تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

رايونىمىز كاسىپتىك وقۋ - اعارتۋدى كۇش سالا دامىتىپ، كەدەيلىكتەن دالمە - ءدال ارىلتۋدى جەبەدى

ءتىلشىمىز جاڭ شۋەحۇڭ

  «قىزىم تۋما ناۋقاس، وتباسىمىزدىڭ قيىنشىلىعى اۋىر. بيىل جازدا ۇلىم نانچاڭ قالاسىنداعى زاۆودقا بارىپ جۇمىس ورنىندا پراكتيكا ىستەگەننەن باستاپ، ىلگەرىندى - كەيىندى 30 مىڭ يۋاننان استام اقشا جىبەردى، تۇرمىسىمىز بۇرىنعىدان كوپ جاقساردى»، - دەدى لوپ اۋدانى اششىق اۋىلىنىڭ ديقانى ىحلىميرا ابدۇقادىر.

  ىحلىميرانىڭ ۇلى يمىنتوقتى بارات لوپ اۋدانىنداعى ورتا دارەجەلى كاسىپتىك مەكتەپتىڭ ەلەكتروندىق ساۋدا كاسىبىندە وقيدى، بيىل 5 - ايدا ول مەكتەپتىڭ ۇيىمداستىرۋىمەن نانچاڭ وفەيگۋاڭ عىلىم - تەحنيكا شەكتى سەرىكتەستىگىنە بارىپ جۇمىس ورنىندا پراكتيكا ىستەپ، ايلىق پراكتيكا ەڭبەكاقىسى 5000 يۋاننان اسادى.

  بىلتىر 10 - ايدان بەرى حوتان ايماعى ورتا دارەجەلى كاسىپتىك مەكتەپتەردىڭ 3 - جىلدىعىنداعى 4000نان استام وقۋشىنى توپقا ءبولىپ شاڭحاي، چيڭداۋ، حىفەي، نانچاڭ قاتارلى جەرلەردەگى ءىرى كاسىپورىندارعا جىبەرىپ ناقتى جاتتىعۋ جانە جۇمىس ورنىندا پراكتيكا ىستەۋدى ورىستەتتى، وقۋشىلار وقۋ تاۋىسپاي تۇرىپ ەڭبەكاقى الىپ، وتباسىلارىنىڭ كىرىسىن ارتتىرۋعا كومەكتەستى، يمىنتوقتى انە سولاردىڭ ءبىرى.

  اۆتونوميالى رايوندىق 9 - رەتكى پارتيا قۇرىلتايىنان بەرى، اۆتونوميالى رايوندىق پارتكوم «كاسىپتىك وقۋ - اعارتۋ قىزمەتىن اناعۇرلىم كۇشەيتۋ جونىندەگى پىكىردى» شىعارىپ، «وسى زامانعى كاسىپتىك وقۋ - اعارتۋ ساپاسىن جوعارىلاتۋ جوسپارى»، «كاسىپتىك وقۋ - اعارتۋدا ءوندىرىس پەن وقىتۋدى توعىستىرۋ ينجەنەرياسى» سياقتىلاردى باستاپ اتقارىپ، ىلگەرىندى - كەيىندى ءبىر ميلليارد 588 ميلليون يۋان قارجى قوسىپ، 115 جوعارى دارەجەلى، ورتا دارەجەلى كاسىپتىك مەكتەپتەردىڭ نەگىزدىك قۇرىلعى قۇرىلىسىنا قولداۋ كورسەتتى. مۇنىڭ ىشىندە ساياسات، قارجى جاعىندا وڭتۇستىك شينجياڭداعى 4 ايماق - وبلىسقا بەيىمدەلىپ، 503 ميلليون يۋان قارجى قوسىپ، وڭتۇستىك شينجياڭداعى 4 ايماق - وبلىستاعى 34 كاسىپتىك مەكتەپتىڭ قۇرىلىسىنا ءتۇيىندى تۇردە قولداۋ كورسەتتى؛ وڭتۇستىك شينجياڭداعى 4 ايماق - وبلىستاعى كەدەي اۋداندارعا 400 ميلليون يۋان قارجى قوسىپ، 21 كاسىپتىك مەكتەپتىڭ قۇرىلىسىنا ءتۇيىندى تۇردە قولداۋ كورسەتتى. قازىرگە دەيىن، وڭتۇستىك شينجياڭداعى 4 ايماق - وبلىستاعى مەكتەپتەردىڭ وقىتۋ جۇرگىزۋ شارت - جاعدايى مەن كوتەرىمدىلىك قۋاتى زور دارەجەدە جاقسارىپ جانە كۇشەيىپ، كاسىپتىك وقۋ - اعارتۋدىڭ «ەكى جاقتى دا تومەنگى شەكتەن تۇسىرمەۋ» قابىلەتىن جوعارىلاتىپ، وقۋ - اعارتۋ جاعىندا كەدەيلەردى دالمە - ءدال سۇيەمەلدەۋدى جەبەدى.

