تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ءبىرىنشى توپتاعى ەرتە پىساتىن كارتوپ كوكتەمگى ەگىستىڭ شىمىلدىعىن اشتى

  شينجياڭ پوسكام اۋدانى جاڭعاق پەن باسقا داقىلداردى ارالاستىرىپ ەگتى

  اۆتونوميالى رايوندىق حالىق پروكۋراتۋراسى قاشقار بولىمشەسىنىڭ دارعىشى قىستاعىندا تۇراتىن ءبىرىنشى شۋجيى، قىزمەت اترەتىنىڭ باستىعى جاڭ حۇڭنان (سولدان ءبىرىنشى) مەن جەرگىلىكتى قىستاق تۇرعىنى اتىزدا ەرتە پىساتىن كارتوپ تۇقىمىن ەگۋمەن قاربالاستانۋدا.

  شينجياڭ قاشقار ايماعى پوسكام اۋدانى پوسكام اۋىلى دارعىشى قىستاعىنىڭ اتىزىندا، قىستاق تۇرعىندارى ەرتە پىساتىن كارتوپ تۇقىمىن ەگۋمەن قاربالاس بولدى، اۆتونوميالى رايوندىق حالىق پروكۋراتۋراسى قاشقار بولىمشەسىنىڭ دارعىشى قىستاعىندا تۇراتىن ءبىرىنشى شۋجيى، قىزمەت اترەتىنىڭ باستىعى جاڭ حۇڭنان تۇقىمدى ەگە ءجۇرىپ: «كوڭىل بولىڭدەر، قومداعان توپىراق 5 سانتيمەتردەن اسىپ كەتپەسىن، ايتپەگەندە مايسانىڭ وسۋىنە ىقپال جەتكىزەدى»،-دەپ قاداعالادى.

  دارعىشى قىستاعى بىرنەشە جىلدىڭ الدىندا كارتوپ ەگىنشىلىگىمەن شۇعىلدانعان، ءبىراق سورتى، ءونىم مولشەرى سىندى فاكتورلاردىڭ ىقپالىنا ۇشىراپ، كارتوپتىڭ كىرىسى تومەن بولىپ، قىستاق تۇرعىندارىنىڭ ەگۋگە بولعان بەلسەندىلىگى دە ىقپالعا ۇشىرادى.

  جاڭ حۇڭنان بىلاي دەدى: «كارتوپتى ‹التىن تۇيىرشىككە› اينالدىرۋ ءۇشىن، قىزمەت اترەتى وتباسىن ارالاپ جاعداي ۇعىسۋ، تەكسەرۋ جۇرگىزۋ ارقىلى، ەرتە پىساتىن كارتوپ سورتىن ەگۋگە بەكىدى ءارى قوس جارعاقپەن دىمقىلدىق ساقتاۋ ءادىسىن قولدانىپ، توپىراقتىڭ دىمقىلدىعىن ساقتاۋمەن بىرگە تەمپەراتۋراعا دا كەپىلدىك ەتىپ، كارتوپتىڭ تەز وسۋىنە مۇمكىندىك جاسادى».

  ءبىز بىلتىر 10-ايدان باستاپ، قىستاق تۇرعىندارىنىڭ سورتتى تۇقىم تاڭداۋىنا كومەكتەستىك ءارى ميكروپتاردى جويىپ، ديزەنفەكسيالاپ، دەرت-دەربەزدىڭ الدىن الدىق، بيىل تۇتاس قىستاق بويىنشا 200 دەن استام قىستاق تۇرعىنى 650 مۋ جەرگە كارتوپ ەكتى. ەگۋ بارىسىندا، قىزمەت اترەتى بۇقاراعا مايسانىڭ ارالىعى مەن قاتار ارالىعىن ۇيلەسىمدى ورنالاستىرۋعا، توپىراق قومداۋعا، مايسانىڭ وسۋ مولشەرىنە كەپىلدىك ەتۋگە جەتەكشىلىك ەتتى »،-دەدى جاڭ حۇڭنان.

  ەرتە پىساتىن كارتوپتىڭ ءوسۋ پەريوتى 90 كۇن، 5-ايدا، كونە كارتوپتىڭ دا تاۋسىلاتىن مەزگىلى، سول كەزدە ساۋداگەرلەر ىرىقتىلىقپەن ساتىپ الاتىن بولادى، كارتوپتى جاڭعاق اعاشىنىڭ اراسىنا ارالاستىرىپ ەككەن، كارتوپ پىسقاننان كەيىن قىستاق تۇرعىندارى جۇگەرى، سارى بۇرشاق قاتارلى داقىلداردى ەگۋىنە بولادى دا كىرىستەرىن ارتتىرادى»،-دەدى جاڭ حۇڭنان.

  «42 جاستاعى قىستاق تۇرعىنى تۇرسۇن يۇسۇپ بىلاي دەدى: «ءبىز اتىزدى باعىپ-باسقارۋ قىزمەتىن جاقسى ىستەسەك، بيىل ءسوزسىز مول ءونىم الاتىندىعىمىزعا سەنەمىن».

  «عىلمي جولمەن ەگىنشىلىكپەن شۇعىلدانۋ ارقىلى ەرتە پىساتىن كارتوپ ادەتتەگى كارتوپتان ءبىر اي بۇرىن بازارعا سالىنادى، مۋلىق ءونىم مولشەرى مەجەمەن 1500 كيلوگرام، پايداسى 3000 يۋان شاماسىندا بولادى، پايداسى ءداستۇرلى داقىلداردان دا جوعارى بولادى»،-دەدى جاڭ حۇڭنان. كەلەسى قادامدا، قىستاقتا تۇراتىن قىزمەت اترەتى اتىزدا عىلمي باسقارۋ مەن بازارداعى ساتىلىمىنا كۇش سالسا، ەرتە پىساتىن كارتوپتىڭ مەجەلەگەن ناتيجەسىنە قول جەتكىزىپ، بۇقارانىڭ ەرتەرەك اۋقاتتانۋىنا جول اشادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى