تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

جياڭشيدىڭ فۋجوۋى مەن شينجياڭنىڭ كەلپىنىندەگى وقۋشىلار − شالعايدان حات جازىسىپ ”قول الىستى“

ءتىلشى جاڭ جىلي

  ”جۇزدەسپەسەك تە، سەنىمەن دوس بولسام دەپ ويلايمىن...“

  ”ءبىزدىڭ مەكتەپ سەندەردىڭ مەكتەپتەرىڭمەن ’قول الىسۋ‘ قيمىلىن ورىستەتتى، وسى قيمىلدىڭ ارامىزدى جاقىنداتۋىن ءۇمىت ەتەمىن، سەندەردىڭ شينجياڭعا كەلۋلەرىڭدى ءۇمىت ەتەمىن...“

  4 - ايدىڭ 3 - كۇنى جياڭشي ولكەسى فۋجوۋ قالاسى لينچۋان رايوندىق 12 - باستاۋىش مەكتەپتىڭ وقۋشىلارى شينجياڭنان كەلگەن جاۋاپ حاتتى اسىعا اشتى، حاتتىڭ ءاربىر جولىنان ىستىق سۇيىسپەنشىلىك مەن مۇندالاپ تۇر.

  جاۋاپ حات كەلپىن اۋدانى اشالى قالاشىعى سەنترلى باستاۋىش مەكتەبىنىڭ 4 - جىلدىق جانە 5 - جىلدىق وقۋشىلارىنان كەلگەن ەدى. شامامەن جارتى ايدىڭ الدىندا، فۋجوۋ قالاسى لينچۋان رايوندىق 12 - باستاۋىش مەكتەپتىڭ 5 - جىلدىق 6 - كلاستىڭ وقۋشىلارى دىڭ ليحۋا مۇعالىمنىڭ ۇسىنىسىمەن، 10 مىڭ شاقىرىم شالعايداعى كەلپىن اۋدانى اشالى قالاشىعى سەنترلى باستاۋىش مەكتەبىنە حات جازادى. دىڭ ليحۋا بۇل حاتتى اشالى قالاشىقتىق پارتكومنىڭ ورىنباسار شۋجيى گو پيڭگە پوچتامەن جولداپ، حاتتى اشالى قالاشىعى سەنترلى باستاۋىش مەكتەبىنىڭ وقۋشىلارىنا تاپسىرۋدى وتىنەدى.

  ادەبيەت مۇعالىمى دىڭ ليحۋا: ”5 - جىلدىقتىڭ ادەبيەت وقۋلىعىنىڭ 2 - بولىمىندە ’الىستاعى باستاۋىش مەكتەپ وقۋشىسىنا حات‘دەگەن جازۋ جاتتىعۋى بار، مەن وقۋشىلارعا شينجياڭنىڭ كەلپىن اۋدانىنداعى باستاۋىش مەكتەپ وقۋشىلارىنا حات جازۋدى ايتتىم، وقۋشىلار ەرەكشە بەلسەندىلىك تانىتتى“، - دەدى تىلشىگە.

  نە ءۇشىن شينجياڭنىڭ كەلپىن اۋدانىنداعى باستاۋىش مەكتەپ وقۋشىلارىنا حات جازۋدى تاڭدايدى؟ ءسوزدى ءبىر رەتكى مەيىر باعىشتاۋ ارەكەتىنەن باستاۋعا تۋرا كەلەدى.

  بىلتىر 5 - ايدا، كەزىندە بەيجيڭ پەداگوگيكا داشۋەسىندە ءبىلىم اسىرعان دىڭ ليحۋا ءبىر ۋيچات توبىنان بەيجيڭ پەداگوگيكا داشۋەسىنەن اسپيرانتتىقتى تاۋىسىپ، ءوز ەركىمەن شينجياڭنىڭ كەلپىن اۋدانىنا قىزمەت ىستەۋگە بارعان گو پيڭنىڭ جىلۋ جيۋ باستاماسىن كوتەرىپ، بەيجيڭ پەداگوگيكا داشۋەسىندەگى مەكتەپتەستەرىنىڭ بولماشى ارەكەت ارقىلى كەلپىن اۋدانى اشالى قالاشىعىنا قاراستى باستاۋىش مەكتەپكە كىتاپ، ويىنشىق اتاپ، مەيىر باعىشتاۋدى ءۇمىت ەتكەندىگىن كورىپ قالادى.

