رايونىمىز كەدەيلىكتەن ارىلتۋدان قامال الۋدا باتىلدىقپەن العا ۇمتىلىپ، دالمە - ءدال شارا قولداندى
تىلشىلەر پەريزات، حى ليڭ، جاڭ تيڭ، ەرىكتى ءتىلشى لي حۇيليڭ
2018 - جىلى اۆتونوميالى رايونىمىزدا جيىنى 537 مىڭ كەدەي حالىق كەدەيلىكتەن ارىلىپ، 513 كەدەي قىستاق كەدەيلىك تىزىمىنەن شىعارىلىپ، 3 كەدەي اۋداننىڭ كەدەيلىك قالپاعى الىنىپ، بۇكىل رايونداعى كەدەيلىكتىڭ تۋىلۋ مولشەرى 2017 - جىلدىڭ سوڭىنداعى %11.57تەن %6.51كە تومەندەدى.
باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنالاردى باسا دارىپتەدى: كەدەيلىكتەن ارىلتۋدان قامال الۋ شەشۋشى كەزەڭگە نەعۇرلىم تاياعان سايىن، ءسوزسىز، جەڭىسكە جەتۋ سەنىمىن سولعۇرلىم بەكەمدەي ءتۇسۋ، سولعۇرلىم ارىنىنان قايتپايتىن بەكىم بولۋ، قايسارلىقپەن شايقاسقا اتتانىپ، قيىندىقتان تايسالماي العا ۇمتىلىپ، شىنايى يگەرىپ، ناقتى ىستەپ، دالمە - ءدال شارا قولدانىپ، كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا شىنايى كەپىلدىك ەتۋ كەرەك.
ءار ۇلت بۇقاراسىنىڭ كۇن سايىن ارتقان تابىس سەزىمى، باقىت سەزىمى بۇكىل رايونداعى كەدەيلىكتەن ارىلتۋدان قامال الۋدى تەكسەرۋدىڭ ولشەمى، سونداي - اق رايونىمىزدىڭ كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋىنىڭ ناتيجەسىن ايگىلەيتىن ەڭ جاقسى دالەل. تيانشاننىڭ تۇستىگى مەن تەرىستىگىنە كوز جىبەرسەك، بۇكىل شينجياڭداعى ءار ۇلت كادر - جۇرتشىلىعىنىڭ قامال الاتىن باتىلدىقپەن جانە ىجداعاتتىلىقپەن نىسانادان كوز جازباي، قايراتتانا ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ ءۇشىن ۇلەس قوسىپ جاتقانىن بايقايمىز.
”جەتى ءبىر توپ“ كەلەلى شارالارى تىڭعىلىقتى تياناقتاندى
”ايەلىم ەكەۋىمىزدە دە تۇراقتى قىزمەت بار، ەكى بالامىز وسىندا بالاباقشادا، مەن، اۋەلى، اۆتوكولىك دە ساتىپ الدىم...“، - دەدى 3 - ايدىڭ 19 - كۇنى شينجياڭ رۇڭحۇي قالا ەكولوگياسىنا، قورشاعان ورتاسىنا قىزمەت وتەۋ شەكتى جاۋاپكەرلىك سەرىكتەستىگىنىڭ قىزمەتشىسى ءمىرادىل مامەت قۋانىشپەن، - ”مەن ۇزدىكسىز قۇلشىنىپ، وتباسىمداعىلاردىڭ بۇدان دا جاقسى تۇرمىس كەشىرۋىنە مۇمكىندىك جاساپ، ناقتى ارەكەتىم ارقىلى پارتيا مەن مەملەكەتتىڭ بىزگە دەگەن قامقورلىعىن اقتايمىن“.
سوڭعى 2 جىلدا وڭتۇستىك شينجياڭداعى اۋىر كەدەي وڭىرلەردەن باسقا سالاعا ويىسقان ەڭبەككۇشتەردى جۇمىسقا ورنالاستىرۋ مىندەتىن قابىلداۋ جونىندە قارامايلى قالاسى الدىن الا جوسپار جاساپ، دەن قويا ورنالاستىرىپ، كوپ شارانى قاتار قولدانىپ، ىرىقتىلىقپەن ءىس تىندىرىپ، باسقا سالاعا ويىسىپ جۇمىسقا ورنالاسقانداردىڭ تۇراقتاپ تۇرۋىنا، قالىپ قالۋىنا، جاقسى ىستەۋىنە كەپىلدىك ەتتى.
قازىر وڭتۇستىك شينجياڭداعى اۋىر كەدەي وڭىرلەردەن ءمىرادىل سياقتى 1777 جۇمىسكەر قارامايلى قالاسىنا كەلىپ، ءبىر ايعا جۋىق شوعىرلى تاربيەلەۋدەن ءوتىپ، ىركەس - تىركەس جۇمىسقا تۇرىپ، جاڭا ومىرلەرىن باستادى.
2018 - جىلى وڭتۇستىك شينجياڭداعى 4 ايماق - وبلىستىڭ اۋىر كەدەي اۋداندارداعى ارحيۆ تۇرعىزىلىپ، كارتچكا بەرىلگەن كەدەي وتباسىلارداعى ەڭبەككۇشتەردەن 75 مىڭ ادام ۇيىمدى، تۇراقتى تۇردە باسقا سالاعا ويىسىپ جۇمىسقا ورنالاسىپ، تۇراقتى جۇمىسقا ورنالاسۋ سالىستىرماسى%92كە جەتىپ، جىلدىق نىسانا - مىندەت اسىرا ورىندالدى.
اۆتونوميالى رايون ”جەتى ءبىر توپ“ كەدەيلەردى سۇيەمەلدەۋ ساياساتىن ورتاعا قويىپ، باسقا سالاعا ويىستىرىپ جۇمىسقا ورنالاستىرۋ، شارۋاشىلىقتى دامىتۋ، وزگە جەرگە كوشىرىپ كەدەيلەردى سۇيەمەلدەۋ، جالپىلىق قوعامدىق قامتاماسىزداندىرۋدا تومەنگى شەكتەن تۇسىرمەۋ سياقتى 7 جاقتان كەدەي وتباسىلار ءۇشىن ارنايى كەدەيلەردى سۇيەمەلدەۋ جوباسىن جاساپ، كەدەي وتباسىلاردىڭ كەدەيلىكتەن ارىلاتىن، اۋقاتتاناتىن ۇيلەسىمدى جول تابۋىنا مۇمكىندىك جاسادى.
ءبىر جىلدان بەرى رايونىمىز كەدەي وڭىرلەردىڭ ءىس جۇزىندىك جاعدايىن شىعار ءتۇيىن ەتۋگە تاباندى بولىپ، باسىم كۇشتى شوعىرلاندىرا وتىرىپ كەدەيلىكتەن ارىلتۋدان قامال الۋ شايقاسىن جۇرگىزىپ، ”جەتى ءبىر توپ“تى تىڭعىلىقتى ىلگەرىلەتىپ، ءبىر وتباسىعا ءبىر شارا قولدانۋدى، دالمە - ءدال كۇش جۇمساۋدى جۇزەگە اسىردى. باسقا سالاعا ويىستىرىپ جۇمىسقا ورنالاستىرۋ، شارۋاشىلىقتى دامىتۋ، جەردى اداقتاپ قايتا ءبولۋ، ەكولوگيالىق تولەم بەرۋ سياقتى شارالار قىرۋار كەدەيلەردى كەدەيلىكتەن ءساتتى ارىلتتى؛ سونىمەن بىرگە، وقۋ - اعارتۋ جاعىنان كەدەيلەردى سۇيەمەلدەۋ، دەنساۋلىق ساقتاۋ جاعىنان كەدەيلەردى سۇيەمەلدەۋ، نەگىزدىك قۇرىلعى قۇرىلىسى سەرپىنىن ارتتىرىپ، ءالسىز بۋىنداردى كۇشەيتىپ، ولقىلىقتاردى تولىقتاۋ جاعىنا نازاردى شوعىرلاندىرىپ، كۇش سالدى؛ ۇكىمەتتىڭ كەدەيلەردى سۇيەمەلدەۋگە ۇسىنىلىمىن ارتتىرۋ مەن قارجىنىڭ يگەرىلۋ ونىمدىلىگىن جوعارىلاتۋدى قاتار يگەرۋگە تاباندى بولىپ، كەدەيلەردى سۇيەمەلدەۋ ۇسىنىلىمىن قامتاماسىز ەتۋدى كۇشەيتتى.
”ءبىر وتباسىنا ءبىر شارا قولدانۋ“ سىندى كەدەيلەردى دالمە - ءدال سۇيەمەلدەۋدىڭ ناتيجەسى كورنەكتى بولدى
3 - ايدىڭ 18 - كۇنى ساعات 11دە اتۇش قالاسى ازاق اۋىلى تەتىر قىستاعىنىڭ تۇرعىنى زۇلپيا ءانۋار كۇندەگىسىندەي ءوزى اشىپ وتىرعان ”تاتلىعىم“ ءتاتتى ازىقتار دۇكەنىنە كەلىپ، بالكۇلشە جاساۋعا كىرىستى.
ۇن ولشەدى، جۇمىرتقا شاقتى... ءبىر ساعات قاربالاستىقتان كەيىن، بۋى بۇرقىراعان، ءيىسى مۇرىن جاراتىن بولكا دايىن بولدى.
زۇلپيانىڭ وتباسىندا 5 جان، 10 مۋ ەگىستىك جەرى بار. تۇرمىس جاعدايىن جاقسارتۋ ءۇشىن، 2018 - جىلى 5 - ايدا ول اتۇش قالاسىنا بارىپ بالكۇلشە جاساۋدى ۇيرەندى.
”دۇكەندى اشقانىما جارتى جىل بولدى، 4000 يۋاننىڭ ۇستىندە تابىس تاپتىم“. زۇلپيانىڭ ايتۋىنشا، قازىر كۇن جىلىپ، قوناقتار دا كوبەيىپتى، ول بازارعا اپارىپ ساتىپ، مۇنان دا مول اقشا تاپقىسى كەلەتىنىن ايتتى.
2018 - جىلى قىزىلسۋ قىرعىز اۆتونوميالى وبلىسى كەدەيلەردى سۇيەمەلدەۋ ينجەنەرياسى مەن قىستاقتارعا، وتباسىلارىنا، ادامدارعا دەيىن كومەكتەسۋ، سۇيەمەلدەۋ شاراسىن تۇتقا، ولقىلىقتاردى تولىقتىرۋدى قامال الۋ ءتۇيىنى ەتىپ، جەرگىلىكتى جاعدايعا قاراي ىستەپ، ءبىر وتباسىنا ءبىر شارا قولدانىپ، ادامدارعا دەيىن دالمە - ءدال جەتكىزىپ، كۇشتى شوعىرلاندىرا وتىرىپ قامال الىپ، وبلىس بويىنشا 10 مىڭ 743 وتباسىنداعى 45 مىڭ 996 ادام كەدەيلىكتەن ارىلۋ ولشەمىنە جەتىپ، جىلدىق مىندەت %100.8ورىندالدى.
حوتان، قاشقار، قىزىلسۋ، اقسۋ مەملەكەت بويىنشا ”3 رايون، 3 وبلىس“تاعى اۋىر كەدەي وڭىرلەرگە جاتادى، اسىرەسە، رايونىمىزدىڭ كەدەيلىكتەن ارىلتۋدان قامال الۋ مىندەتىن ورىنداۋداعى نەگىزگى شايقاس مايدانى. 2018 - جىلى وڭتۇستىك شينجياڭداعى 4 ايماق - وبلىس كەدەيلەردى سۇيەمەلدەۋ وي جەلىسىن كەڭەيتىپ، كەدەيلەردى سۇيەمەلدەۋ تاسىلىنە جاڭالىق ەنگىزىپ، كوپ تۇيىندەردە كۇش سالىپ، كەدەيلىكتەن ارىلتۋدان قامال الۋدىڭ ناتيجەسى كورنەكتى بولدى، كەدەيلىكتىڭ تۋىلۋ سالىستىرماسى 2017 - جىلدىڭ اياعىنداعى %22.28تەن %12.71كە تومەندەدى. بۇكىل رايونىمىزداعى اۋىر كەدەي وڭىرلەردىڭ كەدەيلىكتەن ارىلتۋدان قامال الۋىنىڭ العاشقى شايقاسى تابىستى بولدى.
تابىس سەزىمى مەن باقىت سەزىمىن اناعۇرلىم كۇشەيتتى
سوڭعى كۇندەرى بۋىرشىن اۋدانى چۇنمەي كوكونىس كاسىپتىك ەگىمشىلىك سەلبەستىك كووپەراتيۆىنىڭ جاۋاپتىسى ياڭ چۇنمەي بيىلعى ەگۋ جوسپارى بويىنشا قىستاق تۇرعىندارىنىڭ كوكونىس تۇرلەرىن تاڭداۋىنا جەتەكشىلىك ەتىپ، جاڭا جىلدا اۋلا شارۋاشىلىعىن اناعۇرلىم جاقسى دامىتۋدىڭ يگى قادامىن باستادى.
”چۇنمەي كوكونىس كاسىپتىك ەگىمشىلىك سەلبەستىك كووپەراتيۆىمەن بىرگە كوكونىس ەككەننەن بەرى كوكونىس تۇتىنۋىمىزعا قولايلى بولىپ قانا قويماي، تەحنيكا دا ۇيرەنىپ، كىرىستى ارتتىردىم“، - دەدى 3 - ايدىڭ 19 - كۇنى شۇڭقىر قالاشىعى بورتوبە قىستاعىنىڭ تۇرعىنى سەرىكبەك احات ۇلى قۋانا. ول: ”شوگەلدىلىكپەن ىستەسەم بولعانى، تۇرمىسىمنىڭ جاقساراتىندىعىنا سەنەمىن“، - دەدى.
بورتوبە قىستاعىندا تاعى دا 23 كەدەي وتباسى چۇنمەي كوكونىس كاسىپتىك ەگىمشىلىك سەلبەستىك كووپەراتيۆىمەن كوكونىس ارقىلى اۋلا شارۋاشىلىعىنا جەتەكشىلىك ەتۋ كەلىسىمىن جاساستى، سەلبەستىك كووپەراتيۆى كوكونىس مايساسىمەن جانە تەحنيكالىق جەتەكشىلىكپەن قامدايدى، كوكونىس پىسقاننان كەيىن، سەلبەستىك كووپەراتيۆى ءبىر تۇتاس ساتىپ الادى.
چۇنمەي كوكونىس كاسىپتىك ەگىمشىلىك سەلبەستىك كووپەراتيۆى − التاي ايماعىنىڭ كەدەيلەردى سۇيەمەلدەۋدەن قامال الۋدى بەكەمدەۋ، ءوسىرۋ قىزمەتىنىڭ ىقشام كورىنىسى. كاسىپ سالاسى ارقىلى كەدەيلەردى سۇيەمەلدەۋ كەدەي وتباسىلارىنا باياندى باقىت اكەلدى.
جەمەنەي اۋدانى قارجاۋ قالاشىعى قاراجىرا قىستاعىنىڭ مالشىسى سەرىك تالاپقان ۇلى كاسىپ سالاسى ارقىلى كەدەيلەردى سۇيەمەلدەۋدىڭ تىكەلەي يگىلىگىن كوردى. ول بىلاي دەدى: ”بىلتىر 60 نەشە قويىمدى جەمەنەي اۋداندىق يۇيبوحۇي مال شارۋاشىلىعىن دامىتۋ شەكتى سەرىكتەستىگىنە ساتىپ بەردىم، ءاربىر قويدان 100 يۋان شاماسىندا ارتىق كىرىس تاپتىم“.
بيىل اۆتونوميالى رايون ءتۇيىندى بىتىراتپاۋعا، نىسانانى وزگەرتپەۋگە تاباندى بولىپ، نازاردى وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەرگە، ەرەكشە كەدەيلەر قاۋىمىنا جانە ”ەكىدەن تارىقتىرماۋ، ۇشتە قامتاماسىز ەتۋ“گە ىقپال جاسايتىن كورنەكتى ماسەلەلەرگە شوعىرلاندىرىپ، كەدەيلىكتەن ارىلتۋدىڭ ساپاسىن ءوسىرۋدى، كەدەيلەردى ازايتۋدىڭ ناتيجەسىن بەكەمدەۋدى، قايتا كەدەيلەسۋدەن باتىل ساقتانۋدى نازار سالۋ ءتۇيىنى ەتىپ، ”جەتى ءبىر توپ“، ”ءۇش سەرپىندى ارتتىرۋ“ سياقتى قىزمەتتەردى تىڭعىلىقتى ىلگەرىلەتىپ، بيىل رايونىمىزدا 606 مىڭ 100 ادامدى كەدەيلىكتەن ارىلتۋ مىندەتىنىڭ ۋاعىندا ورىندالۋىنا شىنايى كەپىلدىك ەتەدى.