  ءتىلشىنىڭ حوتان ايماقتىق وقۋ - اعارتۋ مەكەمەسىنەن ۇعىسۋىنشا، حوتان ايماعىنداعى 13 كاسىپتىك مەكتەپ بيىل 15 مىڭ 500 وقۋشى قابىلداپ، وقۋشى قابىلداۋ كولەمى وتكەن جىلداعىدان %49.95 ارتقان. كاسىپتىك مەكتەپتەردەن وقۋ تاۋىسقان وقۋشىلاردىڭ بيىل جۇمىسقا ورنالاسۋ مولشەرى ورتاشا ەسەپپەن %93.22كە جەتكەن. وقۋشىلار مەكتەپ بىتىرگەن كەزدە وقۋ ماعلۇمات كۋالىگىن الۋمەن بىرگە، باسىم كوپ ساندىسى ءتۇرلى تەحنيكالىق كۋالىكتەردى ەمتيحان بەرىپ العان، كاسىپتىك وقۋ - اعارتۋدىڭ دامۋىندا وقۋشى قابىلداۋ مەن جۇمىسقا ورنالاستىرۋ مولشەرى تەڭ ارتقان تاماشا جاعداي جارىققا شىققان. حوتان ايماعىنداعى كاسىپتىك مەكتەپتەر ونەرگە تاربيەلەۋ ارقىلى كەدەيلەردى دالمە - ءدال سۇيەمەلدەۋدى جەبەۋ قىزمەتىن دە كۇش سالا ورىستەتتى، بيىل اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ بويىنشا ونەرگە تاربيەلەگەن، اۋىل - قىستاق كادرلارىن تاربيەلەۋ بويىنشا تاربيەلەگەن ادام 44 مىڭ 400دەن (رەت) اسىپ، كاسىپتىك مەكتەپتەر كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە ماڭىزدى رول اتقارعان.
 اقسۋ ايماعى كاسىپتىك وقۋ - اعارتۋ رەفورماسى ارقىلى مەكتەپ پەن كاسىپورىننىڭ ىشكەرىلەي سەلبەستىك ورناتۋىن ۇزدىكسىز تەرەڭدەتىپ، جۇمىسقا ورنالاستىرۋ مولشەرى مەن جۇمىسقا ورنالاستىرۋ ساپاسىن جوعارىلاتتى. اقسۋ ايماعىنداعى توقىماشىلىق ونەركاسىپ ورتالىعى سياقتى ونەركاسىپ باقشا رايوندارىنان پايدالانىپ، وقۋشىلاردى جۇمىس ورنىندا پراكتيكا ىستەتۋ، جۇمىسقا ورنالاستىرۋ جاعىندا ۇزدىكسىز جاڭالىق اشىپ، كەدەيلەردى دالمە - ءدال سۇيەمەلدەۋدى پارمەندى جەبەدى. اقسۋ كاسىپتىك تەحنيكالىق شۋەيۋانى توقىماشىلىق ينجەنەرياسى فاكۋلتەتى توقىماشىلىق تەحنيكاسى جانە ساتۋ كاسىبىندە وقيتىن سىراجدىن تۇرعۇن جۇمىس ورنىندا پراكتيكا ىستەۋ ارقىلى وتباسىن كەدەيلىكتەن ارىلتتى. سىراجدىن قازىر اقسۋ حۋافۋسىفاڭ شەكتى سەرىكتەستىگىنىڭ توقىماشىلىق سەحىندا رەمونتشى بولىپ جۇمىس ىستەيدى، ايىنا 2800 يۋاننان استام پراكتيكا ەڭبەكاقىسىن الادى. «وتباسىمنىڭ ەكونوميكالىق اۋىرتپالىعىن جەڭىلدەتكەنىمدى ماقتانىش سەزىنەمىن»، - دەدى سىراجدىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى