە اينالىپ كەتەدى ەكەن. مەكتەپ نە بارى بەس قاتار اعاش قۇرىلمالى ۇيلەردەن قۇرالعان، باستابىندا تەرەزەلەرگە قاعاز ۇستالعان، كەيىن جۇقا سۋلياۋ ۇستالىپتى، ەڭ سوڭىندا اينەك تەرەزەگە اۋىستىرىلعان ەكەن.
كۇشار اۋداندىق لين جيلۋ باستاۋىش مەكتەبىن 1936 - جىلى 8 - ايدىڭ 5 - كۇنى سول كەزدەگى كۇشار اۋدانىنىڭ اكىمى بولىپ تۇرعان توڭكەرىستىك قۇربان لين جيلۋ قۇرعان. «اۆتونوميالى رايون دارەجەلى وتانشىلدىق تاربيە بازاسى» رەتىندە، ول قىزىل گەندى رۋحاني وزەك ەتىپ، وتانشىلدىق سۇيىسپەنشىلىكتى سان ۇرپاق وقۋشىلاردىڭ جۇرەگىنە تەرەڭ ۇيالاتتى.
وتكەن عاسىردىڭ 80 - جىلدارىنىڭ سوڭىندا، مەكتەپتىڭ قارا كەرپىشتەن سالىنعان ۇيلەرىنىڭ ورنىنا تاس كەرپىشتى اعاش ۇيلەر سالىندى، مەكتەپ اۋلاسى دا جوندەلدى.
نەشە ون جىلدىق دامۋدى باستان كەشىرگەننەن كەيىن، بۇگىنگى لين جيلۋ باستاۋىش مەكتەبىنىڭ اۋماعى 32 مۋعا، مەكتەپ ۇيلەرىنىڭ اۋماعى 8238 شارشى مەترگە جەتتى، 200 مەترلىك سۋلياۋ جاتقىزىلعان اينالمالى جارىس جولى، فۋتبول الاڭى، باسكەتبول الاڭى، ۆولەيبول الاڭى، ۇستەل دوپ الاڭى سياقتى اشىق سپورت الاڭدارى بار، سونىمەن بىرگە، تاجىريبەحانا، كومپيۋتەر ءۇيى، مۋزيكا ءۇيى... سياقتىلار سالىندى. قازىر وقۋشىلار بانبانتۇڭ مىنبەرى، كوپ مەديالى كومپيۋتەر، ءتۇسىرۋ - تاراتۋ ساباقحاناسى سياقتى اسپاپتارمەن ۇيرەنەتىن بولدى.
«قازىر شاڭحاي مەن جىجياڭداعى وقىتۋشىلار بىزگە الىس ارالىقتى وقىتۋ اسپابىمەن ساباق بەرەدى»، - دەدى لين جيلۋ باستاۋىش مەكتەبىنىڭ وقۋشىسى شياڭ جيالى.
مەكتەپ نەشە ون جىلدىڭ الدىنداعى قارا كەرپىشتەن سالىنعان ءبىر قانشا ۇيدەن كەڭەيىپ قازىرگى وسىزاماندانعان باستاۋىش مەكتەپكە اينالدى، توڭكەرىس رۋحى مەن وتانشىلدىق ءداستۇر دە ۇرپاقتان - ۇرپاققا جالعاسۋدا.
مەكتەپ اۋلاسىنا كىرىپ بارعانىڭىزدا، كوزىڭىزگە ەڭ الدىمەن وقىتۋ عيماراتى تۇسەدى، وقىتۋ عيماراتىنىڭ ەكى شەتىندەگى تامدا لين جيلۋ قۇرباننىڭ توڭكەرىستىك ءومىرى تاريحي سۋرەتتەرمەن بەينەلەگەن، مەكتەپ تاريحى سارايى، گۋمانيتارلىق كورىنىستەر، بارلىق جەردەن كەزىكتىرۋگە بولاتىن ادامدى جىگەرلەندىرەتىن اقىليا سوزدەر، توڭكەرىستىك قۇربانداردىڭ ىزگى ىستەرى دە وسى مەكتەپتىڭ قىزىل تەگىن ايگىلەپ تۇر.
لين جيلۋ باستاۋىش مەكتەبى پارتيا ياچەيكاسىنىڭ شۋجيى سۇن جيانجۇن بىلاي دەدى: ءاربىر مەكتەپتىڭ وزىنە ءتان رۋحى بولادى، ءبىزدىڭ مەكتەپتىڭ مادەنيەتى − لي جيلۋدىڭ ىزگى ىستەرىن وزەك ەتىپ، لين جيلۋدىڭ توڭكەرىستىك رۋحىن ساۋلەلەندىرىپ، قىزىل گەندى جالعاستىرۋ.
«ۇزاق ۋاقىتتان بەرى، مەكتەپ وتانشىلدىق تاربيە مەن داعدىلى وقۋ - اعارتۋدى ۇشتاستىرۋدا تاباندى بولىپ كەلدى، ءبىز ءار كۇنى مەملەكەت تۋىن شىعارۋ ءتۇزىمىن ارناعا ءتۇسىرىپ، ءار اپتاداعى ارناۋلى كلاس جيىنىندا وتانشىلدىق تاربيە ورىستەتىپ، وتانشىلدىق سەزىمنىڭ ءاربىر بالانىڭ ساناسىنا ۇيالاۋىنا مۇمكىندىك جاسادىق»، - دەدى لين جيلۋ باستاۋىش مەكتەبىنىڭ ساياسي ءتالىم - تاربيە مەڭگەرۋشىسى شۇي يىڭ.
لين جيلۋ باستاۋىش مەكتەبى بۇرىننان بەرى وقۋشىلاردى دۇنيەگە، ومىرگە، قۇنعا دۇرىس كوزقاراس ورناتۋعا تاربيەلەدى، ءار ۇلت وقىتۋشى - وقۋشىلارى اناردىڭ دانىندەي تىعىز ۇيىسىپ، تاماشا ۇيرەنۋ ورتاسىن قالىپتاستىرىپ، وعان ىلگەرىندى - كەيىندى تۇردە اۆتونوميالى رايون دارەجەلى «وتانشىلدىق تاربيە بازاسى»، «ءمورال تاربيەسىنەن ۇلگى كورسەتەتىن مەكتەپ» دەگەن اتاق بەرىلدى.
«ءبىز وتاننىڭ گۇل - بايشەشەگىمىز، ءبىز وتاندى قىزۋ سۇيەمىز، ۇلتتار ىنتىماعىن باتىل قورعايمىز. ءبىز ءار ۇلت وقۋشىلارى اعا - باۋىر، اپەكە - قارىنداستارداي بىرگە شات - شادىمان ەسەيىپ - ەرجەتەمىز»، - دەدى لين جيلۋ باستاۋىش مەكتەبىنىڭ 6 - جىلدىق 3 - كلاسىندا وقيتىن وقۋشى مۇستاپا مامەت.
