تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

قۇربان نياز: ۇلتتار ىنتىماعى، العاباسارلىعىن امالياتتا ايگىلەۋشى

  تىلشىلەر ۋاڭ لەي، گاي يوۋجۇن، اقسۋ تىلشىلەر پۋنكتىنەن دىڭ ليجۋان

  قۇربان نياز وقۋشىلاردىڭ ىرحۋ تارتۋىنا جەتەكشىلىك ەتۋدە (سۋرەت ماتەريالدان الىندى).سۋرەتتى شينحۋا اگەنتتىگى جولداعان

  2018 - جىلى 12 - ايدىڭ 18 - كۇنى تۇستەن بۇرىن بەيجيڭدەگى حالىق سارايىندا اشىلعان رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا، قۇربان نيازعا رەفورما اتويشىسى اتاعى، رەفورما اتويشىسى مەدالى بەرىلدى.

  «مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبىن قۇرىپ، ۇلتتار ىنتىماعىن امالياتتا ايگىلەدىم، بۇل ءىستى مەن دۇرىس ىستەدىم»، - دەدى قۇربان نياز اسەرلەنە.

  16 جىلدىڭ الدىندا، قۇربان نياز ءۇشتۇرپان اۋدانى يمام قالاشىعى مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبىن قۇرىپ، وقۋ - اعارتۋ ارقىلى بالالاردى وسى زامان وركەنيەتىنە اپاراتىن كوپىر سالۋدى مۇرات ەتتى. ول وقىتۋ ادىسىندە ۇزدىكسىز جاڭالىق اشىپ، جۇڭحۋانىڭ تاڭداۋلى ءداستۇرلى مادەنيەتىن زور كۇشپەن اسقاقتاتىپ، ۇلتتار ىنتىماعىن جەبەۋگە بەلسەندى ۇلەس قوستى.

  «مەنىڭ كوز ايامدى كەڭەيتكەن رەفورما جاساۋعا، ەسىك اشۋعا العىس ايتامىن»

  «پارتيا مەن مەملەكەت ماعان وسىنشاما جوعارى داڭقتى اتاق بەردى، مەن ايرىقشا ماقتانىش ەتەمىن». 2018 - جىلى 12 - ايدىڭ 21 - كۇنى ءتىلشى داڭقپەن ورالعان قۇربان نيازعا كەزدەسكەندە، ول باس شۋجي شي جينپيڭنىڭ ونىمەن ىقىلاستى قول الىسقان ءساتىن قايتا - قايتا ايتىپ، سيلىق العان كەزدەگى تەبىرەنگەن كوڭىل كۇيىن ءالى دە باسا الماي وتىردى. «رەفورما جاساۋ، ەسىك اشۋ مەنىڭ كوز ايامدى كەڭەيتتى، بۇگىنگى تابىسقا قول جەتكىزۋىمە جول اشتى»، - دەدى قۇربان نياز.

  1986 - جىلى قۇربان نياز داشۋە تاۋىسقان سوڭ، اقسۋ ايماقتىق قازىنا - ساۋدا مەكتەبىنە مەملەكەتتە ءبىر تۇتاس قولدانىلاتىن ءتىل - جازۋ ساباعىنىڭ وقىتۋشى بولىپ ءبولىندى. 1998 - جىلى رەفورما جاساۋدىڭ، ەسىك اشۋدىڭ 20 جىلدىعىندا، قۇربان نياز ەڭبەكاقىسىن توقتاتىپ، قىزمەت ورنىن ساقتاپ قالىپ، ىشكى ولكەلەرگە بارىپ ساۋدا ىستەۋدى تاڭدادى.

  ءۇشتۇرپان اۋدانى يمام قالاشىعىنداعى حالىقتىڭ %99.5ى ۇيعۇر، مەملەكەتتە ءبىر تۇتاس قولدانىلاتىن ءتىل - جازۋمەن سويلەسە الاتىندار وتە از. قىستاق تۇرعىندارىنىڭ زات ساتىپ الۋىنا قولايلى بولۋ ءۇشىن، سىرت جەرلەردە 3 جىل قۇلشىنعان قۇربان نياز قالاشىققا قايتىپ، ساۋدا دۇكەنىن جانە ءدارى - دارمەك دۇكەنىن اشتى. قىستاق تۇرعىندارىمەن ۇزاق ۋاقىت ارالاسۋ بارىسىندا، قۇربان نياز ۋكول سالىپ، ءدارى جەۋ تەك دەنەدەگى اۋرۋدى عانا جازاتىنىن، اۋىلداستارىنىڭ ساپالى ءومىر كەشۋى ءۇشىن، ەڭ الدىمەن، وزىق وقۋ - اعارتۋ ارقىلى ادامداردىڭ يدەيا - كوزقاراسىن وزگەرتۋ كەرەكتىگىن سەزىندى.

  قۇربان نياز ىشكى ولكەلەردە كورگەن - بىلگەنىن اۋىلىنىڭ جاعدايىمەن سالىستىرا كەلىپ، مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبىن اشۋ ويىنا كەلدى.

  «مەنىڭ سەنىمىمدى بەكەمدەگەن ساتسىزدىكتەرگە العىس ايتامىن»

  2003 - جىلى قۇربان نياز جيعان - تەرگەن 600 مىڭ يۋانىمەن يمام قالاشىعى مەملەكەتتە ءبىر تۇتاس قولدانىلاتىن ءتىل جازۋ باستاۋىش مەكتەبىن قۇردى. العاش وقۋشى قابىلداي باستاعان كەزدە، قۇربان نياز ءبىر حانزۋ وقىتۋشىنى ەرتىپ، ءۇي - ءۇيدى ارالاپ، ۇگىت جاساپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ پايداسىن ءتۇسىندىرىپ، وقۋ اقىسىن ازايتۋ، كەشىرۋ سياقتى تاسىلدەرمەن مەكتەپكە 80 وقۋشى قابىلدادى.

  كۇزگى وقۋ ماۋسىمى باستالعان العاشقى ساباقتا، بالالار حانزۋ وقىتۋشىنىڭ «ساباقتاستار، سالەمەتسىڭدەر مە» دەگەن ءبىر اۋىز ءسوزىن تۇسىنە الماعاندىقتان، شۋلاپ قويا بەردى. قۇربان نياز مۇنىڭ مەملەكەتتە ءبىر تۇتاس قولدانىلاتىن ءتىل - جازۋدى ۇيرەتۋدى بالالاردان باستاۋ كەرەك ەكەندىگىن تۇسىندىرەتىنىن ءبىلدى.

  حالىق باسقارۋىنداعى مەكتەپ بولعاندىقتان، وقىتۋشىلار تۇراقسىز بولىپ، دەرلىك ءار ماۋسىم وقۋ باستالعان سايىن، قۇربان نياز جەر - جەردەن جاڭا وقىتۋشى ىزدەپ سابىلدى، قات - قابات قيىنشىلىققا جولىقسا دا، ونىڭ مەكتەپ اشۋ سەنىمىنە ەشقاشان سەلكەۋ تۇسكەن جوق. «مەنىڭ سەنىمىمدى ونان ارى بەكەمدەگەن ساتسىزدىكتەرگە العىس ايتامىن»، - دەيدى قۇربان نياز.

  «ارمانىمنىڭ ورىندالۋىنا مۇمكىندىك جاساعان ۇلى داۋىرگە العىس ايتامىن»

  «مەكتەپ قۇرىلعان سوڭ، پۋتۇڭحۋاسى ولشەمدى وقىتۋشىلارعا ساباق بەرگىزۋگە تاباندى بولىپ، بالالاردان پۋتۇڭحۋامەن سويلەسۋدى تالاپ ەتتىم، سوندا بالالاردا ءتىل ۇيرەنەتىن تاماشا ورتا بولادى»، - دەيدى قۇربان نياز، ونىڭ ايتۋىنشا، پينيىندى دۇرىس دىبىستاۋدان باستاۋدان سىرت، وقىتۋشى تاعى دەنە يشاراتىمەن بالالارعا ءار ءسوزدىڭ ماعىناسىن ۇيرەتىپ، يكەمدى وقىتۋ ءادىسى ارقىلى، بالالاردىڭ مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ ىنتاسىن ۇشتايدى ەكەن.

