ءتىلشى ميھىرگۇل ناسىر
2 - ايدىڭ 4 - كۇنى. اقسۋ قالاسى ۋاڭسان كوشەسىن سەيىلدەپ كەلە جاتقان ءبىزدىڭ الدىمىزدان مەرەكەنىڭ لەبى ەستى: كوشەنىڭ ەكى جاعىنا قوراپتى شامدار اسىلعان، دۇكەندەرگە مەرەكەلىك بوساعالىق، ۇلكەن «باقىت» ءارىبى، تاماشا تەرەزە ويۋى جاپسىرىلعان، شات - شادىمان، بەرەكەلى رايعا شومعان.
ۋاڭسان كوشەسى ءداستۇرلى ۇلتتىق سالت - سانا كوشەسى، ادامنىڭ اتىمەن اتالعان كوشە: چيڭ پاتشالىعىنىڭ سوڭعى جىلدارى، ءبىر ۇيعۇر بالانى تيانجيندىق ساۋداگەر باعىپ الىپ، وعان ۋاڭ سان دەپ ات قويادى. اسىراپ العان اكەسىنەن جۇڭگوشا شيپاگەرلىك جانە ساۋدا جولىن ۇيرەنگەن ۋاڭ سان ەرجەتكەن سوڭ اقسۋعا قايتىپ كەلىپ، سۋى مول، ءشوبى شۇيگىن جەردەن بازار اشادى، جۇرت ونى ۋاڭسان كوشەسى دەپ اتايدى. كوپ جىلدان كەيىن، ۇلتتار ىنتىماعىنىڭ سانسىزداعان حيكاياسى وسى ارادا توعىسىپ، تۋىنداپ، مەيىرىمدىلىكتى جەتكىزىپ، جۇرتتى اسەرلەندىردى.
ۋاڭسان كوشەسىندەگى ءبىر ءۇي ەلەكتر جابدىقتارى دۇكەنىندە باستاۋىش مەكتەپ وقۋشىسى پاكيزات مامەتجان اكەسى مامەتجان قاسىمنان: اكە، ياڭ اعايدىڭ ۇيىنە قاشان بارامىز؟ اعايدى كورمەگەنىمە 10 كۇن بولدى، - دەپ سۇرادى. مامەتجان ۇلىن قۇشاعىنا الىپ: ياڭ اعايىڭنىڭ ۇيىنە قازىر بارامىز، بۇگىن ءبىر ءۇيلى جان باس قوساتىن كۇن، كوكتەم مەرەكەسىنە قاراعان ءتۇن تاعامىن، ءسوزسىز، بىرگە جەۋىمىز كەرەك، - دەدى.
پاكيزاتتىڭ ايتىپ وتىرعان «ياڭ اعايىنىڭ» اتى ياڭ چيڭحۋا، 2017 - جىلى 3 - ايدا مامەتجانمەن جۇپ قۇراپ تۋىس بولعان، سودان باستاپ ەكەۋى اعالى - ءىنىلى بولىپ كەتتى.
ساعات 18دەن 30 مينۋت وتكەندە ءبىز مامەتجانمەن بىرگە ءىنىسى ياڭ چيڭحۋانىڭ وتباسىنا كەلدىك. اس ۇيدە قاربالاس جۇرگەن ياڭ چيڭحۋا ەسىكتىڭ قوڭىراۋ داۋىسىن ەستىپ ەسىكتى اشتى، ول قۋانىشپەن: اعا، كەلدىڭىزدەرمە، ۇيگە كىرىڭىزدەر! - دەدى.
«ءىنىم، كوكتەم مەرەكەڭ قۇتتى بولسىن، سەن ەڭ ۇناتىپ جەيتىن قۇيىلعان وكپە اكەلدىم». «مەنى تۇسىنەتىن اعام عانا». ەكەۋى شاتتانا كۇلىپ كەتتى.
قۋىرما كاۋاپ، سۋ شايانى قۋىرماشى، بالىق قۋىرماشى سياقتى ءدامى ءتىل ۇيىرەتىن تاعامدار ۇستەلگە تولدى. ياڭ چيڭحۋا كوپشىلىكتى تاعامنان اۋىز تيۋگە ۇسىنىس ەتە وتىرىپ، بىزگە بىلاي دەدى: «ءار جىلعى كوكتەم مەرەكەسىنە قاراعان ءتۇن تاعامىن، ءسوزسىز، بىرگە جەۋىمىز كەرەك. ءبىز بىرگە تۋعان اعالى - ىنىلەردەيمىز، ول ءۇي ەلەكتر جابدىقتارىن ساتادى، مەن ساحنا جوبالايمىن، ۇنەمى ءبىر - ءبىرىمىزدى قولداپ، اناعۇرلىم تاماشا تۇرمىس وتكىزۋ ءۇشىن بىرگە قۇلشىنامىز».
«كوكتەم مەرەكەسى ءبىز جۇڭگولىقتاردىڭ ەڭ سالتاناتتى ءداستۇرلى مەرەكەسى، كوكتەم مەرەكەسىنە قاراعان ءتۇنى ءبىر وتباسىنداعىلار كوكتەم مەرەكەسىنە قاراعان ءتۇن تاعامىن بىرگە جەپ، كونە جىلدى ۇزاتىپ، جاڭا جىلدى قارسى الامىز»، - دەدى مامەتجان ءماز -ءمايرام بولىپ.
شاتتىق كۇلكىسى ىشىندە ءتۇن پەردەسى جابىلدى، ءبىر وتباسىنداعىلار ۇستەلدى قورالاي وتىرىپ، بىرگە تاماقتانىپ، كوكتەم مەرەكەسىنە ارنالعان ساۋىق كەشتى تاماشالاپ، باس قوسۋدىڭ شاتتىعىنان بىرگە ءلاززاتتاندى.
