اكادەميك، ماماندار قىزمەت پۋنكتى رايونىمىزدىڭ جوعارى ساپالى دامۋىنىڭ ”اقىل - پاراساتتىق قوزعاۋشى كۇشى“نە اينالدى
ءتىلشى شيە حۇيبيان 3 - ايدىڭ 21 - كۇنى ۇرىمجىدەن حابارلايدى. عىلىم - تەحنيكا العاباسارلىعى سيلىعى، مەملەكەتتىك ءتۇيىندى جاڭا ءونىم كۋالىگى، تاپقىرلىق پاتەنت كۋالىگى، عىلىم - تەحنيكادا جاڭالىق اشۋداعى ۇزدىك ورىن ... 3 - ايدىڭ 19 - كۇنى دىلانشۇي تەحنيكا شەكتى جارنا سەرىكتەستىگىنىڭ ۇلكەن زالىنىڭ وڭ قاناتىنداعى ءبىر قابىرعانى الىپ جاتقان كورمە تاقتادا سەرىكتەستىكتىڭ تاياۋ جىلداردان بەرگى ءتۇرلى ناتيجەلەرى كورسەتىلگەن. ”وسى ناتيجەلەر نەگىزىنەن 3 اكادەميكتىڭ كومەگى مەن جەتەكشىلىك ەتۋىنىڭ ارقاسىندا قولعا كەلگەن“. سەرىكتەستىكتىڭ اكادەميك، ماماندار قىزمەت پۋنكتىنىڭ قاتىستى جاۋاپتىسى جوۋ لينچاۋ: اكادەميكتەر سەرىكتەستىكتىڭ تەحنيكادا جاڭالىق اشۋىنا جانە عىلىم - تەحنيكا جەتىستىكتەرىن كادەگە جاراتۋعا، پايدالانۋعا اقىل - پاراسات جاعىنان مىعىم قولداۋ كورسەتتى، - دەدى.
ۇعىسۋعا قاراعاندا، سەرىكتەستىك 2011 - جىلى اكادەميك، ماماندار قىزمەت پۋنكتىن قۇرىپ، جۇڭگو ينجەنەريا اكادەمياسىنىڭ اكادەميكتەرى ۋاڭ حاۋ، چۇي جيۋحۇي، دۋان نيڭ پۋنكتكە كىرگەن. اكادەميكتەردىڭ جانە جاڭالىق اشۋ ۇجىمىنىڭ تەحنيكالىق ابزالدىلىعىنىڭ ارقاسىندا، سەرىكتەستىك ىلگەرىندى - كەيىندى 65 ءتۇرلى پاتەنت ۇقىعىنا يە بولعان، مۇنىڭ 53 ءتۇرى تاپقىرلىق پاتەنت بولسا، 3 ءتۇرلى ءونىم مەملەكەتتىك ءتۇيىندى جاڭا ءونىم ەتىپ بەكىتىلدى. سەرىكتەستىكتىڭ مۇناي، مۇناي حيميا ونەركاسىبىندەگى سۋ جەتكىزۋ، سۋ ۇنەمدەۋ، لاس سۋ، سۋدى قايتارىپ پايدالانۋ جۇيەسىنىڭ شوعىرلى تەحنيكاسى ەل ىشىندەگى ەڭ وزىق ورەگە جەتىپ، اۆتونوميالى رايوندىق عىلم - تەحنيكا العاباسارلىعى بويىنشا 2 - دارەجەلى سيلىققا، مەملەكەتتىك قورشاعان ورتانى قورعاۋ عىلىم - تەحنيكاسى بويىنشا 3 - دارەجەلى سيلىققا يە بولعان.
«دارىندىلاردى دامىتۋدىڭ مەملەكەتتىك ورتا، ۇزاق مەرزىمدىك جوبا باعدارلاماسى (2010 - جىلدان 2020 - جىلعا دەيىن)»ن دايەكتىلەندىرىپ، تياناقتاندىرىپ، ءوندىرۋ، وقىتۋ، زەرتتەۋ ىستەرىن سايكەستى، جاڭالىق اشا دامىتۋدى ىلگەرىلەتۋ ءۇشىن، 2010 - جىلى اۆتونوميالى رايوندىق عىلىم - تەحنيكا قوعامى اكادەميك، ماماندار قىزمەت پۋنكتى قۇرىلىسىن باستادى. قازىرگە دەيىن بۇكىل شينجياڭدا اكادەميك، ماماندار قىزمەت پۋنكتىنەن 47سى قۇرىلىپ، وعان 60تان استام اكادەميك كىردى، بۇل وزىق جابدىقتاردى جاساۋ، اۋىل شارۋاشىلىق ونىمدەرىن وڭدەۋ، بيولوگيالىق ءدارى، سۋ يگىلىگى، جاڭا ەنەرگيا، جاڭا ماتەريال سىندى سالالارعا سايىپ، اكادەميك، ماماندار قىزمەت پۋنكتى رايونىمىز ەكونوميكاسىنىڭ جوعارى ساپالى دامۋىنىڭ ”اقىل - پاراساتتىق قوزعاۋشى كۇشى“نە اينالدى.
ەرەكشە ترانسفورماتور شەكتى جارنا سەرىكتەستىگى 2010 - جىلى اكادەميك، ماماندار قىزمەت پۋنكتىن قۇرىپ، پۋنكت قۇرىلعاننان كەيىن جۇڭگو ينجەنەريا اكادەمياسىنىڭ اكادەميگى جۋ يىڭحاۋ پۋنكتكە كىردى. اكادەميك، ماماندار قىزمەت پۋنكتىنە سۇيەنىپ، سەرىكتەستىك 917 ادامدىق عىلمي زەرتتەۋ ۇجىمىن ۇيىمداستىرىپ، مەملەكەتتىك ينجەنەريا تاجىريبەحاناسى، مەملەكەتتىك ەرەكشە جوعارى كەرنەۋلى كەرنەۋ وزگەرتكىش ينجەنەريا تەحنيكاسىن زەرتتەۋ ورتالىعى قاتارلىلاردى قۇرىپ، تەحنيكادا جاڭالىق اشۋدىڭ 16 ءتۇرلى جەتىستىگىن كاسىپ سالاسىنا اينالدىرۋدى جەبەپ، 54 دەربەس ءبىلىم مەنشىك ۇقىعى پاتەنتىن الدى، مەملەكەتتىك عىلىم - تەحنيكا العاباسارلىعى سيلىعىنان 2 تۇرگە يە بولدى، 32 ءتۇرلى مەملەكەتتىك جانە كاسىپ سالاسى ولشەمىن جاساۋعا، وزگەرتۋگە قاتىناستى.
”پۋنكت قۇرىلعاننان بەرى سەرىكتەستىكتىڭ عىلمي زەرتتەۋ قۋاتى كورنەكتى جوعارىلاپ، كوپتەگەن ءىرى تۇرلەردە تابىستارعا قول جەتكىزىپ، سەرىكتەستىكتىڭ دامۋىنا عىلمي زەرتتەۋ دارىندىلارىن باۋلىپ بەردى“، - دەدى ەرەكشە ترانسفورماتور شەكتى جارنا سەرىكتەستىگى عىلىم - تەحنيكا ءبولىمىنىڭ ورىنباسار باس باقىلاۋشىسى تيان شين.
پۋنكتكە كىرگەن اكادەميكتەردىڭ كومەگى مەن قولداۋىنىڭ ارقاسىندا، بۇكىل شينجياڭداعى 47 اكادەميك، ماماندار قىزمەت پۋنكتى مەملەكەت دارەجەلى ءتۇيىندى تاجىريبەحانادان ەكىنى، اۆتونوميالى رايون دارەجەلى ءتۇيىندى تاجىريبەحانادان بەستى، پوست دوكتورلار عىلمي زەرتتەۋ قىزمەت پۋنكتىنەن 15ىن بەلسەنە قۇردى ءارى وزىق تاجىريبە، سىناق، ءوندىرىس قۇرىلعىلارىن سەپتەپ، زەرتتەۋ، اشۋ ۇجىمىن ۇيىمداستىرىپ قۇرىپ، تەحنيكا زەرتتەۋ، اشۋدان جەتىلدىرۋ، ويىستىرۋعا دەيىنگى تۇتاس جەلى بارىسىندا جاڭالىق اشۋعا، شارۋاشىلىق قۇرۋعا قىزمەت وتەۋ جۇيەسى قۇرىلىسىن ىلگەرىلەتتى.
جاڭالىق اشۋ، شارۋاشىلىق قۇرۋ، جاسامپازدىق جاساۋدىڭ تەتىگى دارىندىلاردا. جۇڭگو عىلىم اكادەمياسىنىڭ اكادەميكتەر اقىل - كەڭەس بەرۋ شينجياڭ قىزمەت پۋنكتىنىڭ ورىنباسار مەڭگەرۋشىسى جاڭ يان بىلاي دەدى: ”قازىر تۇتاس رايونىمىزداعى اكادەميك، ماماندار قىزمەت پۋنكتتەرى، نەگىزىنەن، سولتۇستىك شينجياڭعا شوعىرلانعان، شينجياڭنىڭ ەكونوميكاسىنىڭ، قوعامىنىڭ دامۋىن كۇش سالا جەدەلدەتۋ ءۇشىن، كەلەسى قادامدا ءبىز وڭتۇستىك شينجياڭ وڭىرىندە ماماندار پۋنكتى قۇرىلىسىن ءتۇيىندى تۇردە ىلگەرىلەتۋدى جوسپارلاپ، اكادەميكتەر پۋنكتى مەن ماماندار پۋنكتىنىڭ تۇتاس شينجياڭ كولەمىن تولىق قامتۋىن جۇزەگە اسىرىپ، رايونىمىزدىڭ جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى، ەكونوميكانىڭ جوعارى ساپالى دامۋىن جۇزەگە اسىرۋدى اقىل - پاراسات جاعىنان قولدايمىز“.
