تيانشان تورابى   ›   جاڭالىقتار   ›   شينجياڭ حابارلارى

شينجياڭ مۇناي الابى سەرىكتەستىگى جەتەكشىلىك ەتكەن نىسان مەملەكەتتىك عىلىم - تەحنيكا العاباسارلىعى سيلىعىنىڭ 1 - دارەجەلى سيلىعىنا يە بولدى

  شينجياڭ قاتىناسقان بىرنەشە نىسان ەكىنشى دارەجەلى سيلىققا يە بولدى

  ءتىلشى ما ينيڭ 1 - ايدىڭ 8 - كۇنى ۇرىمجىدەن حابارلايدى. 1 - ايدىڭ 8 - كۇنى، 2018 - جىلعى مەملەكەتتىك عىلىم - تەحنيكا سيلىعى جاريالاندى. شينجياڭ مۇناي الابى سەرىكتەستىگى جەتەكشىلىك ەتكەن «شوگىندى وڭىردەگى مالتا جىنىس مۇناي قورىن بارلاۋ نازارياسى، تەحنيكاسى جانە ماناس كولى ەرەكشە ۇلكەن مۇناي الابىن بايقاۋ» نىسانى مەملەكەتتىك عىلىم - تەحنيكا العاباسارلىعى سيلىعىنىڭ 1 - دارەجەلى سيلىعىن ەنشىلەدى. بۇدان تىس، شينجياڭ سەلبەسكەن جانە قاتىناسقان بىرنەشە نىسان دا جەكە - جەكە مەملەكەتتىك عىلىم - تەحنيكا العاباسارلىعى سيلىعىنىڭ 2 - دارەجەلى سيلىعىنا يە بولدى.

  تانىستىرۋعا قاراعاندا، شينجياڭ مۇناي الابى سەرىكتەستىگى جەتەكشىلىك ەتكەن «شوگىندى وڭىردەگى مالتا جىنىس مۇناي قورىن بارلاۋ نازارياسى، تەحنيكاسى جانە ماناس كولى ەرەكشە ۇلكەن مۇناي الابىن بايقاۋ» نىسانى جوڭعار ويپاتىنداعى ماناس كولى شوگىندىسىن سىناق رايونى ەتىپ، شوگىندى ءوڭىردىڭ مالتا جىنىسى سىندى ەڭ جاڭا بارلاۋ ءوڭىرى جونىندە ىزدەنىس جاساپ، دەربەس جاڭالىق اشۋعا سۇيەنىپ، «شوگىندى وڭىردە ءىرى كولەمدى مالتا جىنىس مۇناي - تابيعي گاز قورى بولمايدى» دەگەن ءداستۇرلى نازاريالىق بوستىقتى تولتىرىپ، حالىقارادا شوگىندى ءوڭىر مالتا جىنىس مۇناي قورىن بارلاۋ نازارياسى، تەحنيكاسى جۇيەسىن ورناتىپ، دۇنيە جۇزىندەگى ەڭ ۇلكەن ءبىر ميلليارد توننا دارەجەسىندەگى ەرەكشە ۇلكەن تۇلعالىق مالتا جىنىس مۇناي الابىن بايقادى، ماناس كولى مۇناي الابى ەل ىشىندەگى ايرىلماعان مۇنايدىڭ ءونىمىن ارتتىراتىن ەڭ ماڭىزدى بازاعا اينالدى.

  ماناس كولى مۇناي الابىنىڭ بايقالۋى ەلىمىزدىڭ مۇناي بارلاۋدا جاقىنعى 10 جىلعا تاياۋ ۋاقىتتان بەرى جاڭا سالادا قول جەتكىزگەن ەڭ ۇلكەن جەتىستىگى سانالادى، 2017 - جىلعا دەيىن بايقالعان 3 دارەجەلى مۇنايدىڭ گەولوگيالىق ساقتالۋ مولشەرى ءبىر ميلليارد 240 ميلليون تونناعا جەتكەن، شوگىندى وڭىردەگى مالتا جىنىس مۇناي قورىن بارلاۋ نازارياسى، تەحنيكاسى جۇيەسىنىڭ جەتەكشىلىگىندە، 2018 - جىلى 3 دارەجەلى مۇنايدىڭ گەولوگيالىق ساقتالۋ مولشەرىنەن تاعى 3 ميلليارد توننادان استامى بايقالىپ، ەلىمىزدىڭ وسى سالاداعى كوشباسشى ورنىن بەكەمدەپ، دۇنيە جۇزىندەگى باسقا كاسىپتەستەردى كوشىرۋگە بولاتىن جۇڭگو نازارياسىمەن جانە جۇڭگو تەحنيكاسىمەن قامداپ، دۇنيە ءجۇزى بايلىعىنداعى كومەسكى كۇشى ەڭ زور سانالاتىن شوگىندى ءوڭىر مالتا جىنىسىنىڭ 21 - عاسىرداعى مۇناي - تابيعي گاز بارلاۋداعى ەڭ ماڭىزدى ورىن باساتىن سالاعا اينالۋىنا مۇمكىندىك جاساپ، جاڭا مۇناي عىلىم - تەحنيكا توڭكەرىسىنە جەتەكشىلىك ەتىپ، مۇناي گەولوگيا عىلىمىنىڭ دامۋىن ىلگەرىلەتتى.

  «بۇل شينجياڭ مۇناي الابى سەرىكتەستىگىنىڭ عىلىم - تەحنيكا جەتىستىگىنىڭ جاڭا بەلەسى»، - دەدى شينجياڭ مۇناي الابى سەرىكتەستىگىنىڭ ورىنباسار باس ديرەكتورى، باس گەولوگ جى دۇڭميڭ تەبىرەنە. ماناس كولى مۇناي الابى «13 - بەسجىلدىقتىڭ» سوڭىندا ءوندىرىس قۋاتىن 10 ميلليون تونناعا جەتكىزەدى، «14 - بەسجىلدىقتىڭ» سوڭىنا دەيىن ءوندىرىس قۋاتىنان تاعى دا 10 ميلليون توننا تىڭنان جاراتىپ، جىلدىق ءوندىرىس قۋاتى 5 ميلليون توننادان جوعارى بولۋدى ءارى 8 جىل ورنىقتى وندىرىسپەن قامداۋدى جۇزەگە اسىرا الادى، ماناس كولى شوگىندىسى تاعى دا ءبىر ميلليارد توننادان استام قور بايقالۋداي بايلىق شارت - جاعدايىنا يە.

  بۇدان تىس، ەرەكشە ترانسفورماتور سەرىكتەستىگى شىنياڭ ترانسفورماتور توبى شەكتى جارنا سەرىكتەستىگى سەلبەسكەن جانە قاتىناسقان «اسقىن، ەرەكشە جوعارى ترانسفورماتور/رەاكتور جەلى قوندىرعىسىنىڭ شەشۋشى تەحنيكاسى، سونداي - اق ونىڭ ينجەنەرياداعى قولدانىلىمى»، شىنحۋا شينجياڭ ەنەرگيا شەكتى جاۋاپكەرشىلىك سەرىكتەستىگى، اۆتونوميالى رايوندىق كومىر الابى گەولوگيا مەكەمەسى، جۇڭگو جۇڭمەي ەنەرگيا شەكتى جارنا سەرىكتەستىگىنىڭ شينجياڭ بولىمشە سەرىكتەستىگى سەلبەسكەن جانە قاتىناسقان «باتىس سولتۇستىك وڭىردەگى كومىردى جانە كومىر قاباتى گازىن سايكەسە بارلاۋداعى جانە اشۋداعى شەشۋشى گەولوگيالىق تەحنيكا، سونداي - اق ونىڭ قولدانىلىمى»، شىنحۋا شينجياڭ ەنەرگيا شەكتى جاۋاپكەرشىلىك سەرىكتەستىگى سەلبەسكەن جانە قاتىناسقان «كومىردى جوعارى ءونىمدى قۇرعاتۋ ءادىسى، ءبولۋ شەشۋشى تەحنيكاسى، سونداي - اق ونىڭ قولدانىلىمى» قاتارلىلار جەكە - جەكە مەملەكەتتىك عىلىم - تەحنيكا العاباسارلىعى سيلىعىنىڭ 2 - دارەجەلى سيلىعىنا يە بولدى.

  ۇعىسۋعا قاراعاندا، پارتيا 18 - قۇرىلتايىنان بەرى، رايونىمىزدا 30دان ارتىق جەتىستىك مەملەكەتتىك عىلىم - تەحنيكا سيلىعىنىڭ عىلىم - تەحنيكا العاباسارلىعى سيلىعىن نەمەسە تەحنيكا تاپقىرلىعى سيلىعىن ەنشىلەگەن. بۇدان تىس، ءبىر شەتەل مامانى رايونىمىزبەن حالىقارالىق سەلبەستىك ورىستەتكەندىگى سەبەپتى، جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعىنا يە بولعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى