تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

2 جىلدا 1453 ”ۇلتتار ىنتىماعىنىڭ بەرەكەلى شاڭىراعى“ اتتى كەزەكشى پويەز قاتىنادى

جالپى 2 ميلليون 520 مىڭ جولاۋشى (رەت) جونەلتتى

  ءتىلشى لۋ فىڭباۋ، پراكتيكانت لياڭ يانني 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 25 - كۇنى ساعات 11دەن 12 مينۋت وتكەندە، گۋدەك ءۇنىنىڭ كوتەرىلۋىمەن ۇرىمجىدەن حوتانعا باراتىن 7/T95266رەتكى ”ۇلتتار ىنتىماعىنىڭ بەرەكەلى شاڭىراعى“ اتتى ەرەكشە تەز جولاۋشى كەزەكشى پويەزى ءۇرىمجى ۆوكزالىنان جولعا شىقتى، تۋىسى مامەتيمىن توحتى روزىمەن تەز ارادا كەزدەسە الاتىندىعىن ويلاعاندا، اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى پارتكوم كەڭسەسىنىڭ مەڭگەرۋشىسى ليۋ لايشين ەرەكشە قۋاندى.

  سول كۇنى ”ۇلتتار ىنتىماعىنىڭ بەرەكەلى شاڭىراعى“ اتتى كەزەكشى پويەز قاتىناعاندىعىنا 2 جىل تولدى. 2 جىلدان بەرى، ”ۇلتتار ىنتىماعىنىڭ بەرەكەلى شاڭىراعى“ اتتى كەزەكشى پويەزىنەن جالپى 1453ى قاتىناپ، 2 ميلليون 520 مىڭ 900 جولاۋشى (رەت) جونەلتتى. ءار رەتكى تۋىسشىلاۋ ساپارى اراسى شالعاي ەكى جەردە تۇراتىن تۋىستاردىڭ سۇيىسپەنشىلىگىن قويۋلاتتى.

  ليۋ لايشين وسى كەزەكشى پويەزبەن كوپ رەت گۇما اۋدانىنداعى مامەتيمىن توحتى روزىنىڭ ۇيىنە باردى، ”وسى كەزەكشى پويەز تۋىسىم ەكەۋىمىزدىڭ ارامىزدى جاقىنداتىپ، كوڭىلىمىزدى بارعان سايىن توعىستىرىپ، سۇيىسپەنشىلىگىمىزدى بارعان سايىن قويۋلاتتى“.

  14 - ءنومىرلى ۆاگونىندا ”ۇلتتار ىنتىماعىنىڭ بەرەكەلى شاڭىراعى، تەمىر جول تاراۋى مەن جەرگىلىكتى ورىن بىرلەسىپ ىنتىماق سۇيىسپەنشىلىگىن ورناتايىق“ دەگەن كەرمە تۋ ىلىنگەن، ۆاگون قاتپار گۇل، شار، تەرەزە ورنەگىمەن اشەكەيلەنگەن، شاتتىق قۇشاعىنا شومعان كوپشىلىك ءان ايتىپ، ءبي بيلەپ، ”ۇلتتار ىنتىماعىنىڭ بەرەكەلى شاڭىراعى ءنومىرلى“ كەزەكشى پويەزى قاتىناعاندىعىنىڭ 2 جىلدىعىن تويلادى.

  كەزەكشى پويەز جۇيتكىپ بارادى، ۆاگونداردان شاتتىق كۇلكىسى شارىقتايدى. اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى زارارسىزداندىرۋ جانە زياندى ورگانيزمدەردى تىزگىندەۋ ءبولىمىنىڭ مەڭگەرۋشىسى ياڭ حۇڭساي چەمودانىن اشتى، ىشىنە جاڭادان ساتىپ العان كيىم، كامپيت سياقتى زاتتار سالنىپتى. ياڭ حۇڭساي تىلشىگە: ”بۇل مەنىڭ تۋىسىما اپارا جاتقان تارتۋ - تارالىعىلارىم، 1 - ايدا بازار ارالاپ ءجۇرىپ مىنا ءبىر پار كيىمنىڭ تۋىسىمنىڭ بالاسىنا ەرەكشە جاراساتىنىن كورىپ ساتىپ الىپ قويعان ەدىم“، - دەدى.

  كەزەكشى پويەز باستىعى مەيىربان ءايت ۆاگوندا ارلى - بەرلى ءجۇرىپ، جولاۋشىلاردىڭ قىزمەت وتەۋدى قاجەتسىنەتىن - قاجەتسىنبەيتىنىن سۇرادى. ”ۇلتتار ىنتىماعىنىڭ بەرەكەلى شاڭىراعى ءنومىرلى“ كەزەكشى پويەز قاتىناعاننان كەيىن، شينجياڭ تەمىر جول تاراۋلارى ”قوس ءتىل“مەن قىزمەت وتەۋدى جالپىلاستىرۋ ارقىلى ”تۋعان كۇن توتە پويەزى“ن جۇرگىزىپ، ”جىلجىمالى زاريادتاۋ پۋنكتى“ن قۇرىپ، ”انا مەيىرى ءبىر شارشى مەترى“ن اشىپ، ”جان اشىرلىقپەن، جايلى، مەيىرىمدى، قۇنتتى، قام - قايعىسىز“ قىزمەت وتەپ، جولاۋشىلارعا جاراسىمدى، جايلى ورتا ازىرلەدى.

  پويەز اسحاناسىنداعى كەدەيلىكتەن ارىلتۋدان قامال الۋ نىسانى مەن ونىمدەردى ساتۋ ينفورماتسيا تۇعىرى كورمە تاقتاسى ادامداردىڭ نازارىن اۋداردى. كورمە تاقتاعا ”3 توننا جاڭعاق ساتىلادى“، ”كۇنجىت كامپيتى ساتىلادى“، ”ورگانيكالىق كوكونىس ساتىلادى“ دەگەن مازمۇندار جازىلىپتى. ”جۇپ قۇراپ، تۋىس بولعان ادامدارمەن اڭگىمەلەسۋ بارىسىندا ءبىز ولاردىڭ تۋىستارىنىڭ كەيبىرىندە جاڭعاق، كەيبىرىندە شىلان سياقتى اۋىل شارۋاشىلىعى ونىمدەرىنىڭ ساتىلماي تۇرعانىن، كەيبىرەۋىنىڭ باسقالاي سۇيەمەلدەۋدى قاجەت ەتەتىنىن بىلدىك، ءبىز وسى ينفورماتسيالاردى جيناپ كورمە تاقتاعا جازىپ قويدىق“، - دەدى مەيىربان ءايت.

  جولاۋشى لوۋ چياڭ پويەز اسحاناسىنداعى كورمە تاقتاعا بارىپ، جاڭعاق ساتىپ الۋ ءۇشىن ينفورماتسياداعى قىستاق تۇرعىنىنىڭ بايلانىس تەلەفون ءنومىرىن جازىپ الدى. ”ءاربىر ادام ۇلتتار ىنتىماعىنا جانە كەدەيلىكتەن ارىلتۋدان قامال الۋعا ءوز ۇلەستەرىن قوسۋ كەرەك، وتباسىما جاڭعاق قاجەت بولعاننان كەيىن، قىستاق تۇرعىندارىنان ءبىراز ساتىپ الماقشىمىن“، - دەدى لوۋ چياڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى