كوپ تاراۋ بىرلەسىپ كوپ بولىپ شارۋاشىلىق قۇرۋعا، جالپى جۇمىلىپ جاڭالىق اشۋعا دەمەۋشى بولدى
ءتىلشى شيە حۇيبيان، پراكتيكانت جاڭ جيڭ 3 - ايدىڭ 22 - كۇنى ۇرىمجىدەن حابارلايدى. كاسىپورىنداردىڭ جوعارى مەكتەپتەر مەن ورتا تەحنيكۋم تاۋىسقان وقۋشىلاردى جۇمىسقا قابىلداۋ قوعامدىق قامسىزداندىرۋ جاردەماقىسى ساياساتى، تيجارات، ساۋدا ورتاسىن جاقسارتۋ، ”ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ“ رەفورماسىن تياناقتاندىرۋ، جوعارى، جاڭا تەحنيكالى كاسىپورىنعا ءوتىنىش ەتۋ ءتارتىبى... 3 - ايدىڭ 22 - كۇنى ءۇرىمجى قالالىق عىلىم - تەحنيكا مەكەمەسى (قالالىق كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ كەڭسەسى) باسقارعان، ءۇرىمجى ەكونوميكالىق - تەحنيكالىق اشۋ رايوندىق (توۋتۇنحى رايونى) عىلىم - تەحنيكا مەكەمەسى، سالىق مەكەمەسى قاتارلى ورىندار بىرلەسىپ وتكىزگەن جاڭالىق اشۋ، شارۋاشىلىق قۇرۋ ساياساتتارىن ءتۇسىندىرۋ قيمىلىنىڭ جۇمىس باسىندا كوپ تاراۋ جاڭالىق اشۋعا، شارۋاشىلىق قۇرۋعا ءتيىمدى ساياساتتاردان جەكە - جەكە تۇسىنىك جاسادى، 300گە جۋىق ادام سياتىن زال ادامعا لىق تولدى.
شينجياڭ ورتا، شاعىن كاسىپورىندارعا عىلىم - تەحنيكادان قىزمەت وتەۋ شەكتى سەرىكتەستىگى نىسان ءبولىمىنىڭ باستىعى دىڭ حايشيۋ قول تەلەفونىمەن سۋرەت تۇسىرگەننەن كەيىن، جىتىرمەلەتە داپتەرگە ەستەلىك جازىپ جاتتى. ”وتە پايدالى ەكەن، بۇرىن كوپتەگەن ساياساتتاردى جالپىلاي عانا بىلەتىنبىز، قالاي تياناقتاندىرۋ جونىندە ناقتى زەردەلەپ كەتپەۋشى ەدىك، مىسالى، قوعامدىق قامسىزداندىرۋ جاردەماقىسى ساياساتىن كاسىپورىندار جاقسى پايدالانسا جۇمىسقا ورنالاستىرۋدى جەبەپ قانا قالماستان، كاسىپورىنداردىڭ وزىندىك قۇنىن دا تومەندەتەدى ەكەن“، - دەي كەلىپ دىڭ حايشيۋ: ساياسات جاڭا، تۇسىندىرمە مىسالىمەن كورسەتىلگەن، ناقتى ىستەۋ بارىسى بار، سونىمەن بىرگە حابارلاسۋ ءتاسىلى دە بار، قىزمەت وتەۋ وتە ناقتى بولدى، كاسىپورىندار پايداسىن بارىنشا كوردى، - دەدى.
باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە فۋجيان ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى: كەزدە جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ءتيىمدى تاماشا دامۋ ورتاسىن قالىپتاستىرۋ كەرەك، رەفورما جاساۋدان، ەسىك اشۋدان قوزعاۋشى كۇش الىپ، تۇتاس قوعامنىڭ جاڭالىق اشۋ، شارۋاشىلىق قۇرۋ، جاسامپازدىق جاراتۋ قوزعاۋشى كۇشىن مۇمكىندىكتىڭ بارىنشا جارىققا شىعارىپ، ەلىمىزدىڭ دۇنيە ءجۇزىنىڭ زور وزگەرىسى بارىسىنداعى ىقپال كۇشىن، باسەكەلىك قۋاتىن ۇزدىكسىز كۇشەيتۋ كەرەك.
2016 - جىلدان بەرى، ءۇرىمجى قالاسى مەملەكەتتىڭ كوپ بولىپ شارۋاشىلىق قۇرۋدا، جالپى جۇمىلىپ جاڭالىق اشۋدا ۇلگى كورسەتەتىن قالا بولۋ قۇرىلىسىن بەلسەندىلىكپەن ىلگەرىلەتىپ، كوپ بولىپ شارۋاشىلىق قۇرۋدىڭ، جالپى جۇمىلىپ جاڭالىق اشۋدىڭ ورەسىن كوتەرۋ، دامىتۋ جاعىندا بەلسەندىلىكپەن ىزدەنىس جاساپ، جەتەكشى كاسىپتەر مەن باستاماشى كاسىپورىنداردى تايانىش ەتىپ، ءىرى، ورتا، شاعىن كاسىپورىنداردى توعىستىراتىن جاڭالىق اشۋدىڭ، شارۋاشىلىق قۇرۋدىڭ ەرەكشەلىككە يە تۇعىرىن قالىپتاستىرىپ، «ءۇرىمجى قالاسىنىڭ كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋداعى بىرنەشە ساياسات - شارالاردىڭ اتقارىلۋىن زور كۇشپەن ىلگەرىلەتۋ جونىندەگى اتقارۋ پىكىرى»، قالا دارەجەلى كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ كەڭىستىگىن باسقارۋ ءادىسى سياقتى جاڭالىق اشۋعا، شارۋاشىلىق قۇرۋعا ءتيىمدى ءبىر قىدىرۋ ساياساتتاردى جاساپ، بۇكىل شينجياڭداعى تۇڭعىش شارۋاشىلىق قۇرۋ ورتاسىن، جاڭالىق اشۋ دانەكەرىن، تۇعىر قۇرىلىسىن قامتىعان جاڭالىق اشۋ، شارۋاشىلىق قۇرۋ ساياساتى جۇيەسىن قالىپتاستىردى. قازىرگە دەيىن ءۇرىمجى قالاسى ءتۇرلى جاڭاشا جەتىلدىرۋ دانەكەرلەرىنەن 186سىن قۇردى، مۇنىڭ ىشىندەگى 19 عىلىم - تەحنيكالىق جەتىلدىرگىشتىڭ 7سى مەملەكەت دارەجەلى؛ 33 كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ كەڭىستىگىنىڭ 15ى مەملەكەت دارەجەلى.
ءۇرىمجى قالالىق جاڭالىق اشۋدان، شارۋاشىلىق قۇرۋدان ۇلگى كورسەتۋ كەڭسەسىنىڭ ورىنباسار مەڭگەرۋشىسى ياڭ ۋيمين تانىستىرىپ بىلاي دەدى: وسى رەتكى قيمىلدى وتكىزۋدەگى ماقسات − ءۇرىمجى قالاسىنىڭ مەملەكەت پەن اۆتونوميالى رايوننىڭ جاڭالىق اشۋ، شارۋاشىلىق قۇرۋ ساياساتتارىمەن سەپتەستىرىلگەن ءبىر قىدىرۋ كومەكتەسۋ شارالارىن دايەكتىلەندىرىپ، تياناقتاندىرىپ، ورتا، شاعىن، ۇساق كاسىپورىندار، جاڭالىق اشۋ، شارۋاشىلىق قۇرۋ قوسىندارى سياقتىلاردىڭ ساياساتتىڭ پايداسىنان ەرتەرەك يگىلىكتەنۋىنە جەتەكشىلىك ەتىپ جانە ولارعا كومەكتەسىپ، ءوز كۇشىنە سۇيەنىپ جاڭالىق اشۋ قابىلەتىن ۇزدىكسىز جوعارىلاتىپ، جاڭالىق اشۋدىڭ، شارۋاشىلىق قۇرۋدىڭ، جاسامپازدىق جاراتۋدىڭ قوزعاۋشى قۋاتىن ۇزدىكسىز جارىققا شىعارىپ، شينجياڭ ەكونوميكاسىنىڭ جوعارى ساپالى دامۋىن جەبەۋ.
