تيانشان تورابى   ›   جاڭالىقتار   ›   شينجياڭ حابارلارى

ءۇش وستەڭ قىستاعىندا ويىن - ساۋىق كەشى دۋماندى ءوتتى

ءتىلشى جاڭ جىلي

  «كوك بەتتى دوۋ ىردۇن پاتشا سيلاعان سايگۇلىكتى ۇرلادى، قىزىل بەتتى گۋانگۇڭ چاڭشاعا شابۋىل جاسادى...». 2 - ايدىڭ 4 - كۇنى تۇستەن كەيىن، كۇشار اۋدانى ءۇش وستەڭ اۋىلى ءۇش وستەڭ قىستاعىنداعى «كوكتەم مەرەكەسىنە ارنالعان ساۋىق كەشتە»، ادەبيەت - كوركەمونەر ۇگىت توبىنىڭ 17 مۇشەسى تەاتر كيىمدەرىن كيىپ، شيچۇي «بەت الەمىش اڭگىمە - ولەڭىن» قيمىل - ارەكەتىمەن ناشىنا كەلتىرە ورىنداپ، كورەرمەندەردىڭ القاۋىنا بولەندى.

  كورەرمەندەر اراسىنداعى 47 جاستاعى قىستاق تۇرعىنى راحىمان قادىر موينىن سوزىپ، ويىنعا دەن قويا قاراپ وتىردى. «داۋىس - اۋەزىن ناشىنا كەلتىرىپ، وتە تاماشا ورىندادى!»، - دەدى راحىمان ءالسىن - ءالى شاپالاق سوعىپ.

  ءۇش وستەڭ قىستاعىندا شيچۇي ەلەمەنتىنىڭ قىستاق تۇرعىندارىنىڭ مادەنيەت قيمىلىنا توعىسۋى وسى رەت عانا ەمەس. بىلتىر، قىستاقتا وتكىزىلگەن كەيبىر ادەبيەت - كوركەمونەر ويىندارىندا، راحىمان ادەبيەت - كوركەمونەر ۇگىت توبى مۇشەلەرىنىڭ شيچۇي گيمناستيكاسىن ويناپ قانا قالماستان، يۇيجۇي «حۋا مۋلاندى» دا شىرقاي الاتىندىعىن بايقاعان.

  ادەبيەت - كوركەمونەر ۇگىت توبىنىڭ شيچۇيگە جاتتىقتىرۋشىسى − اۆتونوميالى رايوندىق وقۋ - اعارتۋ مەڭگەرمەسىنىڭ ءۇش وستەڭ قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى ءسۇبينۇر مۇحتار. ول ىشكى ولكەدە داشۋە وقىعان كەزىندە شيچۇيمەن تانىسىپ، ءبيازى دە اسەم قيمىلى مەن شىتىرمان، اسەرلى اۋەنىنە قىزىعىپ، شيچۇيدى قۇلاي ءسۇيىپتى. 2017 - جىلى ءسۇبينۇر «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە قاتىناسقان سوڭ، قىستاق تۇرعىندارىنىڭ مادەني ءومىرىن بايىتۋدى ويلاپ، قىستاق تۇرعىندارىن دا شيچۇي ايتۋعا شاقىرىپتى.

  «ءبىز قىستاققا العاش كەلگەندە، قىستاقتا ادەبيەت - كوركەمونەر ۇگىت توبى جوق، قىستاق تۇرعىندارىنىڭ مادەني قيمىلدارى وتە از ەكەن. قىستاقتا تۇراتىن قىزمەت اترەتىنىڭ كومەگىندە، قىستاقتا ادەبيەت - كوركەمونەر ۇگىت توبى قۇرىلىپ، ونەرگە قىزىعاتىن كوپتەگەن جاستار ىركەس - تىركەس توپقا قوسىلدى. ونىڭ ۇستىنە، قىستاقتىڭ مادەنيەت قيمىل ورتالىعى سياقتى نەگىزدىك قۇرىلعىلارىنىڭ كەمەلدەنۋىنە بايلانىستى، قىستاقتاعى مادەنيەت لەبى بىرتىندەپ كۇشەيە ءتۇستى»، - دەدى ءسۇبينۇر.

  جالىندى وسى زامان بيىنەن قۋانىش - شاتتىققا تولى جەلپۋىش بيىنە دەيىن؛ قىزىعى كوپ ءان سوزدەرىن جالعاپ ايتۋدان اسەم دە الۋان مازمۇندى بيلەر قۇراماسىنا دەيىن... ءۇش وستەڭ قىستاعىنىڭ ادەبيەت - كوركەمونەر ۇگىت توبىنداعى قىزدار مەن جىگىتتەر سەگىز قىرلى، ءبىر سىرلى، جالىندى دا جىگەرلى بولا ءتۇستى. ءسۇبينۇر ادەبيەت - كوركەمونەر ۇگىت توبىنىڭ مۇشەلەرىن شيچۇي ۇيرەنۋگە جەتەكتەدى. ءبىر مەزگىل جاتتىعۋدان كەيىن، توپتىڭ ارزىگۇل ازەز سياقتى كوپتەگەن مۇشەسى بىرتىندەپ ءتۇيسىنىپ، تەاترعا جاتىلا باستادى.

  قىستاقتىڭ «كوكتەم مەرەكەسىنە ارنالعان ساۋىق كەشىن» ويداعىداي وتكىزۋ ءۇشىن، قىستاقتا تۇراتىن قىزمەت اترەتى 30 نەشە مىڭ يۋانعا ينتەرنەتتەن تەاتر كيىمدەرىن ساتىپ الدى. تەاتر كيىمدەرىن العاش كيگەندە، ادەبيەت - كوركەمونەر ۇگىت توبىنىڭ مۇشەلەرى ايرىقشا قۋانىشقا شومىپ، قول تەلەفوندارىمەن ەكى - ەكىدەن، ءۇش - ۇشتەن بىرگە سۋرەتكە ءتۇسىپ، ەستەلىك قالدىرىپ، ءۇنحات دوستار شەڭبەرىنە شىعارىپ جاتتى. ارزىگۇل ءوزى كيگەن گۇل - ورنەك كەستەلەنگەن باس كيىم وتە ادەمى ەكەن دەپ، ءوز سۋرەتىن قول تەلەفونىنىڭ بەتىنە قويىپ الىپتى، ونىڭ كۇيەۋى دە «بۇل ونىڭ ادەمى تۇسكەن سۋرەتى» دەيدى.

  ءۇش وستەڭ قىستاعىنداعى ادەبيەت - كوركەمونەر ۇگىت توبىندا 100گە جۋىق ادام بار، ولار ءداستۇرلى شيچۇيمەن تانىسقان سوڭ، كوپتەگەن ادامداردىڭ جۇرەگىندە «تەاتر ارمانى» وياندى. توپ مۇشەسى رايلا ءامدۇل: تەلەۆيزوردان نەمەسە قول تەلەفوننان شيچۇي ويىندارىن كورىپ، ۋاقىتىم شىعا قالسا جاتتىعامىن، - دەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى