ءتىلشى ءجازيرا نەسىپبەك قىزى
«جۋسان جاپىراق جانە ءۇش قۇلاقتى جۋسان جاپىراق ەلىمىز جاريالاعان زيانى ەڭ اۋىر، سىرتتان كەلگەن سورت، قۇلجا اۋدانىنىڭ كەيبىر جەرلەرىنەن بايقالدى. مال شارۋاشىلىعى قىستاعىمىزدىڭ جەتەكشى كاسىپتەرىنىڭ ءبىرى، سىرتتان كەلگەن وسى 2 سورت بۇقارانىڭ باعىمشىلىق كاسىبىن دامىتۋعا نەداۋىر ۇلكەن ىقپال جاسادى. بۇل رەت مەن وسى ماسەلەنى مەملەكەتتىك 2 ماجىلىسكە اپارىپ قويامىن»، - دەدى تىلشىگە قۇلجا اۋدانى جاڭاتام قالاشىعى تومەنگى ون قىستاعى پارتيا ياچەيكاسىنىڭ شۋجيى مۇساجان نۇردۇن 2 - ايدىڭ 23 - كۇنى تاڭەرتەڭ قىستاق كوميتەتىنە بارار جولدا.
وتباسىلارىن ارالاپ پىكىر الۋ، قىستاقتىڭ جاسىلداندىرۋ نىسانىنىڭ اياق الىسى جاعدايىن زەرتتەۋ، قىستاق تۇرعىندارىنىڭ ۇلكەندى - كىشىلى قيىنشىلىقتار مەن تالاپ - تىلەكتەرىن شەشۋ... 2012 - جىلدىڭ سوڭىندا تومەنگى ون قىستاعى پارتيا ياچەيكاسىنىڭ شۋجيى بولعاننان بەرى مۇساجان تومەنگى ون قىستاعىنىڭ ىستەرىنە توقتاۋسىز وي جۇگىرتىپ كەلەدى.
«مەن مەملەكەتتىك حالىق قۇرىلتايىنىڭ ۋاكىلىمىن ءارى قىستاقتى دامىتۋدىڭ <سەركەسىمىن>، بۇقارا، تومەنگى ون قىستاعى قاشاندا جادىمدا ءجۇرۋى كەرەك»، - دەيدى مۇساجان.
سوڭعى جىلداردان بەرى بۇرىن نەگىزدىك قۇرىلعى قۇرىلىسىندا «قارىزعا باتقان» تومەنگى ون قىستاعىندا ۇلكەن وزگەرىس بولدى. 2017 - جىلدىڭ سوڭىنا دەيىن قىستاقتا 22 كيلومەترلىك اسفالت جول جاسالىپ، ءار وتباسىنىڭ ەسىگىنە جەتكىزىلدى؛ جاڭادان 900 شارشى مەترلىك باستاۋىش مەكتەپ ساباقحاناسى جانە 1200 شارشى مەترلىك بالاباقشا سالىنىپ، قىستاقتىڭ وقۋ جاسىنداعى بالالارى ەسىكتەرىنىڭ الدىندا - اق وقۋعا ءتۇسىپ، بالاباقشاعا باراتىن بولدى. «وقۋ - اعارتۋدا مىعىم قىستاق بولۋ» يدەياسى قىستاقتا بىرتىندەپ تەرەڭ تامىر تارتىپ، قىستاقتىڭ وقىتۋشىلار قۋاتى ۇزدىكسىز كۇشەيدى. 2018 - جىلى وسى قىستاقتان 30 نەشە وقۋشى جوعارى مەكتەپكە وقۋعا ءتۇستى.
«وقۋ - اعارتۋ − عاسىرلىق ۇلى ءىس، ول تومەنگى ون قىستاعىنىڭ كوركەيۋىنىڭ، دامۋىنىڭ ءۇمىتى. اۋىل - قىستاق وقۋ - اعارتۋىنىڭ دامۋىن، ءسوز جوق، مىزعىماس تاباندىلىقپەن ىلگەرىلەتۋ كەرەك»، - دەيدى مۇساجان.