  وقىتۋ بارىسىندا، قۇربان نياز ءتىل ۇيرەنۋ مەن جۇڭحۋا مادەنيەتىن اسقاقتاتۋدى قالاي بىرلەستىرۋ تۋرالى ىزدەنىس جاسادى. ول بالالاردىڭ ارەكەتشىل قاسيەتىنەن پايدالانىپ، ءار ادامعا بىردەن كۋايبان تاراتىپ، «سانزىجيڭدى»، «ديزىگۇيدى» كۋايباننىڭ ىرعاعىمەن بىرلەستىرىپ وقىتىپ، بالالاردى كوڭىل اشۋمەن ءبىر ۋاقىتتا ۇيرەنۋ مازمۇنىن يگەرۋىنە مۇمكىندىك جاسادى. بۇگىنگى تاڭدا، جۇڭحۋانىڭ تاڭداۋلى ءداستۇرلى مادەنيەت تاربيەسى اۋىل - قىستاقتاعى وسى باستاۋىش مەكتەپتە تەرەڭ تامىر تارتىپ، ياڭگى، جيڭجۇي، ىرحۋ، گۋجىڭ، جۇڭگوشا سۋرەت سياقتى ساباقتار بالالاردىڭ ىستىق ىقىلاسىنا بولەندى.

  تاياۋ جىلداردان بەرى يمام قالاشىق مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبى ۇزدىكسىز دامىپ، ۇلعايدى. وقۋشىلارى العاشقىداعى 80نەن 700دەن استامعا، وقىتۋشىلارى 4تەن 40قا كوبەيىپ، مەكتەپ 9 كەزەكتە جيىنى 539 باستاۋىش مەكتەپ وقۋشىسىن تاربيەلەپ شىعاردى، ونىڭ %80ى ىشكى ولكەلەردەگى ورتا مەكتەپكە دايىندايتىن ورتالاۋ كلاستارعا قابىلداندى، وسى مەكتەپتىڭ كوپتەگەن تۇلەكتەرى جوعارى مەكتەپ ەمتيحانىندا تاماشا ناتيجەمەن ءتۇيىندى جوعارى مەكتەپتەرگە ءوتتى.

  «مەكتەپ اشۋ − بالالاردىڭ ءتىل ۇيرەنۋ ارقىلى اناعۇرلىم وزىق مادەنيەت بىلىمدەرىن يگەرۋىنە، سىرتقى دۇنيەگە بەتالۋىنا، تۇبىندە بىلىممەن تاعدىرىن وزگەرتۋىنە مۇمكىندىك جاساۋ»، - دەيدى قۇربان نياز.

  2016 - جىلى مەملەكەت 17 ميلليون يۋاننان استام قارجى ءبولىپ، مەكتەپكە 8700 شارشى مەتردەن اساتىن جاتاقحانا سالىپ بەرىپ، مەكتەپتىڭ وقۋ - وقىتۋ شارت - جاعدايى بارىنشا جاقساردى؛ سونىمەن بىرگە ءۇشتۇرپان اۋدانى قازىنادان ءار جىلى مەكتەپكە 760 مىڭ يۋاندىق قارجىلىق قولداۋ كورسەتىپ وتىر. «ارمانىمنىڭ ورىندالۋىنا مۇمكىندىك بەرگەن ۇلى داۋىرگە العىس ايتامىن. مەن جۇڭحۋانىڭ تاڭداۋلى ءداستۇرلى مادەنيەتىنىڭ مەكتەپتە تامىر تارتۋىنا، سونداي - اق جۇڭحۋانىڭ تاڭداۋلى ءداستۇرلى مادەنيەتىنىڭ اۋىل - قىستاقتارعا كىرۋىنە، وتباسىلارعا كىرۋىنە مۇمكىندىك جاسايمىن»، - دەيدى قۇربان نياز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى