ءتىلشى لي ياڭ 1 - ايدىڭ 5 - كۇنى ۇرىمجىدەن حابارلايدى. 1 - ايدىڭ 5 - كۇنى تۇستەن بۇرىن لوپنۇر اۋدانى شينجياڭ جۇڭتاي (توبى) شەكتى جاۋاپكەرلىك سەرىكتەستىگىمەن ۇرىمجىدە ستراتەگيالىق سەلبەستىك كەلىسىمىنە قول قويدى، ەكى جاق لوپنۇر اۋدانى كولەمىندەگى تارىم وزەنى اعارىنىڭ تابيعي بايلىقتارىن قورعاۋ سيپاتىندا بىرلەسىپ اشىپ، لوپنۇر اۋدانىنىڭ وڭىرلىك ساياحاتتىڭ دارەجەسىن كوتەرۋدى ىلگەرىلەتىپ، اۋىل شارۋاشىلىعى مەن مادەنيەت، ساياحات كاسىبىنىڭ جەدەل دامۋىن ىلگەرىلەتەدى.
لوپنۇر اۋدانىنىڭ جاعراپيالىق ورنىنىڭ ارتىقشىلىعى، تاريحي مادەنيەتىنىڭ ۇزاقتىعى، لوپنۇر يارداڭ ۇلكەن اڭعارى، شيڭدي جارتاس سۋرەتى، كونچى وزەنى بەلگىلەرى سياقتى ءبىر توپ وزىندىك باۋرام قۋاتى بار تابيعي كورىنىستەرى مەن ەرەكشە گۋمانيتارلىق كورىنىستەرى ادامدى ەرىكسىز باۋرايدى، بۇلاردى ىشكەرىلەي اشۋ كەرەك. سوڭعى جىلدارى، لوپنۇر اۋدانى ساياحاتتى كاسىپ سالالاندىرۋدى ساياحات ارقىلى اۋداندى گۇلدەندىرۋ ستراتەگياسىنىڭ ماڭىزدى تۇتقاسى ەتىپ، مەملەكەتتىك Α4 دارەجەلى كورىنىس ءوڭىرى − لوپنۇرلىقتار قىستاعىن وزەك ەتكەن «ءبىر وزەك، 3 رايون، كوپ ءتۇيىندى» وڭىرلىك ساياحاتتى دامىتۋدىڭ جاڭا جاعدايىن جاساپ، ساياحات كاسىبى تۇتاس شينجياڭمەن بىرگە «شارق ۇرا» دامۋدى ىسكە اسىردى. 2018 - جىلى ساياحاتشىلار ءبىر ميلليون 504 مىڭ ادام - رەتكە، ساياحات كىرىسى 160 ميلليون يۋانعا جەتىپ، جەكە - جەكە وتكەن جىلداعىدان %37.7جانە %95 ارتتى. قازىر لوپنۇر اۋدانى «ءبىر اۋىل، ءبىر كول، ءبىر ءدالىز، ءبىر قىستاقتى» ۋاكىل ەتكەن وڭىرلىك ساياحات ماركاسىن، ياعني لوپنۇرلىقتار قىستاعى، لوپنۇر كولى، مىڭ شاقىرىمدىق توراڭعى ءدالىزى، داشي قىستاعى سياقتىلاردى جەدەل قالىپتاستىرىپ، ساياحات كاسىبىن ۇزدىكسىز بايىتىپ، مادەنيەت - ساياحات كاسىبىنىڭ جاڭا جۇيەسىن ورناتۋدا.
لوپنۇر اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى شيڭ جيڭ بىلاي دەدى: جۇڭتاي توبى لوپنۇر اۋدانى ىشىندەگى تارىم وزەنى اعارىنىڭ ساياحات بايلىعىنا مەڭزەس جالپى تۇلعالىق جاقتان جوبا جاساپ، ساياحات كاسىبىن جالپى جاقتان اشىپ، كروران مادەنيەتىن تەرەڭدەي اشادى ءارى لوپنۇرلىقتار قىستاعى كورىنىس وڭىرىندە Α5 دارەجەلى كورىنىس ءوڭىرىن قۇرۋعا، داشي قىستاعى قىزىل ساياحات وڭىرىندە Α4 دارەجەلى كورىنىس ءوڭىرىن قۇرۋعا، باسقا ساياحات كورىنىس وڭىرلەرىن جاپپاي «Α دارەجەگە كوتەرۋگە» جەتەكشىلىك ەتىپ، وڭىرلىك ساياحاتتىڭ دارەجەسىن كوتەرىپ، ساياحات كاسىبىن جاسىل كاسىپكە، حالىقتى بايىتۋ كاسىبىنە، تەبىندەپ كەلە جاتقان شارۋاشىلىققا اينالدىرادى.
وسى رەت لوپنۇر اۋدانىنىڭ اۋدان كولەمىندەگى تابيعي بايلىق پەن مەملەكەت مەنشىگىندەگى مال - مۇلىكتى جۇڭتاي توبىنا قوسۋى، ءبىر جاعىنان، مەملەكەت مەنشىگىندەگى كاپيتالدىڭ قارجى قۇراۋ يقۋاتىن ۇلعايتىپ، جەرگىلىكتى ورىننىڭ مەملەكەت مەنشىگىندەگى شارۋاشىلىعىن شالقىتادى؛ ەندى ءبىر جاعىنان، ءتىپتى كوپ فينانس كاپيتالى مەن قوعامدىق كاپيتالدى قوزعاپ، فينانس «قاينار بۇلاعى» ارقىلى لوپنۇر اۋدانىنىڭ باسىم بايلىعىن اشۋدى جانە كەلەلى نىساندارىن تياناقتاندىرۋدى جەدەلدەتىپ، لوپنۇر اۋدانىن ساياحاتشىلاردى باۋرايتىن ساياحاتتىڭ نىسانالى جەرىنە اينالدىرادى. جۇڭتاي توبى پارتكومىنىڭ شۋجيى، باس جوراسى ۋاڭ حۇڭشين بىلاي دەدى: جۇڭتاي توبى كاسىپورىن تۇعىرىن، قارجىسىن، بازار باسىمدىعىن جانە لوپنۇر اۋدانىنىڭ بايلىق باسىمدىعىن، ساياسات باسىمدىعىن جاپپاي رەتتەپ، لوپنۇر اۋدانى اۋىل شارۋاشىلىعى مادەنيەت ساياحات كاسىبىن كاسىپ سالالاندىرىپ دامىتۋدى ىسكە اسىرۋدى ىلگەرىلەتىپ، جەرگىلىكتى ورىنداعى ءتىپتى كوپ بۇقارانىڭ كىرىسىن ارتتىرىپ بايۋىنا جەتەكشىلىك ەتىپ، اۋىل - قىستاقتاردى گۇلدەندىرۋدى دەمەيدى.