تومەنگى ون قىستاعى تۇرعىندارىنىڭ يدەياسىندا وزگەرىس بولدى، بۇل قالتانى قامپايتۋعا دەگەن قۇلشىنىستا ايگىلەندى.
مۇساجاننىڭ جەتەكشىلىگىندە قىستاق باعىمشىلىق كاسىبىن زور كۇشپەن دامىتتى. قىستاقتاعى ورگانيكالىق، جاسىل مال شارۋاشىلىق ونىمدەرى قۇلجا قالاسى سياقتى جاقىن اۋدان، قالالارعا ساتىلىپ، قىستاق تۇرعىندارىنىڭ كىرىسىن ارتتىرىپ، اۋقاتتاناتىن ماڭىزدى جولىنا اينالدى. 2018 - جىلى بۇكىل قىستاقتىڭ جان باسىندىق ورتاشا كىرىسى 13 مىڭ 724 يۋانعا جەتىپ، ٪80تەن استام قىستاق تۇرعىنى مولشىلىق تۇرمىسقا قول جەتكىزدى.
2018 - جىلى مەملەكەتتىك 13 - كەزەكتى حالىق قۇرىلتايىنىڭ ۋاكىلى بولىپ سايلانعان سوڭ، مۇساجان قىزمەتىن ونان ارى مۇقيات ىستەپ، مىندەتىن دەن قويا اتقارىپ كەلەدى.
وتكەن ءبىر جىلدا قىستاقتا جاڭادان 4 كيلومەترلىك سۋ سىڭبەيتىن توعان قازىلىپ، 40 جول شىراعى ورناتىلىپ، 12 وتباسىنىڭ اۋىز سۋدان حاۋىپسىز پايدالانۋ ماسەلەسى شەشىلدى. نەگىزدىك قۇرىلعىلار بارعان سايىن جاقسارىپ، قىستاق تۇرعىندارىنىڭ باقىت سەزىمى بارعان سايىن كۇشەيىپ، قىستاق تۇرعىندارىنىڭ ءوزارا كومەكتەسەتىن ىستەرى بارعان سايىن كوبەيدى، ۇلتتار ىنتىماعى بىرلەسكەن دوستىق قيمىلى تولاستاماي، قىستاقتىڭ مادەنيەت قيمىل ۇيىنەن ادامداردىڭ اياعى ۇزىلمەدى.
«قىستاق كەلبەتى ونان ارى كورىكتەنىپ، قىستاقتىڭ بۇقاراعا قىزمەت وتەۋ دەڭگەيى جوعارىلاپ، قىستاق تۇرعىندارىنىڭ تۋعان اۋىلدارىن كوركەيتۋ سىندى تاماشا تىلەكتەرى قاۋلادى»، - دەيدى مۇساجان. بىلتىر قىستاق تۇرعىنى ابباس ءمۇرسالىم شارۋالار شاتتىعى ساياجايىن اشىپ، بيىل 2 - ايدىڭ ورتا شەنىنە دەيىن 50 مىڭ يۋاننان استام اقشا تاۋىپتى. ول مۇساجانعا اۋىل - قىستاق ساياحاتىن دامىتۋ تۋرالى ويىن ايتتى.
«قۇلجا اۋدانىنىڭ كورىنىسى كوركەم، تومەنگى ون قىستاعى مەملەكەتتىك 4A دارەجەلى كورىنىس ءوڭىرى اققۋ كولىنەن 3 كيلومەتر قاشىقتىقتا، بۇل اۋىل - قىستاق ساياحاتىن دامىتۋعا ايرىقشا ۇيلەسەدى. كەلەسى قادامدا مەن قىستاق تۇرعىندارىن باستاپ، 3 - كاسىپكە قادام تاستاسام، كىرىستى ارتتىرۋ ارناسىن كەڭەيتىپ، قىستاق تۇرعىندارىنىڭ كورىنىس وڭىرىنە سۇيەنىپ كىرىستەرىن ارتتىرىپ، اۋقاتتانۋىنا مۇمكىندىك جاساسام دەيمىن»، - دەيدى مۇساجان بەرىك سەنىممەن كۇلە.
