تيانشان تورابى   ›   جاڭالىقتار   ›   شينجياڭ حابارلارى

اماناتقا قايتارىلاتىن زاپاس اقشا مولشەرىن تومەندەتۋدىڭ ارقاسىندا، شينجياڭنىڭ بانكە كاسىپ سالاسى 17 ميلليارد يۋان بوساتتى

  شاعىن، ۇساق كاسىپورىنداردىڭ جانە حالىقتىق كاسىپورىنداردىڭ قارجى توپتاۋىنا قولداۋ كورسەتىلەدى

  ءتىلشى ۋاڭ يۇڭفەي 1 - ايدىڭ 9 - كۇنى ۇرىمجىدەن حابارلايدى. ءتىلشىنىڭ حالىق بانكەسى ءۇرىمجى ورتالىق بولىمشە بانكەسىنەن ۇعىسۋىنشا، جۇڭگو حالىق بانكەسى 1 - ايدىڭ 15 - كۇنى جانە 1 - ايدىڭ 25 - كۇنى اماناتقا قايتارىلاتىن زاپاس اقشا مولشەرىن جەكە - جەكە 0.5 پايىز تومەندەتەدى ەكەن. مەجەگە نەگىزدەلگەندە، اماناتقا قايتارىلاتىن زاپاس اقشا مولشەرى 2 رەت تومەندەتىلگەننەن كەيىن، شينجياڭ كولەمىندەگى بانكە كاسىپ سالاسىنىڭ فينانس قۇرىلىمدارى 17 ميلليارد يۋان قارجىنى تىكە بوساتا الادى، بۇل 2018 - جىلى جاڭادان ارتقان قارىز اقشانىڭ %14 شاماسىنا تۋرا كەلەدى. مۇنىڭ ىشىندە شينجياڭنىڭ جەرگىلىكتى زاڭدىق يە فينانس قۇرىلىمدارى مولشەرمەن 7 ميلليارد 500 ميلليون يۋان بوساتا الادى.

  ۇعىسۋعا قاراعاندا، جۇڭگو حالىق بانكەسى تاعى جالپىعا ءتيىمدى فينانسقا باعىتتالعان زاپاس اقشا مولشەرىن تومەندەتۋ ساياساتىن اتقارادى، ساياسات شارپىعان فينانس قۇرىلىمدارى وسى رەتكى زاپاس اقشا مولشەرىن تومەندەتۋ نەگىزىندە، تاعى دا 0.5 پايىز نەمەسە 1.5 پايىز تومەندەتۋىنە بولادى، بۇكىل شينجياڭ كولەمىندە ءتۇيىندى قولداۋ كورسەتىلەتىن شاعىن، ۇساق جانە حالىقتىق كاسىپورىندارعا جاتاتىن شينجياڭ بانكەسى، ءۇرىمجى بانكەسى، كۇنلۇن بانكەسى، شينجياڭ حۇيحى بانكەسى، كورلا ساۋدا بانكەسى، قۇمىل قالالىق ساۋدا بانكەسى، تيانشان اۋىل - قىستاق ساۋدا بانكەسى، حابيب بانكەسى قاتارلى 8 بانكەنىڭ اماناتقا قايتارىلاتىن زاپاس اقشا مولشەرىن ەڭ جوعارى بولعاندا 2.5 پايىز تومەندەتۋىنە بولادى.

  2018 - جىلدان بەرى حالىق بانكەسى اقشا ساياساتى قۇرالدىق قۇرىلىمنىڭ جەتەكشىلىك ەتۋ رولىن ۇزدىكسىز ساۋلەلەندىرۋگە اناعۇرلىم ءمان بەرىپ، باعىتتامالى رەتتەۋ - مەڭگەرۋ، دالمە - ءدال كۇش سالۋ ارقىلى بانكەلەردىڭ ناقتى ەكونوميكانىڭ دامۋىنا اناعۇرلىم جاقسى قولداۋ كورسەتۋىنە جەتەكشىلىك ەتتى. اماناتقا قايتارىلاتىن زاپاس اقشا − حالىق بانكەسىنىڭ اقشا ساياساتىن اتقارۋىنداعى، فينانستى ماكرولىق رەتتەۋ - مەڭگەرۋىندەگى ءۇش ۇلكەن اقشا ساياساتى قۇرالىنىڭ ءبىرى. اماناتقا قايتارىلاتىن زاپاس اقشا مولشەرىن تومەندەتۋ بانكەلەردىڭ جۇڭگو حالىق بانكەسىنە امانات اقشانى از قويىپ، ءتىپتى دە كوپ قارجىنى ناقتى ەكونوميكاعا قارىز بەرۋگە پايدالانۋىنان دەرەك بەرەدى.

  «وسى رەتكى اماناتقا قايتارىلاتىن زاپاس اقشا مولشەرىن تومەندەتۋ − 2019 - جىلعى 1 - رەت، سونىمەن بىرگە، 2018 - جىلدان بەرگى 5 - رەت ەسەپتەلەدى. الدىڭعى 4 رەتپەن ۇقساس، بۇل رەت تە شاعىن، ۇساق جانە حالىقتىق كاسىپورىنداردىڭ قارجى توپتاۋى قيىن بولۋ جانە قارجى توپتاۋى قىمبات بولۋ ماسەلەسىن باسەڭدەتۋ ماقساتىندا جولعا قويىلعان باعىتتامالى رەتتەۋ - مەڭگەرۋ، ول ورنىقتى، اقاۋسىز اقشا ساياساتى بەتالىسىن وزگەرتپەيدى، اماناتقا قايتارىلاتىن زاپاس اقشا مولشەرىن تومەندەتۋدىڭ باستى ماقساتى فينانس قۇرىلىمدارىنىڭ شاعىن، ۇساق كاسىپورىندارعا جانە حالىقتىق كاسىپورىندارعا بەرەتىن سەنىمدى امانات قارىزىنىڭ قارجى قاينارىن باستاۋىنان كوبەيتۋ ارقىلى شاعىن، ۇساق كاسىپورىنداردىڭ جانە حالىقتىق كاسىپورىنداردىڭ قارجى توپتاۋ ورتاسىن جاقسارتۋ»، - دەدى حالىق بانكەسى ءۇرىمجى ورتالىق تارماق بانكەسىنىڭ باستىعى گو جيانۋي.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى