− اۆتونوميالى رايوندىق پارتكوم ەكونوميكالىق قىزمەت ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە (2)
گازەتىمىزدىڭ شولۋشىسى
اۆتونوميالى رايوندىق پارتكومنىڭ ەكونوميكالىق قىزمەت ماجىلىسىندە نازاردى باس نىساناعا شوعىرلاندىرىپ، جاڭا دامۋ ۇستانىمىن دايەكتىلەندىرىپ، قوعامدىق جالپى جاعدايدىڭ ورنىقتىلىعى مەن ەكونوميكانىڭ جوعارى ساپالى دامۋ ناتيجەلەرى ارقىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الۋ ورتاعا قويىلدى. تۇتاس رايونىمىزدا جوعارىدان تومەنگە دەيىن يدەيا مەن ارەكەتتى ءماجىلىس رۋحىمەن باتىل بىرلىككە كەلتىرىپ، بيىلعى ەكونوميكالىق قىزمەتتىڭ جالپى تالابىن مىقتاپ يگەرىپ، «بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ» باعىتىن جالپى بەتتىك دايەكتىلەندىرىپ، 10 ءتۇرلى ءتۇيىندى مىندەتتى شىنايى ويداعىداي يگەرىپ، رايونىمىزدىڭ ەكونوميكالىق قىزمەتىنىڭ جاڭا جاعدايىن قۇلشىنا اشۋ كەرەك.
اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى تۇراقتاندىرعان بيىلعى ەكونوميكالىق قىزمەتتىڭ جالپى تالابى شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسى جونىندەگى تەرەڭ تۇسىنىكتى، ورتالىقتىڭ ەكونوميكالىق قىزمەت ءماجىلىسى رۋحىن دايەكتىلەندىرۋدى، تياناقتاندىرۋدى ايگىلەدى، ول تۇتاس رايونىمىز ەكونوميكاسىنىڭ جوعارى ساپالى دامۋى جونىنەن جەتەكشى ءمان الادى. ءبىز تەك وسى ءبىر جالپى تالاپتى مىقتاپ يگەرىپ، جالپى تالاپتى باتىل تولىق تياناقتاندىرىپ، مەجەدەگى ءتۇرلى نىسانالاردى جۇزەگە اسىراتىن بولساق، ورنىقتىلىق بارىسىندا ىلگەرىلەۋ، ورنىقتىلىق بارىسىندا جاقسارۋداي دامۋ جاعدايىن ساقتاۋ بۇكىلدەي جۇزەگە اساتىن بولادى.
نازاردى باس نىساناعا بۇلجىماي شوعىرلاندىرىپ، قوعامدىق جالپى جاعدايدىڭ ورنىقتىلىعىن باتىل قورعاۋ كەرەك. ورنىقتىلىق بولماسا، بارلىعى نولگە تەڭ. اماليات اۆتونوميالى رايوندىق پارتكومنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرۋ، تياناقتاندىرۋ جونىندە اقىلداسىپ جاساعان جەلىلەس ساياسات - شارالارىنىڭ بۇكىلدەي دۇرىس ەكەندىگىن، شينجياڭنىڭ ءىس جۇزىندىگىنە بۇكىلدەي ۇيلەسەتىندىگىن تولىق دالەلدەدى. 2019 - جىلعى ەكونوميكالىق قىزمەتتى ويداعىداي ىستەۋدە، ءبىز، ءسوز جوق، اۆتونوميالى رايوندىق پارتكومنىڭ ورنالاستىرۋلارىن، تالاپتارىن باتىل دايەكتىلەندىرىپ، تياناقتاندىرىپ، نازاردى باس نىساناعا بۇلجىماي شوعىرلاندىرىپ، ورنىقتىلىقتى قورعاۋدى تۇتاس رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋدىڭ ماڭىزدى العى شارتى جانە كەپىلى ەتۋىمىز كەرەك.
جاعدايدى دۇرىس يگەرىپ، ورايدى يگەرۋ، ورايدان پايدالانۋ بارىسىندا سەنىمدى كۇشەيتۋ كەرەك. 2019 - جىلعى ەكونوميكالىق قىزمەتتى ويداعىداي ىستەۋدە، ءبىز ءارى ورنىقتىلىق، دامۋ سىندى ەكى «ءۇش مەزگىل قاباتتاسۋ» جاعدايىندا قول جەتكەن ناتيجەنىڭ وڭاي - وسپاق قولعا كەلمەگەندىگىن كورە ءبىلۋىمىز، ءارى ەكونوميكالىق، قوعامدىق دامۋ بارىسىنداعى قيىنشىلىقتار مەن ولقىلىقتاردى دا سەرگەكتىكپەن كورە ءبىلۋىمىز كەرەك، ونان دا ماڭىزدىسى، «ورتالىق باسا ءمان بەرۋ، ساياساتتا جاڭالىق اشۋ، رەفورما جاساۋ، ەسىك اشۋ، ورنىقتىلىقتىڭ پايداسى، جۇرت تىلەگىن ۇيىستىرۋ» سىندى 5 ۇلكەن وراي بارىسىندا پارتيا ورتالىق كوميتەتىنىڭ «حاۋىپ - قاتەردى ورايعا اينالدىرۋعا، حاۋىپ - قاتەردى جاقسىلىققا اينالدىرۋعا شەبەر بولىپ، ەكونوميكانىڭ جوعارى ساپالى دامۋىن جەدەل ىلگەرىلەتۋ» جونىندەگى باي مازمۇنىن تەرەڭ ءتۇسىنۋىمىز كەرەك.
«بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ باعىتىن» باتىل دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتۋ كەرەك. ءبىز باس شۋجي شي جينپيڭنىڭ ورتالىقتىڭ ەكونوميكالىق قىزمەت ماجىلىسىندە ورتاعا قويعان «بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ» باعىتىن، ءسوز جوق، دەن قويا يگەرىپ، جاپپاي دايەكتىلەندىرىپ، ونى كەزەكتەگى جانە بۇدان كەيىنگى ءبىر مەزگىلدەگى قامداۋ جاعىنداعى قۇرىلىمدىق رەفورمانى تەرەڭدەتۋدىڭ، ەكونوميكانىڭ جوعارى ساپالى دامۋىن ىلگەرىلەتۋدىڭ جالپىلىق مەڭگەرەتىن تالابى ەتىپ، جەر - جەردىڭ، تاراۋلاردىڭ ءىس جۇزىندىك جاعدايىمەن تىعىز بىرلەستىرە وتىرىپ، ناقتى شارالاردى قولعا الىپ، رەفورما ادىسىنەن كوبىرەك پايدالانىپ، بازارلاندىرۋ، زاڭمەن جونگە سالۋ ءتاسىلىن كوبىرەك قولدانىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» تابىسىن كۇش سالا بەكەمدەپ، ميكرو تۇلعالاردىڭ ومىرشەڭدىگىن كۇش سالا قاۋلاتىپ، كاسىپ تىزبەگىنىڭ دەڭگەيىن كۇش سالا جوعارىلاتىپ، ەكونوميكالىق اينالىمدى كۇش سالا ىركىلىسسىزدەندىرىپ، ەكونوميكانىڭ جوعارى ساپالى دامۋ ارناسىنداعى اينالىمىنا كەپىلدىك ەتۋىمىز كەرەك.
«ءۇش ءىرى قامال الۋ شايقاسىن» باتىل ويداعىداي جۇرگىزىپ، جاپپاي دوڭگەلەك داۋلەتتى قوعام ورناتۋدىڭ ورىندالۋىنا شەشۋشى سيپاتتى نەگىز قالاۋ كەرەك. «ءۇش ءىرى قامال الۋ شايقاسىن» ويداعىداي جۇرگىزۋ 2019 - جىلعى ەكونوميكالىق قىزمەتتە، ءسوز جوق، بار كۇشپەن قامال الاتىن، ناقتى ونىمدىلىككە ۇمتىلاتىن ءتۇيىندى قىزمەت. جەر - جەر، تاراۋلار «ءۇش ءىرى قامال الۋ شايقاسىن» باتىل ويداعىداي جۇرگىزۋدى ساياسي تۇرعى مەن قىزمەت قابىلەتىن سىننان وتكىزەتىن ماڭىزدى ولشەم ەتىپ، ءتۇيىندى مىقتى يگەرىپ، دالمە - ءدال شارا قولدانىپ، حاۋىپ - قاتەردەن ساقتانىپ، كومەسكى قاتەرلەردى الاستاپ، جاپپاي دوڭگەلەك داۋلەتتى قوعام ورناتۋدىڭ جەڭىسپەن ورىندالۋىنا نەگىز قالاۋ كەرەك.
«ءۇش ماڭىزدى ءتۇيىندى» تىڭعىلىقتى ىلگەرىلەتىپ، ەڭ ۇلكەن باسىمدىقتى ساۋلەلەندىرىپ، تۇتاس رايونىمىزدىڭ ەكونوميكالىق، قوعامدىق دامۋىن ىلگەرىلەتۋ كەرەك. جىبەك جولى ەكونوميكالىق بەلدەۋى وزەكتى رايونى قۇرىلىسىن مىقتى يگەرىپ، «ءبىر پورت»، «2 رايون»، «5 ۇلكەن ورتالىق»، «شەكارا وتكەلى ەكونوميكالىق بەلدەۋى» قۇرىلىسىن كۇش سالا ىلگەرىلەتۋ كەرەك. اۋىل - قىستاقتى كوركەيتۋ ستراتەگياسىن زور كۇشپەن اتقارىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتىڭ كاسىپتەرىن وركەندەتۋدى، دارىندىلارىن وركەندەتۋدى، مادەنيەتىن وركەندەتۋدى، ەكولوگياسىن وركەندەتۋدى، ۇيىمدارىن وركەندەتۋدى تىڭعىلىقتى ىلگەرىلەتۋ كەرەك. ساياحات ارقىلى شينجياڭدى گۇلدەندىرۋ ستراتەگياسىن بۇلجىتپاي اتقارىپ، ساياحات بايلىعىنداعى ءىرى رايوننان ساياحات ەكونوميكاسىنداعى قۇدىرەتتى رايونعا سەكىرۋدى جەدەلدەتۋ كەرەك.
رەفورما جاساۋعا، ەسىك اشۋعا تاباندى بولىپ، ەكونوميكالىق، قوعامدىق دامۋدىڭ قوزعاۋشى كۇشىن ارتتىرۋ، ءورىسىن كەڭەيتۋ كەرەك. وراي مەن سىن - سايىس الدىندا، ءبىز، ءسوز جوق، رەفورما جاساۋ، ەسىك اشۋ سىندى وسى اسىلدان ويداعىداي پايدالانۋىمىز، اسىرەسە، پارتيا ورتالىق كوميتەتىنىڭ رەفورما جاساۋداعى، ەسىك اشۋداعى ورنالاستىرۋلارىن، تالاپتارىن مىقتاپ ارقاۋ ەتىپ، اۆتونوميالى رايوندىق پارتكوم تۇراقتاندىرعان ءتۇيىندى سالالارداعى رەفورمانى تەرەڭدەتۋ جانە ىشكە - سىرتقا ەسىك اشۋدى جەدەلدەتۋ ءتۇيىندى مىندەتىن تىعىز ارقاۋ ەتىپ، رەفورما جاساۋدىڭ، ەسىك اشۋدىڭ تەرەڭدەۋىن، ناقتىلانۋىن بۇلجىتپاي ىلگەرىلەتۋىمىز كەرەك.
زەيىن - زەردە مەن كۇش - قۋاتتى شوعىرلاندىرىپ، دامۋدى كوزدەپ، قايراتتانا ىلگەرىلەپ، جاڭا تاراۋ جازۋ كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، سەنىمدى بەكەمدەپ، بەرىلە ىستەپ، ناقتى ءىس تىندىرىپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن جۇزەگە اسىرۋعا قۇلشىنىپ، تۇتاس رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋىمىز كەرەك.