  دىڭ ليحۋا ينتەرنەتتەن كەلپىن اۋدانىنىڭ اۋىر كەدەي اۋدان ەكەندىگىن بىلەدى. جىلۋ جيۋ قيمىلىن باستاۋشى گو پيڭ 2016 - جىلى داشۋە تاۋىسقان سوڭ بەيجيڭدەگى تاماشا قىزمەت جانە تۇرمىس شارت - جاعدايىن تاستاپ، شينجياڭعا بارىپ ءومىر قۇنىن ايگىلەۋدى تاڭدايدى ءارى سالىستىرمالى جاپا - ماشاقاتتى كەلپىن اۋدانىنا بارۋدى ىرىقتىلىقپەن ءوتىنىش ەتەدى. كەدەي وڭىردەگى بالالاردىڭ ىنتىزار جانارى، شەكاراداعى كەدەي وڭىرلەرگە ۇلەس قوسىپ جاتقان گو پيڭ قاتارلى كادرلاردىڭ سۇيىسپەنشىلىگى دىڭ ليحۋانىڭ اشالى قالاشىعىنداعى باستاۋىش مەكتەپ وقۋشىلارىنا قولىنان كەلىسىنشە كومەكتەسۋ بەكىمىنە كەلۋىنە تۇرتكى بولادى.

  شىنايى مەيىر فۋجوۋ قالاسىنىڭ لينچۋان رايونىندا تارالىپ، سۇيىسپەنشىلىك اشالى قالاشىعىندا توعىستى. بىلتىر 5 - ايدان 8 - ايعا دەيىن، گو پيڭ دىڭ ليحۋا جولداعان لينچۋاننىڭ ءار سالاسى جىلۋعا اتالعان جاڭا كىتاپ، ويىنشىق، كيىم سياقتى بۇيىمداردى 3 رەت تاپسىرىپ الدى.

  ارالىعى تىم قيان بولسا دا، جۇزدەسپ تە، تەلەفوندا تىلدەسىپ تە كورمەسە دە، اشالى قالاشىعى سەنترلى باستاۋىش مەكتەبىندەگى وقىتۋشى - وقۋشىلاردىڭ دىڭ ليحۋا قاتارلى مەيىر باعىشتاعان جاندارعا دەگەن قۇرمەتى ارتا ءتۇستى. اشالى قالاشىعى سەنترلى باستاۋىش مەكتەبى ورىستەتكەن ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلى وزدەرىنە كومەكتەسكەن وسى جاندارعا دەيىن ۇلاستى.

  دىڭ ليحۋانىڭ وقۋشىلارىنان حات كەلگەن سوڭ، اشالى قالاشىعى سەنترلى باستاۋىش مەكتەبىنىڭ وقۋشىلارى فۋجوۋ جونىندە اناعۇرلىم تۇسىنىككە يە بولدى. فۋجوۋ قالاسى لينچۋان رايوندىق 12 - باستاۋىش مەكتەپتىڭ وقۋشىسى ليۋ لوحان حاتىندا فۋجوۋ قالاسىنداعى تاڭ شيانزۋ ەسكەرتكىش سارايىن جانە رۋشۇي ورمان باقشاسىن تانىستىرىپ، اشالى قالاشىعى سەنترلى باستاۋىش مەكتەبىنىڭ وقۋشىلارىن ءساتى تۇسسە فۋجوۋعا كەلىپ ويناپ قايتۋعا شاقىردى. سونىمەن قاتار، حات ارقىلى ليۋ لوحان مەن ساباقتاستارى كەلپىن اۋدانىنىڭ جاعدايىنان حاباردار بولدى.

  اشالى قالاشىعى سەنترلى باستاۋىش مەكتەبى پيونەرلەر وتريادىنىڭ جەتەكشىسى لي شياۋفىن تىلشىگە بىلاي دەدى: مەكتەبىمىزدە 790نان استام وقۋشى بار، فۋجوۋ قالاسى لينچۋان رايوندىق 12 - باستاۋىش مەكتەپتەگى وقۋشىلارمەن حات جازىسىپ، ”قول ۇستاسۋ“ قيمىلىن ورىستەتۋ ارقىلى، وقۋشىلار جازۋ قابىلەتىن وسىرۋمەن قاتار، ءبىلىم الىپ جانە دوستىققا كەنەلىپ، وتانشىلدىق سەزىمدەرى مەن العىس سەزىمدەرى تاسقىنداپ، ۇلتتار ىنتىماعى تانىمى اناعۇرلىم كۇشەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى