− رايونىمىزداعى ءار ۇلت بۇقاراسى كوكتەم مەرەكەسىنە ارنالعان ساۋىق كەشتى قىزۋ تالقىلادى
جاڭا جىلعا قاراعان ءتۇنى، ورتالىق راديو - تەلەۆيزيا باس ستانسياسىنىڭ 2019 - جىلعى كوكتەم مەرەكەسىنە ارنالعان ساۋىق كەشى ادامداردىڭ ءۇمىت - تىلەگى ىشىندە قويىلدى، رايونىمىزداعى ءار ۇلت بۇقاراسى كوكتەم مەرەكەسىنە ارنالعان ساۋىق كەشتى كورىپ، جاڭا جىلدى قارسى الدى. كوپشىلىك مىنالاردى ءبىلدىرىستى: ساۋىق كەشىندە وتباسىمەن باس قوسۋدىڭ جارقىن بەينەسى ءار الۋان فورمالارمەن سومدالىپ، جۇڭحۋا مادەنيەتىنىڭ ۇزاق ءداستۇرى ايگىلەنگەن ءارى تاماشا جاڭا ءداۋىردى جىرلاۋ ارقىلى «ارمانعا قۇلاش سەرمەۋشىلەردىڭ» كوركەم كورىنىسى بەينەلەنىپ، قوعامنىڭ وڭ ەنەرگياسى جانە وتباسىنا، وتانعا دەگەن قويۋ سۇيىسپەنشىلىك جەتكىزىلگەن.
وتانعا العىس ايتامىز، تۇرمىسىمىز بارعان سايىن جاقسارۋدا
2 - ايدىڭ 4 - كۇنى فۋكاڭ قالاسىنىڭ ۇلكەندى - كىشىلى كوشەلەرى مەرەكەلىك تۇسكە شومدى. بوفىڭ گۇلباقشالى شاعىن اۋماعىنىڭ تۇرعىنى ۋاڭ كايبيننىڭ وتباسىنداعىلار بىرگە وتىرىپ كوكتەم مەرەكەسىنە ارنالعان ساۋىق كەشتى كوردى. 82 جاستاعى ۋاڭ كايبين تەبىرەنە بىلاي دەدى: ءداۋىر وزگەرۋدە، كوكتەم مەرەكەسىنە ارنالعان ساۋىق كەشى وزگەرۋدە، ءبىراق جاڭا جىلعا قاراعان كەشتەگى ىستىق مەيىر مەن باس قوسۋ وزگەرگەن جوق. قاريا بىلاي دەپ قارادى: «جۇڭگوداعى قۋانىشتى ىستەر» اتتى اندە جۇڭگولىقتاردىڭ جۇرەگىندەگى قۋانىش شىرقالدى؛ «مەن كۇرەسەمىن، مەن باقىتتىمىن» اتتى اندە ۇشقان قۇستاي دامىپ بارا جاتقان جاڭا داۋىردەگى ادامداردىڭ كەۋدە كەرە ارشىندى قادام تاستاعان، قۇلشىنا العا ۇمتىلعان ايبىندى كارتيناسى بەينەلەندى؛ «تەاترىمدى سىزگە كورسەتەيىن» اتتى كومەديادا فورماشىلدىق، تورەشىلدىك سياقتى ناشار ستيلدەر سىن تەزىنە الىنىپ، نەگىزگى ساتىداعى شىرىكتەسۋگە قارسى تۇرۋدىڭ تابىستارى كورسەتىلگەن... قاريانىڭ نازارىندا، ءاربىر تارتىمدى ساتتەردە حالىقتىڭ تاماشا تۇرمىسقا دەگەن تالپىنىسى بەينەلەنىپ، ءار ۇلت بۇقاراسىنىڭ جاڭا ءداۋىردىڭ تىڭ داستانىن بىرگە جازۋداعى بەرىك سەنىمى مەن بەكىمى ايگىلەنگەن.
«مەكەنىمىز، ءۇمىت دالاسىندا...». 2 - ايدىڭ 4 - كۇنى كەشتە گۇما اۋدانى مۇجى قالاشىعى باشتەرەك قىستاعىنداعى كەدەي شارۋا بۇماريام ابدىقادىر تانىس اۋەندى ەستىپ، ەرىكسىزدەن ىلەسىپ شىرقاپ كەتتى.
بىلتىر بۇماريام ەلەكترسيكلدەن جىعىلىپ جارالانادى، كەيىن تاعى اۋىر ناۋقاسقا شالدىعادى. 2 رەتكى توسىن جاعداي ونىسىز دا جاعدايى تومەن وسى وتباسىن تۇرالاتىپ تاستادى. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى ونىڭ ءۇيىنىڭ جاعدايىن ۇعىسقان سوڭ، دەر كەزىندە حال سۇراۋ قاراجاتىن اكەلىپ، ولاردىڭ قيىن وتكەلدەن وتۋىنە قول ۇشىن بەردى. مۇجى قالاشىعىنىڭ كەدەيلەردى سۇيەمەلدەۋ كەڭسەسى ونىڭ ءۇيىنىڭ ءىس جۇزىندىك جاعدايىنا سايكەس، قىزىن انحۇيعا جۇمىس ىستەۋگە جىبەردى، ءسويتىپ، ولار تۇراقتى كىرىس كوزىنە يە بولدى. بۇماريام قۋانا بىلاي دەدى: «ءبىزدى جاقسى تۇرمىسقا جەتكىزگەن پارتيانىڭ ابزال ساياساتىنا راقىمەت، وتباسىمىز ماڭگى پارتياعا العىس ايتادى، پارتيانىڭ سوزىنە قۇلاق اسادى، پارتياعا ىلەسەدى».
شەكسىز باۋرامدىلىققا تولى جۇڭحۋا مادەنيەتى
كوكتەم مەرەكەسىنە ارنالعان ساۋىق كەشتى كورگەن سوڭ، قۇمىل قالاسى يجوۋ رايونى چينچياڭ تەاتر ۇيىرمەسىنىڭ باستىعى ۋاڭ ۋىنكى ەرەكشە تەبىرەندى: «ساۋىق كەشى باستان - اياق شات - شادىمان، قۋانىشتى بەينەدە ءوتىپ، كوپتەگەن جاڭا مازمۇندار قوسىلىپتى. اسىرەسە، جيڭجۇي، يۇيجۇي، يۋەجۇي سياقتى ءار ءتۇرلى تەاترلار تەگىس قويىلىپ، بىزگە جۇڭحۋانىڭ ءداستۇرلى مادەنيەتىنىڭ شەكسىز باۋرامدىلىaعى مەن داۋىرلىك كەلبەتىن ۇعىندىردى».
ۋاڭ ۋىنكى بىلاي دەدى: «سوڭعى جىلدارى مەملەكەت جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋگە جانە ونى ساۋلەلەندىرۋگە ەرەكشە ءمان بەردى. ۇزدىكسىز قۇلشىنۋدىڭ ناتيجەسىندە، قۇمىل قالاسى چينچياڭ تەاتر ۇيىرمەسىن قۇرىپ، ءبىر توپ چينچياڭ اۋەسكەرلەرىن جەتىلدىرىپ قانا قويماي، اۋىل - قالاشىقتارعا، قىستاقتارعا بارىپ 700 رەتتەن استام كونسەرت قويدى، وسىنىڭ بارىندە پارتيا مەن ۇكىمەتتىڭ زور كۇشپەن سۇيەمەلدەگەنىنە العىس ايتامىز. جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋگە تىڭ ۇلەس قوسۋ ءۇشىن، 2019 - جىلى ءبىز ءتىپتى كوپ ادامدى چينچياڭ ونەرىن ۇيرەنۋگە تارتپاقشىمىز».
ءۇرىمجى قالاسىنىڭ تۇرعىنى لي شا وتباسىنا جاڭا جىلعا قاراعان ءتۇن تاماعىن دايىنداۋ ءۇشىن ءبىر كۇن قاربالاستاندى، ەڭ سوڭعى قۋىرماش داستارقانعا كەلگەندە، ورتالىق تەلەۆيزياسىنىڭ كوكتەم مەرەكەسىنە ارنالعان ساۋىق كەشى دە باستالدى. «بالالار ءبىر جىل بويى قاربالاس جۇمىس ىستەپ ۇيگە ورالدى، ءبارىمىز شۇيىركەلەسە تاماق ىشە وتىرىپ كوكتەم مەرەكەسىنە ارنالعان ساۋىق كەشتى كوردىك. ءوزىم جيڭجۇي كورۋدى ۇناتامىن، بيىل <كورىكتى المۇرت باعى> اتتى كونسەرت ءنومىرى مەن <باتىر تۇلعاسى> اتتى ءبيدى ەڭ ۇناتتىم، مۇنىڭ ىشىندە جيڭجۇي، يۇيجۇي، يۋەجۇي، حۋاڭمەي تەاترى سياقتىلاردان الما - كەزەك اريالار قويىلدى، سونىمەن بىرگە ءبي مەن تەاتر جاڭاشا توعىسىپ، تاڭداۋلى ءداستۇرلى مادەنيەتتىڭ داۋىرلىك تارتىمدىلىعىن ايگىلەدى»، - دەدى لي شا.
وڭ ەنەرگياعا تولعان بۇقارا ساحناسى
كەشكى ساعات 7، اتۇش قالاسى تۇگۇرمىتى اۋىلىنىڭ مايدان قىستاعىندا 19 جاستاعى قىرعىز بويجەتكەن ايدانا مامەتجۇما تەلەۆيزوردان كوكتەم مەرەكەسىنە ارنالعان ساۋىق كەشىنىڭ قويىلۋىن تاعاتسىزدانا كۇتىپ وتىردى.
«كوكتەم تەڭىزى» اتتى بەتاشار ءبي، «ءجۇز ارىستاننىڭ قۋانىشتى حابار جەتكىزىپ، جاڭا جىلدى قارسى الۋى» اتتى ءبي... ايدانا ءاربىر ءنومىردى مۇقيات كوردى.
«گۇلدەنۋ» اتتى جوعارى جىلدامدىقتى پويەز ساۋىق كەشىنىڭ ساحنا ارتقى كورىنىسىنە شىققان كەزدە، «ايالداما» اتتى كومەديا وينالا باستادى. ايدانا تەبىرەنە بىلاي دەدى: «بيىل جوعارى جىلدامدىقتى پويەز تاقىرىبىندا كومەديانىڭ، ءسوز جوق، قويىلاتىنىن بىلگەن ەدىم، ويتكەنى بۇل جۇڭگولىقتاردىڭ ماقتانىشى. تۋعان جەرىم مايدان قىستاعى − شەكارا تۇبىندەگى قىستاق، 2010 - جىلدان بۇرىن، قىستاقتان اتۇش قالاسىنا بارۋ ءۇشىن اۆتوموبيلمەن 3 − 4 ساعات جول جۇرەتىنبىز. سوڭعى جىلدارى پارتيا مەن ۇكىمەتتىڭ قامقورلىعىندا قىستاق تۇرعىندارى كەڭ بەيقۇت ۇيگە كوشىپ كىردى، جول دا بارعان سايىن جاقساردى، قالا رايونىنا ءبىر ساعاتتا جەتەمىز، قىستاق تۇرعىندارىنىڭ تۇرمىسىندا دا زور وزگەرىستەر جارىققا شىقتى. تاياۋ بولاشاقتا جوعارى جىلدامدىقتى پويەزبەن اتۇشتان ۇرىمجىگە بارۋدى ارماندايمىن، ءسويتىپ، تۇرمىسىمىز ءتىپتى قولايلىلاسا تۇسەدى».
جوعارى ورلەۋگە كوتەرىلگەن تارتىمدى ساۋىق كەش نومىرلەرى جاڭ شيانى ەرەكشە قىزىقتىردى. جاڭ شيا شونجى اۋدانىنداعى اۋىل ۇگىتشىسى. ول بىلاي دەدى: «كوكتەم مەرەكەسىنە ارنالعان ساۋىق كەش − جۇرتتىڭ كوز ايىمىنا اينالعان اسا تارتىمدى مادەنيەت تارتۋى، ساۋىق كەشى ناقتى تۇرمىستى نەگىز ەتكەن، وڭ ەنەرگياعا باي، تۇرمىسىمىزداعى زور وزگەرىستەردى شىنايى بەينەلەگەن. ءبىز بىلەك تۇرە قايراتتانا ىستەپ، تۇرمىسىمىزدى ءتىپتى كوركەم ەتەمىز».
(تىلشىلەر گاي يوۋجۇن، جاڭ يىڭچۇن، حى ليڭ، ليۋ جيڭ، ما ليڭيۇن، ەرىكتى تىلشىلەر كۇڭ ليڭليڭ، ان تاۋ)
