ءتىلشى سۇي يۇنيان
1 - ايدىڭ 26 - كۇنى حوتان قالاسى گۇلباق كوشەسى ءۇرىمجى وڭتۇستىك جولى الەۋمەتتىك اۋماعى «ءبىزدىڭ جۇڭگو ارمانىمىز − حوتاننىڭ ادەبيەت - كوركەمونەر ەرىكتىلەرىنىڭ سان مىڭ وتباسىنا باقىت جەتكىزۋ» قيمىلىن وتكىزدى. حوتان قالاسىنىڭ جەرگىلىكتى 3 حاتكەرى سول ارادا ءار ۇلت تۇرعىندارىنا «باقىت» ءارىبى جازىلعان كوكتەم مەرەكەسى بوساعالىعىن ۇسىنىپ، كوكتەم مەرەكەسى تىلەكتەرىن جەتكىزدى. سۋرەتتى ءتىلشى جوۋ پىڭ تۇسىرگەن
لي تاۋ باستاعان 3 حاتكەر سول ارادا ءار ۇلت بۇقاراسىنا «باقىت» ءارىبى بار كوكتەم بوساعالىعىن جازىپ ۇسىنىپ، جاڭا جىلدىق تىلەكتەرىن ءبىلدىردى. بۇل ءمالىنىڭ 19 الەۋمەتتىك اۋماعىنداعى تۇرعىندار مۇنى ەستي سالا وسىندا جەتتى، انجۇي الەۋمەتتىك اۋماعىنداعى ساقا پارتيا مۇشەسى كاڭ ۋانحۇڭ لي تاۋدىڭ قولىنان سياسى كەپپەگەن كوكتەم بوساعالىعى مەن «باقىت» ءارىبىن الىپ، اسا ىجداعاتپەن قاسىنا جايىپ قويىپ: كونە جىلمەن قوشتاسىپ، جاڭا جىلدى قارسى الامىز، شاتتىقپەن ىزگى تىلەك تىلەيمىز، جىل سايىن ۇيىمىزگە كوكتەم بوساعالىعىن جاپسىرامىز، - دەدى.
شوۋدۋ حۋايۋان الەۋمەتتىك اۋماعىنىڭ تۇرعىنى اينيسا ابدۇقادىر «ەڭبەك ەتسە تابىس مول، شاتتانادى ءبار ادام، مول ونىمگە قارىق بوپ، تاڭدايعا بال تاتىعان» دەپ جازىلعان كوكتەم بوساعالىعىنان بىرەۋىن ارتىعىمەن الدى، ونى اۋىل - قىستاقتاعى تۋىسىنا سيلاماقشى ەكەن. ول: مەرەكەنىڭ مەرەيى كۇن ساناپ ءوسىپ بارادى، كوپشىلىك كوكتەم مەرەكەسىن اسىعا كۇتىپ وتىر، - دەدى.
لي تاۋ تىلشىگە بىلاي دەدى: سان مىڭ وتباسىنا «باقىت» ءارىبى جازىلعان بوساعالىقتى جەتكىزۋ قيمىلى 1 - ايدىڭ 14 - كۇنى باستالدى، حوتان قالاسى مەن بيڭتۋاننىڭ 14 - شىسىنداعى حاتكەرلەر 12 رەت قيمىل ورىستەتىپ، 10 مىڭعا تاياۋ «باقىت» ءارىبى جازىلعان بوساعالىق پەن كوكتەم بوساعالىعىن جازىپ ۇسىندى، قيمىل كوكتەم مەرەكەسى قارساڭىنا دەيىن جۇرگىزىلىپ، حوتان قالاسىنداعى بارلىق اۋىل - قالاشىق، ءمالى جانە بيڭتۋاننىڭ الاڭدارىن تۇگەل قامتيدى، مەجەلەۋىمىزشە، 30 مىڭ «باقىت» ءارىبى جازىلعان بوساعالىق ۇسىنىلادى. ءىشىنارا بۇقارا بىزدەن «جۇڭگونى سۇيەمىن»، «جۇڭحۋانى سۇيەمىن» دەگەن سياقتى حاتكەرلىك تۋىندىلارىن جازىپ بەرۋدى تالاپ ەتتى، ءبىز دە مۇمكىندىگىنشە كوپشىلىكتىڭ تالابىنان شىعۋعا كۇش سالدىق. جۇڭحۋانىڭ تاڭداۋلى ءداستۇرلى مادەنيەتىن ارقالاعان جاڭا جىلدىق تىلەكتەردى نەگىزگى ساتىعا جەتكىزۋ ءاربىر حاتكەردىڭ ارمانى.
جەرگىلىكتەگى حاتكەر فان جۇنجوۋ وسى بىرنەشە جىلدا جىل سايىن نەگىزگى ساتىعا بارىپ «باقىت» ءارىبىن، كوكتەم بوساعالىعىن جازىپ بۇقاراعا ۇسىنىپ ءجۇر، ول: ءار ۇلت بۇقاراسى بىرگە تۇرىپ، بىرگە توعىسىپ، ىنتىماقتى، تاتۋ - ءتاتتى ءوتىپ جاتىر، كوپشىلىك جاڭا جىلدى قۋانا بىرگە قارسى الىپ، «بەستى شىنايى مويىنداۋدىڭ» نەگىزگى ساتىدا تەرەڭ تامىر تارتىپ، گۇل اشىپ، جەمىس بەرگەندىگىن ايگىلەدى، - دەدى.
سول كۇنى تۇستەن كەيىن حوتان قالاسىنداعى زەينەتكەر اپايلاردان ۇيىمداسقان «سۇييۋە ليۋجين ءبي اترەتى» دە قيمىل كەڭسەسىنە كەلىپ، تۇرعىندارعا ءبي نومىرلەرىن ورىنداپ بەردى، ولار از ۇلت ۇلگىسىندەگى ءبي كيىمدەرىن كيىپ، شىنى ءبيىن بيلەدى. 67 جاستاعى سۇن حۇڭمەي بىلتىر 12 - ايدان باستاپ وسى ءبيدى ۇيرەنگەن ەكەن، قازىر ءنومىر ورىنداۋدىڭ نەگىزگى تىرەگىنە اينالىپتى. ول شاتتانا: ۇلتتار ءبىر - بىرىنەن ۇيرەنۋى كەرەك، شىنى ءبيى ويناقى دا قىزىق ءبي، كوكتەم مەرەكەسىنىڭ رايىنا باپ كەلەدى، بۇل ءنومىر جۋىقتا حوتاننىڭ كوكتەم مەرەكەسى بايلانىسىمەن وتكىزىلەتىن تۇڭعىش كەزەكتى بۇتحانا مەرەكەسىنە تاڭدالدى، بيشىلەرىمىز اسەم ءبيدى ءتىپتى دە كوپ كورەرمەنگە تارتۋ ەتەدى، - دەدى.
گۇلباق ءمالىسى حوتان قالاسىنىڭ ورتالىق ءمالىسى، كوشەلەردە، باقشالاردا تۇگەلدەي قىزىل ءتۇستى تۇمشالامالى شامدار ءىلىنىپ، قىزىل شوقتاي جايناپ كوزگە باسىلادى. ءمالى پارتيا قىزمەتى كوميتەتىنىڭ مۇشەسى، ۇگىت كادرى سۇي ۋي تانىستىرىپ بىلاي دەدى: مىنا شامداردى كانيكۋلعا تاراپ كەلگەن ءار ۇلت ستۋدەنتتەرى ءىلىپ شىقتى، ولار وزدىكتەرىنەن ەرىكتى بولىپ، وزدەرىنىڭ قوعامدىق اماليات قيمىلدارىن ونان ارى بايىتتى.
سۇي ۋي: جاڭا جىلدا ءمالى پارتيا قىزمەتى كوميتەتى مازمۇنى اناعۇرلىم باي، فورماسى حالىق تۇرمىسىنا اناعۇرلىم جاناساتىن بۇقارالىق مادەنيەت قيمىلدارىن ۇيىمداستىرىپ، جۇڭحۋا مادەنيەتىن ءار ۇلت بۇقاراسىنىڭ كۇندەلىكتى تۇرمىسىمەن توعىستىرىپ، ءار ۇلت بۇقاراسىنىڭ باقىت سەزىمىن، ماقتانىش سەزىمىن كۇشەيتەدى، - دەدى.
